الناشر احمد الفاطمي

15 June 2026 16:40

هـالايام تجري بيها دمعتج
والاعلام تنرفع لمصيبتج
يا فاطمة يا فاطمة
ـــــــــــــــ
من يهل اهلال حزنج ها لدمع يتلاله
دمعه لاجل احسين ضلت للحشر هماله
نحره مذبوح وغريب وسلبوها عياله
والشمر بحبال كام ايشد ادين اطفاله
والادموع اليوم فاضت عالجفن
وعد هاذ يبقه منصوب الحزن
معزين صاحو احنه بخدمتج
يا فاطمة يا فاطمة
ـــــــــــــــ
من يهل شهر المحرم تجري دمعة عيني
وين ما منصوب مجلس فاطمه تلكيني
بدفتر الخدام طامع بلكت اتسجليني
بالكبر يوم المنيه دخيلج اتحضريني
تعنيت تجري عالخد دمعتي
تمنيت وانتي ادره بحاجتي
بالاحساب لايذ انه ابخيمتج
يا فاطمة يا فاطمة
ـــــــــــــــ
انه من يكرب محرم صار دمعي يلالي
للمصيبه اهدوم سوده لبستها اعيالي
علكت بيرغ مناحه والله يدري بحالي
رحمة الله بها المجالس بيها اربي اطفالي
والاعيال للمصيبه تنهظم
والاطفال علمتها اعلى اللطم
والاعيون كون تعمه المحنتج
يا فاطمة يا فاطمة
ـــــــــــــــ
كالو المجلس تجينه ودمعتج بعيونج
رايده بهاي المصيبه فاطمه يواسونج
وانتي تتشكرين منهم رادو يعزونج
بدفترالخدام سجلي كل الايخدمونج
بالاعمال هاي اعظم مكرمه
يا هنيال من تسجل فاطمه
كرامات هواي شفنه بوكفتج
يا فاطمة يا فاطمة
ـــــــــــــــ
لابنج العقدو مجالس فاطمة اتعرفينهم
شاعر وشيخ وخطيب اعتقد ما تنسينهم
حتى الايوزعون ماي ابمجلسه تسجلينهم
باجر بيوم القيامه كلهم اتحضرينهم
والاكبور ظلمه ما بيها شمع
يضل نور يالموالي هالدمع
والافضال هاي كلها بنظرتج
يا فاطمة يا فاطمة
ـــــــــــــــ
نعيم ابو باقر الساعدي

الناشر احمد الفاطمي

15 June 2026 16:10

🔶فتحة عزاء و كذلك شور كعديه🔶


استغل عمرك و طشه بكل حسينَيّه
و عيش الطف نهار تشوفّه يوميه

عيش الثانيه المرّت بذبح حسين
و تخيّل شكلها الشيبه مدميه

و تخيّل طفل كل حلمة يشرب ماي
و يصيح بصوت مامش للمطر جيه

شمس تمطُر شمس هيج بصبح عاشور
حر خلّه الفّياي ايصير جمريه

حر نازل بكبره و كل معانيه

حر خلّه القوارير الي بيها الماي
من ليلة امس على وجه مچفيّه

ذبل لون الخظار و ذبلت الانهار
النخل موعد قطافه و مات برحيه

حس الكون كلّه بقرب الاستشهاد
و كلها تگول عمر حسين ليليه

و بدا خيط انهار يأكد المكتوب
و يّزيد الطبل كل ما وضح ضيّه

يوم العاشر المشؤوم لا مو يوم
بحيث الصبح حيل استعجل ابجيّه

بحيث اعظم تشابه صار بالكوان
اذكره و انه ادري الذاكره اشويه

نفس شكل النجوم التارسات الليل
صارن بالنهار اسهام مرميه

الكمر من رجع ليل اهدش شاف الكاع
و شاف الطف لكه الدم بضواحيه

يصرخ وينهم وين الضعن و احسين
وين التارس الدنيا بمحاجيه

وين الچان عطشان و يشرب الناس
وين الصعبه يمّه تصير مگضيه


انا الكمر بس وينه كمر عدنان
وين الاحلا مني و شبّهو بيه

ها هذا الحسين مكطع و مذبوح
اذا مذبوح يعني الحره مسبيه

خادم الحسين مصطفى ثامر الحلفي

الناشر احمد الفاطمي

15 June 2026 16:10

🔶يوم مولاتي العليلة🔶

يالرايحين
لوما اخذتوني يحل موتي
يالرايحين
بكثر البواچي ما يضل صوتي

لوما خذيتوني ….. خل يعمن اعيوني


……………………….مستهل

1@
بويه يحسين انا ادري قلبك يحبني و حنين
و ادري انا اشكد عليله و انتوا عني خايفين
لكن بلايه عطركم بويـه ما تغمضلي عين
و مثل ما ينذبح نحرك انا يذبحني الحنين

يالرايحين
تخنكني يا بويه تره العبره
يالرايحين
و ال يفگد الوالد شله بعمره

2@

يالـجنت قبــل المنـاده تكلـي امـري اددلي
يالــجنت خايف عليه مـن الهوه يا ضي هلي
انته عشت اليتم بويه شحالك ابموت الولي
الليل نفسه الليل لو يختلـف مـن ودع علي

يالرايحين
روحي بدربكم تضل مأسوره
يالرايحين
تقبلون اضل بالفرگه مكسوره


3@
بويــه عبــدالله انتــه تـدري تعـود بحضني ينام
مـــا تعوّد علــى الهــزل و مــــا تعوّد عالـخيام
بويه من كد ما ترف يغفى على اصوات الحمام
عمــت عيني خــل اشبگه قبـل لتشبگه السهام

يالرايحين
لو رحتوا ياهو ايردلي عبدالله
يالرايحين
ع-الناگه خافن يكعد اسم الله

4@


عمــي يا عبــاس اخذني انا اشيلـن جربتك
و لو وكعت بلايه جفك ليك اصيرن يمنتك
انا اوزع المــاي بيـدي للعطاشـه النطرتك
كلــي اصعدي يم رقيـه و لا تردني امروتك

يالرايحين
بداعت العباس صعدوني
يالرايحين
وحدي و غريبه لا تخلوني

5@

بويــه لــو كلتوا بسفركـم للي-يرضـع ماكـو مـاي
انـــي هــم عطشانــه ابقــى لكلمـة البويـه تعاي
بكل زوايه البيت احس نزلت شمس نزلت سماي
بلايه چفـك يـا سگـف يـا بيـت يصنعـلي الفيــاي

يالرايحين
هل روحه روحه لو بعد جيه
يالرايحين
اخذوني اقبل امشي مسبيه


الشاعر الشاب مصطفى ثامر الحلفي

الناشر احمد الفاطمي

15 June 2026 16:06

راعــي المـراجـل



حي الله ابو حميده حي الله
———————————————

راعي المراجل مسلم الطب ليه
والكوفة كالبها وفني فنايه
يخبطها بيمينا الكلف ويصفيه
داير على يجوش العدة واليه

حي الله ابو حميده حي الله
-——-————————————-

مخلوسة قادة وجيش من افنونة
مابيهم زلم بالمعركة يلاكونة
تربات الهواشم فنهم اليدنونة
سيفة يذبح والحد منه عيونة

حي الله ابو حميده حي الله
———————————————-

يفتر عليهم جن صكر على صيدة
عاف سهل ويصيد بس البعيدة
داس الجاحفل سوة كلشي يريدة
يوم الفرح يوم الحرب جن عيدة

حي الله ابو حميده حي الله
-———————————————


تركض زلم من الشهم مهزومة
صفرة الوجوه مدوهنة ومظيومة
منه سلم بس اليذب هدومة
اثلج قلوب السادة طيبة علومة


حي الله ابو حميده حي الله
——-—————————————


كاع لوسيعة ضاكت وزغرانة
تاكل بضافرها زلم حيرانة
كوة تجر النفس وتعبانة
شىوفها نجم بضهر يا عدوانة


حي الله ابو حميده حي الله
——-—————————————
الخادم حسين قاسم البهادلي

الناشر احمد الفاطمي

15 June 2026 15:14

بطور ريحانة المصطفى
..(استقبال محرم)

شَهْرُ الأسى والبَلا
بِالحُزْنِ قَدْ أقْبَلا
وَالسِّبْطُ في كَرْبَلا
صَبْراً قَضى عَطْشانْ
يحسين يحسين يحسين ياعطشان
......................................
من هل هلال الشهر لبيه الكتاب انحر. و عله الرمح يس وثوبه انشر بالسمه. وناحت عليه فاطمه يبني تصيح حسين
حين العلايم بدت الفطره السليمه بچت
المانايحه بلادين
ماضل ملك ماحزن وعيون فطرس عمن
يتذكر الجنحين


من سدرة المنتهى
للمهد حين انتهى
من عفوه وقتها
طارت به الجنحان
...............................
عن معرفه وعن وعي وبل خدمه هذا السعي
الداعي الله بالميزان
عبره وعبر مقتله. تلبي لفرض كربله
بينه الانس والجان
تتجدد اعله الدهر. رغم لظلم والخطر
من امةالطغيان
هاي لمصيبه بقت ومنها الظمايه ارتوت
وتوحد الديان

شيءٌ بقلبي هوى
عن ظامئٍ ما ارتوى
كالطود في نينوى
قد أثقل الميزان

....................
عن معرفه نستمع. ونشوف فضل الدمع
ولحسره والويلاه
لله نطه ماملك كل شي يرب صاح الك
ولهل سبب جازاه
گطرة دمع بس اله بيهه اعظم المنزله
رفعة ومقام وجاه
وكلمن حسب دمعته. ونيته وصدق خدمته
لباري الاجر خلاه

عين جرى دمعُها
لا جاز لي قلعها
ان العزا طبعها
في قمة الأحزان
...................
ياجمره وسط الگلب ماتبرد شماتصب
العين الدمع متهيد
صلب لصلب تنتقل عليها يموت العدل
وجيل اعله جيل تزيد
عاشور عزنه الابي نعزي بمصابه النبي
من ضل حبيبه وحيد
نستذكره بغربته وفوگ الترب صحبته
وفزعة محامي يريد

في غربة قلبهُ
من حوله صحبهُ
مثل الرحى قطبهُ
طافت به الأكوان
...............
بهلال شهر الألم. يوم الطفوف انرسم
ونشوف كل الصار
وحسين ياحيرته. ويم الخيم حسرته
من طاحت الانصار
ناداهم وماسمع. منهم ولامن فزع
صاح بدمع مدرار
اندهكم ولا احد. مامن مجيب وسند
ياغربته المحتار

يا شبل من لا فتى
قلبي له أنصَتا
عنوانهُ هل اتى
في سورة الانسان
.............................
سبط النبي الوحده. وگوم العده ستوحده
وتكاثرت لصفوف
من مهره خر للترب. وعل غبره دمه يصب
وصلت عليه لسيوف
اشرف صدر على ارض ولخيل شبعت ركظ
تدوسه بدماه اتدوف
والگوم من ذبحته حركت خيم عيلته
وبمخدراته تطوف

السبط فوق الثرى
مقطع في العرى
يبكيه خير الورى
والانس ثم الجان
..................
الشاعر الأديب فاضل عباس
وخادم خدمة الحسين قاسم المالكي

الناشر احمد الفاطمي

15 June 2026 11:10

(نزلة محرم النصر)


محرم يختلف هاي السنه اهوايه
يحسين انتصرنه ورفت الرايه
خيبرهم قلعناها
والرايه رفعناها
::::::::::::1:::::::::::::
خلينه الدول يحسين مجنونه
هذا الحـرب ما اعتقد ينسونه
حققنه النصر ونعرف مضمونه
كلهه الدوول ماگدرو يلاگونه
قووتهم سحگناها
والرايه رفعناها
موجودين محد يوصل الثايه
::::::::::::2::::::::::;
يامـذهـب مثلنه يقـدم إكبـاره
بسرائيل شوف اشسوت الجاره
خلينه الدوول يحسين محتاره
رمينه اوتل ابيب اتوجرت ناره
دولتهم ردعناها
والرايه رفعناها
محد سوه بيهم هاي الاسوايه
:::::::::::3:::::::::
هذا العام كل الشيعه منصوره
بچينه الدول وتضحت الصوره
مشكوره القياده اهواي مشكوره
ضلت ثايت الكـرار منطـوره
والخوه جمعناها
والرايه رفعناها
يابن فاطمه منطينك احچايه
::::::::::::::4::::::::::::::
جبنالك نصر يحسين وزياده
مـذهبنه يقـدم خيرت القاده
مايدفع فقير اليحرس ابلاده
مانقبل اعلينه الكـفـر تتماده
بين الامم نتباها
والرايه رفعناها
مذهبنه يضل عباس حدايه
::::::::::::5:::::::::::::
محسومه الحرب يحسين محسومه
ربعك خلو العدوان مهزومه
كل واحد يموت بساعته ويومه
حته الضهر خصمك شافو انجومه
بينه المهدي يتباها
والـرايه رفـعناهـا
من بعد الختام انروح مشايه
:::::::::::::::::::::::::::
الشاعر فاخر علي الشبيبي

الناشر احمد الفاطمي

15 June 2026 03:03

[ابوذيات ليلة العاشر محرم ]

********
اجيت ابروحي افيي........
..........ظل عالحسين
ولا ثوب اعله طوله........
..........ظل عالحسين
اشوف الخيل جابت.........
..........ظل عالحسين
(ظلع الحسين)

انفرش من الحوافر عالوطيه
*******
ادور بالجثث بس..
...............ياهوه احسين
واخاف المهر خالي........
..............ياهوه احسين
چنت مختنگه واشتم.........
.............ياهوه احسين

يعطر الظال من امي الزچيه
*********
الشاعر_يوسف_الفتلاوي

الناشر احمد الفاطمي

15 June 2026 01:52

🔶يوم ام الاقمار الاربعه ام البنين🔶


للخوه مقياس ..لازم تكُسرُون
و لخاطر احسين .. كلكم تموتون
…….….

1@
يا ولدي اسمعوني … باجر تكبروني
بعين الزجيه و عين الحسيّن

يا ابا الفضل وينك … حط زينب بعينك
و العطش لو هلّ انطي چفيّن

…………

وصيّة و لازم تنفذوها بالعاشر
قبل حسين بيكم يسحك الحافر

ادري انتم اسباع … و باجر توافون
و لخاطر حسين … كلكم تموتون

2@
عبدالله يا جعفر … بنفس العمر الاكبر
انتم عمامه و يمّه خدام

هوه الّي يأمركم … و عثمان ثالثكم
و اعلّى الخيام اتوزعوا اقسام
………..

ماريد الجفن يغفى بضلام الليل
حسين بخيمته و تبقون فوك الخيل

و تبقون حراس … و لا ما تنامون
و لخاطر احسين … كلكم تموتون


3@
امكم تحاجيكم … سمعوني اوصيكم
كلمة الخويه لا تكولون

مولاي گولوها … و بدمعه احجوها
و الروس يمّه لا ترفعون

……..

يستاهل وقار و حب ابو اسكينّه
الدنيا تروح فدوا لرمش من عينّه

[فِداَكَ روحِي] … بس هاي تحجون
و لخاطر احسين … كلكم تموتون


4@
راعي المسنايّة … يالشايل الرايه
هل الرايه تكسر ضهر الاحزان

بالك لتتروّه … تستاهل الخوه
لحسين اريدك تبقى عطشان

………

على الشاطي اريدك تختم الخوّه
الماي بدون اخوي احسين ما يسوّه

اترس جرِبتك … رغم اليمنعون
و لخاطر احسين … كلكم تموتون

5@
اخر وصيتكم … بلحضة منيّتكم
ترعون زينب. ويا الايتام

من تصفه بالهيمه … من ما تضل خيمه
برماحكم تحموها بالشام

…………..

حتى لو بقيتوا اعلى الرمح تمشون
تعموها عمي اعيونِ الّذي ينظرون

و منّ فوك الرماح … لزينب تحامون
و لخاطر احسين … كلكم تموتون

الشاعر مصطفى ثامر الحلفي

الناشر احمد الفاطمي

15 June 2026 00:42

((ليلة الوداع)))
ليل وداع يمشي بساع
حسين لزينب يگلهه
……………………………………………… .
لخيمة زينب المظلوم طبهه وبالدمع مخنوگ
گعد يمهه ونظر زينب تحن حنة فصيل النوگ
حس بنار گلب اخته وگلبه عليهه اشد محروگ
بعد هالليله يختي گال ولا يوم الجفن مطبوگ

ولاوليان بالصيوان وحته الخيم تشعلهه
… ………………….…………..……………….
لباجر يختي يازينب يحره تحزميله احزام
عبدالله على شربة ماي تذبحه نبلة الظلام
وهلج كلهه يجتلوهه يزينب الاكبر وجسام
وحته جربة الجافل بظهر الطف تجيهه اسهام

يتبده الماي ويطيح افياي
منو يعينج يسايلهه
…… …………………………………………………
يزينب جافلج باجر يضل لايمنه لايسره
يختي اعلى النهر نايم وجفوفه طايحه بكتره
احشمه ومايرد وياي يختي شلون ارد عمره
ياخويه اگله حسين كسرو من طحت ظهره

بظهر مكسور ارد مجبور
منو لهل ميله يعدلهه
… ………………….………………………….
شبعي الشوف من عندي تره بعصر الطبگ حسره
شبگيني يبت امي گبل لا ترفس العشره
شمي برگبة حسينج باجر ينگطع نحره
من اخيج گطعي الضنه خالي من يرد مهره

يچل الليل بل ياويل
حرم من غير والي الهه
…………………………………………………… ..
يزينب من حزن گلبج حين يفزعج الصايح
تركظي لمصرع حسينج ويعثر جدمج الرايح
سم الله من الرمل تطلع يعني هنا ظلع طايح
شم ريحة الخوه وصاح مطحون والج نايح

لخوج اضلوع ليج تلوع
مو من المفصلهه
………………………………………………………
يزينب من يچل الليل گعدن وحده يم وحده
خيمه من العبي سون تره ليل اهدعش شده
ذباح اخوتج حارس عليچن محد يرده
سكتن من يناديچن يشمت بالضعن وده

الدمع لو طاح لشمت يرتاح
التبچي رايد يذلهه
……………………………………………………… .
سبيج يصير عالهزل وياج الظعن والنسوان
الحبل بيدج يبت امي وتدخلين جم ديوان
لو شفتي بطشت راسي ويهوس گام بيه مروان
ويسب ويشتم ابن زياد بصفوة هاشم وعدنان

لاتبچين يخت حسين من تشتم اراذلهه
………………………………………………………
خادمكم ..قاسم المالكي

الناشر احمد الفاطمي

14 June 2026 23:40

تعاي بخيمة العباس نحچي
ندگابل سوه وخلينه نبچي
يزينب راح اخونه
::::
هنا گعدنه وسولفینه  بيچ شكثر يا ما حچينه
سوالفنه كلهن زينب
رديت منه وگال کلمه   يا زينب وبس انتي همه
سوالفنه كلهن زينب
الما ردلچ طلب بالعمــــر كله
ابو فاضل اخـــوچ بعينه نبله
التصعب قبل يم عباس سهله
يختي الدمع هاي الليله يحله
رد حسين مكسور الخيامه
دخل للخيمه وذب العمامه
يزينب راح اخونه
::::
منهوب رد حسين منهوب  شفت الگمر عالوجه مگلوب
عباس ما يعرفني
ميزني من ريحة الخوه   رديت امشي خويه گوه
عباس ما یعرفني
انــــــه وياچ کسرتنه جبيره
تره بالشيخ مهيوبه العشيره
بعد عباس وجهي وين اديره
يزينب باچر ادخلين ديره
اخلي راسه بحضني وينزله
راسك باچر وياهو يعدله
يزينب راح اخونه
::::
طيحي العمد والخيمه كلها   متفيد اذا راحو اهلها
العمد طايح كله
طاحن عيوني من البواچي  طاحت عمايم والخواچي
العمد طايح كله
كاسرني الگمر والکسره بیه
احچي وياه ما باوع عليه
مديت ايدي ما كضهن اديه
الگمر من ایدي راح وهاي هيه
لگيت الگمر بس انه شلگيته
دم عيونه وتارس لحيته
يزينب راح اخونه
:::::
مديت ايدي وماكو ايده  مگطوع ابو فاضل وریده
خليني اسمعك خويه
ليش العمد صوب جبينك   لو بيك روح افتحلي عينك
خليني اسمعك خويه
وصلته وگتله انه حسين يمك
مطشـــــر وذر وشلــــون المك
ليش اعله الأرض عباس دمك
اخـــــــر اللحظه خليني اشمك
المثل عباس يستاهل بواچي
نذب اعليه عمايم والخواچي
يزينب راح اخونه
:::::
خلصت عمري نياح بنياح   عباس بعده شلون ارتاح
مكسور ظهر حسينك
تنتظر زينب ارجع الها   محتار حيره شلون اگلها
مكسور ظهر حسينك
بس اقنعني انه شلون اردن
بعد عباس بیمن انه اهدن
ما طول بأيامي انه اعدن
شگل الحرم لو عنك ينشدن
تعرفني العقيله انكسر ظهري
من ارجع الوحدي راح تدري
يزينب راح اخونه
:::::
علي جبار الكعبي
الفاتحه لوالدي

الناشر احمد الفاطمي

14 June 2026 23:12

يحسين ماضلتلي خيمه ولا في خدر ضل الخواتك
يحسين مابين الأجانب بالهيمه تتراكض بناتك
گدام عينك سلباهن ذاك السلب منك عباتك

ركضتلك گوه ..... اريد امروه
اجيتك خويه ..... اعله عطر الخوه

ينايم ضامي ..... يبعد اخيامي
قبل لاحشمك .... طحت گدامي
،،،،،،،،،،،،،،،،،،،،،،،،،،،،،،،،،،،،،،،،،،
يانعمت الله الطشروها يكسر الخاطر هاذ وضعك
يحسين محترگات اديه انلجم كل ماريد اجمعك
احتار ادور ليه حامي لو ابقه ادور عن اصبعك

الم اوصالك ..... الم اعيالك
حرت ياخويه ..... ويعذب حالك

بعد شيلمك ..... تفرهد رسمك
رويت الحومه ..... يغالي ابدمك
،،،،،،،،،،،،،،،،،،،،،،،،،،،،،،،،،،،،،،،
ياهيه اصعب يابولاكبر تسمع اخيامك فرهدوها
لو طيحت العباس اخونه لو عثرت سكينه الولوها
لو طيحت خيام التلمنه لوجلمة اختك طلعوها

ابفله ركضينه .... بجثث عثرينه
يبعد عيوني .... تلاحگ لينه

خرز طشينه ..... تشوف شبينه
شتم ياخويه ..... ولوها سكينه
،،،،،،،،،،،،،،،،،،،،،،،،،،،،،،،،،،،،
ودعتك ومجتوفه اديه ياخويه صار اضلم نهاري
خمسين عمر اختك يغالي ماتگدر الضيم الصحاري
من تالي بت حامي دخيله يدخلونها بسوگ الجواري

طلعت مسبيه ..... وبعد مابيه
تفرهد حيلي ..... بجمر مجويه

بحبل شدوني ..... يبعد عيوني
الصياط تورم ..... يخويه متوني
صعدت عالناگه حسين
ابوفايز الرافضي

الناشر احمد الفاطمي

14 June 2026 20:42

بعيوني ماضل شوف بعيوني
دلــوني ويـن الباب دلــوني

                   """""""""""""""""""""""""
من المرض وجفاك مـطـروحـه
صوب العراق اعيوني مشبوحه
مذبوحه كـل مصباح مـذبوحه
ثگـل المصيبه مهـدل امـتوني
                 """'""'''''"''"''"'''''"''""""""""'""''''
مشتاگه روحي اهواي مشتاگه
ماضن بعد يحسين نتلاگه
مثل الشجر لو ماتن اورگــه
تانوني اصيح ابصوت تانوني
                     """""""""'''''''''''""'""''"""''"''"'
ملهوفه روحي أعليك ملهوفه
طـولك يبويه اشلون مـاشوفه
طفله وصفيت ابنوحي موصوفه
من يوم رحتو اوما اجيتوني
                  """"''''"""''''''"''"''"'""''''''''''""""''''
ضليت اون بالـدار محتاره
دمـعـاتي طول الليل تتجاره
ماضنتي ابوي ايعوفني ابداره
ياحيف منه انقطعت اضنوني
                 """""'''''''''''''""'''''''''''''""'"'''''''''''''
حيل الزمن يحسين شل حالي
يابويه مثلك مايصح  غالي
دلالـي يـسعــر نـار دلالـي
مالگت روخي اوياي بضعوني
                    """'"'"'"'"""''"'"'"'"'"''"'''"'''
  ✍️ فاخر علي الشبيبي

الناشر احمد الفاطمي

14 June 2026 18:34

( عليلة الحسين ع )
ها يلحداي بويه لفگدك مابيه
تمشي بلياي شلون بگلب العلويه
*******
بويه حملت ضعنك وناوي يالعزيز تسير
وكل اهلي وخوتي وياك وانه عليك عيني اتدير
فدوه وگول امشي وياي من امشي شيريد يصير
يمك مو عليله أنه المرض يمك يصير زغير

كل شي بلياك يثكل يحسين عليه
تمشي بلياي شلون بگلب العلويه
***********
اشد من علتي افراگك يعويناتي يل والي
كل شي يهون بالدنيا وتصعب فرگت الغالي
بيه شلون يابويه من اصد الدارك الخالي
وتدري شگد عزيز انته شيتحمل بعد حالي

بالدار شلون منك خليلي شويه
تمشي بلياي شلون بگلب العلويه
**********
اخر مره خليني اسولف ياحبيبي اوياك
لون ماترضه تاخذني ازگي ناظري بعيناك
راح اشتاگلك بويه وبگه اتنطر الملگاك
الفرض بعده الوكت عنه بس خل افرش مصلاك

جم موته تموت بنتك يابو الحنيه
تمشي بلياي شلون بگلب العلويه
********
شلي بعين ماشوفن يبويه صورتك بيهه
لبچي الشوف مودمعي عيوني عليك اطفيهه
منو العدهه ابومثلك حته اتصبر عليهه
خطوات الضعن تكتل بنتك من تخليهه

كل نسمه بأه تثكل بويه أعلى الريه
تمشي بلياي شلون بگلب العلويه
*******
لو كلهه تضل يمي ونته تروح وتسافر
محد يسد مجانك الله يعيني الباجر
جروحي بانت عليه عليمن بنتك تكابر
لاتگطع علي طيفك وصيتي گبل متهاجر

يابويه حسين لانذر روحي أعلى الجيه
تمشي بلياي شلون بگلب العلويه
********
خادمكم قاسم المالكي

الناشر احمد الفاطمي

14 June 2026 18:11

ياحلاة التجاره الوي احسين
...
تاجرنه والربح..كل راس اعله الرمح
كشاخه ونصعد ارماح
ضحينه بالعمر..نستشهد ننتصر
وللغالي نفدي الارواح

احسين اجينه انصره
ونسعد امه الزهره
واليمس اخيامه
احنه نكسر ضهره

للابد انصاره
ونقتفي آثاره
والزمن مانخشه
سطوته واقداره

والعمر هوه واحد موعمرين
ياحلاة التجاره الوي احسين
...
صحرائج نينوه.. نسكيهه أمن الضوه
واتخظر كبه واذان

واحسين انعاهده..منعوفه الوحده
هوه الدم واحنه شريان

ننبض احنه بكلبه
امجلبين ابحبه
بس شفاعه ورحمه
بالقيامه انطلبه

اي وحك الرايه
اجنود اله او وفايه
وبدمانه انأسس
دولة المشايه

وبخلود المواكب موعودين
ياحلاة التجاره الوي احسين
...
كوكبنه الفاطمي..مولانه الهاشمي
بعيونه اتهيم الاكلوب

وفقنه ابدعوته..ودلانه النصرته
ماغيره عدنه محبوب

الدنيه جا غرتنه
وضعفت همتنه
لاكن ابن الزهره
رحمته الجابتنه

شكرا اعله النعمه
دمنه خالط دمه
الينذبح هنياله
والرجع مو زلمه

شفنه كلشي بكلبنه موبالعين
ياحلاة التجاره الوي احسين
...
نادينه ياعلي..والشيعه يعتلي
من طبعه يرفع راس
وكت الطك ماشرد..وبعاره ما لبد
الشيعي اسبع الناس

واللي ينصر دينه
طاهر أمن الطينه
عالشرف والغيره
حيدر امربينه

واحنه من انصاحب
انسوي كل الواجب
ومن نهز الرايه
انرجف اكبر شارب

وبجفافينه جينه متحزمين
ياحلاة التجاره الوي احسين
...
يادنيه التنعشك.. والطايح ينسحك
مانحمل هاي الاوضاع
السفياني بالحكم..متغلل بالضلم
ومن ضلمه تشتكي الكاع

المجتمع بسكوته
حاله حال الموته
وماكو يونس يصبر
من تبلعه الحوته

كثرة السجانه
وقلة الديانه
واشرقت عالدنيه
قافلة مولانه

صحنه يارحمة الله مشتاكين
ياحلاة التجاره الوي احسين
...
تابعنه القافله..اتوجهنه الكربله
واشتعلت بينه ثورات

نادينه بكل شرف..ماينمسلج طرف
يخيام الهاشميات

صحنه يابوفاضل
نعتذر بالكافل
يالكمر ارخصنه
اول احنه انقاتل

والكمر حيانه
وشمر بذرعانه
صاح ابشرو بهاي
يازلم مولانه

واحنه كلناله منك ممنونين
ياحلاة التجاره الوي احسين
...
الشاعر #محمد_الجماسي

#اللهم_عجل_لوليك_الفرج

الناشر احمد الفاطمي

14 June 2026 18:11

الانصار
....
هوس حبيب وكال ذبو العمايم
وصيحو بعلاة الصوت يم الهواشم
أنصار أنصار
....
صح احنه قله القليله
لاكن نعادل قبيله
كل زلمه واكف علم

الكابلنه نهجمله بيته
انجر الشمر من لحيته
وانذبحه ذبح الغنم

راس ابراس..والعباس..نردمهم سويه
بشرو احسين..يالسبعين.. متردنه المنيه

عمر ابن سعد اليوم خل شيله يلبس
لو اعمه لاهله ايروح لو يرجع اخرس
أنصار أنصار
...
امشونه نسعي بخيمهم
وانفرح الزهره امهم
احنه زلم كربله

موجف حسين النبوسه
انبوس التراب اليدوسه
خدامه واجنود إله

انهب اعصار..عالكفار.. وانرجف الشوارب
حَر السيف..يجوي الصيف..وايسوي العجايب

بالغيره نگعناه سيف البدينه
باعوا اميه احسين واحنه اشترينه
أنصار انصار
..
عبدالله كلمن يمسه
شيله وعبايه نلبسه
وانرجعه لهله مره

رغم الذبول اعله شفته
هذا الطفل يم ضحكته
الورد لازم سره

ابهذا الليل..يطلع هيل..من كاروكه فايح
واشمحلاه..جل الله..السواله الملامح

من يرمش الكيعان تنكلب خظره
ابوجهه صلاة العيد والضحكه فطره
أنصار أنصار
...
لازم نطمن الاميره
انكللهه انتي الجبيره
يابت علي وفاطمه

شوفينه شنسوي باجر
باجر نثوب مناحر
باجر نضحي الدمه

اتطيح اركاب..فوك اركاب..لو مسو عبايه
العلويات..ذن ايات..مايمشن سبايه

من رخصة العباس نعتذر منه
حسبينه يالحوراء خوانج احنه
أنصار أنصار
...

باجر نسوي العلينه
القاسم نزفه بدينه
وانسوي اكبر عرس

انهوسله هوسة شجاعه
هذا اللي يوصل شعاعه
من الأرض للشمس

ماكو ادموع..بس اشموع.. باجر بس سعاده
يفتخرون..زلم ام عون..لو نال الشهاده
شيخ الكرم جسام والطف مضيفه
عنده الحرب ديوان والدله سيفه

أنصار أنصار
...
للحومه طبو الاشاوس
جون وحبيب اوي عابس
عجبو حتى العجب

عالدرع لبسو كلبهم
ومن گد صلابة رگبهم
السيف منهم تعب

واليوفون..يتعلكون..رايات بمواكب
ربع احسين..بالرجلين..داسو عالشوارب

صاحو حلاة الموت لو عالعقيده
واليمس ثوب احسين نكطعله ايده
أنصار..أنصار
...
الشاعر #محمد_الجماسي

#اللهم_عجل_لوليك_الفرج

الناشر احمد الفاطمي

15 June 2026 16:39

▪️▪️▪️▪️▪️
اوّل سنه اتمُر عالذبح
بعده ولا طاب الجرح
ينزف دمه من يوم عاشور
▪️▪️▪️▪️▪️
عاشور اجاني اشحالي لگاني
ابچي الهذاك اليوم او ذيچ الرزيّه
واذكر كسرتي او عالتل وگفتي
جِيتك يخويه احسين ابدمعه جريّه
فوگ المصيبه الشيبه خضيبه
متروسه دم واتراب وانته رميّه
شمْر اعله صدرك وايگطعه نحرك
او عگب الذبح تنداس بالأعوجيّه

شرد انسه واذكر يا ألم
التسليب لو حرگ الخيم
من هالمصايب گلبي مذعور
ينزف دمه من يوم عاشور
▪️▪️▪️▪️▪️
ابگلبي طفوفك يوميّه اشوفك
راجعلي من الماي بس محني ظهرك
اتوگّعها بيدك خيمة عضيدك
من طيحة العبّاس مكسور انظرك
اتودّعني اصدلك او بدموعي اگلّك
لو يمّك العبّاس شيگطعه نحرك
يا ريته حاضر شاف الحوافر
فوگ السحگ يحسين گامت تطشرك

عبّاس يم المشرعه
طاحت چفوفه امگطّعه
ما يدري صدر الدافي مكسور
ينزف دمه من يوم عاشور
▪️▪️▪️▪️▪️
ليلة ذبحتك تذكرها اختك
وابراسي ذاك الليل او لوعة غربتي
زادوا هضمنه حرگوا خيمنه
ارماد الخيم فوگاه صارت گعدتي
ما فوگي رايه تحمي العبايه
وامگطّعه الچفّين التمسح دمعتي
او لليوم انظره عايفلي ذكره
وانطبعت اعله البال بالطف ركضتي

اركض ابهمّي حايره
بين الرجال امعثّره
نهرين دمعي ابخدي محفور
ينزف دمه من يوم عاشور
▪️▪️▪️▪️▪️
الهضمه الچبيره أمشي أسيره
مكشوفه كل النوگ او جابوها عرجه
ابسوگ السبونه من وگّفونه
للوادم الشمّات خلّونه فرجه
اطبول او هلاهل ما عدنه كافل
يا خويه والنظرات الجرحي تهيجه
واشگفها منهُم الضربه او شتمهُم
يهضمنه چان الجيش يا خويه نهجه

جمْر السبي لا ما بُرد
ما أنسه لچماته أبد
احجار او شتِم فوگانه مشمور
ينزف دمه من يوم عاشور
▪️▪️▪️▪️▪️
ابو الحسن الوائلي

الناشر احمد الفاطمي

15 June 2026 16:10

🔶 نزلة يوم مولاي مسلم ابن عقيل🔶

قانون الارض. .. تغّير من طحت
بافاق السمه ..صارت طيحتك

يا حيالله مسلم … يا حيالله مسلم

1@
صعدوك اعلى القصر … و ضلّيِت واكف فوكهم
و حِكمّة الله امن اصعدِت … يعني انته دايس روسهم

تُبقى عالي بصولتك و استشهدت بالقمّه
صلّت عليك المرجله و أدّيِت فرض الهمّه
چنّك عذاب الله النزل عالكفر مثل النقمّه
غيّرت قانون اليگول الكثره تغلّب زلمه

يالچنّك عَلمْ …. واگف ما تهم
بتاريخ الفخر … صارت ثورتك

يا حيالله مسلم … يا حيالله مسلم


2@
جيش من كل النواحي … امّنظّم امّن تشوفهم
بس دخل مسلم عليهم …. بيده ضل يخوطهم

قِدرة الله تمثّلت بيدك يمنّ عمك علي
ابِنَ عقيّل أبن أبي طالب و نعمَ النسلي
سل سيفه و يصيّح لجهنم للرجاس استقبلي
لو أسمي بالحومه انذكر يعني الارض دم تنملي

معروف الاصل … و مضرب للمثل
مسلم و الأسم … يشرح ضربتك

يا حيالله مسلم يا حيالله مسلم

3@
اغتاض من اعلّيهه سألوا … منو أنّته و جاي وين
ضهضب و طك عرگ هاشم … [ و صاح مرسول الحسين]

حسين من يختار زلمه يدري بي گول و فعل
و يدري بالدنيا تموج بصوت سيف من يُسل
خاف ما تدرون عمي مرحب مسوّي وصلّ
اختصاراً للشرح انــــه البطل و ابن البطل

يصرخ صارمي …. و لدمكم ضمي
يل عمك علي …. تجرح خزرتك

يا حيالله مسلم يا حيالله مسلم

4@
اَلاَف همّه و هوّه وحده …. و احتاروا بفضّ النزاع
و درس انّطى و علّماهُم … [كيفَ أنّ تصبح شجاع]

بالكوفّه من طب و صرعهم إنّطه درس المرجله
و عَــن أسمّه من اتسألوا سيفه گطعها الأسئله
شما حاول اوصف وگفته تصعب عليه المسأله
تخّيل ويـــاي بصــرخته أيــات مــن الزلزلة

اعلا من القيم … و نشفت القلم
يالعمك علي … تزئر صرختك

يا حيالله مسلم يا حيالله مسلم

5@
ما ضيّفوك و ضيفتهم … بالجثث لمّن شمّرت
تاريخ كلّه محرّف اقسم … انته صعبه استسلمت

بالغدر انّته استشهدت لا ما طحت و استسلمت
برغــم المنيّــه راس ما طخيـت أو اتضـرعـت
بمزبلــة التاريــخ ابـن الزانيـه و زلمـه صفــت
قصــر الامــاره كلّــه طـاح و گبّتك تلمـع بقت


قتلك ضل اثر … و ما ضل القصر
طاح بطيحتك … و نجحت ثورتك

يا حيالله مسلم يا حيالله مسلم

الشاعر مصطفى ثامر الحلفي

الناشر احمد الفاطمي

15 June 2026 16:06

ســادة الـوغى



اليوم هاشم كايمة فد كومة
على حسين الوحدة مهضومة
———————————————-
تحزمو الثكال مابيهم خفيف
والعدة مرعوبة كاتلها رجيف
سرفنو ذرعانهم سلو السيف

الحرب سهلة عدهم ومحسومة
اليوم هاشم كايمة فد كومة
———————————————-
نزلو الشجعان ذلوها رجال
زلم هاشم شامخا مثل جبال
عيد عدهم لو لفه يوم القتال


حيد واحدهم تشيم علومة
اليوم هاشم كايمة فد كومة
-———————————————

اشجل العباس كف ردانه
الحومه كالبها كلب طوفانه
صعبة سهلة بيده وخلصانه

يوم الحساب الكمر جن يومة
اليوم هاشم كايمة فد كومه
_______________________________

علي الاكبر موت احمر على عدة
مثل روج البحر عالي ما هدة
جيوشهم مذلولة منه وشاردة

بتشر بابنة حسين زال همومة
اليوم هاشم كايمة فد كومه
———————————————

حسين اشر بيدة حية اهل الصعاب
وزمط برجالة الحيود الما تهاب
عهود وفت هاشم اطتها الركاب

انطو رواح وكضو ملزومة
اليوم هاشم كايمة فد كومة
———————————————
الخادم حسين قاسم البهادلي

الناشر احمد الفاطمي

15 June 2026 15:14

‏مقطع صوتي من قاسم المالكي

الناشر احمد الفاطمي

15 June 2026 14:53

( القاسم )
يجسام يشذره من الحسن
يجسام تره عيوني انطفن
يجسام متت گبلك عسن
يجسام يجسام
*******""
يجسامي يأايامي يعمري وظحكتي
يكل شي انته بگلب رمله يماسح دمعتي
امل روحي تره بروحك يواهس عيشتي
يسر گلبي ونظر دربي يشوفي وكبرتي

كل لحظه لبرباتك جانت
بگلبي ياجاسم ماهانت
سنين امك ماوفت خانت

يلوحيد جفه برمله الدهر
يلوحيد العمر عگبك گصر
يلوحيد انفطر گلبي انفطر

يجسام يجسام
**********
اعد طولك ييمه انه وليامك جنت
لعرس يبني احسبله احنيك شوكت
ازفنك وهلهلك ويهنوني ردت
گبل موتي اعرسلك ييمه انه گلت

منين الطف ياجاسم جاني
وبالحومه انظرلك خلاني
ومعگود من الحسره الساني

الدمع طاح واخذ دور الحچي
الدمع طاح عميت من البچي
الدمع طاح بعد بيش انتچي

يجسام يجسام
*******
يحيل امك عمت عيني گلب رمله انمرد
بالمخيم لجن ادري بجروحك يلولد
اصد صوبك يلمدلل وعليك شگد عدد
ويكل طعنه يطعنوني شوكت موتي بعد

كل طعنه الصابتك بيه
مامر ملك الموت عليه
شتسوه الدنيا بغيرك هيه

متت ليش يجاسم من وكت
متت ليش گبل امك صحت
متت ليش أنه الگبلك ردت

يجسام يجسام
*********
اجي يمك ردت يبني ودورلي نفس
حرف منك يرويني يجاسم يمه بس
وحس عمك يناديني ونه نفسي نحبس
يعظم اجرج مشه جاسم وطعن جسمه انترس

جابك يايمه من الهيمه
تمددت بطولك بالخيمه
ردتك تحجي لگلبي وظيمه

يعريس السيوف الحنتك
يعريس منو يسد وحشتك
يعريس يلچمت فرگتك

يجسام يجسام
********
اسولفلك ترد روحك بعد ما إيست
عجنت حنتك يجسامي صدگ يمه شگلت
بني هاشم اعزمنهم وصحبتك قررت
تحاجيني ولو چلمه متت لو ماتت

گلت اعزملك كل الديره
ويزفونك أهل الغيره
احجي عليك بهاي الحيره

شني الموت ترد روحك علي
شني الموت تخلي ايدك بدي
شني الموت يفي ماعندي في
*****
خادمكم قاسم المالكي

الناشر احمد الفاطمي

15 June 2026 07:19

چان حسین لمن یقره قران
اشوفن دمعته بسورة الدخان
لمن کمل بدمعي سألته   ما جاوبني بس نزلت دمعته
بسورة الدخان
^^^^
انـــــــه العليله وانتظــــــرته يكمل 
تدمع عيونه وهــــو چــــان يرتل
من يقره هاي السوره
من يقره ابوي الفاتحه ما دمــــع
جاوبني منك انه اريدن اسمــــع
انه اسألك مجبوره
هاي السوره جرحك حيل  وكت الليل
وانت شتخييل بيها
ما شفته يدمع بالروم  يمي يحوم
احچايه وما يحچيها
مــــــــا دمع بسورة ال عمران
ولا شفته بچه من یقره لقمان
من كمل حظني انه وحظنته   ما جاوبني بس نزلت دمعته
بسورة الدخان
^^^^
ما دمـــــع ولمـــــــن قراها الأعراف
نزلت دموعه شطلع گدامه وشاف
گلبي بقه يوجعني
بردآ حچاها مـــن وصل لابراهیم
يا ربي كــــون بليلة العاشر غيم
حسين بيها شيعني
گتله احچیلي خل ارتاح  بس انياح
جاوب يا بعد عيوني
مرات اجرحه الأحزاب  حرگ الباب
لتخيب بويه ضنوني
ما مختنگ من سورة الأحقاف
بس شني السبب والوالد يخاف
الدمع بلل لحيته من نظرته  ما جاوبني بس نزلت دمعته
بسورة الدخان
^^^^
يقره الحديد وگال جیبو ارقیه
من يمي انــــه ما عرفت شبيه
چا لیش صاح اعلیها
يقره الحجر ونجرح حيل احساسه
بس ما عرفت هنا لزم بس راسه
چن الحجر یاذيها
يحچي وياها بس مجروح  روح بروح
ما اعرف بيها شيقصد
ظل يمها يرتل بالناس كله احساس
يم الخيمه يروح ايرد
يمها ويرتل انـــــه سمعه باسين
خليها حرز وياچ خاف تركضين
دخيلك والدي بچفه لزمته  ما جاوبني بس نزلت دمعته
بسورة الدخان
^^^^
يقره النساء وباوع لنسوانه
ناداهن وظليت اشاهد انه
يوصي وتهل دموعه
سورة الليل ويمهن يرتلها
والصافات الزينب اقري يگلها
يوصيهن بموضوعه
والفجر اقريها بدمعات  والحجرات
زينب يختي سمعيني
يا زينب اقري الرحمن  هي امان
تدمع عينه وهم عيني
اقري البلد تمشين انتي بلدان
من تركبين الهزل اقري الإنسان
گلت الابو ما جاوب وعاذرته ما جاوبني بس نزلت دمعته
بسورة الدخان
^^^^
المائده اقريها بالخرابه تگعدين
من توصلين الواقعه طاح حسين
المهر يرجع خالي
النور لا تقريها سترچ ینشاف
العصر لا تقريها بس اقري القاف
حالچ ویشبه حالي
يا زينب اقري الإسراء  كثره اعداء
باچر يمچ تجمع
اقري الحج بس متحجين  بس تمشين
اعيالچ باچر تطلع
اقري الغاشيه وبلكــــــي ينامون
اخاف بسورة الفجـــري يگعدون
يمي ويحچي وي عمتي سمعته ما جاوبني بس نزلت دمعته
بسورة الدخان
^^^^
علي جبار الكعبي
الفاتحه لوالدي

الناشر احمد الفاطمي

15 June 2026 02:13

محرم الحرام #1448هـ

‏الكافل ابصولاته
‏عالـمـهـر محلاته
‏رفرفن ريـشـاتـه
‏ يا حلات اعلومه
‏
‏بـيـده شد اوزاره
‏وللحرب دك غاره
‏حـار تلـهـب نـاره
‏حرك كل الحومه
‏
‏كمر كمر حـركـاهة بيده
‏كمر كمر سوه الي يريده
‏كمر كمر شيـخ الصميده
‏__
‏ياجمـال اجـفوفه
‏بيهة شال الكوفه
‏غـيـرته مـعـروفه
‏من علي وجداده
‏
‏كل جماله ولونه
‏من علي وعيونه
‏كـلهـم يـسـمـونه
‏علي شيخ الساده

‏علي علي جـنـه ويـقاتل
‏علي علي طش الجحافل
‏علي علي غيره ومراجل
‏__
‏اقـل شي بفـعاله
‏مــركـض الخياله
‏وزلم بجه اخياله
‏والـحـرب بجاهه
‏
‏دكهة دك بجـدامـه
‏وداس فوك الهامه
‏سحل يم اخـيـامه
‏الــزلـــم جـابـاهـه
‏
‏شهم شهم بـجـفـه سحلهه
‏شهم شهم والـقـاده ذلــهـه
‏شهم شهم الحومه حسمهه
‏
‏__
‏طـب علـيـها ابـزوده
‏مـوش مـاي ابـجـوه
‏الجيش خله اجنوده
‏بـجـربـتـه عـبـاهــم
‏
‏انترسـت وبداها
‏وهـم رجــع لمها
‏بـالارض دكـاهـا
‏جربته وطشاهم
‏
‏فحل فحل طــش الاشـاوس
‏فحل فحل على القاده دايس
‏فحل فحل مـالـه مـنـافــس
‏
‏__
‏خادم حضرت السيدة زينب ع
علي الحاتمي

الناشر احمد الفاطمي

15 June 2026 01:04

رقيه ... سلام الله عليها
مثل زينب حجيها
عزيزت گلب ابوها
اليشم راحات اديها

يحبها حسين جان وروحه تنشاف
وعليها من الهوا لو يعبر ايخاف
يشم عطر الزجيه الزهره بيها
شبيهت زينب وفاطم بالوصاف

بحنانه امدلله     اوطن جانت اله
يسميها الضوه   وستر خيمة هله
رقيه  رقيه  رقيه
،،،،،،،،،،،،،،،،،،،،،،،،،،،،،،،،،،،،،،
رقيه ... فخر شايل اسمها
الخيم جانت تلمها
لمن ودعها ابوها
طفت شمعت حلمها

خطيه الحضن ابوها الغالي تشتاگ
عمر مو للسبي ومو مالت افراگ
عليها الخيمه طاحت والحلم طاح
مثل ترجيه من عدها الضوه نباگ

هضيمه بلا حضن    نمله دم الجفن
حزنها اعله الأبو    ولا مثله حزن
رقيه  رقيه  رقيه
،،،،،،،،،،،،،،،،،،،،،،،،،،،،،،،،،،،،،،
رقيه ... اليتم يركض وراها
وسبي الوادم عماها
اليجي كل ما تصيحه
بطشت هل مره اجاها

بده يفرفح گلبها بشوفته هواي
تصيح اهلا وسهلا بالطشت جاي
لمن صاحتله فگ عيونه وندار
اروح وياك اريدن لو تجي وياي

اخذني امروتك     اموت ابشبگتك
ولو ميته صدگ   ويساعت فرگتك
رقيه  رقيه  رقيه
،،،،،،،،،،،،،،،،،،،،،،،،،،،،،،،،،،،،
رقيه ...  وجع ذيج الخرابه
تنام اعله الترابه
بحلمها وتصحه دمعه
تصيح الحگ يبابا

يبويه انضر الي وختشوف العيون
وجه بنتك خلص لا ضحكه لا لون
تگله من التعب والحسره والضيم
انام اعله التراب وزرگه المتون

عليك امعلمه    اخذ حيلي الضمه
گلب شايل ألم    الاذن تنگط دمه
رقيه  رقيه  رقيه

ابوفايز الرافضي

الناشر احمد الفاطمي

15 June 2026 00:30

#طلعت_زينب_وصاحت_يوالينه
السيده زينب بعد مصرع الحسين ع

طلعت زينب وصـاحـت يـوالـيـنـه
خـويه أخـلاف عينك ياهـو يحمينه

======================

صوب التل تعنّـت والدمـع يهلـي
خــويه حسين طايح ويـن متگـلي
ياعوني وحماي حسين باجي اهلي
هاي الگـوم خويـه هجمت اعلينه

======================

كل جرّة انفاس اصيح ابو الاكـبر
تـتـعــثّـر تگــوم وتــرد تتـعثّـر
حرمه انه وچبيره وللرگض مگدر
من بعدك يوالي اعـداك تسبينه

======================

گوم انجاس هاي ولا رحم عـدها
خويه وتنــولي التـبـگـه وحّـدها
خيماتك يخويه العـده فرهــدها
وشبتوا نار بخـيـامك يبو سكـينه

======================

ماترجع يخـوي اطفالك تـريـدك
كوم اتفگد العـيلـه وصـواويـنك
غارت خيلهم بس غمضت عينك
ماذينـه غـيـابك خـويـه ماذيـنـه

======================

وچفت فوگ عالتل والگلب ممـرود
وتوچد لخـوهــا وشافـتـه ممـدود
صاحت وين هاشم وين ذيچ احيود
هذا حسينكم والعده امحـوطـينـه

======================

بـس ياخــيل صاحـت لاتگـربـنّـه
اجروحه اهواي كل خوفي تلچمنه
بحسره اتجر نفسها وتشهگ بونّـه
صدر ابن امها بالحافر مكـسرينـه

======================

✍️عباس مالك آل عفريت

#جديد_محرم_الحرام_١٤٤٨هـ_٢٠٢٦م
نسألكم الدعاء

الناشر احمد الفاطمي

14 June 2026 23:25

ليلة 9 محرم

الـاكـبـر غـالـي مـاصـح بـغـلاتـه
تـون عـلـيـه عـمـاتـه و خـواتـه
تـكـلـه اربـاي شـو ضـاع
صـعـب يـايـمـه الـوداع
يـشـبـه لـلنـبـي بـكلهن سـمـاتـه
تـون عـلـيـه عـمـاتـه و خـواتـه

❖ ❖

ييمه الگلـب مايرضـاش يـنـسـاك
مـوتـتـنـه سـوه كـون انـه ويـاك
يـمـه من العطش مفطره اشفـاك
تـرسـت الـغاضريـه تدري بدمـاك
كـلـي بـعـدك اشـلـون
تعمـه عـلـيـك الـعـيـون
بـس بـالـوفـه خـلـصـهـا حـيـاتـه
تـون عـلـيـه عـمـاتـه و خـواتـه

❖ ❖

كـلـي شـلـون بـيـه بـهدوه الـلـيـل
وفـراكـك يـغـالـي تـدري ايـعـيـل
بـعـدك انـه شـفت الهضم والويـل
عـليك ادموعـي يمـه هيـه اتسـيـل
يـيـمـه شـهـل المصـيـبـه
الـصـبـر مـنـيـن اجـيـبـه
تـذبـح بـالـكـلـب كـل ذكـريـاتـه
تـون عـلـيـه عـمـاتـه و خـواتـه

❖ ❖

غـدر بـيـه الـزمـان وخـذك مـنـي
مـايـبـطـل يـغـالـي عـلـيـك ونـي
حـال الـضـيـم بعدك حالـي يبـنـي
يـريـت الـمـوت ويـاكـم اخـذنـي
روحـي تـلـوج عـلـيـك
يـمـه الـعـطـش مـاذيـك
يـرفـعـت راس بـكـلـهـن صـفـاتـه
تـون عـلـيـه عـمـاتـه و خـواتـه

❖ ❖

يـمـه اختنـك لمـن يـلـفـه الـغـروب
بـجـفاك انتـه يغالـي كلبـي مـرعـوب
حـيـلـي انـه يـيـمـه عـليـك متعـوب
شـبـيـدي عـلـيـنـه هـذا مـكـتـوب
تـدري شـصـار بـيـه
والـي مـاكـو لـيـه
ادريـه الـعـطـش يـبـس شـفـاتـه
تـون عـلـيـه عـمـاتـه و خـواتـه

❖ ❖

عـلـيـك انـه يـمـه تـدري نـوحـي
جـثـيـره عـلـيـك تدري انتـه جروحـي
غـالـي وفـدوه الـك يـايـمـه روحـي
ايـامـي بـهـجـر بـجـفـاك تـوحـي
مـنـو خـلافـك بـكـالـي
يـهـضـم تـدري حـالـي
عـمـت عـيـن الـخيـول السـاحـكـاتـه
تـون عـلـيـه عـمـاتـه و خـواتـه

❖ ❖

خـادم الـحـسـيـن
عـلـي الـخـاقـانـي

الناشر احمد الفاطمي

14 June 2026 21:50

((ابوذيات للسيده فاطمه العليله ع))

جروحي من الحزن ماظل......لهلهه
دموعي وحايره العبره.........لهلهه
العليله اكتاب من ودت ......لهلهه

اخبرهم انه بحجر المنيه
********
ولا ساعه الحزن يهدء.........وماراي
ولا شفت الضعن يمي.........وماراي
سالته حسين تاخذني........وماراي

يبويه الشور يمك والقضيه
*********
عطر فرگاك صار شلون......ما طيب
عليله والجسم بچفاك......ما طيب
حلفت الدار عكب حسين ...ماطب

ونيني عليك كل صبح ومسيه
*********
يوسف الفتلاوي

الناشر احمد الفاطمي

14 June 2026 19:25

لمولاتي فاطمة العليله (ع)

ابنيتك انه التفت لية .. امحلفتك بروح الزجية
ترضاها دمعاتي تسيل
كل الاسباب من الخيل
انا العليله فاطمة .. انا العليله فاطمة

===========================

معقولة بيني وبينك الرمح يوكف عرضه
كلما انامن يابوي تعرضلي خيل وركضه

كلما اسد عيني افز مرعوبه بالليل
كمت مانامن يبويه تخوف الخيل
كل حافر شكبره يجي وبضلوعك يشيل

مرعوبه اكعد لوني مخطوف .. من احلم يكطعون الجفوف
ومن عندك اتلاشه الحيل
كل الاسباب من الخيل
انا العليله فاطمة .. انا العليله فاطمة

===========================

احلامي كلهن بالخيل وخيامك المحتركات
عشت طفك بالطيف متروس ضيم ولوعات

كلما اكولن جذب حلمي وكلشي مابيك
يعرض شخص فوك الصدر وبحيله يلويك
ومن حاولت منه توَّخر كصهن ايديك

اتحلم بثوبك يسلبون .. وبخنصر ايدك من يگصون
وضلوعك تشوف الويل
كل الاسباب من الخيل
انا العليلة فاطمة .. اناالعليلة فاطمة

===========================

لمن كلتلي ابقي هنا يابوية حسيت الموت
من عدها يابس ريجي والماي ضل كوه ايفوت

من كثر ما افكر يبوية وبالي يمك
الزم حبر بس مو رسالة اكتب ارسمك
كل ما اوصل للنحر ينزفلي دمك

ينزف الدم مخبوط برماد .. وذبحك يرد بالرسم ينعاد
الحافر هاون صدرك هيل
كل الاسباب من الخيل
انا العليلة فاطمة .. انا العليلة فاطمة

===========================

يابوية ارضه بغربة بس لا تكلي اتيتم
وياي تگعد واشتاگ گلبي عليك امعلم

الوردة اذا تنكطع من الشجرة اتموت
يوم العفتني وغربت والبيت تابوت
وفراكك الما رحم بيه صار زاتوت

امنيتي گبرك كون اشوفة .. ومثل عمتي كون اطوفة
ودمعاتي فوكاه اتسيل
كل الاسباب من الخيل
انا العليلة فاطمة .. انا العليلة فاطمة

===========================

كلمات
الخادم حسن الكريماوي ✍🏻

#اللحن 👇🏻

الناشر احمد الفاطمي

14 June 2026 18:31

تكسر ضهري من تبعد
خــويه لاتنام اگـعـد
أطلبك ريحـت الخـوه
أجيتك امشي بالگـوه
""""""""""1""""""""!
مـن اتروح تجـرحني
سهم الهجر يذبحني
سيل ادموعي يفضحني
ضهري بغيبتك محني
صعب هجرك + ولاعذرك
انته الغيره والنخوه
طلبك ريحت الخوه
"""''''""''''''2"""'"""'""
لاتمـشي وتخليني
خويه البعـد ياذيني
اعـمه أومن يدليني
ادري يضيعن اسنيني
اذا ترحل + ورد وذبل

تصير الدنيا ماتسوه
اطلبك ريحت الخوه
"""""""""3""""""""""
اجيتك وانته تسمعني
جيب انسان يقنعني
اذا ترحـل تضيعـني
بيك الخوه تجمعني
ردتك يمك + هوئ اشتمك
اخوي وعشرتك حلوه
"""""""""""4""""""""""
فدوه ايروح الك عمري
حبك بالگـلب يسري
بيه اشگد احـن تدري
بعدك ينكسر ضهري
أعرفك حد + الك أشهد
شجاعه اوغيره ومرووه
""""""""'''''5"""''''''''
أخوي انته اونبض گلبي
هديه ونعـمـه مـن ربي
بالضـلمـه ضـوه ابدربي
بسمـك ينمـسح تعـبي
الك انضر + وعيشن حر

اليه ابكل زمن سلوى
اطلبك ريحت الخوه
"""'"'''"""'''''''""''"'"''"''"''''
فاخر علي الشبيبي

الناشر احمد الفاطمي

14 June 2026 18:11

حيو فرسان الوغى.. حيو ابطال الصفا
فتيةٌ قد آمنو.. بالحسين وكربلاء
...
الله ياهالناس بالقران كايل
قد خلقناكم شعوبا وقبائل
وذوله ربع احسين اهل صيت وحمايل
الله وي طينتهم امخلي مراجل

راية الحك والجهاد..طرزوهه أمن الدماء
فتيةٌ قد آمنوا..بالحسين وكربلاء
...
ياعشيره الشرفت كل العشاير
شيخهم اسمه حبيب ابن مضاهر
من بعيد اتشوفهم جنهم مناير
كتبو بدمهم اعوذو أمن الحوافر

لمه صارو عالخيام..وطمنو حتى النساء
فتيةٌ قد آمنوا..بالحسين وكربلاء
....
اجو متخفين من عين الحكومه
مااجو للتهلكه ولا للخصومه
اليضحي المبدأه لا لا تلومه
الليل مايضوي ابد لو مانجومه
وهمه طفهم ضل يشع.. بالكفاح وبالفداء
فتيةٌ قد آمنوا..بالحسين وكربلاء
....
ليلة العاشر اجه احسين بقربهم
وعله امصلاياتهم شعت تربهم
واحد سبعين بدموعه حسبهم
شافهم بالعركه مايرجف كلبهم
مثل مايدوي النحل.. بالصلاه عدهم نقاء
فتيةٌ قد آمنوا..بالحسين وكربلاء
....
رسمو الخطه القتاليه العجيبه
بالحرب واحدهم ايعادل كتيبه
وهب يم باب الخيم علك صليبه
وعابس الشاكري مجنون بحبيبه
والرياحي الحر هتف..حان ميعاد اللقاء
فتيةٌ قد آمنوا..بالحسين وكربلاء
....
استشهدو واحسين ناداهم يربعي
كون اموت اوياكم ومايجري دمعي
ساعه والسلاب يكطعلي اصبعي
وينسلب ثوبي ويسحكون اعله ضلعي

يالمثلكم مارأيت... بالمحنه والوفاء
فتيةٌ قد آمنوا..بالحسين وكربلاء
...

الشاعر #محمد_الجماسي

#اللهم_عجل_لوليك_الفرج

الناشر احمد الفاطمي

14 June 2026 18:11

الچانو صدقاني..صارو عدواني
يوسف گبلي انباع وآنه ربعي الباعوني
عافوني الوحدي..وانگلبو ضدي
يوسف گبلي انباع وآنه ربعي الباعوني
....
مسلم آنه الجاي إلهم
أنصحهم ما أخذلهم..زين يعرفون
لاكن ماحفظو سري
صارو سچين بضهري..وبيه ايطعنون

چنت إلهم آنه اغله صاحب
جابولي كل المصاعب
عار اعله هاي الشوارب
باعتني بأبخس ثمن

چانولي سور أو حمايه
أهل السبح واللحايه
طلعت خبيثه النوايه
غرهم رماد الزمن

إقدم گالولي..بس ماوفولي
مبعوث احسين وبن عمه زين ايعرفوني
عافوني الوحدي..وانگلبو ضدي
يوسف گبلي انباع وآنه ربعي الباعوني
....
وادم ماعدهم ذمّه
ماتاخذ منهم كلمه..كل يوم براي
تمثال انظر واحدهم
قله الايمان العدهم..والشر اهواي

للسلطه ذلو نفسهم
بالضلمه باعو شمسهم
بقصر الاماره أحسهم
صارو عبيد وخدم

عافوني ريشه بصحاري
كاتلني حر الضهاري
بس ما ابدل شعاري
مهما يطول الالم

يبقه الحب ديني
ومااعوف احسيني
لو ميت طيحه أمن القصر العالي ايطيحوني
عافوني الوحدي..وانگلبو ضدي
يوسف گبلي انباع وآنه ربعي الباعوني
...
گبلي ابمحراب الكوفه
هامة حيدر مخسوفه..من شر هالناس
واتوقع نفس الفكره
بيه ايريدون الغدره.. ذوله الارجاس

سدو بوجهي المضايف
راووني أسوء مواقف
آيه وطحت من مصاحف
موجسمي هذا انشمر

ضليت اخاطب امامي
وآنه ادري يسمع كلامي
عليكَ مني سلامي
مولايه أخذ الحذر

ارجع بضعونك..خاف إيغدرونك
ياهو اليستاهل دم نحرك ياماي اعيوني
عافوني الوحدي..وانگلبو ضدي
يوسف گبلي انباع وآنه ربعي الباعوني
....
امچتف گدام الحاكم
امشي ونظرات الوادم..ترميني اسهام
واتذكرت العلويه
باچر تدخل مسبيه.. ابديوان الشام

بت عمي هاي الاميره
باچر غريبه واسيره
كسرة الساده الچبيره
زينب تروح ابسبي

بعيوني شفت المنايه
وإبالي تمشي السبايه
لا والي لا عدهه رايه
ويحدي الضعن اجنبي

علوية حيدر..تمشي وتتعثر
واسياط الكوفه اتطگ بيهه واتصيح امتوني

عافوني الوحدي..وانگلبو ضدي
يوسف گبلي انباع وآنه ربعي الباعوني
....
الطايح من اعله القمه
اتصور شيضل ابجسمه..يصبح طشار

وآنه ابخيل ايجروني
وبالاسواق ايفروني.. اگبال الانظار

حتى الدفن عَز عليه
خلوني طايح رميه
بس طوعه اجتني الوفيه
وغطتني من الشمس

ميت وأتاني حميده
من بعدي ضلت وحيده
مسلم تنادي أريده
واگع ابمحنه احس

ياطوعه اتحضري..ودليهه بگبري
وخبريهه ابحالي وبالغربه وناس الغدروني
عافوني الوحدي.. وانگلبو ضدي
يوسف گبلي انباع وآنه ربعي الباعوني
.....
الشاعر #محمد_الجماسي

#اللهم_عجل_لوليك_الفرج