-
ياخدمة الاطهار ماكو مثلها خادمة أهل البيت (ع).. الشاعرة والملا ام قصي الانصاري
قصيدة شور
ما نعوفك لا وحگ دمع العقيلة
مانعوفك سيدي وانت الوسيلة
مولاي يا ابا عبدالله
مولاي يا ابا عبدالله
هالنهج ثابت ونمشيلك يقين
مانعوف ازيارتك لا والحسين
على العهد وياك نبقى ثأرين
كل سنةوكل عام نهتف زائرين
ويامحب يرضى يفارگله خليله
مانعوفك سيدي وانت الوسيلة
مولاي يا ابا عبدالله
مولاي يا ابا عبدالله
🏴🏴🏴🏴🏴
على الفطره حبك مبين علينه
شما بعدنه سيدي انت تجينه
يا ضوه هالعين وياكلشي بينه
قصة عشگ بالروح لا ماخفينه
يمحبوب بالارواح حبك نشيله
مانعوفك سيدي وانت الوسيله
مولاي يا ابا عبدالله
مولاي يا ابا عبدالله
🏴🏴🏴🏴🏴
اليحب محبوب يرخصله كل شي
يطيع امره وبهداوه ليه يمشي
وانه خادم بامرتك مايرف رمشي
اطيع امرك سيدي وانه اعله نعشي
اقبلني خادم مجلسك ابجاه العليله
مانعوفك سيدي وانت الوسيله
مولاي يا ابا عبدالله
مولاي يا ابا عبدالله
🏴🏴🏴🏴
يا حبيب ارواحنا ما نهوى غيره
الما يحبك سيدي ماعنده بصيره
انت سر الله والغاية الچبيره
يا ملاذ العشاگ والدمعة الغزيرة
مذبوحنا العطشان كل سنه نبچيله
ما نعوفك سيدي وانت الوسيله
مولاي يا ابا عبدالله
مولاي يا ابا عبدالله
🏴🏴🏴🏴
/channel/Alhoseenmalade
قصيدة شور للزيارة
هي الزيارة... اعظم تجارة
الاربعين.. الاربعين.
مشاية جينه.. نگصد ولينه.
مانعرف صعب.. من تصد لينه
بلوعة بجينه.. نسوي اربعينه
ليله ونهاره... اعظم تجارة
الاربعين.. الاربعين
🏴🏴🏴🏴🏴
رفت الرايات.. عاليه الهامات
تركض لمزارك.. تطلب الشارات
يبن حيدرنا... باصواتنا ونات
عايف دياره.. اعظم تجارة
الاربعين.. الاربعين.
🏴🏴🏴🏴🏴
نعمه ما نشوف.. يمك بس نطوف
حسين شنهو الراي. يبوگلب العطوف
مو عشگ جنون.. بينه ريح طفوف
الگطعوا يسارة... اعظم تجارة
الاربعين.. الاربعين
🏴🏴🏴🏴🏴
هالعشگ رباني.. عايش بوجداني
بروحه ضميته.. مـابدله ا بثاني
يحسين ياروحي.. منو بدونك اني
عشگ الغياره.. اعظم تجارة
الاربعين.. الاربعين.
🏴🏴🏴🏴
باجر الزهره.. بالحشر نظره
تنادي خدامك.. هايبو العتره
تنطي بيديها.. وعينها حمره
وهاي العباره.. اعظم تجارة
الاربعين... الاربعين
🏴🏴🏴🏴🏴
خدام نبقى خدام.. شما دارت بينه ايام
ونذكر الوفاي. لبعينه ترس سهام
ونصيح يا عباس.. وي جمرات الخيام
نبقى انصاره... اعظم، تجاره
الاربعين.. الاربعين..
🏴🏴🏴🏴
/channel/Alhoseenmalade
قصيدة للمشايه
زوار زوار كاصدين اليوم ارضج كربله
جيناج جيناج نواسي بت عقد الوله
🏴🏴🏴🏴🏴
والله يالعقيلة ما يكفي الدمع
لوكسرنه بالطم عظم و ضلع
ياوضع عافج حسين بيا وضع
ظلت ظلت عيونج دمعها هامله
🏴🏴🏴🏴🏴
راجعة وتسولف عباتج قصتج
يامصيبه هي تشبة مصيبتج
هم فگد والالام وغربة غربتج
ايام ايام تمشين وي العايله
🏴🏴🏴🏴🏴
من بعد رحلة عذاب وي السبي
متونج مهدلة من ضرب الاجنبي
يعين گلبج عله الجره يابت النبي
صاباج صاباج بالگلب صابج حرمله
🏴🏴🏴🏴🏴
وعلى العهد اجينه نواسي باخوتج
وي كل خطوة دمعنه يجري لدمعتج
زينب واخت البطل عالمصيبة نعينج
نهتف نهتف وياج يابت خير المله
🏴🏴🏴🏴🏴
كربله جينه وكصدنه رايدين زيارته
هذا محبوب الگلب عايشين بخدمته
يوقع بيده الشريفه للي صافي نيته
تسجيل تسجيل منك اريد ويا هله
🏴🏴🏴🏴🏴
كل سنة الاعداد تزداد بلطف الإمام
حاضر وناظر يعاين الزيارة بانتظام
يدعي بجاة الحسين وبجاه بعينه سهام
كل عام كل عام مشاية لحسين وهله
🏴🏴🏴🏴🏴🏴
/channel/Alhoseenmalade
قصيدة للاربعين
هاي العقيلة يا خلگ كوموا تلگوها
جايه وابعيد الدرب عالخوه عازوها
🏴🏴🏴🏴
عازوها عالاخوان الراحو من عده
واسواها بالاسهام الصابت جبده
سهام الافراك ميهون طاح بنظره
اقصد انه العباس الرايح ضمدها
ا
🏴🏴🏴🏴
محرومه منهم هل الاجت تريد يمهم
تقيم اربعين اعزازها وترحل عنهم
رحلة وداع ومــــوت من تفاركهم
غربه وحزن شافت لا صاير مثلها
🏴🏴🏴🏴
زينب على النسوان لــــــو ناوي تعد
زلمة واخت عباس يل الرايد تشاهد
صـد كــــــربله هناك تلگاهه قــائـــد
هـــــــــــــزت كيان يزيد بكلمة منها
🏴🏴🏴🏴
ردت و بهذا اليوم رايدة الاحنان
صدت لعد سجاد عمة يا دفان
وين العزيز حسين ادفتنه يا ريسان
وديني بسرعه عليه والدمعة تهلها
🏴🏴🏴🏴
كومو تلكوه الغاليه وخففوا الاحمال
زينب گــــلبها هموم ابعلوا الاجبال
ردت لجن يا حال ردت للابطال
شافت اگبور اتراب احنه ظهرها
🏴🏴🏴🏴
هلوا الدمع وياهه والطموا الهامه
بيوم عاشر العده اخذوه العمامه
اعمامة ابو السجاد عمامة كرامة
هوس خولي بيها واجوى گلبها
🏴🏴🏴🏴
/channel/Alhoseenmalade
قصيدة فزاعية للاربعين
يوم اربعينك جايه
جبت الرؤوس ويايه
🏴🏴🏴🏴
انهض يخويه وسلوتي
كــــــــوم وتلگه جيتي
وبيدك تنشف، دمعتي
من ضيم اليشر شچايه
🏴🏴🏴🏴
رديت ليكم يا اخوان
مهظومة من العدوان
والحال كلـــش تعبان
جور وهظم دنيــــايه
🏴🏴🏴🏴
زينب انـه المـخـــدرة
تاليها امشي اميـــسرة
وانخيت سبع الگنطرة
عبــــــــاس رد نخاوية
🏴🏴🏴🏴
انصب عزه يم الگــبر
وانعي على ذاك الگمر
النايــم بـــــــسد النهر
يل جــــــــمرتك دوايه
🏴🏴🏴🏴
شيبني يومك يحسين
جفت دموعي بالعـــين
مثلك اجــيبن مــــنين
يا محروم من المــــايه
🏴🏴🏴🏴
كون الگبر بيه بيبان
واسولف وي الاخوان
مشتاكة ليكم ياحنان
يمـكم افــــــل بلوايه
🏴🏴🏴🏴
صبي الدمع يالعيون
خواني مـــــا يردون
يستهل لطم الامتون
حسين الضمد والغاية
🏴🏴🏴🏴
/channel/Alhoseenmalade
نعي
عندما عرجت مولاتنا زينب نحو كربلاء توجهت لقبور اخوتها. وكأن لسان حال العقيلة
.
يا عين اجري ولا لا تبطلين
انه الفاگده عزيزي الحسين
وبعد غالي صابه سهم بالعين
ومگطعات شماله ويمينه
😭😭😭😭😭
زينب اعله الگبر دمعتها سالت
وياهه الحرم حنت و دارت
بعالي الصوت عالگبر صاحت
نفضوا ترابكم وگوموا لينه
😭😭😭😭😭
تسوي اربعينه وتريد اليعازيها
مــذخور الدمع كلمن يواسيها
زينب المــــــا گطعت بواجيها
يزينب للعزه كلنه اجـــــــينه
😭😭😭😭😭
تعاين اعله الگبر والعين معميه
كـون المـــــــوت منكم يندار ليه
وخال ابني نام و مــــــــادره بيه
بالشامــــات شـــــــــلون انولينه
😭😭😭😭😭
ريت اظل طول العمر يمكم
خويه واشمن ريحة گبركم
وينه الموت يضمني بتربكم
اتوسد الحودكم واگطع الونه
😭😭😭😭😭
ما ينفع بجي ما يسمع الصوت
ومـــــــــايردلي الخذاه الموت
كــــــون الگبر بيه باب وافوت
اگـعد بــــسد الحنين واعاتبنه
/channel/Alhoseenmalade
🖤 لرجوع السيدة زينب عليها السلام🖤
يا خال الولد.. اكعد تلكاني
من ضيم اليسر
امغيرة الواني
🖤🖤🖤🖤
رديت خويه من الشام
حرمة وبولية ضلام.
عالعيله عينك متنام
انتخي ياولياني
🖤🖤🖤🖤
جيت اشتكي احوالي
شمر الخنا يبرالي
الما شايفين خيالي
مسبية عكب اخواني..
🖤🖤🖤🖤
بياحال عنكم امشيت
وشلون ردة رديت
محزونه بالهظم جيت
والجتال كاداني
🖤🖤🖤🖤
ولياني نومه بگبور
رد الضعن بالخدور
لملگاهم گلبي مجمور
هاجت عليه احزاني
🖤🖤🖤🖤
مضيعة يخويه يحسين
دورات دارني البين
فاكدة جم اخو حنين
وفركاهم هداني
🖤🖤🖤🖤
للدار وحدي من ارد
لمجانك اشلون اصد
ايام اصبر واعد
وعالوعد تلكاني
🖤🖤🖤🖤
/channel/Alhoseenmalade
فزاعية للاربعين
يا جمال انشدنك
گبر حسين دليني
____
اخته وجايه من بعيد
گلبي عليه ونه يزيد
اسوي اربعينه يريد
عند حسين وديني
😭😭😭😭
عاشر يوم عايفته
جثة موذرة شفته
مغيرة رسومه معرفته
نحره الدامي يعميني.
😭😭😭😭
اسرع بينه يا جمال
اشوف الوالي ابيحال
يا فراگ الاخو چتال
كلساع ويبجيني.
😭😭😭😭
اريد اشكيله عن حالي
شسويت بيه الليالي
يضيم الشام هدالي
ركن الجان يحميني.
😭😭😭😭
عگب عين الولي اغراب
خذونه لديرة الاجناب
مامش راحم واحباب
بسوطه الشمر يأذيني.
😭😭😭😭
جرعت الهضمه يبن امي
عليك العين خل تعمي
على كبرك افل هضمي
اكعد خويه اسمعني.
😭😭😭😭
اروحن فدوه لترابك
يخويه تلگه احبابك
زينب ناعيه مصابك
وراسك شيب اسنيني.
😭😭😭😭
اجيت انصب عزيه ونوح
ياخويه الگلب مجروح
واعلي الصرخة يا مذبوح
عليكم جمرة تچويني
😭😭😭😭
لخويه حسين مشتاگه
نار الفرگه حراگه
يخويه كون نتلاگه
فراگك خويه عاميني
😭😭😭😭
كوم و ردنه للاوطان
انت وي گمر عدنان
حرم واطفال ورضعان
اريد وياك تدريني
😭😭😭😭
/channel/Alhoseenmalade
فزاعيه للعباس ع
ردتك تباري ضعوني
عباس يا كفالي
للشام كصدوا بينه
غافي متدري شبينه
ومجتوفات ايدينه
مدوهنه احوالي
🩶🩶🩶🩶🩶🩶
وين الوعد يا عباس
ماصار مثلك بالناس
شحت يخوي الانفاس
عکبك منو يبرالي
🩶🩶🩶🩶🩶🩶
خويه المهازل نوخت
بالغصب زينب اركبت
عگب المعزة انولت
حرمة وبلايه والي
🩶🩶🩶🩶🩶🩶
بدرب الشام عذبونه
بـــــالسياط ضــربونه
براس الولي فـجعونه
و چتالكم چـــــتالي
🩶🩶🩶🩶🩶🩶
معيده الشام بالطبول
كل شامت عليه يگول
زينب واخوها مكتول
لو ميتة جان اشوالي
🩶🩶🩶🩶🩶🩶
لو جنت حاضر، يا حيد
بسيفك تحاسب يزيد
بديوانه كربله تعيد
والنعم يا خيــــالي.
🩶🩶🩶🩶🩶🩶
/channel/Alhoseenmalade
نزله
عباس عباس زينب اسيرة راحت
عباس عباس واشكثر باسمك
صاحت
يضرغام يا فراس ماتدري انولينه
يا فارس يا مغوار سوط الشمر ياذينه
ناديناك يبالفضل بسرعه الحگ لينه
عباس عباس. فوگ الهزل من ناحت
عباس عباس وشكثر باسمك صاحت.
💙💙💙💙💙💙
ترضاهه يابن والدي الغرب تتولانه
وانت الجبتني وياك متكوم ياحمانه
غيرك فلا يرهم الي كفال يا منوانه
عباس عباس تحضرها زينب رادت
عباس عباس اشكثر باسمك صاحت
💙💙💙💙💙💙
خويه الكمر شايل عزم وزوده زود ابوه علي
دك الصدر وانطه وعد هو يحامي محملي
هسه اطلبنه بوعد ريته ينفذنه الي
عباس عباس اختك الحره نادت
عباس عباس اشكثر باسمك صاحت
💙💙💙💙💙💙
جيت بحماه البطل شلون عني نايم
مو وكت نومه يالوفي اسمع كلام الايم
الجانت بسدك تلوذ هسه يحديها الظالم
عباس عباس يم الشريعة لاذت
عباس عباس اشكثر باسمك صاحت
💙💙💙💙💙💙
كفال اتريد الحرم بعد الجرى يالوالي
معروف هاي نخوتك يلصيتك انت عالي
حرمه بجريرة اطفال منهو بعد يبرالي
عباس عباس. جم مره كامت طاحت
عباس عباس اشكثر باسمك صاحت
💙💙💙💙💙💙
/channel/Alhoseenmalade
نعي للسبي
من حگها لو عتبت اعله اهلها
طايحه بشده وما اجوها
بين الغرب يحدي ضعنها
وين الدك صدره وكفلها
مايدري بزينب سبية
😭😭😭😭😭
غصبا مشوا بضعونها للشام
وعلى الاخوان بت علي تحتام
تريد الينغر ويرد عنها الازلام
لجن الكافل مانعته جفه والاسهام
لما يمينه وشماله جا گلب الغاضريه
😭😭😭😭😭😭
جابوا حبل وشدوها الايدين
وعالنياگ الهزل لازم ترچبين
يعين گلبج شلون ودعتي الحسين
من فوگ الهزيله وتدمع العين
ياحسين هذا الوداع وهاي هيه
😭😭😭😭😭😭
ونوب اعله الشريعة راحت انظارج
يزينب راح الكفيل اليحمي ديارج
بعد ياهو اليجي ويرد عنج اخطارج
تظل موجرة بين الاضلوع نارج
يعين يحره عله هاي الرزيه
😭😭😭😭😭😭
عفتيهم ضحايه مطرحه بخطة الميدان
وتسفي عليهم ريح السموم وذرى التربان
المثل حسين اشلون يموت عطشان
ومسلوب ثوبه وخاتمه ولا يظل عريان
عميانه العين على حسين واخيه
😭😭😭😭😭😭
/channel/Alhoseenmalade
نعي للسبي
انه عوان اريد ومشدوه بالي
منين اجيب الاخو ينظر لحالي
مشيت عالكاع عفت جم غالي
احو اخوي الراح ومارد عليه
بعيد الدرب ورمن رجليه
حدا حادينه مدري ليانويه
غريبة وظليت اصفج بديه
انه ردت الكفيل ينهض اليه
كلفه اليزت الضعن جتال اهلي
ياهو اليشيله لو مال حملي
انه بت الغوث وابوالحمله علي
انخاه يحضر غريب الغاضريه
الحرمه بالغرب تعتاز خوان
والماعدهه ولي يضربوها العدوان
وانه حرمه غريبه فاكدة الاحنان
صحت عباس ما كام اليه
طول الدرب التفت اليهم
تارس اذاني يالزهره حجيهم
يزينب العيال عينج عليهم
اتمحنت بعيال وحرم سويه
ياطبتي للكوفه مجتوفه بحبال
همـي جبيــــر يذوب الاجبال
انه ضيمي لا سده ولا مر عالبال
زينب بديار اهلها تمشي سبيه.
/channel/Alhoseenmalade
قصيدة عن مولاتنا الحوراء ع
ـــــــــــــــــــــــ
انه زينب بت علي
مهمومه بس ماانولي
جبت دنياي من الصغر امحزمه
راوتني شوغات اولهن امي فاطمه
نايح دليلي عالضلع اليجري دمه
وياسطرة العين من الضرب مورمه
اول مصايب ياهلي
مهمومه بس ما انولي
👑👑👑👑
عگب أمي خاطري المكسور ياهو اليجبره
غير حيدر واخوتي وذاك سبع الگنطره
جانوا السلوة الي نشفوا دمعي الجره
داري تارسها حنين حيدر ابوي المفخره
تالي مصيوب الولي
مهمومه بس ماانولي
👑👑👑👑
دارت الايام بيه وتالي ابطف كربله
اعاين الاجساد كلها مطرحه بحر الفله
يمه يازهره تعالي ساعديني اعله البله
الگمر فوگ الشريعة اعضاه كلها مرمله
صوت مني يعتلي
مهمومه بس ماانولي
👑👑👑👑
زهره يايمه اريدج حاضره بحرك الخيام
يمه بكتار العباية لايذه جمع الايتام
صوت عبدالله اليناغي بالمهد يايمه نام
تالي اشوفن يمه نحره مذبوح براس السهام
واندبت يا
كافلي
مهمومه بس ما انولي
👑👑👑👑
اه يا يمه بحبل جتفولي ايديه
واني عيني حايره ادور الشفيه
يمه عباس الكمر مانهض ليه
لا كال زينب تنسبي ولا كال خيه
حرمه وبلايه ولي
مهمومه بس ماانولي
👑👑👑👑
طبت الديوان يمه كلفه حيل
حرمه ما بين الزلم وبين اليعيل
راح عباسج يزينب التسمه بالكفيل
يلجم اجروحي ييمه ويذبح بحجيه الدليل.
تنظر الشمات الي
مهمومه بس ماانولي
👑👑👑👑
/channel/Alhoseenmalade
لا زينب الفراگ مو سهل
لا زينب البعد يموت العدل
شكرا سيدي يا حسين على نعمة الخدامة
Читать полностью…
نعي للاربعين
تصبرگولي شلون وعمتك سبية
مشـــــت للغـرب وي ازلام آميه
واسياط عالمتن صـبح ومسيه
تنخى الاخوان ومـــا من تچيه
🏴🏴🏴🏴🏴
يمهدي هالحال ما ينسكت، عنه
و عمتك تنخاك رد يعمه بضعنه
حراير يصعب ازلام تنظر وضعنه
نطب ديــــــوان ويــــكثر شتمنه
🏴🏴🏴🏴🏴
نرد عگب اليسر لگبور ولياني
شعتب والعتب ميفيدني ثاني
جيت وياكم وارجع لاوطاني
وحيدة بلا اخو خاين يازماني
🏴🏴🏴🏴🏴
افل الشوگ يمكم يالاحنان
يم اكبوركم انصب الاحزان
انه الخاليه من جملة اخوان
بعدكم راح ذاك العز والامان
🏴🏴🏴🏴🏴
يمهدي طالت الغيبة وتتانيك
عمتــــك بالگبر ظلت تناديك
عمه الحبل بجفوفي ترضيك
كوم يبن الزهره يالحلو طاريك
🏴🏴🏴🏴🏴
/channel/Alhoseenmalade
على طور
(ما يحاجيها)
سولفت يمه سولفت. ما تكعد ييمه
اجيتك والدرب يصعب عليه
بيدي لازمه ضلعي بــــــرويه
انحب يالــــــولد ما كام ليه
كوم وشوف امك هالمسيه
(سولفت يمه سولفت يمه ما تكعد ييمه)
🏴🏴🏴🏴🏴
جيتك شايطه وادريك مصيوب
وادور خنصرك الطاح ياصوب
ييمه سمعت ذبحوك وتلــــوب
عطشان ع شربه ماي محسوب
(محروم يوليدي محروم يوليدي من گبل الذبح)
🏴🏴🏴🏴🏴
على عيوني ادك بجفوف اديه
انـــــگل بالجدم وحيل ما بيه
جيتك والهه حسين بيا نويه
شلني مصرعك لا تعتب عليه
(خلاني مشدوهه خلاني مشدوهه شوفت مصرعك)
🏴🏴🏴🏴🏴
يالصدرك علامة جدك محمد
يبني عله الــــترب طايح مدد
ياهو الكص وريدك والنحر حدد
مذبوح وللكهف راسك يــــــردد
(عجب آياته عجب آياته راسك من يردد)
🏴🏴🏴🏴🏴
كون الصاب صدرك مصيوب صدره
كـــــــــون الخيل هيج رضته لظهره
صــــــــبوا كل حقد وانه امك الزهره
عــــــادوا بـالطفوف الباب والسطره
(بس يظهر الموعد بس يظهر الموعد ثارك خل يجيبه)
🏴🏴🏴🏴🏴
/channel/Alhoseenmalade
قصيدة مواساة لصاحب الزمان عج
ظالم يا وكت للمهدي تبچيه
على مدار السنه الدمع يجريه
🖤🖤🖤🖤
على مدار السنه يــــلهج لسانه
مذبوح الـــــولي وزينب حيرانه
ولينه اعله الترب جملة اخوانه
مواقف شاخصه بعيونه تأذيه
على مدار السنة الدمع يجريه
🖤🖤🖤🖤🖤
وين انصاره خلهم يواسوه
بحسين الغريب الليله عازوه
مصاب المنتظر لوحده عافوه
ينصب محكمة وذيج الرزية
على مدار السنة الدمع يجريه
🖤🖤🖤🖤🖤
ينصب محكمة ويداعي ثاره
ينادي بالاسم يــــــرفع بتاره
مـــو بس لهله حتى لانصاره
بسيفه ينتقم مـــــن آل أميه
على مدار السنة الدمع يجريه
🖤🖤🖤🖤🖤
دموعه ما تكف للمسبية عمته
تـــــنادي عالهزل رادت وكفته
لچــــــن القدر معروفه كتبته
صابر عالاذى واعــــــله البليه
على مدار السنة الدمع يجريه
🖤🖤🖤🖤🖤
يعين گلبك سيدي متحمل شلون
واهلك هالگضوا مسموم مطعون
ويا شام الهظم ودمعات العيون
عالحوره العقــــــــيلة ابهالمسية
على مـــدار السنة الدمع يجريه
🖤🖤🖤🖤🖤
تندعي للفرج واتحسب بالايام
تصلب العدوان بسد باب الايمام
تفرز بسيفك يمهدي الموش اسلام
واتقيم اعله الباطل بحكم المــنية
على مدار السنة الدمع يجريه
🖤🖤🖤🖤
شيعتـــــــك يالمنتظر تدعيلك
واعله احر الجمر ترقب خيلك
يـــــــاهوانه ويا نفسنه نريدك
كوم رد بثار عمتك المسبية
على مدار السنة الدمع يجريه
🖤🖤🖤🖤🖤
/channel/Alhoseenmalade
يارب بحق العباس اقضي حاجة كل محتاج
Читать полностью…
قصيدة ثگيلة.
زايرة لحسيني
ورايتي بيميني
كاصدة لزينب اواسيها
وباربعين حسين اعازيها
ودمعتي بعيني
زايرة لحسيني
رايتي بيميني
🩶🩶🩶🩶🩶
زايـــرة بهدمة وقــار
ماشية بنهج الاطهار
للحزن بانت اثــــــار
هالجوانب لازم تراعيها
الماشية لزينب تلاگيها
. ماابطل اونيني
زايرة لحسيني
رايتي بيميني
🩶🩶🩶🩶🩶🩶
حسين مارايد بس لطمة كفوف
رايدج كعبة وعليج العفة تطوف
حسين رايدلج الخير ابوگلب العطوف
تضحياته كون لا تنسيها
ام الحسن ابالج تخلينها
حجابج يدوايني
زايرة لحسيني
ورايتي بيميني
🩶🩶🩶🩶🩶
بالمسير خلي خطوتج خطوة ولائية
للمذبوح عطشان و ما شارب الميه
وباجر بالحشر تؤجر الزهره الزچية
بالمحشر تناديج و تنادينها
جنت اواسي زينبج كوليلها
وبلطمتي تدريني
زايرة لحسيني
ورايتي بيميني
🩶🩶🩶🩶
الزيارة محسوبه عليج يالتمشين
وي كل صعدة نفس نادي يحسين
وياج يمشي المنتظر بالج تغفلين
الخطوة بعداله لا اتركينها
و زينب لوحدها لتعوفيها
يالزايرة عينيني
زايرة لحسيني
رايتي بيميني
🩶🩶🩶🩶
/channel/Alhoseenmalade
قصيدة سريعة لرجوع مولاتنا زينب عليها السلام
رديت رديت ليكم يخوتي
رديت رديت تجري دمعتي
🏴🏴🏴🏴
خويه ما احمل هظم او لا ملامه
جيت ليكم والمتن يحمل علامه
والگلب مجروح بشوگه وهيامه
تعبيت تعبيت اشكي شدتي
رديت رديت تجري دمعتي
🏴🏴🏴🏴
اربعينك جيت انصبلك تعازي
الطم المتنين لطمي ما يجازي
وين غابوا ياوكت خوتي اعزازي
ناديت ناديت اوياهم موتي
رديت رديت تجري دمعتي
🏴🏴🏴🏴
على طول الدرب اتأمل اشوفك
گلبي مشتاك يحسين لطيوفك
لو يصح بيدي يخوي مااعوفك
ماجيت ماجيت خويه لنخوتي
رديت رديت تجري دمعتي
🏴🏴🏴🏴
عذباني باليسر، شمر اللعين
وي كل سوط اذبحت يگول الحسين
گلبي من يسمع كلامه يعلي الونين
ونيت ونيت ثچيلة لوعتي
رديت رديت تجري دمعتي
🏴🏴🏴🏴
مهظومة جت يم الگبر وفادة
بالدمه تهل الدمع اعله السادة
جايه من ضيم اليسر گصادة
عانيت عانيت سكته ونتي
رديت رديت تجري دمعتي
🏴🏴🏴🏴
/channel/Alhoseenmalade
نعي
اجيت لهم محد نشد عني
ردت خال الولد يشوف متني
غريبه واليسر حيل هاضمني
رديت حرمه وليان ما ليه
😭😭😭😭😭
وين الاخو اليصيح حياج
يزينب مية هلا بملگاج
ويدك صدره ويكول عد عيناج
راح الاخو الينشد عليه
😭😭😭😭😭
لفيت يمكم هنا وليان
حرمه وصرت بدون عنوان
على فرگه الحنين اريد عوان
ادك امتوني، كل صبح ومسيه
😭😭😭😭😭
طحت عالگبر ناديت يحسين
دكوم اكعد وباصرني يالحنين
شوف فعل الزمن وطكات البين
عكبكم وحيده و مالي تجيه
😭😭😭😭😭
حنين الاخو من يگصد يجيني
ويزيح همي ويمسح دمع عيني
مااحمل افراگه الغالي يدريني
فاركوني الاحنان شلون بيه.
😭😭😭😭😭
بعد هيهات ايرد شملنه
وتعودون يااحباب النه
تضوي ترد بيكم منازلنه
عالاخوان دوم انصب عزيه
😭😭😭😭😭
/channel/Alhoseenmalade
فزاعية للحسن المسموم عليه السلام
الحسن ما يرجع بعد
مسموم صابوه چبدته
♡♡♡♡♡•
اويلي عظيم امصابك
تبجي عليك احبابك
هالنوخت يــم بابك
كل محب يهمل دمعته
♡♡♡♡♡•
مصيوب يا راعي الكرم
وليدك منـــــــك انحرم
والدمع بعيونه نــــرسم
مـــشهوده بالطف هدته
♡♡♡♡♡•
صارخة زينب تنتحب
والدمع عالوجنه يصب
بيتك يخويه شلون اطب
جعده اللعينه سمته
♡♡♡♡♡•
بالهظم بعدك ظليت
حگي انه لو ونيت
ياريت ميتة ياريت
ولا استمع وناته
♡♡♡♡♡•
يبن امي يا ماي العين
يبجي عضيدك حسين
عباس عالي الونين
عالمجتبى نحباته
♡♡♡♡•
شال الحسن للمكبره
وحسين يكسر خاطره
ريتج يزهره حاضره
شوفي الدهر عملاته
♡♡♡♡•
سيب عياله الوالي
ياهظمتي للتالي
غالي اخيي غالي
تتصارخ ابنياته
♡♡♡♡•
ليش العده يسمونه
وابن النبي يعرفونه
وفجأة تغيير لونه
گربت يويلي موتته
♡♡♡♡•
احقاد واطماع اشرار
توالوا علينه الكفار
يزهره خاليه الدار
من المجتبى ونظراته
♡♡♡♡•
بو محمد شايل اليوم
يا حيدر جتك علوم
جبد الحسن هالمسموم
بالطشت اصواباته
♡♡♡♡•
/channel/Alhoseenmalade
نعي عتاب من زينب للعباس ع
مشدوه بالي وادورنك يعباس
يالجنت بصدري تجري وي الانفاس
صدك طايح عالشريعة ينوماس
ماتنهض يبو الغيره يفراس
ولونه يخويه الگوم الارجاس
@@@@@@@@@
ياتچوتي ويحجايتي الحلوه
انه بلاني عليك الوكت بلوه
مايرهم غيرك ياخوي تچوه
عيدي شوفتك وكل وكت سلوه
@@@@@@@@
صدك ما تگعد بعد ومتباري الضعون
وعگبك اهل الشماته بينه يضعنون
يعباس شاب الرأس وعميت العيون
عله المثلك احزن ماهمني اليلومون
@@@@@@@@
اعيش بلياك وانت ضوه عيوني
يريت بطيحتك اوياك اردوني
للشام يخويه انوه يرچبوني
ترضى غيرتك ياخوي يسبوني
@@@@@@@@
اطب للشام مامش ولي وياي
غير العليل الشاف بلواي
ردت تحضرني يانور عيناي
طبت الدواوين موش لاختك هاي
@@@@@@@@
بهض حيلي عليك بيوم ودعتك
مشتاگة اشمك صار ايام ماشفتك
تعال بساع الحگ ورجع اختك
يوم السبني اللعين حيل ردتك
@@@@@@@
/channel/Alhoseenmalade
فزاعيه للسبي
للشام اضعوني مشت
وبكربله خواني
يهل الرحم لحكوني
حرمه بحبل كادوني
للشامات اخذوني
زينب انه عنواني
🖤🖤🖤🖤🖤🖤
رجبونه عالنوگ الهزل
والحادي شامت ويعيل
انخيت عباس البطل
يرد الذي يسباني
🖤🖤🖤🖤🖤🖤
كلساع تعثر بينه
والحبال بايدينه
ومر الحجي ياذينه
ردت الاخو يحماني
🖤🖤🖤🖤🖤🖤
هزله وضعيفة ناگتي
تبجي لو سمعت شكوتي
صارت شريكه لنحبتي
واتقاسمت احزاني
🖤🖤🖤🖤🖤🖤
لو طاح من عندي طفل
وما يصعدونه الهزل
وانه مشدودة بحبل
مكلفة برضعاني
🖤🖤🖤🖤🖤🖤
ظلينه نمشي ايام
والحرمه شلون تنام
ومحاوطيها الازلام
جانوا الحرس خواني
🖤🖤🖤🖤🖤🖤
خواني جانوا حراس
وحامي الضعينة عباس
حيا الله ابو النوماس
عگـبه اســـــــيره اني
🖤🖤🖤🖤🖤🖤
لمن وصلنه للشام
حادي الضعن بالايتام
بسوطه ورم اجسام
سوط المتن هداني
🖤🖤🖤🖤🖤🖤
مكيودة بمجلس يزيد
يشتم علي ابوي الحيد
حاضرني ريته الصنديد
ايشطره للگاداني.
🖤🖤🖤🖤🖤🖤
/channel/Alhoseenmalade
*قصيدة للسبي
اللهم صل على محمد وال محمد وعجل فرجهم يا كريم
عليهم ما بطل وني ولا هاد
ادور عن صورهم لجن مافاد
غصب عنكم مشينه اه يالاحنان
ما يرضى اودعنكم يا وليان
حادي الضعن مايرحم التعبان
وانتم نومه بقيتوا عله التربان
زينب يخويه بحبل تنگاد
عليهم مابطل وني ولا هاد
😥😥😥😥😥😥
انه بت الصميده القالع ابواب
لون صحنه علي وذكره ينجاب
يضربونه واشوف حسيني بتراب
خذونه بالغصب ماهمه احباب
الحگ ياعلي يا مگصد الوفاد
عليهم مابطل وني ولا هاد
😥😥😥😥😥😥
بعباتي لايذة اكبار وصغار
اشاگف سوطهم لو عالمتن دار
مرعوبه الحرم من شبت النار
فوگ الرعب مشينه درب الاخطار
وعلى طول الدرب لا شرب لا زاد
عليهم ما بطل وني ولا فاد
😥😥😥😥😥😥😥
علي الصار لا ما مر على انسان
حرمه مكلفه باطفال رضعان
مشينه عن الكفيل وبدر عدنان
حيارى والشتم ومصفد الوجعان
تفارگنه يخويه وصرنه ابعاد
😥😥😥😥😥😥😥
للشام اطب و طبتي اشلون
هالموقف عله العباس ميهون
بديوان اللعين تنظرلي العيون
شماته وااسمع بامي يسبون
يشتمون بعلي للشمس رداد
عليهم ما بطل وني ولا هاد*
😥😥😥😥😥😥😥
/channel/Alhoseenmalade
فزاعيه،
زينب طبت الديوان
ما تحضر يبو الغيره
ـ،،،،،،،،،،
ما تنهض يخو زينب
بيها هـــالضعن غرب
مدرار الــدمع ينصب
خذاها الظالم اسيره
&&&&&&&&&&
مجتوفة بحبل تمشي
بالطف عايفه كلشي
تنظر للجثث تبجي
شموس وحر الظهيره
&&&&&&&&&&
مثل مصابها مــــا صـار
دمعنه عليها ظل مدرار
فگدت جملـــــة الاطهار
بحاجة رأي وبــــصيرة
&&&&&&&&&&&
بالديوان شتمــوها
سبوا امها وابـــوها
والوليان مـــاجوها
ظلت زينب بحيره
&&&&&&&&&&&
تشاكف من يضربوهم
بدرب الســــبي اذوهم
كلساع ويروعـــــــوهم
مصايب الشام اچثيره
&&&&&&&&&&&
يحاجيها النذل يريـد
وينه الكافل الصنديد
مكطوعات منه اليــد
غايب بــــدر العشيره
&&&&&&&&&&
زينب لصـبر عنـــــــوان
فكدت جملة الخـــــوان
مــايبطل عزه العطشان
بكل وكت هالعزه انديره
/channel/Alhoseenmalade
للعقيلة ع
چم هظم شفتي يزينب باليسر
يوم عفتي الوالي بحر الظهر
متروس گلبج بالحزن يم الحزن
بهيده اتونين من سوط المتن
يالعقيلة مصايبج لا ماجرن
بيوم واحد فاكدة كل الطهر.
@@@@
هظمة الاخوان صعبة وچايده
مايفيد النوح والدمع شفايده
صحتي يعباس وگفة رايده
گوم رد عني خولي والشمر
@@@@@
بياهظم زينب ولوعها اللعين
من رفع فوگ الرمح رأس الحسين
تذرف الدمعات وتصفج بالايدين
خويه خذني وياك ما اريد العمر
@@@@
كابعه باحزان يابنت البتول
يعين گلبج والمدامع الهطول
سافر الاخوان والسفرة تطول
وابو اليمه بطيحته لظهرج كسر
@@@@@
بعد ماذبحوا اخوتج بالفله
حضروا نوگ الهزل للقافله
ياهو يحضرها ويحل المعضله
طاح كفالج يازينب عاالنهر
@@@@@
يا حزن يوصل حزنها هالمره
صامدة ظلت هظمها شمكبره
تعاين المذبوح حزو منحره
للكفالة تحزمي بعد الگمر
@@@@@
باجر بديـوان الـــــوكفة تصير
مجتفـة بحبال مجهولة مصير
والعلـــيل وياهه النـاظر يـدير
فرگة الوليان مو يوم وشهر
/channel/Alhoseenmalade