الناشر احمد الفاطمي

20 июля 2025 07:02

قصيدة مصاب العليل ع•♕
فزاعيه


واويلي على السجاد
واويلي على السجاد
ـــــــــــــــــــــــــــــــــــــــــــــــــــ

سم الشماته بجبدته ••واويلي على السجاد
ياوسفه غدرو مهجته•واويلي على السجاد
ريت الهواشم حضرته•واويلي على السجاد
الباقر يـنوح بـدمعته••واويلي على السجاد

يوميه الحزن ينعاد ••واويلي على السجاد
ـــــــــــــــــــــــــــــــــــــــــــــــــــ

شـاهـد كربـله بعينه ••واويلي على السجاد
بخيامه ودره حسينه••واويلي على السجاد
ويسمع كسر ظلعينه ••واويلي على السجاد
مريض وحيله ميعينه•واويلي على السجاد

فوگاهه المرض يزداد•واويلي على السجاد

ـــــــــــــــــــــــــــــــــــــــــــــــــــ

طاحو عالثره گبالـه••واويـلي على السجاد
حسين وفـوگه خياله••واويلي على لسجاد
ومحد عانه وشحاله••واويلي على السجاد
بـنـار شـتعلت ذيـالـه••واويلي على السجاد

مجروح وبلايه اضماد••واويلي على السجاد

ـــــــــــــــــــــــــــــــــــــــــــــــــــ

يمشي ويـعثر بهدمه••واويلي على السجاد
عمته وظـلت تلـزمـه••واويلي على السجاد
بچفوفـه وجـره دمـه••واويلي على السجاد
شحاله وارث العصمه••واويلي على السجاد

معصوم بسير ينگاد•••واويلي على السجاد

ـــــــــــــــــــــــــــــــــــــــــــــــــــ

گضه الطاهر اسنينه••واويلي على السجاد
فوگ الجره معذبينه••واويلي على السجاد
بدرب اليسير ماذينه••واويلي على السجاد
ومحد يـمه ويـعـينه••واويلي على السجاد

ماضاگ العذب والزاد•واويلي على السجاد

ـــــــــــــــــــــــــــــــــــــــــــــــــــ

مسموم بسجن غربه••واويلي على السجاد
مات وحسرتـه بگلبه••واويلي على السجاد
ودمعه الباقـر يـصبه••واويلي على السجاد
بچفه يدفنه والصعبه•واويلي على السجاد

مـالـك رده لا ميـعاد••واويلي على السجاد

ـــــــــــــــــــــــــــــــــــــــــــــــــــ
خادم الحسين ع
مهند العايدي

تمت بفضل الله وال محمد ع
نسالكم الدعاء//1447ه‍

الناشر احمد الفاطمي

20 июля 2025 07:02

قصيدة مشاية الحسين ع•&
نزال


يالمشاي••بـكـربـلـه شـيـوخ الـزلم
يالمشاي••لمشي نعمه اعله لخـدم

يالمشاي ••••يالمشاي
ـــــــــــــــــــــــــــــــــــــــــــــــــــ

يـالـمـوالــي لاتـمـل الـمـشي نـعـمـه
واجـب اعـلينه نـجيله نـمـوت يـمه
لجـل ديـن الله ورسوله ضحه دمـه
نواسي زينب بالتعب ولشمس همه

يالمشاي•• امــشـي دربك والـتــزم
يالمشاي••لمشي نعمه اعله الخدم

يالمشاي ••••يالمشاي

ـــــــــــــــــــــــــــــــــــــــــــــــــــ

والله يستاهل عمرنه وكلشي عدنه
احله مـابـالدنيه دربـه وهـوه حبنه
ضحه بـعياله الـحنين وگـلبه يـمـنه
فدوه الـه هـاي الحياة وكـل عمرنه

يالمشاي•••ريـحـة الـزهـره نــشـم
يالمشاي•• لمشي نعمه اعله الخدم

يالمشاي ••••يالمشاي

ـــــــــــــــــــــــــــــــــــــــــــــــــــ

منين ماتطلع يشوفك تمشي دربك
والـتـزم بيـها صلاتـك لـجل حـبـك
وعـي فكرك بالعمل مفروض تـعبك
شيـل رايـت ابو فاضل نـقي گـلبك

يالمشاي••والــگـمـر ديــن وقــيـم
يالمشاي••لمشي نعمه اعله الخدم

يالمشاي ••••يالمشاي

ـــــــــــــــــــــــــــــــــــــــــــــــــــ

خـلي بالك بالمشي لحسين صافي
يالتحبه بكل صفاته امشيله حافي
للبقه فـوگ الـرمـل يـاناس غـافـي
هـوه للـعله طـبـيب وهـم مـشـافي

يالمشاي •••بـالدمع طـفي الخـيـم
يالمشاي••لمشي نعمه اعله الخدم

يالمشاي ••••يالمشاي

ـــــــــــــــــــــــــــــــــــــــــــــــــــ

حسين رادك بربعينه تكون حاضر
يالمشيت ابـكل يقينك لـجله زايـر
الگمر وهل البيت كلهم يـمه باچـر
بهيئه لوموكب مشاله بسجله صاير

يالمشاي••طـوف حـضرات القـمم
يالمشاي••لمشي نعمه اعله الخدم

يالمشاي ••••يالمشاي
ـــــــــــــــــــــــــــــــــــــــــــــــــــ
خادم الحسين ع
مهندالعايدي

تمت بفضل الله وال محمد ع
نسالكم الدعاء//1447ه‍

الناشر احمد الفاطمي

20 июля 2025 07:02

قصيدة شهادة العليل••♕
ثكيل عزاء



راح السجاد ••شـاف المـاصـار بـعمره
راح لسجاد•• مسموم وخانگته العبره

شاف العجايب ••بالطف مصايب
راح السجاد ••راح السجاد
ـــــــــــــــــــــــــــــــــــــــــــــــــــ

بيوم الـعـاشر المصرع
شـاف الـوالد امـگـطـع
يجري وبالحزن مدمع••لحسينه

فـوگ الـعـله والـصايـر
شاف حسينه بي حافر
وگـلبه عـالجره فـاير•••لحسينه

والحزن نعاد ••المـصاب الطاهر ويامه
والحزن نعاد•مچتوف وماكوله جدامه

بغدر الااجانب••بالطف مصايب
راح السجاد ••راح السجاد

ـــــــــــــــــــــــــــــــــــــــــــــــــــ

يشوف خوانه مطروحه
يشوف عياله مـجروحه
طـلعت عـالجـره روحـه••واويلااه

يـگوم ويـعثر بـهـدمـه
ومـن چـفه نـزف دمه
يمشي ويـعثر بچلـمه••واويلااه

حـاير والنار••تـتـلاهـب بخيام عياله
حاير والنار••وشتعلت بالخيمه ذياله

من ضيمه شايب ••بالطف مصايب
راح السجاد ••راح السجاد

ـــــــــــــــــــــــــــــــــــــــــــــــــــ

مچتوف وصهيل ونـار
يبچي عـالحـرم وزغـار
ذب حيله الذبح وصار ••گـدامه

عيونه من لبچي جفت
والـتسعه عـلي وگـفت
روحه للمرض طلعت•• گـدامه

طگ السجاد••فوگ جروحه الماتهده
طگ السجاد••بين ظلام وضل وحده

ماخلو حبايب ••بالطف مصايب
راح السجاد ••راح السجاد

ـــــــــــــــــــــــــــــــــــــــــــــــــــ

يباوع والحرم تـركـض
ومـن يفزع نذل يعرض
زادت عـلـتـه اتـمــرض••بحزانه

جفوفه وجدمه مچتوفه
مـصاب عـيالـه ويشوفـه
مصايب فوگه متعوفه•• بحزانه

گلبه لمهضوم••يجرع ضيم الصاربعاشر
گلبه المهضوم••ملچوم وعـالـناگه يكابر

السوگ وخرايب ••بالطف مصايب
راح السجاد ••راح السجاد

ـــــــــــــــــــــــــــــــــــــــــــــــــــ

مسجـون ودمـع يجره
كسرو خـاطـره وظهره
فـوگ الـعـله سم غـدره••يتسمم

عـمـره خـلص بـالـوعه
وبـنـه روحه مفجـوعه
تحچي وي علي دموعه••يتسمم

يصرخ وينوح••ابنـه الباقـر يم احـضانـه
يصرخ وينوح••مـات الـسجـاد بـزنــزانـه

بحضن الترايب•• بالطف مصايب
راح السجاد ••راح السجاد

ـــــــــــــــــــــــــــــــــــــــــــــــــــ
خادم الحسين ع
مهندالعايدي

تمت بفضل الله وال محمد ع
نسالكم الدعاء//1447ه‍

الناشر احمد الفاطمي

20 июля 2025 07:02

يابو فاضل هاك أدين.    هايه رايه وهايه عين
كَوم اتلكَاني اجيت.       كَلي زينب چنتي وين
..............................
خويه ياعباس اجيتك. من بعد فركَه وسفر
كَوم هاك جفوفي ذني وعوف ياخويه النهر
رايتك تنشد تراهي وين عباس الكَمر
شيبت من فاركَتهه ومثلي كاتلهه القهر

رايتك تنشد عليك.      حنت ورادت اديك
يلي عالشاطي هويت.       كَلي زينب چنتي وين
................................
من بعد طيحت علمنه هجمت خيول وزلم
يابوفاضل وارد اكَلك خاف ماعندك علم
اطشرن بالبر بناتك وانه بعيالك الم
والسياط هواي ارحم عندي من طاري الشتم

والله كاسرني الهظم.       انه بت من وانشتم
والله خويه اتعذبيت.          كَلي زينب چنتي وين
...............................
خويه من عنك مشينا وسار حداي الضعن
على هزل صعدن خواتك شبكن العشره وبچن
ومن تميل الناكَه صعبه بالحبل لو چلبن
وي وادم ماهي وادم وسفه تاليهه مشن

العاشن بعز والدلال.     ربطونهن بالحبال
وانه من هاي اشتكيت.  كَلي زينب چنتي وين
..............................
اه يكوفتهم هضيمه اخ ياطبت القصر
من أدخلت كالو سبيه ومادروني ام الخدر
بهايه ردتك يابوفاضل دورت والله شكثر
من سمعته بعالي صوته يصيح مترهي الشمر

يروع بهالعايله         صوته من بعدك عله
محيره بعدك بقيت.     كَلي زينب چنتي وين
...............................
اه ينار الشام خويه لهسه بيه موجوره
ساعه البيهه دخلنه اطبولهم دكَت تره
خارجيه عليه صاحو وانه لبوة حيدره
وبشماته الناس تنشد وينه سبع الكَنطره

وينه يازينب اخوج.      بالحبل شو كَيدوچ
شرد اجاوب مادريت.     كَلي زينب چنتي وين
..................................
✍️.   ابو منتظر الحريشاوي

الناشر احمد الفاطمي

20 июля 2025 07:02

              بسم الله يله اتوكلو
              گولو علي واتحزمو
 هلطلعت المشايه   شدو الحزم والرايه
         گولو علي گولو علي
...........................................
 گولو علي وتوكلوا كلمن يشد احزامه 
الزاير طلع يهل الكرم نصبوا الخيم گدامه
 لو شافكم ينسه التعب ينساهه ذيچ اللامه
والخادم يعيش بشرف والخدمه احلى ايامه 

          هذا التعب اشرف تعب
          لا يقيسه مال ولا ذهب 
وانتم اله شرايه  شدو الحزم والرايه
          گولو علي گولو
...........................................
صار المزاود بالزلم ياهو اليخدم اكثر
 الموكب مضيفه وكشخته لو طبه زاير يكبر
 خير الله كله بسفرته وويگله انت اتخير 
ولو بات يمه يدللة ولو راح ظل يتعذر

            يفرش الموكب بالهله
             ولو مره ضيف يدللة
 اجمل مشاعر هايه  شدو الحزم والرايه
            گولو علي گولو
........................................
 بالدرب يوگف لليجي معزب واجو خطاره
 ما چنه موكب مننصب  چنهم اجوه لداره
 هذا العشگ ما ينوصف ما ندري شنهو اسراره
بحسين ذبنه وخدمته نحبه ونحب زواره

              بهالخدمه سر ما ينحزر
                يا وادم نحبها شكثر 
نحبهه ونضل وفايه       شدو الحزم والرايه
               گولو علي گولو علي 

............................................
موعدنا هذا بكل سنه وهالموعد متانينه 
صندوق عندنا لحظرته  بالبيت اله مسوينه
كل واحد شما گدره الله بثواب حسينه
 كل درهم يرد بالف بالخدمه لو حطينه 

            كل ما تحط زايد الك 
              رب الحسين يوفقك 
نعمه ورزق شو هايه  شدو الحزم والرايه
                    گولو علي گولو
........................................
نقفل البيت ونعتني يا ابو علي نمشيلك
 شو مسوي بينا من العشگ حتى الطفل يبچيلك
 مضموم همنه من البشر بس انت شو  نحچيلك
نتمنى موش بكربلاء كون بگلبنا نشيلك

               نرتاح يمك لو نطب 
              انته الشريك بهالگلب
 چنك هواه ومايه     شدو الحزم والرايه
                  گولو علي گولو
....................................................
✍️. ابو منتظر الحريشاوي 

الناشر احمد الفاطمي

20 июля 2025 07:02

رسالة الى الحسين ع

من اليحب للحبيب رساله تبدي بنحيب
ساعي البريد الجرح يوصلهه للمنذبح
رساله تبدي بنحيب
.....................................................
رساله من گلب خادم نيابه عنكم احچيهه
اخطهه بدمعه عيوني لحبيبي حسين اوديهه
رساله شوگ الى المعشوگ
بسلاما سيدي ابديهه
سلام لنحرك الدامي سلام من اليحبونك
رساله بفطره نكتبهه ونگلگ سيدي شلونك

من عاشگ لحضرتك نيابه عن شيعتك
كل كلمه من تنطرح يوصلهه للمنذبح
رساله تبدي بنحيب
................................................
العذر منك يبو اليمه لون بالخدمه قصرنه
لان ما متنه من حزنك لذلك سيدي اعذرنه
قليله وياك فقط ننعاك
بحزنهه تصب مدامعنه
الخجل تارس مشاعرنه نحير ومدري شنگلك
نوفي بيش ما نعرف يالمقدم جميع اهلك

كل دمعه تنزف حرف حزنك ولا ينوصف
ياهو الفهم هالجرح يوصلها للمندبح
رساله تبتدي بنحيب
....................................................
يا المعيشنه بفضالك شرف يمك تربينه
نحبك سيدي لنك الوحيد الخايف علينه
گلب مولاي حنين هواي
واحن حتی من اهالينه
ذبيح وعايش نشوفك جبل ولهسه ما طايح
اليضدك خاسر بكل شيء اليخدمك هو بس رابح

خلي يفهم الما فهم كل شيء بدونك عدم
غالي وخدمتك ربح يوصلها للمنذبح
رساله تبدي بنحيب
................................................
سلام لدمعه عيونك ابو يودع اهل بيته
سلام لظهرك المحني انكسر ظهري تمنيته
على العباس صحت يا ناس
عضيدي مگـطع لگيته
سلام الله على خطواتك سلام شما گمت تعثر
سلاما من شفت زينب تريد تگلهه ماتگدر

شتگلهه راح الگمر تقول زينب بقه اعلى النهر
بس دمعه منك تصح يوصلهه للمنذبح
رساله تبدي بنحيب
................................................
سلاما سيدي واختم بحر ماکضته اجروفي
الرساله عذرا امسحها لان ما كفت حروفي
چبير هواي الحروف شواي
اقصر بيها ضل خـوفي

امدلك چفي ودموعي وزياره وارث اقراهه
وتظل يا حسين ومصابه هويتنه الحفظناهه

كل دمعه لمن تهل محفوظه ندري بسجل
هيهات ابد تنمسح يوصلها للمندبح
رساله تبدي بنحيب
............................
✍️.. ابو منتظر الحريشاوي

الناشر احمد الفاطمي

20 июля 2025 07:02

مــشــتــاگ گلــبــي ورايــدلــكــم
وبــالــي تــفــتـر بــس صــوركــم
خــربت عـيــنـي أدمــوع الـفـراگ
ذبــلانــه مـــن يــوم الــعــفـتـكـم

.................................
گــلــبــي مــشــتــاگ      يــچــوي الــفــراگ
والـتـعـوفـه أحـبـابـه يـذبـل مـن الـغـيـاب

أبــروحـي چــانــون      طــفــه الــعــيــون
عـالـمـشـو مني وصـفـو من حصه الـتراب

يــاخــذنــي شــوگــي ودمــعــتــي وانــدل دربــهــم
وابــچــي عــلـيــهــم وانــكـسـر واكـســر گــلــبــهــم
مـيــتــيــن لا مـــا صـــدگ لـــهـــســه أنــتــظــرهــم
                      لــيـــه يـــلـــفـــون

گــلــبــي الــيـحــبــهــم مــا نــســاهــم
عــاتــبــتــه مـــــوت الــــي خــذاهـــم
بــتــابــوت گـلــبـي چــنــه مـحـطـوط
مــــخــنــوگ يــا نـــاس بــجــفــاهــم
..........................‌‌‌‌............

كــــان مـــا كـــان     چـــانـــو أحــنــان
أمـن الـهـوه يـخــافــون لــو سـيـر عـلـيـه

وطـبــع الــيـروح     يــتـــرك أجـــروح
غـالـي غـالـي تـفـرهـدو مـن بـيـن أيـديـه

الــزم گــلـيــبــي مـن الــوجــع كــل مــغــربــيــه
وبــخــيــر اگــلــه  الـــي ســال والــبــيــه بــيــه
هــمــي وحــزنــكــم والــشــمــت دارو عــلــيــه
                روحـــي شــتــصــيــر

غــرگاــن صــوتــي بــصــب الــدمــوع
وايـامـي چــنــهــن خــيــط الــشـمــوع
تــاكــلـنـي  نــــار الــفــرگــه بـــهــداي
هــيــچ  بــجــفــاكــم کـلـبـي مـشـلـوع
..................................

الـــمـــوت شـــيــريــد    خـــذهـــم بـــعـــيــد
وبــس صـورهـم ذكـرى ظـلــت تـارسـه الـبـال

ألـنـاســه  يـمـــشــون     يـمــوت چـــا كــــون
عـدل لــيــش يـظـل وراهــم عــمــره لا طــال

تــانــيــتــهــم بــس غــربــو عــنــي وجــفــونــي
لا هــمـــه ويــــاي الــبــقـــو لا مــــن خـــذونـــي
ولا مـــرو أعــلــيــه أبـحــلــم چـنـهــم نـســونـي
                    وانــــه  أتـــــانــــي

چـــا هــيــج يــالـكــلـكـم مـــحــنــه
تـگــطــعــون بــيـنــا  احــا يــهـلــنـه
والـحـيـره ظـلـت تــرس الــعــيــون
شــنــگــــول لـلــعــنــكــم ســآلــنــه
.......................................

تــســال الـــنـــاس     ويــــنــه عــــــبــاس
وانـه سـكـتـه  ودمـعـتـي تـصـبـح جـوابـي

مــا ردت مـــــــاي     ردتــــك ويـــــــــــاي
مـن أطـب للــشــامـت ويــسـمــع خـطـابـي

لـلــســوگ أطــب بــيـا وگــت والــوادم تـــشــوف
لــم  روحـك وعـوف الـنـهـر  رچــبــهـه الـچـفـوف
والـحـگ عـلـه عـيـالــك تــره گـاتـلــهــم الـخــوف
                  يــــا ابـــوفــــاضــــــل

طــبــيــنــا مــچــتــوفــات أديــنــه
ومــحـــد  يــنــزل  مــنــه عــيــنــه
غــيــر الــحــجـار ألــمـن الـسـطـوح
هــضــمــونــه مــن ســبــو ولــيــنـا
.........................................

دمــعــة أعــتــاب       هــا يــل الاحــبــاب
صـبـت مـن الـعـيـن حـفـرت بـيـه الـخـدود

شـلـون تـرضــون        غـــربـــه يــحــدون
امـشـي واليـكـفـل ضـعـنـا مـاهـو مـوجـود

وي غــيــره أمــشــي كــافــلــي مــا عــودانـــي
مـعــقــولــه صــارت وبـغـرب شـــو فــارگــانــي
مـرفـوع راســه على الــرمـح والـجـيـتـه أتـانـي
                    مـــــــو  بـــــــديـــــه

عــبــاس شــلــت حــالــي الايــام
أبـيـا حـال أطــبـن بـاچــر الـشـام
عـگـب الــدلال الـعــشــتــه ويــاك
وسـفـه بـخـرايــب أخــتـك تــنـام
....................................
✍️ ابو منتظر الحريشاوي

الناشر احمد الفاطمي

20 июля 2025 07:02

لمصيبة الامام السجاد عليه السلام

صاحب الحسره الطويله مندفن هو او عويله
رايح السجاد رايح كربلا امصوبه دليله
___________________________________

گلبي يحديه الوجع والزمن بي چن رجع
يم علي السجاد رايح ينشد اعله احواله

شافه لن حزنه وطن هيئته هيئة محن
ديره مال اجروح صاير والدمع يتلاله

سيدي گتله دخيلك فدوه اروح الروحك
مو وصلت الموت كافي يمته تگطع نوحك
أضن ناوي اتموت انت او ما تموت اجروحك

يا جرح عنّه انشدك وانت كل منهن يضهدك
الشام . والطف .موّتنّك منهن المدمع تسيله

___________________________________

چنّي اتصور حچه گلي يا هاذا او بچه
تنشد اعله جروح گلبي او يا جرح ماذيني

آنه جرحي كربلا او كل سهم من حرمله
گبل مَيصوّب له واحد چنت احسه ابعيني

هو البعينه يشاهد والده ايسحگونه
او يستمع ونه او شهگته لمن ايطعنونه
او ينظر الصيوان يلهب عل نسه ايحرگونه

الي كل هاذه ينظره اشلون رايح يگضي عمره
والله عجبه او لسا باقي واجف او يمشي اعله حيله
___________________________________

شفت ابوي ابغربته اشلعت گلبي حسرته
اوحيد او مبحوح صوته اينادي ما من ناصر

وحگ جدي يا خلگ ضامي او گلبي احترگ
ايريد چف ماي اليشربه بعد مابي ايصابر

تدري گد ما چان ضامي ما يرى بعيونه
والشمر گالوله رايك ؟ گال لا اتشربونه
آنه راح ابجدمي ارفسه حتى ما اتسمعونه

فوگ طعناته يرفسه ويل گلبي انگطع نفسه
او عل رمل وجهه يگلبه ينحره والدم يسيله
___________________________________

اگبالي ياناس انحره احسين يرفس عل ثره
يقبض او يبسط ادينه وانه عيني اتشوفه

او شفت زينب معوله عله التله ذاهله
اتگله گوم اذبحنه كلنه بس اخيي عوفه

المصيبه السيف معمي ما يحز ابسرعه
ساعه ضل فوگاه گاعد ساعه يلا ايگطعه
مو ذبح چنه يذبحه گام شلع ايشلعه

او شالها الشيبه الخضيبه او صارت اعلينه المصيبه
المنادي اعلينه نادى لو حرگ والله قليله
___________________________________

يل تناشدني استمع امصيبتي التحني الضلع
كربلا او كل الجرالي اهون امن الآتي

الشام يل شام الذي گلبي من عنده ايغلي
الشام آخ الشام منه تجري دم دمعاتي

يوم طبيناه وادينه امچتفه او مغلوله
روس وايتام او سبايه او عمتي المذهوله
واستقبلتنه الشام تضحك اتهلهل ابهلوله

زينه واعياد اعلنوها لان علويه سبوها
والشماته اصفوف وگفت اتعاين العمتي النحيله
___________________________________

الشام محنّه محن اشما عشت ما ينّسن
آنه احن اعليها وابچي او هيه تبچي اعليه

بيهن اشصار او جره اوجوهن متگشّره
الشمس حرگت كل وجهن من مشي الظهريه

حرم مسبيه او عدوهن ما يعرف أمروّه
الروس دناها اعله عمتي آخ بيها اشسوّه
على باب السوگ اجونه اليسوه والما يسوه

او نستمع سب او شتايم واليساوم عل فواطم
موته طبينه القصرهم انه او عمتي عل هزيله
___________________________________

ابو فاطمة الطائي

الناشر احمد الفاطمي

20 июля 2025 07:02

زينب تشتكي من الشام

حيره ابهل ديره احتارينه
ودها ابخيل اتدوس اعلينه
________________________

ابهل ديره لا من دين لا بيها رحمه
وادم بلايه اگلوب ما عدها ذمه
طلعت عليه اصفوف ضعني ترجمه
متحزمين احزام خويه اعله حرمه

هاي الديره امن الطف اكلف هاي الما بيها امروه
ما راعو حرمه او لا دمعه هاي البلوه اويا بلوه

چن كفار او يمهم جينه
ودها ابخيل اتدوس اعلينه
________________________

هل ديره چنها اتريد گلبي تشلعه
خلت عليه النوگ ياخويه تنعه
كلمن حقد صفين بيّه يطلعه
كل ضربه من السوط متني تگطعه

اكبار ازغار اعليه اندارو وآنه الاخجل من روحي
اتعاين كلها ابغيض الطولي ايزودون اجروح اجروحي

او لا بيهم من تخجل عينه
ودها ابخيل اتدوس اعلينه
________________________

حرمه آنه بنت اخدور واهلي حمايل
بيه آنه هيچ ايصير تقبل يكافل
كل ساعه اطب ابسوگ واسمع هلاهل
واعليه اهل الشام باعت مراجل

وين المابي ذرة غيره گدامي ايسب الزهره
لابيه اسكت لا بيه احچي ضليت ابطرگ العبره

ملينه او عينك ملينه
ودها ابخيل اتدوس اعلينه
________________________

صوت المنادي ايصيح افرح يشامي
ابن امها حزه السيف عل شاطي ضامي
اشكثر راد الماي او ضل ريجه دامي
دسنه عليه بل خيل ماله محامي

او نسوانه الكل چتفناهن و اولهن زينب اخته
هاي اعله الهزل شوفوها تهمل دمعتها ابسكته

اخوان الها ماخلينه
ودها ابخيل اتدوس اعلينه
________________________

ايدگ الطبل وايگول فرحه چبيره
زينب علي الكرار جبناها اسيره
ايأشر علي وايصيح چانت أميره
شوفو عگب عباس حيرتها حيره

عباس الكافلها ابعينه حطينه النبله ابعينه
البچفوفه ايعدل محملها گصيناهن چفينه

عل شط ربعي اموذرينه
ودها ابخيل اتدوس اعلينه
________________________

هل حادي ياعباس ما خله بيه
والديره كلها اوياه اندارت عليه
الي سبيه ايگول والخارجيه
او تمشي وراي الناس لقصور اميه

طبيت الديوان او روحي. تطلع كلسا من عندي
وابهاي ايديني المچتوفه. امسح دمعاتي ابخدي

الشام الشام اشسوت بينه
ودها ابخيل اتدوس اعلينه
________________________

ابو فاطمة الطائي

الناشر احمد الفاطمي

20 июля 2025 05:38

اليلة وداع وفراك الاحبهم
المنهم وودعهم وشمهم
حسين ياخويه. حسين ياخويه حسين ياخويه
@@@@@
عاشر من محرم جانة يحسين كلبي مالة حيله
فراكك والعيال ونار والخيل
والسفرة الطويله
تجافي النوم عيني ليل وفراك
خوية شلون ليله
باجر مااشوفك بيها هيهات
فكرة مستحيلة

تجافي النوم عين اشتاك واشتاك
اشبع شوف منك باجر افراك
يحسين ياخويه يحسين ياخويه يحسين ياخويه
@@@@@
اشوفن بالمخيم رايح وراد
ابو فاضل كفيلي
خاف يطب عليه وخافن يشوف
الدمع تارس شليلي
لأبيه أصيحه ولا احاجية
انفطر والله دليلي
لو شاف الدموع يحير وحتار
كمر ومضوي ليلي

وياي الكمر وليله كمره
بغيابه تشب بكلبي جمره
يحسين ياخويه يحسين ياخويه يحسين ياخويه
@@@@
يبو الأكبر يخويه صيح عباس
أودعه جيبه يمنه
آخاف عليه خافن يطك ويموت
المحمل محنه
دخل نلتم يخويه ليلة وداع
خيمنه بنص أهلنه
مايسمع عدونه البجي والنوح
ونسويها حنه

ابو فاضل أخذ روحي بوادعه
كفيلي المارضه بفراكي ساعه
يحسين ياخويه يحسين ياخويه يحسين ياخويه
@@@
اليل يمر عليه ويركض اليل
خل نودع الاكبر
هاي اليله تجمع بيها االاحباب
بس مصباحها اكشر
تتغير علينه الخيمه والناس
يرد بنك موذر
وبوجهك نشوف أشكال وألوان
مصيبه الله وأكبر

باجر من تشوفه يشوغ كلبك
دربك حكه من يضيع دربك
@@@
قاسم للموادع جيبه يحسين
احضننه وشمه
ونجيب الصواني وحنه وشموع
واليوكفله عمه
يروح بلا عرس وتموت الأحلام
الله يساعد أمه
نايم عل تراب فراش عريس
حنته خضاب دمه

كل زفة شباب أمه تذكره
مات وحنته من خضاب نحره
حوسين ياخويه حوسين ياخويه. حوسين ياخويه
@@
باجر بلمخيم من تشب نار
من يلحك عليهن
بناتك والأرامل والخدر ذاك
خويه شلون بيهن
اركض ليك لو أركض للعيال
لو أبجي لبجيهن
لو شوف الشمر يم رأسك يحوم
عينك تصد ليهن
عينك من تصد محتاره حيرة
ياهي تشوفها النضرة الأخيرة
حسين ياخويه

تمت
سيد موسى الغالبي

الناشر احمد الفاطمي

19 июля 2025 22:59

يزوار على الوعد تلگوني
ــــــــــــــــــ
من البحر صوب النحر افرح ترى بزواري
يم القبر اني انتظر مِيتْ هلا بخطاري
صوتي اعتلى من كربلة حياكم الله لداري
يوم الحشر هذا الأجر وانتم ترى من انصاري

يالاحرار يوم الحشر بعيوني
يزوار على الوعد تلگوني
ــــــــــــــــــ
سيل الجمع ما ينگطع والراية تسبُگ راية
فوج وعدد مني المدد وانظر على المشاية
قلبي انتظر يا هو الحضر وي المواكب هاية
روج الأرض مثل النبض يا شيعتي الوفاية

يالاحرار يوم الحشر بعيوني
يزوار على الوعد تلگوني
ــــــــــــــــــ
دفتر وفة وعن معرفة يسجل حبيب الحاضِر
يملي الأسم حتى الرسم اعرف قلب كل زاير
والبي ذنب قادم محب امسح ذنوبة وغافِر
يگضي الصعب والـ بالقلب والعنده حاجة وحاير

والاسرار مگضية للوافوني
يزوار على الوعد تلگوني
ــــــــــــــــــ
هذا التعب كلة انحسب شكراً لكم خدامي
ماي انفرش درب العطش واسيتوا قلبي الضامي
شاب وكهل طفلة وطفل فرحتوا كل ايتامي
هاي العبي عن السبي هنه الطفنها خيامي

بالاصرار والتضحية تحبوني
يزوار على الوعد تلگوني
ــــــــــــــــــ
تحيون أمر طول العمر لمن اجيتوا لبابي
هذا الوعد والمعتقد انتم يشيعة احبابي
يهل الصدك يهل العشك انتم مطر بعَتابي
مثل القِدم اجرِ الخِدم كلكُم سوّة بِحسْابي


بالإِيثار والمعرفة تواسوني
يزوار على الوعد تلگوني
ــــــــــــــــــ
من اي زمن من اي وطن يتعنى جَاي وعازِم
طاف واسعى عالمشرعة لهاي الزيارة وهايم
لو بس نظر نال الفخر نال الكرامة القادم
من جد وجد قلبه انسعد يوم القيامة السالم


ترى النار ما توصل الخدموني
يزوار على الوعد تلگوني
ــــــــــــــــــ
الشاعر زين العابدين الشمري

الناشر احمد الفاطمي

19 июля 2025 17:59

(زينب عليها السلام من زاوية أخرى
شور)
اخت حسين مشت عل وصه بيه حسين اخت حسين
خذت دور الكفاله بالضعن والدين اخت حسين الچفوف اعله الوجوه موصيه النساوين اخت حسين
بحشمتها الرساله الشاف صاح منين اخت حسين

لتصدق حاجته يجزيك بارينه
احنه ال الرسول وماتحل لينه
عدها الناس دركت هالضعن منوين
وعرفو ياضعن هالگوم سابينه

ولهذا السبب لما رفعت جفهه
سكتت شماتهه وبطلت كل دفهه
كلها اصغت لزينب وشتريد تگول
ولهلهل بدمعه انوب حالفهه
.....................................
مامسموع زينب تومي سكته لتهل دموع مامسوع
كل صوت البچي ياهل حرم ممنوع مامسموع
وسمع بحسينهه لبخباره مامسموع مامسموع
نصبت فاتحهه براسها المرفوع مامسموع

صاغت كربله من العفه والحشمه
نعم فوگ الهزل بس هيبت العصمه
لصد الهه يدنگ مايحد يشوفه
روس اخوانها عله الخدر ملتمه

يستأذن اخوها الهوه ويسندها
ليسروها يسارى تشوفهم عدها!
تسوي الراده اخوها اوين جرحه يطيب
برزت للكلايف مالگت ندها
::::::::::::::::::::::::::::::::::::
ليش العيد كل ديره تطبهه تصيح يهل العيد ليش العيد؟
خدور ال الرساله مجتفات الايد ليش العيد
ولچتل اهلنه من الضعن شيريد ليش العيد
النبوه اعله الرمح والعدل والتوحيد ليش العيد؟!

هذا اعله العواسل مهجة الهادي
العبيد انتم بعدنا ضلت تنادي
باجر بالحشر طه شتگلوله
لو نادى يربي ذبحو اولادي

مامقبولة توبة بالطبگ حاضر
بكل ديوان وگفت وگفت العاشر
جروح السوگ غطتها بعبايتها
وصبرها الغطة جرح حسين والحافر
.................................
اه يشام الطريج اجروح بس الاشد هل الام اه يشام
طبت والشماته بكل حجيها إسهام اه يشام
ودخلوها القصر بت حيدر الظلام اه يشام
ويزيد بثغر اخوها بعصته يلعب گام اه يشام

تصد لحسينها بذاك الطشت راسه
وينكث ثغر اخوها يزيد وضراسه
بچت سكته عله صوت منادى نادى يزيد
تدري شگد محمد بالحلگ باسه؟

ارفع عصتك يالظالم وسافه
يامه ويامه جده يقبل شفافه
عدهاوگام ينشد وينهه اخت حسين
بدينه ميسره ومچتفه خلافه
.............................
خادمكم قاسم المالكي

الناشر احمد الفاطمي

19 июля 2025 11:43

صوت السماء.......يافاطمه
نحيي العزاء........يافاطمه
*******************************
فاطمه اشگد رحمه .....للخلك للعالم
خيري كله بخيرج ..فايض عله الوادم
سولفت ابدموعي...والدمع ظل ساجم
افتخر خليني...... شغلي شغل الخادم

فاطمه رزقيني.........ابكوثرج ترويني
خادم واتباها........يم حسن سجليني

من كربلاء...........يافاطمه
نحيي العزاء.......يافاطمه
*******************************
ابهل مجالس هايه.... خدمتك خليهه
والخدامه اتفيدك..... تعله بس داريهه
والعلاقه بفاطم .....دمعه اخذ قويهه
والخدمهه الزهره ...شيعي فايز بيهه

عالخلك نتباها...........كل وكت نلگاها
هل مجالس هايه.......فاطمه ترعاها

هذا الولاء........يافاطمه
نحيي العزاء.....يافاطمه
*******************************
اشگد چبير الخادم...... هايم امخليته
كل وكت تسبيحه ..... فاطمه لطميته
الله صلى عليهه....والوحي وقدسيته
واليحب الزهره .....والله طاهر بيته

عن وحي القراني....حبهه عالم ثاني
والدمع خليته......... للوقف وجداني

عمري بكاء........يافاطمه
نحيي العزاء......يافاطمه
*******************************
والخدم معروفه.... هيه تعلم بيهم
والتحبه الزهره.... باچر اتجازيهم
تلتقط شيعتهه.... فاطمه اتناديهم
كلتقاط الطيري..... بالحشر تنجيهم

حلوه شغل الخادم.....يفتخر عالوادم
اتعيين بخدمتهه.........عالملاك الدائم

لاهل الكساء......يافاطمه
نحيي العزاء.....يافاطمه
*******************************
تفخر ابمضمونك .....يالتحب الزهره
يعلى باچر شانك......والصراط اتعبره
الحور كلها اتريدك.....بالحشر منتظره
هذا خادم فاطم........والمقام اشكبره

توگف اعله المحشر.....والخدم تتبشر
والتحبه اتگله..........تگعد بصف قنبر

هذا النداء..........يافاطمه
نحيي العزاء.....يافاطمه
*******************************
هيه هاي الخدمه .....بيها عالم ثاني
اعترف بجنوني...... منهجي وعنواني
خدمتي محلاها.......من وحي القراني
هوايه ضاجو مني... والله مو علماني

بشغلي منهو ينافس.....اني ماخذ فارس
اتخرجت بالخدمه....استاذي اول عابس

اجمل وفاء...........يافاطمه
نحيي العزاء.........يافاطمه
*******************************
تمت بعون الله تعالى
الشاعر_يوسف_الفتلاوي

الناشر احمد الفاطمي

19 июля 2025 11:37

شهادة الامام علي بن الحسين (زين العابدين) عليهم السلام

مات مسموماً قضى زين العباد
ابن خير الناس وعـضاً ورشــاد

=======================
انت للــديـن اساساً مـن اقـــام
انت ينبـوع المـعـارف والسلام
أبـن أمـامـاً أب أمـامـاً و أمــام

وشفيع الأمـه فـي يـوم المعاد

=======================
انت يامـن ذل طـغـيان يـزيــد
واهان الملك مغلــول الحـديـد
تقضي مسموماً بأحقاد الوليـد

والمساجد ترتدي ثوب السواد

=======================
ياعلي يا ابـن سـيـد الشـهـداء
يا أبـاة الضـيم يامعنى الفداء
ياسـراج النور قــد قام العزاء

وعلى المسموم نعلن بالحداد

=======================
يا اسير الحرب في يوم الطفوف
وابيـك واحــداً بـين الصـفــوف
كثر الطعن به ضـرب الـسيـوف

وعليلاً قـد دفـن تلك الاجـسـاد

=======================
أعانك الله تُـحـامي عـن عِـيال
حـرمٌ أطفال ما بـيـن الرجــال
كيف حالك سيّـدي ماهـو حال

من خيامه تـشتـعل دون خِمـاد

=======================

✍️عباس مالك آل عفريت

#شهادة_الامام_السجاد_ع
نسألكم الدعاء

الناشر احمد الفاطمي

19 июля 2025 11:37

#شهادة_السجـاد_ع

يا عــلـــي الـســجــاد اللـه يعــيـنــــك
الصار بالطــــف انـت شـفتـــه بعيـنك

===========================
آه يالمـسـمــوم يا زيــــن الـعــــــبــاد
بنـــوح عـمــرك خلّــص بلبس السواد
انت ياديـــن اللـــه يـــــا باب الـمـراد

ادمـــوع خلـصـت الـعــمـــر وسنينك

===========================
مـــن فـعــل ذاك الـولـــيد ابن الزنات
اتموت بالسم تجـــرع امـــرار الحياة
هز وجودك ضعضع اعروش الطـغـاة

يالعمر خلـصـتــه حـــامـي الديـنـــك

===========================
ايــسـاعدك الله اعــلـه عـمـلـة كربله
كــلـهـا جــدامك تطـيـــح امـچــتلـه
شحال ذاك الوحـده ماتــو كل هلــه

نومــه صــارو وحـــدك امخـليــنـك

===========================
بيوم عاشـــر شاهـــدت كــل الجره
گلـبك امصـاب الذبـيــح ايـمـرمــره
كل اخــوتك نامــت بــذاك الـثــــره

وانت بـحــبال العــده امـچـتفيـنك

===========================
انت شفت احسين طايـح عـلتـراب
كثره بيه اجروح من دمـه الخضاب
ايعينك الله شلون تحـمل هلمصاب

الخيل چــدامك تـــدوس احسينك

===========================
يا فـــرار العيله ياحــــرگ الخـيــم
يا سبي النـــســوان زادك بالألـــــم
بين گـــوم انجــاس ماعدهم شيم

وانت وحـدك والعــده محوطينك

===========================
اثر باقي الجامعـه اسلال الحديـد
ابرگبتك مــــولاي وصلـت للوريـد
واحد ومچـتوف ومخــوف يزيـد

حتى وسـط المجـلس امگيدينـك

===========================

✍️عباس مالك آل عفريت

نسألكم الدعاء

الناشر احمد الفاطمي

20 июля 2025 07:02

قصيدة مشاية الااربعين••♕
رساله •نزال


الطلـع مشايـه تـطيب جـروحـه
بعشگ لحسين الاارض مملوحه
•••••••••••••••••••••••••••••••••••••••••••••••

الطلع لجل حسين يتحمل تعب
يمشي بحزان والـم وكـت الـهب
وخلي بس لحسين دگات الگلب
وبـطريـقـك لا تـزيـد جــروحـه

•••••••••••••••••••••••••••••••••••••••••••••••

اليعشگ حسينه يروح بكل وفه
وهذ ا دربك كله حگ ومعرفه
جنه حبه ودمع عينك تذرفه
واليريـد حسيـن نـوره يـلـوحـه

•••••••••••••••••••••••••••••••••••••••••••••••

هوايه خدام لمشت وكت المشي
وكـون ميـباوع حـرام ويـغـتشي
ضعن زينب والحرم مـاضله شي
ونته تنحب على جسمه ونوحه

•••••••••••••••••••••••••••••••••••••••••••••••

ضوگ تعب ام عون يلـرايح تزور
حيل متعوبه وضـعن فاگد نحـور
وصير مـاي وبالطريق الهم صبور
من النياحه اصواتهن مبحـوحـه

•••••••••••••••••••••••••••••••••••••••••••••••

وصير مـهـتم بصـلاتـك والـمـهـم
كل عمل مرفوض اذا فرضك عدم
واسي گلب لمنتظر من يبچي دم
ولا تـضـيـع تـعبـك بـكـل روحــه

•••••••••••••••••••••••••••••••••••••••••••••••

سلم اعلـه حسين ونته بكربلاء
ونوح لـجله وحضر بكل العزاء
وربعيـن حسين عـنوان الـوفاء
خلي عينك بالـدمع مـفضوحه

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍

الناشر احمد الفاطمي

20 июля 2025 07:02

قصيدة شهادة زين العباد•♕
نزال حزن



طـاح العليل البلطف مهجته
بسـم الشماته غـدرو چـبدتـه
ـــــــــــــــــــــــــــــــــــــــــــــــــــ

وشـاف العذاب الجره بكربلـه
جسـمه نحيل وبالمرض بتـلـه
حـرگـو خيامـه فـوگ العايـلـه
حـتـار العليل وتـركض عمته

ـــــــــــــــــــــــــــــــــــــــــــــــــــ

تنزف جروحه وي مجره لدمع
يسمـع احسينه كسرولـه لظـلع
حيـله طـايـح وگـلـبه مـنـفجع
شاهد مصاب وشاهـد ذبـحته

ـــــــــــــــــــــــــــــــــــــــــــــــــــ

يگـوم ويـعثر وحاير بـالحرم
نـار وعساكـر ألـحرگـو خـيـم
شاف المـصايب وذاك الظـلم
منظر صعب الشافـه بـغـربته
ـــــــــــــــــــــــــــــــــــــــــــــــــــ

ويـه السبايـه مـن راحـو سبي
مچتفه چـفوفه نسل الـطالبي
ويـه الـضعن مشه علم الـنـبي
گلبه عطشان ومذبوحه اخوته

ـــــــــــــــــــــــــــــــــــــــــــــــــــ

بسجن وخرابه كمل هـل عمر
وسوط الشماته مـاخله ظـهـر
بصبره وحياته مل حته لصبر
بشوگ وعطش گضاها لوعته

ـــــــــــــــــــــــــــــــــــــــــــــــــــ

تمـدد الـوالـي مسموم وشهيد
يبچي لحسينه وجروحه تزيد
وزيـن العباد البلغـربــه وحـيد
وبـنـه البـاقـر سـار بـدفـنـتـه

ـــــــــــــــــــــــــــــــــــــــــــــــــــ
خادم الحسين ع
مهندالعايدي

تمت بفضل الله وال محمد ع
نسالكم الدعاء//1447ه‍
يوم 25 محرم الحرام
شهادة زين العابدين ع
علي السجاد ابن الحسين ع

الناشر احمد الفاطمي

20 июля 2025 07:02

من نضرتك    ماعرفتك.   ياحبيبي
كَلبيتك.       وشلكَيتك.     ياحبيبي
يابعد الكَلب الزچيه.      كَوم خل نرجع سويه
ياحبيبي
.................................
هود الليل واجيتك    يابعد كَلبي شلكَيتك
لوله عطرك يا الاخو چا ماعرفتك
صدرك الينبع محنه.    الخيل تاليهه اسحكَنه
ولا ظلع سالم احس حين النضرتك

حسين يالماكو بحنانك.     رد واموت ان بمكنانك
ليل غربه وكَلبي رايد.        خويه يدفه بأمانك

بالي يمك.    بيش ألمك    ياحبيبي
ارد اشمك.   شلون اضمك. ياحبيبي
خويه يالرحت من اديه.     كَوم خل نرجع سويه
ياحبيبي
..........................
اسهام البنحرك شفتهن.     والله ما اكَدر اعدهن
وسهم المثلث عبر خويه اعله كَلبك
حسين يبن امي لكَيتك.    مخضبه بالدم لحيتك
منين الزمك خويه لو ردت انه اكَلبك

من الحجر ينزف جبينك.    ونازل الدم اعله عينك
وغنصرك ياخويه وينه.       شو نقص بجفوف ادينك

ما لكَيته.     ودوريته.   ياحبيبي
مسلبينه.      كَلي وينه. ياحبيبي
بالترب ضايع عليه.     كَوم خل نرجع سويه
ياحبيبي
..............................
خويه دوهني مصابك.    مسلبه حتى ثيابك.
 وانت عطشان ومتت تاليهه ضامي
من الكفه مكَطوع راسك.   شجم نذل يبن امي داسك
وشيصبر كَلبي وانت كَبالي دامي

والمكان الجدي باسه.    وسفه تالي الشمر داسه
جسمك الطاهر حسافه.  شلون خويه النجس جاسه

بالحوافر.  والخناجر.       ياحبيبي
الجسمه طاهر. وذر صاير. ياحبيبي
ملعب لخيل ال اميه.    كَوم خل نرجع سويه
ياحبيبي
...................................
حسين لو رد استشيرك.    وانا بالطف مالي غيرك
انطيني راي ومحنتي تعرف چبيره
عالرمح راسك اشوفه.     وجسمك شلون من اعوفه
وين اروح وداعتك متحيره حيره

حيره حيرني زماني.     يمرن سنين الثواني
وين كَلي انه انطي وجهي.   حسين خليك بمكاني

شكبره همي     ياهو يمي.  ياحبيبي 
ويامن امشي    فدوه احجي. ياحبيبي 
تدري سموني السبيه.    كَوم خل نرجع سويه
ياحبيبي 

..................................
جابو الهزل تراهم.   والحبل خويه بكفاهم
باجر بطرت الفجر أعلن رحيلي
شلون لوعنك خذوني.  وبالحبل لو كَيدوني
ويمشي راسك عالرمح انت وكفيلي

حسين باصرني بغلاتي     من يسلبوهن بناتي
ولا خيم ياخويه ظلت.  وصلت النار لعباتي.

استوحدوني.    حاربوني.   ياحبيبي 
نايباتي.        بس بناتي.     ياحبيبي 
جابو احبال لرقيه.      كَوم خل نرجع سويه
ياحبيبي 
..............................
✍️.   ابو منتظر الحريشاوي

الناشر احمد الفاطمي

20 июля 2025 07:02

عن اخوي العباس يا ام البنين احچيلچ
..................................................
 مو كل اخو ينعد اخو لاگ على عباس المثل
 امروه تعرگ گصته مو ماي من عندهه النزل
 ما دام يشتم الهوه صوب الخيم محد وصل
 لو حمره صارت كربلاء معناهه ابو فاضل حمل

 لو تغيم كربلاء معناهه صال
 فارس العباس ثابت بالنزال 
يشوف وين القائد يگله تعال
 خلي اشوفك من صدگ معنى الرجال 

عن اخوي العباس يا ام البنين احچيلچ
..................................................

هنيالچ مربيه شهم محسوده صرتي بكربله
 عطشان الحسين وروه ابنچ ينكط مرجله 
ما مرنه خوف ولو يمر عباس امان العائله
 بچفوفه چن سوره فلق وعيونه چنهه البسمله 

حرب والعباس ساتر على الخيم 
مآمنين نشوف بچفوفه العلم 
شما عطشنه يروح للشاطي وهجم 
هزم وحده الجيش ما مره انهزم 

عن اخوي العباس يا ام البنين احچيلچ
..................................................
الدنيا مشتده وحرب عباس واكف مبتسم 
هلگده گال الطف الي ما حاجه خطه ولا رسم
 بس ينطي ابو اليمه الامر للكوفه اوصلهه الزلم
 غير انه ابن حيدر علي وبيدي الفقار المنتقم 

اتخوصرلها وفاض من عينه الزعل 
الطاح طاح الباقي من مهره انسحل
 نادت العربان ياهو الي نزل
 هل هو العباس ام خير العمل

عن اخوي العباس يا ام البنين احچيلچ
..................................................
 ظلمه الليالي بكربله وعباس لعيوني الضوه
 كلش غيور بخوته يخاف على اخيته من الهوه
من المدينه لكربله شما گمنه لو نگعد سوه 
قل لا اخو غير الگمر قل لا غيور الا هو 

هندس و عباس بالطف نوره شاع 
لو يغمض عينه نشعر بالضياع 
صح سفينه حسين بس هو الشراع
 زين والعباس يمه تشيله گاع

عن اخوي العباس يا ام البنين احچيلچ
..................................................

 عطشت حرايرنه وزعل صاح انه سبع الگنطره
 انه العباس بن علي اعرف عند الزمجره 
ووالدي ليث الوغى ذاك المسمى حيدره 
طبهه وچفاها المشرعه وخل الزلم متبعثره

 ياهو للعباس يوصل زوده 
حين شاف الماي كثره جنوده 
عناد بيهم وصل هو وجوده
 يمه والچفين ذيچ شهوده

عن اخوي العباس يا ام البنين احچيلچ
..................................................
✍️. ابو منتظر الحريشاوي

الناشر احمد الفاطمي

20 июля 2025 07:02

    لسان حال مولانا الباقر ع 
عند استشهاد والده زين العابدين  ع 
****     

              الخلص عمره بطف اجروحه
                توه ارتاح وطلعت روحه
 مات وضلت دمعه بعينه    للموت وما ناسي حسينه 
                        مات ابوي 
......................................................
يموت اليفارگله واحد  شحال اليفارگ عشيره 
غالي غالي الموت اخذهم  من صغيره لحد چبيره
الي شالع حيل گلبه     حسين من جابه بحصيره
 مات ابوي واه زينب     چانت الكلمه الاخيره 

             مات المتغطي بدمعاته
              اليبچي شما يذكر عماته
 خلصت عبره ودمعه سنينه      للموت وما ناسي حسينه 
                         مات ابوي 
..............................................
بالطفوف اذكر كسرته      وذاك موقف ما نسيته
 يموت كل ما راح غالي   وگوه يوگف من رزيته
 خشبه وتفطر عليهم       هيچ ابو الباقر لگيته 
كلشيء يابس بيه اشوفه   بس دمع تارس لحيته 

                فوق العله وعوده الذابل
                 الله اليدري بگلبه اشايل
 شكم حسره وهم مشوفينه        للموت وما ناسي حسينه 
                                  مات ابوي 
.......................................................
يا جرح يگدر يشده       وهنه الجروح شكثر
 ويا مرار الينسه گلبه      ويا هضم ما ينذكر 
شلون ينسه دموع زينب  من مشت درب اليسر
 صعدت الهزل اميره       بلا محامي ام الخدر 

             ياهو اليگدر هذا يشوفه
              بنت حيدر تطلع مچتوفه
 نادت وين الكافل وينه  للموت وما ناسي حسينه 
                          مات ابوي 
.......................................................

سنينه چن الطف خذاهن      مات ابوي من الوجع 
لکربله شلونه من اجاهه    واخ من عدهه شرجع
رد ولكن دون واخوته       وگلبه بالهم  انفجع 
 الدار وحشه وحين طبهه    صاح يابوية ووگع

                 اخ من الطف ماخذ ناسه
                 شيب گلبه ومو بس راسه
من ضيم الطف الله يعنيه     للموت وما ناسي حسينه 
                             مات ابوي 
.......................................................
فوگ هذا الضيم لنهه      ال اميه سمته 
ومثل چبد حسين بالطف  گطعوها چبدتهه
 مات مسموم وتشيع   واجت حضرت شيعته 
بس مصيبتنه الچبيره   حسين ضل بغربته

                 كلهه اهون من ضيم العاشر 
                 ميت جدي وداسه الحافر
 وسيوف تقطع غالينه     للموت وما ناسي حسينه 
                          مات ابوي 
.......................................................
✍️. ابو منتظر الحريشاوي 

الناشر احمد الفاطمي

20 июля 2025 07:02

عباس عباس عباس عباس
...........................................
حره ربته
للطف ودته
وثلاثه اخوته
تسلم يمنته

طب للجيش بيهم زلزل الگاع .... هيچ تصير السباع
لو طبت حرب
حي عباس حيدر چنه لو غار ..... تهابه صغار وكبار
تارسهم رعب
شال السيف چفه وشد اللثام ..... الكاسر خشم الازلام
لو فكر يطب
الما يعرف مذله ولا اعرف خوف...... ركعت يمه السيوف
ولا فارس گرب

( وبس عباس يسولف سيفه)
عباس عباس عباس عباس
..........................‌‌‌‌‌...................
طبها الما يهم
واقع ولو حلم
صياد الزلم
صيته على النجم

بطل عباس وربايت الدواوين ..... ومخلي القوانين
بالطف تنكتب
رفت شاربه ادخلهم انذار ..... . حار ويلسع النار
لو غيظه يشب
عين على الخيم عين على الحسين ....دارسهه الخطط الزين
وابن امه اليطب
الما مولود منه ولا انولد دوم ....... غارت منه النجوم
والريح التهب

(شيخ الماي بيوم العاشر)
عباس عباس عباس عباس
..................................................
اسم الله ومن بده
جيش الوحده
حيدر والده
شيخلص العده

باشط من يزامط ياخذ الحيف ..... مركض مهره والسيف
هذا الما تعب
گالوا على النهر خلينه الاف ....... هز جفينه ما خاف
شوفهم عجب
عسكر يم اخوه الوحده عباس ..... شيخ على الزلم داس
كسرهه الرگب
هذا من يشوفه حسين يرتاح ........ ومنه الضيم ينزاح
كشاف الكرب

(ضل مرتاح حسين بزوده)
عباس عباس عباس عباس
.............................................
زينب صاحته
جاهه برايته
فاضت غيرته
يمهه وحضنته

لزينب بالمحنه فارش خيام ........ اخته مأمنه تنام
ما دامه عدل
لو صاحت كفيلي گلهه يفيديچ ...... اخذلك هيچ اخو هيچ
مثل ابو الفضل
عطشت والشريعه تريد خيال ........ كون يزيح الجبال
لو سيفه يسل
چفوفه على النهر خلاهن شهود ....... وخله العلگمي بجود
هذا الما يذل

( خل الماي بجوده مشبگ)
عباس عباس عباس عباس
...........................................
نار وما طفه
على الحگ ما غفه
ينضح بالوفه
واضح موقفه

من صغره المعارك حلوه وياه ......... رب الكون سواه
چنه لكربله
بالعاشر اخوه حسين ناداه ......‌ قائد جيش خلاه
وانطاه منزله
هذا المن وگع ظل محني الحسين...... گال انطي الوجه وين
شوف المعضله
طمعو بالخيم من غمض العين ....... افهم هالحچي زين
وهاي المساله

( يا عباس اكعد مو يومك)
عباس عباس عباس عباس

........................................
✍️ ابو منتظر الحريشاوي

الناشر احمد الفاطمي

20 июля 2025 07:02

حــلــه ويــاك تــعــبــنــه 
يـا مــحــبــوب گـلـبـنــه     حسيناه  حسيناه

لــگـيــنــاك هـــوانـــــــه   
جــــرحــــنــــه ودوانــه    حسيناه  حسيناه 

.........................................

 أبــزغــري    وكـــبــري   لـگـيـتـك مــن زغــر لايـگ عـلـيـه
 احــبــــك    وأشــمــك   هـوه وأرتــاح مــن تـدخـل الـريـه
 
مــفــتــون أبــمــحــبـتــك گـلـبـي مـفـتـون
يـــا اول عـــشــگ مــــر  أعــلــه الـعــيــون
أريـــد اســــآل ســــؤال أولــــو  تــــــردون
الـدنــيـه أبـدون  خـدمـه تـخـلـص أشـلـون


لــگـيــانـك  قــضــيــه   
وعــرفـنــاك هـــــويــه    حسيناه  حسيناه

ألــه يــهــون سـهـرنـه   
حــلـه ويــاك تـعـبـنـه    حسيناه  حسيناه 

.........................................
 
 يـگـلـبـي   ويــدربـي  أغـمـض  عـيـوني وتـروح لحضـرتـك
 كـيــانـي   ولـسـانـي   يـصـوم مـن الـحـچـي لو ما ذكـرتـك

 يــســالــوفــة غـــرام تــزيــل الــهـــمــوم 
أحـبــك مـن صـرت مــن يــومـي لـلـيــوم
 الــيــلــوم  أبــراحـتــه لـــو رايـد أيـلــوم
 الـگاع شـجـابـهـه وتـحـچـي ويـالـنـجـوم

يــمــعــشــوگ هــويــنــه    
الــك هـــــذا  بــچــيــنــه     حسيناه  حسيناه 

يــصــب دوم دمــعــنــه    
حــلـه ويــاك تــعــبــنــه      حسيناه  حسيناه 

..................................................

يــكــلــي   ويـعــقـلـي   اكـتـمـل چـي لنـه مجـنون بغـرامك
يــــداري    ويــنـــاري   بـدلـيـلـي تـفـور يـا جمـره خـيامـك

عــمـري  بــلايـه خـدمـه چــنــه مــهــدور 
ويــخــلــص بـالـتـفـاهـه بــدون عــاشــور
مــعـيـشـنـي الـمـصـيـبــه ربــي مــشـكـور
ألــطـــم بــالـثــکــيــل والــطـــم أبــشـــور 

الــحــزن هــذا اجــيــده     
بـچــيـنــاك   قــصــيــده       حسيناه  حسيناه 

وابــــد مــا جــزعــنــــه       
حــلــه ويــــاك تـعــبـنـه        حسيناه  حسيناه 

.................................

يــروحــي   وجـروحـي   أعـوف الدنيا والـمـجـلـس أحضره 
ولائـــــــي   وعــزائـــي   اصـغـر بـيـتـي والـمـوكـب أكـبـره
 
أجــيــب ولــيــدي يـخــدم  لـلــيـخـدمـون
ومــا ادور أشــكــر لا  اريــــد  مــمـــنـــون
اتـــبـــرك  بـــديـــهـــم  لــو يــقــبــــلـــون 
ابـوس چـفــوفــهــم كـون الـيــلــطــمــون 

ألــتــحــب بــچــيــهــم     
احــبــهــم بــــديــــهــم      حسيناه  حسيناه 

هــــــذولـــه فــخــرنــه    
حــله ويــاك تــعــبــنــه      حسيناه  حسيناه 
............................
✍️ ابو منتظر الحريشاوي

الناشر احمد الفاطمي

20 июля 2025 07:02

للسيده شريفه سلام الله عليها

اگصد المرقد شريفه الما مثلها بل ارض
لوعة العترة الشريفه الما مثلها بل ارض
الها قدم هل عزاء
في مصيبة كربلاء
_________________________________

لو ردت تحضى ابرفيع المنزله
أگصد الها والمدامع هامله
او ضعن الاحزان ابصحنها حوله
لن شريفه لوعه من طف كربلا

نبعه من بيت النبوه الما مثلها بل ارض
يا گلبها اشگد تچوه الما مثلها بل ارض
شافت انواع البلاء
في مصيبة كربلاء
_________________________________

اگصد المرقدها محزون النفس
اتصور ابعين البصيره الصار امس
يوم عاشور او ركضهن بل شمس
او يركض ابسوطه وراهن چم رجس

حيره محتاره ابزمنها الما مثلها بل ارض
والسياط الورمنها الما مثلها بل ارض
ناحت اعليها السماء
في مصيبة كربلاء
_________________________________

يا هظيمه ابحالها اشصار او جره
بيها چم عبره يويلي امكسره
حره . بنت اشيوخ حيف امحيره
اصبحن بل طف مره التلوذ ابمره

لابو الاكبر لا بو فاضل الما مثل بل ارض
لا خيم لا ضل محامل الما مثلها بل ارض
فقط ايتام او نساء
في مصيبة كربلاء
_________________________________

اعليها خل ادموع حزنك تنهمر
ابلهفه امش والروح ذبها عل گبر
طفي بدموعك جمرها المستعر
خاف من اخيامهن يمها جمر

عينها وسچب العبره الما مثلها بل ارض
واسمك اتسجله الزهره الما مثلها بل ارض
احسب ادموعك دواء
في مصيبة كربلاء
_________________________________

گوم واحسب موكبك واجب فرض
يم شريفه الشرفت هاي الارض
موش من گعده اعله طولك انتهض
او خلي زنجيلك يدگ طول ابعرض

واجذب الحسره الطويله الما مثلها بل ارض
أشما تقدم هم قليله الما مثلها بل ارض
البس احزانك رداء
في مصيبة كربلاء
_________________________________

واحتسب اجرك عند حامي الحمه
واعرف ادموعك تضمهن فاطمه
باچر ايجازيك جبار السما
او دمعك اينجيك من الحاطمه

والشريفه اعهود جدد الما مثلها بل سماء
وابسمها اهواي ردد الما مثلها بل سماء
لن اسمها بي عطاء
في مصيبة كربلاء
_________________________________

ابو فاطمة الطائي

الناشر احمد الفاطمي

20 июля 2025 05:38

يا عذابي. جنها ساعة موتي هاي
يا عذابي. اشلون اشربنك يماي
وانته عطشت الحسين
*****
دنت مني المنيه وحانت الفرگه
وبعيوني دمع وخيام محترگه
جسمي امن الحزن بي روح ما تلگه
شفت حسين ابوي الحافر يسحگه

والهضيمه. ايلوج من شدت ظماه
والهضيمه. كطره محد شرباه
تجري كل هاي السنين
وانته عطشت الحسين
***
ما اكدر ابطل النوح والونه
وبالطف شفت ابوي الخيل داسنه
شبيها الخيل عمدآ فوكه تتعنه
الم بعظامه ويرجعن يطشرنه

بلا عمامه. ومجفي وجها اعله التراب
بلا عمامه. اشحال مسلوب الثياب
وانه زين العابدين
وانته عطشت الحسين
****
اكطعت درب اليسر وياي شماتي
الحبل من ركبتي لجفوف عماتي
بدرب الشام ما خلصت معاناتي
اعاين للخرابه وتجري دمعاتي

والله حيره. الگبل حيل مخدرات
والله حيره. اليوم اشوف ميسرات
وكل اخوتي مذبحين
وانته عطشت الحسين
***
صحت يا ماي كلي اشلون اضوكنك
وابوي حسين بالطف انحرم منك
وكت الموت اجه. ودرت الوجه عنك
واعذارك بعد لا ما يفيدنك

ما اعذرك. بعد عذرك ما يفيد
ما اعذرك. انته من عدنه شتريد
وعمنه مكطوع الادين
وانته عطشت الحسين
**
ما بين المصايب خلصت عمري
واثار الصياط انطبعت بضهري
دنت مني المنيه والدمع يجري
وريد حسين ابوي ايشيلني الكبري

وفوگ نعشي. يكثر الون والنحيب
وفوگ نعشي. يوكف ايصلي الغريب
وينزل بلحدي الحنين
وانته عطشت الحسين
**
تمت
تحسين الخفاجي

الناشر احمد الفاطمي

20 июля 2025 04:07

""قصة سكينه وعمها""بطور ياگلبي تقوى بالوداع
لمحمد باقر الخاقاني"""

دوهني عاشر الطفوف ابجي وذبلانه
بالخيمه خاطر لايشوف سكنه العطشانه

انه المااريد الماي وعمي مااشوفه اوياي
سكنه العطشانه
""""""""""""""""""""''''''''''''''''''''''''''''''''''''''''''''''''''''''''
يلعطش لمن عصرنه اه من شرع بذيته
انه كل بالي ويعمي وكتر بالخيمه خذيته
لايجي ويشوف حالي وللنهر يسرع دريته

كل شي ولاعيناه تصدني
ادري بعمي حيل يودني
يروح
جم نار بگلبي الحراگه
العطشانه اهون من فراگه
جروح

لازاله عمي بالخيام كل احنه بنعمه
ولومشه نبقه للظلام من لچمه لچمه

ماريدن افكر بهاي وعمي مااشوفه اوياي
سكنه العطشانه
...................................................
من سمع صوت البواچي هذا خوفي الجان منه
اباب خيمتنه اجانه ومو بعيده الخيمه عنه
وگام ينشد من خواتي وينها شو ماهي سكنه

لمن دلن عمي عليه
طب الخيمه وباوع بيه
ويگول

متكتره لوحدج ذبلانه
ومبينه رسومج عطشانه
ذبول

ياسكنه للنهر اروح ها ياعلويه
ماريدن مثلج وتنوح وزعلانه عليه

بهيده گتله يل حداي وعمي مااشوفه اوياي
سكنه العطشانه
.............................................
گتله مو زعلانه منك شنهي بيك يزعل انته
جنت اظم العطش عنك وتالي بعيونك عرفته
مااريد تروح منه هالطلب عمي طلبته

بس ياعمي ابگه ويحسينك
بالخوه المابينه وبينك
سنينن

صير الظهر حسينك تجوه
والظعن بشوفك يتروه
الحنين

ظعنك يشوفك الحنان يل يمنه نريدك
واهس وللخيام امان وحزام عظيدك

شلي بروحي وبدنياي وعمي مااشوفه اوياي
سكنه العطشانه
...................................................
گتله بس ماجني گتله گلبه ابد ماجان هايد
من سمع ون العطاشه وشاف بالعكسر هدايد
بلزمته سيفه وجربته گلت عمي يروح رايد

تعنه بثكل موادع عصمه
وتلاگه جروح ويلچمه
ويبوي

والوالد ظاجت انفاسه
صاح ويمفارگ عباسه
يخوي

موادع يم خيمنه صار وعيوني تباوع
لعمي ريته جدمي سار وياجفني الناگع

لدمعاتي وحزن بلواي وعمي مااشوفه اوياي
سكنه العطشانه
..................................................
عدها كل جدم ليبعده يصير بالخيمه انكساري
انه من العطش عمي شلون اوصله اعتذاري
والدي من شفته حاير گلت ابوي بعمي داري

صوب الشاطي بدمعه تعنه
وصلت يم خيامه الونه
ويلوع

نسمع گوم اوياي وچلمه
خليني هنا ارجع زحمه
بدموع

ياثكل اجدامي للخيام وجتاله الحسره
گلي وشيمشي الجدام للكسرو ظهره

بصوته الريح اجه عناي وعمي مااشوفه اوياي
سكنه العطشانه
""""""""''''''''''''''''''''''''''''''''''''''"""""""""""""""""""""
رد ابوي بجدم عاثر للخيم بس جاي وحده
كلها تنشد وين عمي وكلها منتظرته رده
خيمته بدمعه گصدها والعمد بجفوفه هده

يعني الجفال ابلارجعه
وعل شاطي هل جنت مودعه
واجيت

مايرجع گتله وحاجاني
عن حمله ابدن ماخلاني
وبچيت

فاضت روحه يمي راح وعيوني تشوفه
گلبي عدها يمه طاح لمگطوعه جفوفه

صحت بهظمي يارجواي وعمي مااشوفه اوياي
سكنه العطشانه
"""'''''''''''''''''''''''''''''''''''''"""""""""""""""""""""""""""
خادمكم قاسم المالكي

الناشر احمد الفاطمي

19 июля 2025 20:51

خل تفزع يمولاي الدول كلهه
فـاتحتك ثگيله اومـانعـزلـهـه
                         """"""""""""""""""""""""""'''''''''''         
                        """"""""""""'''""1"""""""'''''''''''''''''
يامولاي تحضر ناس مـاتنعد
مهظومين كلهم لابسين اسود
بيبان  الچوادر دوم ماتنسد
من خيرك يبو الاكبر نصب ألهه
                        "''"'''''"""''"""''''''''''''''''''''"'"""""""""
                        """""“"""""""""2""""""""""""""
أول فاتحه أبهلكون ماتخسر
تجيهه الناس بالجو والبحر والبر
غير انته الحسين اشلون نتعذر
أمك بالقيامه أهناك شنگلهه
                          "''''''"''''''"''""''"""'""""""'''''"'''''''''''''.   
                          """'""""""''""""3""""""""""""""
خـدامك يبـوالسجاد ماتتعب
تطبخ بالمواكب والشمس تلهب
خلينه الخلگ يحسين تتعجب
هاي الخدمه نعمه اومحد يملهه
                           "''""""""""''"'''''''''''''''''"''"""""'''''
                          """""""""""'"''''4'''''''''''''''''''''''''"''
نحضر ماتمك يحسين يمشيم
تلگه الشيخ والصركال يتحزم
ندير انگاب والدمعات تهمل دم
عليك ادموعنه لازم نوشلهه.
                           "'"""'"'""'''"''''""''""''''"'"""'""'' 
                           ""'"""'''''"''''''''"5'''''"''''''"''''''''''''
وحگ سترالعقيله الوگفت اعله لتل
  عليك ارجال مو نسوان تتهـدل
بالأحـزان نـاخذ مـركـز الاول
نريد المصطفئ وحيدر تسجلهه
                        """""""'''''''''''""""''""""''''''"""""""""""
✍️فاخر علي الشبيبي

الناشر احمد الفاطمي

19 июля 2025 12:46

قصيدة في المسيرة الأربعينية  …
ـــــــــــــــــــــــــــــــــــــــــــــــــــــــــــــــــ


مسافات   هتافات   نردد بمَمــشانه
مَننساك   يمظلوم   وإنته ما تنسانه
ـــــــــــــــــــــــــــــــــــــــــــــــــــــــــــــــ

يحسين ٱنتخبناك
قـائدنا وتِـــبَعــناك
ماشين بطريقك

إسمك مَرهَم ٱجروح
وارث آدم ونـــــــوح
ما يخسَر رَفيــقَك

نور إنتَ ٱمن الٱصلاب
شِمخَت فوگ الأنسـاب
والعِز ظل لَصيقَك

گبرك قـــبلة أحرار
للباري أصبَحِت ثار
ما يخفى حقيقك

للحتوف    بالطفوف    مَنحــرَك قُربانه
مَننـساك    يمـــظلوم    وإنته ما تنسانه
ــــــــــــــــــــــــــــــــــــــــــــــــــــــــــــــــــ

دَمّك حـافِظِ الدِين
وبحُـبّـك مجـانيــن
ساكِن بالضماير

فِكــرَك إلنه منـــهاج
يُبقى بوجه الأمواج
فُلكك بينا ســــــايِر

لَمّن نِحـــمِل آلام
نتذكّر يضــــرغام
بالطف إنتَ صابِر

صرخات المشي تگول
وا ويـلاه يمــــــچتول
تِعصِف بالمشاعر

إجيناك   گصدناك   والألم بدمــــانه
مَننساك  يمــظلوم   وإنته ما تنسانه
ـــــــــــــــــــــــــــــــــــــــــــــــــــــــــــــــــــ

حَدّدنا المـسارات
ونردد عبــــــارات
حَيّ ٱعلى الزيارة

عِدنا المُستَحَب صار
واجب يابو الأحــرار
ولو شِفنا المنــــــارة

نُرفع بالمشي الصوت
لَجلَك نِعـــشَگ الموت
ما نخــشى الخســارة

واللي موطنه ٱبعيد
يوصــل گبرك ٱيريد
مو طال ٱنتــــظاره

إلَك سَار   على النار   شما يجور ٱزمانه
مَننساك     يمظلوم    وإنته ما تنــسانه
ــــــــــــــــــــــــــــــــــــــــــــــــــــــــــــــ

لــو گالوا مَجــــانين
ذوله بحُب الحسين
هاي أشــرف مَزِيّة

خِــدّام إحنا للموت
فوگ النايبة ٱنفوت
لَجــــلِ ٱبن الزچية

بدمانه الوِفه ٱيدور
لا ما ننـسى عاشور
وَرضِ الغاضرية

وشما مَرّت أجيال
ذكرَك يُبقى بالبال
شيـــعية الهويـــة

ملايين    مجانين    شيعتك حزنانة
مَننساك   يمظلوم    وإنته ما تنسانه
ــــــــــــــــــــــــــــــــــــــــــــــــــــــــــــــ

مَمشى ويشبه السيل
چنــهن طــير أبابــيل
خطـوات المـســـيرة

وتغيض اليِعاديك
مشــــاية وتناديك
بالدمعـة الغزيــرة

فدوة ٱتروح الأولاد
لَجلَك يبن الأمـجـاد
وَموال وعَـــــشيرة

بگبرك كِل ظِمَه ٱيروح
تِشــفَى وتُبرَه الجروح
من نِشــــــــتم عَبيــره

بچيناك   عَرَفناك    للنبـــي ريحانة
مَننساك   يمظلوم   وإنته ما تنسانه
ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

الناشر احمد الفاطمي

19 июля 2025 11:37

قصائد شهادة الامام زين العابدين علي السجاد ع 👆

الناشر احمد الفاطمي

19 июля 2025 11:37

#شهادة_السجـاد_ع

دموعك يبو الباقر  .. من عملة العاشر .. مولاي مولاي

=========================

بثوبك تشم دخـــان الخـيمــه
بعينك شفت نســـوان بهيمــه
بأيدك اثر من سبي وضيـمــه
تخلص حــياتك
رمح وسهم وسيوف ومنـحر
نار وضمه و خيماتك تســعـر
طايح ابــوك ومـحــد يـنـغــر
تخلص حــياتك

من عاشر العاشـــر بچي بـس بالمـدامــع عينك
يلشاهدت كل الجره بطف كربله اعـله حسينك

شعلو خـيـامك نار ..   من المـعـسكر دار ..   مولاي مولاي
=========================

نايم ابوك وداسه الحـافــر
يالشاهدت ما صار بعـاشـر
والصار ابد مامثله صـايــر
ظل يطلب الماي
محد سگاه احسين بگطره
نزلو عليه وحـــــــزّو نحره
هذا اليرفسه وذاك يجـــرّه
ظل يطلب الماي

يشهك بصوته اعله الترب من الرفس لو عطشان
الف وتسعمية جـــــرح ماسِـلــم بــحـسين امچان

وجروح ابوك اهواي ..   عطشان وبلا ماي  .. مولاي مولاي
=========================

من خيمه الخيمه اتفر النسوان
اطفال ازغــــار ابنـص النيران
أه يلعليل بوحـــدك حـــيــران
نــــــار و جــــمــــر
تذكر مصابه تصب دمــعـاتك
طف كربلــه يــزيـد بلوعـاتك
وسط الزلم راحــــــن عماتك
نــــــار و جــــمــــر

نار وجمر والطف غـــدت مابيــه نـاس ترحمك
يمك سبوهن نســوتك وحـسـيـن طايــح يمـك

ياحيرة النسوان ..   شردن من النيران  .. مولاي مولاي
=========================

باقي الجرح كل عاشر يكبر
لميت ابوك اهــنــاك امطشر
تِـعـثـر تگــوم وترجــع تِعـثر
وكــت الـــدفـــن
تطلب يجيبون الحـصـيـــره
نزلت دموع وحسره چبيره
لا ناصــر ولا مــن عـشـيـره
وكــت الـــدفـــن

وتلم ابوك من الترب وحسين صـــايـر طـــشّـار
من وحـده باقي بكربله والعسكر اعليه مـن دار

وتلمهن اوصالـه .. يامصعب الحالـه  ..   مولاي مولاي

=========================

✍️عباس مالك العفريت

نسألكم الدعاء

الناشر احمد الفاطمي

19 июля 2025 08:36

نتعناه أنبوس اترابك
ماننساه احسين امصابك
                    """“"""""""""""""""""""""""""""""
تعـود أيـامـنه
      نشد أحـزامنه
          تسير أجدامنه
                نشيل أعلامنه
           لابو الاكبر
نسد ابيوتنه ولحسين نتعنه
نموت بهالدرب كل يوم نتمنه
ناس المامشت ماتنحسب منه
گالت فاطمه درب السبط جنه

نتمناه الموت ابابك
ماننساه احسين امصابك
                   """""""""""""""""""""""""""""""""""
لجـل محبوبنه
     حبيب اگلوبنه
           دليل ادروبنـه
                   يشيل اذنوبنه
             ابن حيدر
هذا الخير من آحسين صاحبنه
حتئ الطير ياكل من مواكبنه
جميع الناس مو بس الاقاربنه
من اجيوبنه ولحد يحاسبنه

نتلگاه انشيل الزاير
ماننشاه احسين امصابك
                    """"""""""""""""""""""""""""''''''
نضحي اعيونّـهء
      نـوَفـي اديـونّـهء
             نهـدل آمتـونّـهء
                  يشيل احمولنّهء
                 آذاء تكثر
    هذا العام كلهه اتروح مشايه
كل شارع تطبله تسمـع آقـرايـه
   آجتنه آخبار گالو حاره اهوايه
   مـانخلـف وعـدنه نبقئ وفايه

ماعفناه اسنين الموكب
ماننساه احسين امصابك
                   """"""""""""""""""""""'''''"""""""""''
تهب أحشودنه
    نكسَر أقيودنه
          نروح ابزودنه
               نوفي أوعودنه
           ندوس الشر
هاي الناس بس المهدي قائدهه
مـاهـمـهـه زمن كـلما يعـانـدهـه
غيرك ياحبيب الزهره ماعدهه
رب الكـون لـعيـونــك يساعـده

نترجاه الزاير ينزل
ماننساه احسين مصابك
                   """"""""""""""""""""""""""''''''''''''''''''
      فاخر علي الشبيبي