963
قصائد مع الحانها لخادمكم موسئ الخادم
راح ورجع ليك الحُر
بس حلوه جانت رجعته
ردلك بديه روحه ايجر
وقدمهه إلك وي دمعته
/////////////////////////////////////////////
١=
القصه ابتدت من جعجع بخيله اعليك
وجازيته أنت الماي تسكَـيه بيديك
أهنا نفسه راجعهه وبدا يسولف بيك
حسينك تعادي اشلون روحك تنطيك
يم خيمتك افشه السر
ما ضم عليك امحبته
ردلك بديه روحه ايجر
وقدمهه الك وي دمعته
////////////////////////////////////////
٢==
وضعه اختلف يا سيدي من شافاك
والدنيه خلاهه وراه من حاجاك
من ايده ذب كلشي ابنظرته العيناك
وما همه موته يصير ما دامه اوياك
ما جانت أبنيته ايفر
بلعكس ناطر ذبحته
ردلك بديه روحه ايجر
وقدمهه إلك وي دمعته
//////////////////////
٣===
يمك أجه وشايل بديه دمع العين
طالب التوبه منك ايصيح حسين
وجهي اسود اكبالك يسلطان الدين
سامحني مولاي اعله فعلي الموزين
غيرك الي من يعذر
وينسه الجنيته ابعيلته
ردلك بديه روحه ايجر
وقدمهه الك وي دمعته
/////////////////////////////
٤====
خّيَّرهه نفسه أبينك وبين النار
وغيرك رفض ساعتهه واحد يختار
عاف السياده اميه والحُكم هذا الصار
ورادك تحسبه واحد امن الأنصار
يم خيمتك ظل ينطر
تقبلهه منه توبته
ردلك بديه روحه ايجر
وقدمهه إلك وي دمعته
/////////////////////////////
٥======
ألحُر رفض يبقى بجيوش الذبحوك
واختارك أنت وما اختار الخانوك
ومضرب مثل صار الجميع الحبوك
أولو رد زمانه هم يعادي العادوك
الشربوك من كاس المر
ترفض تبايع غيرته
ردلك بديه روحه ايجر
وقدمهه إلك وي دمعته
::::::::::::::::::::::
🤲🏻 ✍️🏻 كلمات موسى الخادم
ما لاووهن اجفوفه
بيهم زرع جم خوفه
ولآخر شبر بالكوفه
ركضهم السفير
><><><><><><><><><><><><><>
١=
ابد ما جنه وحده من لفاهم
زلم تردم زلم خله امن اجاهم
السبع بيهم وكَـف خاتل وراهم
وعلى ابواب المدينه علكاهم
مثل عمه …الفحل حيدر …تولاهم سطر
شمر عشره .. على عشره .. رفع راية نصر
مثل الأسد من يزأر
وحده ودوخ العسكر
حيّر كل فكر حيّر
حسبوو علي الامير . ركضهم السفير
><><><><><><>
٢==
ابدخوله الكوفه أرعب كل خصومه
علن ساعت صفر ساعة قدومه
ملك موت ونزل وصلت علومه
يويله اليدنه مسلم هذا يومه
ابو محمد .. نعم منه .. كلف حيد وشهم
على احدوده …الوصل ويله ..يرد لهله اسم
كل واحد وصل صوبه
رد ايصيَّح التوبه
اعليه الدنيا مكلوبه
وفقاره يستشير = ركضهم السفير
><><><><><><><
٣===
اله شهدت أساطير وفحوله
شجاعه ومرجله وغيره ورجوله
أخذ من عدهم ادوار البطوله
ابوكفته الشامخه الما بيهه لوله
وكف وكفت … جبل شامخ .. يريح اتحركه
ورسم لوحت..نصر سيفه ..اعله كد المعركه
رسام ورسم سيفه
من خصمه أخذ حيفه
مطرت غيمته ابصيفه
على ازغير وجبير = ركضهم السفير
><><><><><><><
٤====
تسولف طوعه عن صولاته مسلم
تكول ابكيفه صار ايطشهم ايلم
وعلى إركاب الزلم فقاره يرسم
صور للقاده ساعة بيهه يعدم
فلا واحد …كدر بيهم … يردهه صولته
مثل كافل ..خدر زينب .. يرف ابرايته
بالقاده لعب جوله
خذاهم مسلم بطوله
يصيح الجيش افرجوله
أويصير الي يصير = ركضهم السفير
><><><><><><><><><><<><>
٥=====
كثر ما كطع الروس الجبيره
الجثث صارت يغطوهه بحصيره
وعشيره صارت اتعزي ابعشيره
سلام الله على حسين وسفيره
زلم كلفه …ترك خلفه ..جثثهه امطشرَّه.
سلام الله .. على مسلم ..عظيم المفخره
بيهم سَوّه الايريده
فارس والحرب عيده
لم الجيش ترس ايده
مثل لم الشعير = ركضهم السفير
><><><><============><><><><
✍️🏻 كلمات موسى الخادم ٢٠٢٥
الليله السادسه / ليلة مسلم بن عقيل ع
Читать полностью…
///////////////////////
هـــايه ام الأربعه الــوفايه
تحضر ابكل تعزيه وقرايه
تحجي عن طـــف كــربلاء
////////////////////////////
١؛؛؛؛؛؛؛؛؛؛؛؛
يا خادمهه ... اخلص يمهه
هاي الوفيه الطاهره الخادمهه متعوف
كلشي انطيهه ... الروح اهديهه
تستاهل ام الاربعه المنحر والاجفوف
تستاهــل ام الأربـعه
تهديهه كَـد المشرعه
دمعات عين اموزعه
ودم منحر اليصب
لحسينهه امضحيه كَـمر
ياهو المثلهه ابهل بشر
وثوبث للماي بنهر
هذا الأمر صعب
سوت الما وحده المسويته /// خادمه ادكَـول العلي وذريته
لوحه رسمت بالولاء
٢؛؛؛؛؛؛؛؛؛؛؛؛؛؛؛
أم الأربع .... تنطي امربع
لليكَـصدلهه بحاجه عنده وكلبه مهموم
روح اتكَـله .... ما اتخله
الحاجه يمي تنكَـضي بالساعه مو يوم
تشهد عليهه كربله
كلمن ندبهه ابمسأله
تكَـضيهه باللحضه اله
ما ينتظر شهر
معروفه توكَـف بالشدد
للي كَـصد والما كَـصد
بالفاتحه اتحل العكَـد
ام الكمر فخر
إقره الهه الفاتحه وانخاها //// حاضره اتحل شدتك تلكَـاها
اي وحق راعي اللواء
٣؛؛؛،،،،،،،،،،،،
ام الكافل .... مترد سائل
ليل وصبح باب الهه من الجنه مفتوح
ترفع قدره .... الحَب الزهره
متعوفه وحده بحيرته اويه الدمعه والنوح
كل البشر بيهه اتحلف
بالغيرة رايتهه ترف
الغربه تشهد والعرف
أعظم مره العلي
بعد الزجيه فاطمه
اتحبهه ملائكة السمه
أي وحق حماي الحمه
هالصيحه تعتلي
جان اسمهه فاطمه البدويه //// وهسه صارت فاطمة العلويه
بيهه تحجي ارض وسماء
٤؛؛؛؛؛،،،،،،،،،
البدويه .... ابكل لطميه
تلكاهه تلطم عالصدر واعله الضلع حيل
يم المنبر ... تحضر تحضر
تبجي لبنهه المنسحك بحوافر الخيل
لحسين حبهه من صدكَـ
بي سولفو اهل العشكَـ
ميته وكلبهه محتركَـ
سلطانة الوفه
مابيهه كل ذرة عتب
تاريخهه انخط ابذهب
شايل عجب يابو عجب
خاتمته عاطفه
حارت اشتكتب عليهه اقلامنا //// بيهه تحجي الهسه هاي ايامنا
فاطمه ام الوفاء
٥؛؛؛؛؛؛؛،؛؛؛؛؛؛
بيهه اتباهه ... من سواهه
باب الحوائج تكَـصدلهه سائر الناس
أعظم نعمه .... الهاي الأُمه
أم البنين الخلفت عباس عباس
كل خير من عدهه نَعم
الله جعلها افضل نِعم
بوجودهه الكون ابتسم
وتناثر الضوه
عنوان مدرسة الصبر
ترتيل قرآن الفجر
مفتاح تسهيل الامر
أم حامل اللوه
الله رازقهه بجميع الطافه /// ابذكر اسمهه كل علل تتشافه
احروف اسمهه اعظم دواء
////-
✍🏻 كلمات موسى الخادم
الليله الرابعه /// ليلة ام البنين ع
Читать полностью…
يابويه /// من فاركَـت داري
يابويه /// ما مرني خطاري
1
//////////////////////////
بويه عافيتي خذتهه أوياك كبل اسنيني
وكلشي ما خليت آلية بس دمع البعيني
وحشه داري يالعفتهه بنارهه اتجويني
لو تجي وتشوف حالي بس حزن تلكيني
يابويه /// هاك اسمع اخباري
يابويه /// ما مرني خطاري
.2.....
الجيَّتك صرت انه احسب بالدمع ليليه
وروحي اشعلهه اعله بابك وانتظرلك جيه
كلي صرت أخلاف عينك انقري لطميه
مستهلهه ارجعلي بويه أعليك امشي ارقيه
يا بويه /// ليك افشي بسراري
يابويه /// ما مرني خطاري
.3......
بويه من يوم العفتني وأنه ما مرتاحه
كلشي بيه أعليك صاير مبتلي بنياحه
روحي ملت من صبرهه وكلبي مل اجراحه
وانه عمري اضلم اخلافك ما طلع مصباحه
يابويه /// عمري نهر جاري
يابويه /// ما مرني خطاري
//////4
اليا وكت أبقه انه اتاني رجعتك يا روحي
علتي زادت عليه يا طبيب اجروحي
عل الأقل مرسال ودي خل يهيَّد نوحي
حيلي هديته بغيابك مثل هد اصروحي
يابويه /// خيمه الأبو ثاري
يابويه /// ما مرني خطاري
....5....
وكفتي اعله الباب طالت يا ربيع أيامي
أربعة وعشرين ساعه امورمات اجدامي
صارت امنيتي الوحيده شوفتك يا ضامي
كلشي ما ريدن بعدهه وكفتك كدامي
يابويه /// رد واجمع افكاري
يابويه /// ما مرني خطاري
//////
✍🏻 كلمات موسى الخادم ٢٠٢٥
كل يوم الك طيفي ابدمع ياخذني
عذبني بعدك والدي عذبني
العليله انه الحبيبه
صرت بعدك غريبه
....1..
كلما اغمض عيوني الك . ياخذيني طيفي
غصبن علية هالامر .. موش اعله كيفي
من بعد حضنك والدي .. بردانه صيفي
واعليك بجفوف الهجر .. ذابحني سيفي
كلما اغمض هل العين
ياخذني الك طيفي حسين
والكاك بين العدوان
وبصدرك اسهام البين
من نومي افزن ياعزيز الزهره
مكسورت الخاطر عليك امكدره
عظيمه هالمصيبه ... صرت بعدك غريبه
2
......
يوميه طيفي الكربله .. ياخذني الهه
ايوصلني يم باب الخيم .. والدمعه اهلهه
ياهو اسأل اعليكم انه .. والناس كلهه
غركانه بجثثكم الما .. واحد غسلهه
جم غالي فوك التربان
صار اله الاتراب اجفان
بس انت غايب ما شوف
مذبوح احسك عطشان
بالطيف ادور اعليك انه وما شوفك
يابوية واصرخ ارد احب اجفوفك
يبو الجثه السليبه
صرت بعدك غريبه
3
......
من خوفي كمت الليل الك .. بدموعي اساهر
خاف اغمض اعيوني ويرد .. كَطع المناحر
وفوكك تدوس ابلا رحم .. بويه الحوافر
هاي الصور ما تحتمل .. روحي تناظر
سهرانه صرت اكضي الليل
خاف انظر اتسحكك خيل
ما احتمل هذا الحال
يالعطرك احله امن الهيل
ما بية اشوفن طولك مكصرينه
وبالاعوجيه صدرك امهشمينه
واوداج تريبه
صرت بعدك غريبه
4
........
كلما يطر خيط الفجر .. محرابك اركض
ومن اوصل وخالي انظره .. بيد اعضعض
مكسورة الخاطر ارد .. بترابي انفض
من كثر ما أعثر بقت .. هالكاع ترفض
صارت اجروحي تنباع
من كثر طيحات الكاع
ابثوبي التراب اشكد صار
ارجع الي بوية بساع
ابنيتك آنه الما بقالي كلشي
وين امشي اذا متردلي وين انه امشي
وسط دنية كئيبه
صرت بعدك غريبه
5
.....
كل يوم اليمرني بسنه .. بويه بغيابك
افراكك اخذ مني العمر .. يشهد شبابك
اتعبت من كد ما نمت .. انه اعله بابك
انتظر جيتك ما ردت.. انطر مصابك
ابكثر المرض ما هميت
ترجعلي بوية اتمنيت
اشكيلك الحال الحال
اخلافك صفه وحشه البيت
داري ابغيابك صارت ابلا ضحكه
من عدهه راح الاغله شي املكه
الصبر من وين اجيبه
صرت بعدك غريبه
6
حزني عليك امفصله .. افصال الشريعه
يمتى ترد ليه يبو .. الضحكه الوسيعه
طبعك اتواصل موش ابد .. طبعك كطيعه
بفراكَك انه اكضي العمر .. بويه ابفجيعه
ابنيتك تراهه ابلا روح
خليتهه اتون وتنوح
بعدك يسباح الكلب
أشبه الطير المذبوح
انه العليله وسولفتلك حالي
وياك راحت ضحكتي ودلالي
اموتن مو عجيبه
صرت بعدك غريبه
.......
كلمات: ✍️ موسى الخادم
لا تهدني ابداعت امك //. مالي غيرك ثاني
أنه من دونك إمامي //. الموت اضل امتاني
..............................
١=
عليك ابداعت اسكينه ورقيه
عبد خليني عندك للمنيه
اكنس مجلسك يبن الزجيه
واصفط نعل خدامك بديه
خلني اتباهه ابخدمتك . يا مليك احزاني
أنه من دونك إمامي . الموت اضل امتاني
٢==
بديت اوياك قصتي امن البدايه
وحفظت احروف أسمك مثل آيه
من زغري ونطيتك انه احجايه
ما عوفك اخدمك للنهايه
عيني فتحت اعله شوفك . منبرك رباني
أنه من دونك إمامي . الموت اضل امتاني
٣===
ناذرلك حياتي وكل بنيني
لا تبعدني عنك يا يقيني
البواجي اعليك تحله بوسط عيني
بدونك تدري اعيش ابلا سنيني
كلشي اخذ مني تريده //. فقط لا تنساني
أنه من دونك إمامي //. الموت اضل امتاني
٤====
مولاي ارتجيك اتضلي خيمه
بدونك عيشتي ما إلهه قيمه
احسبني ابنيتك ارقية اليتيمه
وعلي مطّر وجودك مثل غيمه
مالي غيرك يابو الاكبر .// ضايع انه الكَـاني
أنه من دونك إمامي //. الموت اضل امتاني
٥=====
العيشه ابعالمك جنه تعادل
وحق زينب وكافلهه ابو فاضل
لو ملكوني دنياي العواذل
ما أترك طريقك بيه اواصل
لو ألف مره اذبحوني // مستعد تلكَـاني
أنه من دونك إمامي //. الموت اضل امتاني
٦======
كل واحد يموت بماضي يصبح
بس الحجز يم حضرتك مطرح
جم ميت ابميت حاله يشرح
يكَـول الخِدم لبن الزهره يربح
جاسم وحمزه الزغير //.. ذكر الهم ثاني
أنه من دونك إمامي //. الموت اضل امتاني
<<<<<<<<<<<<<<<>>>>>>>>>>>>>>>
✍🏻 كلمات//موسى_الخادم ٢٠٢٥
كل مجلس اتقيمه الحبيب الزهره
صاحب زمانك بالدموع يحضره
يم باب العزه يكعد
ابيات الحزن ينشد .... وي امه الوديعه
...1...
صفي نيَّتك .. حضر عبرتك
من تمشي العزائه
ضحكات الدرب ... بيهن لا تطب
تجرح كبريائه
امن الياء للألف .. محبوبك ترف
لتزيَّد بُكائه
عيش امصيبته .. وارسم قصته
بلوحة كربلائه
خل فكرك اويه النار حركت خيامه
وحسينك اعله الكاع وابلا عمامه
لتخلي فكرك يم الي يماشونك...عيش المصيبه وابجي لجله اعيونك
محبوبك نزف جرحه
اوادم فرحت ابذبحه .... وبذبحت رضيعه
... 2 ...
مكطوع النحر .. فاتحته شهر
ضويهه بشمعتك
احضرهه أبّجي .. واترك كل حجي
ايأخرهه دمعتك
بالخيل انسحكَ ... بالشمس احتركَ
خليهه بنظرتك
يستاهل لطم ... حد ، كسر العظم
مرحومه عبرتك
جسمه انسحك بالخيل ذيج الظهيره
وبدفنته السجاد لمه بحصيره
جسمه اندفن بس راسه ظل ابرمحه
يتماشه ويه اخته التنوح الذبحه
منظر يكسر الخاطر
لو تتمعن الناظر ..... تلكه اجم فجيعه
3 .........
خلهه بمسمعك ... كلمن يمنعك
تحضر للمجالس
صاحب سوء الك ... عوفه احسن ألك
صاحب بس عوابس
خل ذكرك يضل ... يم خير العمل
سلطان النوارس
تاريخ الشرف ... بحسين انعرف
يحجي اليمه دارس
ليهمك اليحجون ولمجلسه امشي
حسين انذبح عطشان وامضحي كلشي
تعبهه روحك للذبيح الضامي
يستاهل اتخليله صدرك دامي
الطم للنزف نحره
الخلص بالذبح عمره .... والجثته الصريعه
.........4
كلشي ابهل الزمن .. مرهون ابثمن
معروفه القضيه
ميموت الخدم ... لحسين ولطم
تحي امره الزجية
باجر بالحشر ... لطمات الصدر
تُعرض عالبرية
بجنت فاطمه ... وحسن الخاتمه
للحاضر عزيه
كلمن نذر لحسين عمره وسِنينه
يوم القيامه انشوف ما تبجي عينه
لحسين ابو اليمه الخدم من كلبه
تتطاير اذنوبه ابأمر من ربه
اجهنم ما تمس جسمه
الكضه اسنينه بالخدمه .... تشفعله الشفيعه
........5..
المهدي وفاطمه... تحضر مأتمه...
هاي الكم بشاره
كل واحد حضر ... رابح ما خسر..
مضمونه التجارة
حسين اليقبله ... الزهره اتسجله ...
سلطان بجداره
هنياله الحضه ... بنظرات الرضه ..
من مهدي الغياره
هنياله من يرضون ساداته عنه
باجر مقامه ايصير ماكو احله منه
كل واحد ادموعه جرت للمنحر
للجنه ياخذ بيده باجر حيدر
الحاضر مأتم اوليده
ايزفه المرتضى ابأيده ..... الجنت الله الوسيعه
////
كلمات ✍️ موسى الخادم
تسبيحة الحب يا حسين
وي نبض كَلبي والإدين
احجيهه بالسر والعلن محبوبي يحسيني
انته اول انسان انكتب اسمه بشراييني
...1...
يبو الاكبر آمنت .... انت نهجي ومرجعي وكلشي بحياتي
ما يهمني اليعترض ....انت تسبيحة الحب ابكل صلاتي
لو تنجمع ... جن وانس ... والكون كله ضدي
ثابت اظل ...لاخر نفس ... وياك اعله عهدي
وياك .... لحد ما تخلص انفاسي
وياك .... شهدلي الغيره عباسي
لو انذبح مو مره الف يمك تلاكيني
انته اول انسان انكتب اسمه ابشرايني
...2...
كلشي بالعالم وهم ... انت بس انت الحقيقه البيهه عايش
الجاهل ابهذا الامر ... ما يهمني ولا افكر
عقله اناقش
مثل الشمس ... واضح يضل ... نورك ياحبيبي
الماينظرك .... أعمى البصر .... يا جرحي وطبيبي
يحسين .... يضل اسمك نهج كل حر
يحسين .... اصل كل الذهب والدر
من كربله الحد كربله صيتك يوديني
يا اول انسان انكتب اسمه ابشرايني
...3...
كل حياتي كربله .... والسوالف كلهه بيك حسين ابدي
باقي والآخر عمر ... ما أبدلهه المسيره اوياك عهدي
ألام والأبو ... من الزغر ... ربوني اعله حبك
مثل الهوه ... اتنفسك .... يالدرب الله دربك
اهواك ..... خل يسمعني كل لايم
اهواك ..... يا اول عشك دائم
ما اروه بالماي العذب ذكرك يرويني
يا اول انسان انكتب اسمه ابشراييني
....4....
ثورة الحق تنتصر ... ثبتت هذا الكلام ابكربله انته
شبعوك اشكد عطش ... وانت بس السولفت والباقي سكته
عشت ابفخر .... مت ابفخر .... يا روح الزجيه
كلشي وكَف .... يم ثورتك .... ياخذلك تحيه
هيهات .... تضل صيحت شكو ثائر
هيهات .... تهد اعروش كل جائر
للذله اسمك ما ركع يالثبتت ديني
انته اول انسان انكتب اسمه ابشرايني
...5...
سيدي وبيك افتخر .... ما ابدلك بالجنان يضل شعاري
لو يخيروني انذبح ..... انذبح كل ساعه الك ماخذ قراري
يرخص الك ...مو بس نحر ... كلشي العندي غالي
اعظم شرف ... من انحسب .... مذبوحك يوالي
للموت ..... اروحن فدوه لعيونك
للموت .... أصيح بصوت مجنونك
السيف ابركبتي خل يحز وانه اصرخ حسيني
انته اول انسان انكتب اسمه ابشرايني
......
تمت
✍️ موسى الخادم
السلام عليكم احبتي خدام الحسين ع
بفضل الله ورعاية الائمه الأطهار وبركات دعواتكم الصادقه
تم اكتمال منهاج محرم الحرام لسنه ١٤٤٧ هجريه ٢٠٢٥ م
وسوف يتم نشر الليالي العشره الأولى يوم غداً الجمعه الموافق ٢ ذو الحجه
بحول الله وقوته
والشكر موصول لكل من دعاء لنا وكل من كان معنا خطوه بخطوه لإكمال المنهاج وتقديمهه بأحسن صوره
راجين من الله القبول
ببركة الصلاة على محمد وال محمد
خادمكم
موسى الخادم
السلام عليكم احبتي خدام الحسين ع
قصيده لأستقبال شهر محرم الحرام
للجواد المهدي شايل رايه
ومعتني ويه الخدم مشايه
.....
يمن كاصد ضريحه ... الك هاي البشاره
ابوصالح حبيبك... رفيقك بالزياره
ابد لا تنسى روحك ... تمعن بالعباره
اذا شافك تمازح .... تزيد ابكلبه ناره
لا تزيد احزانه حزنه اكفايه
.......
يزاير خلي حزنك ... يسولف كلشي عندك
اليعطلك عالمصيبه .... تكله ارخصني ردك
ابو صالح يريدك .... دمعتك تملي خدك
يماشيك ابطريقك .... ابد مو انت وحدك
حاضر يسمعك ابكل احجايه
......
بديك الرايه خلهه .... ترفرف لبو فاضل
الك كل خطوه بيهه .... اجر عابد مقاتل
المشه للكاظمية ... يضل تاريخه حافل
طريق الكاظميه .... طريق اهل المراجل
خلي روحك بالمشي وفايه
......
الف هنياله كلمن .... تشوف المهدي عينه
تشمله الرحمه كلهه ... لحد اخر سنينه
يماشي المهدي جدمه ... ابو الروح الحزينه
ابد ميماشي عاصي ... يدور الوينه وينه
يريد واحد ما يخالف رايه
.......
✍ كلمات : موسى الخادم
تاريخك اقره بحزني والاَمي
قصتك شبيهه بقصت الضامي
يا جواد الأئمه ....يا جواد الأئمه
......
من طالعت سيرت حياتك
بيهه لكيت اشكد حزن
من مولدك والحد مماتك
بدموعك امغرك الجفن
عشت القهر من كل صوب
مسلوب فرحك مسلوب
مكسور خاطر متعوب
يابن الرضا
باليقضه اشاهد صرت واحلامي
قصتك شبيهه بقصت الضامي
يا جواد الأئمه ....يا جواد الأئمه
......
ازغر امام اسنينه ضاعت
انت وبقيت ابلا عمر
خانتك ناس الذمه باعت
والعشره جازوهه بغدر
ما رحمتك هاي الناس
منك خذت كل انفاس
جرعوك من نفس الكاس
السم الحسن
جم واحد النعشك صبح رامي
قصتك شبيهه بقصت الضامي
يا جواد الأئمه ....يا جواد الأئمه
.......
تشبه اهوايه اهوايه قصتك
قصت حسين المنذبح
من بالشمس خلوهه جثتك
مطروحه ظلت عالسطح
واتلث ليالي ابلا روح
الشمس الظهيره مطروح
مثل ابو اليمه المذبوح
يا بو الوفه
امصابك يضل امرافك ايامي
قصت شبيهه بقصت الضامي
يا جواد الأئمه ....يا جواد الأئمه
........
عطشان مثل حسين جدك
ظل جبدك النازف جرح
عالترب خده وانته خدك
باقي على اتراب السطح
بالعطش واسيت حسين
يشهد الك دمع العين
ميت حزن صار اسنين
تبجي النحر
هذا الاشوفه انكتب كدامي
قصتك شبيهه بقصت الضامي
يا جواد الأئمه ....يا جواد الأئمه
.......
من الطف اخذت اجم مصيبه
يا تاسع اصحاب البخت
بس ما بقت جثتك سليبه
ولا لليسر اختك مشت
ولا داست اعليك الخيل
ولا ركبتك دمهه اتسيل
ولا راسك برمح اطويل
شاله الشمر
ميت عطش بس ما متت دامي
قصتك شبيهه بقصت الضامي
يا جواد الأئمه ....يا جواد الأئمه
......
كلمات
موسى الخادم
ياجواد الائمه .... جرحك منين اكلمه
من حرك باب وخيم
لو مناحر تجري دم
جرحك منين اكلمه
.....
اسالك يا اغله غالي ..واعتذرلك عن سؤالي
يا جرحك اكثر يألمك ...فدوة جاوب ريحه بالي
جرح حرك المخيم لو سبي الخدر
يمن لسه بدليلك جمرتك تسعر
متت وعيونك اتصب العلي الاكبر
الك ثار اليجيبة المهدي من يظهر
لحضه ما ينسى ثارة .... المهدي واضح قرارة
يظهر وبيدة العلم
من حرك باب وخيم
.......
يالخبر موتك فجعني ...ما ابطله اعليك وني
شنهو اكثر شي بجيته .... سيدي لا تخفي عني
احلفك بالجفوفه العمتك صانت
دمعتك تجري المن كل وكت جانت
اعلى زينب لو رقية العل طشت ماتت
يمن ساعت وفاتك هالمسه حانت
بوح الي بهذا سرك .... حتى اظل اعله ذكرك
اتقاسم اوياك الالم
من حرك باب وخيم
........
يالعشت عمرك مصيبة ... عل البقت جثته سليبة
ضامي مت اوهو ضامي ... موتتك مثله عجيبه
متت ضامي مثل موت الذي احلالك
رمية اعله السطح شمس الله تبرالك
ثلث تيام ما واحد اجه وشالك
يمن حتى العرش ناح وبجه الحالك
بموتتك هالمسية .... عادو الغاضرية
جبدك مصوبينه سم
من حرك باب وخيم
......
يالجواد ابجي المصابك ... وحزني مافارك عذابك
روحك اشافت مصايب .... يلي ما راعو شبابك
يالعمرك وصل حد خمسه والعشرين
وسمو جبدتك ياحجة الطيبين
خلص عمرك تنوح الوحدك لحسين
ومثل جدك علي ابيجت الزجية سنين
سنينك الي عشتها .... بالمدامع خلصتها
سنين عمرك كلها هم
من حرك باب وخيم
........
مجلسك هالليله حاضر ... سيدي اعله جروحي اكابر
امن اذكرك واذكر شبابك ...صورتك مسموم اناظر
اشد ليله اعلى كلبي ليلة اغيابك
عليك اشما انوح امقصر ابابك
يمن متفضل اعليه اقرة بمصابك
بمانك سيدي ما فارك اعتابك
عبدك اقبل خدمتي .... لا تردني ابدمعتي
جرحي وياك انرسم
من حرك باب وخيم
.......
الحمدالله رب العالمين
اللهم صل على محمد وال محمد
موسى الخادم
الليله السادسه // ليلة الانصار
Читать полностью…
قصر الاماره أتحول التراب
وقصرك يمسلم ناطح السحاب
وبابك صبح مجيب
الزارك فلا يخيب
<<<<<<<<<<<<<<<<<<<<<<<<<<<<
١=
يلي اخدمت .. حيدر علي …وحسين ابو اليمه
يل هدمت .. عرش الكفر .وحدك بكل همه
يل الآمنت ..بيك السمه.. اعظم واهم زلمه
اده الامانه ..ابكل بفخر ..ناصر لبن عمه
نلت الصداره ابمهنة السفير
ما خنت أميرك لا خنت ضمير
يا مسلم الحبيب
الزارك فلا يخيب
<<<<<<<<<<<<<<<<<<<<<<<
٢==
يل حيّرت ..أهل الأرض.. وأهل السمه بعزمك
وحدك خضت … ثورة نصر … عل حللو دمك
كلشي ركع … يم صولتك .. يا مسلم واسمك
صيته وصل .. جوه العرش .. وبيك افتخر عمك
يا مسلم أنت فخر الارجال
هيجي عليك بكربله انكال
مسلم رجل رهيب
الزارك فلا يخيب
<<<<<<<<<<<<<<<<<<<<<<
٣===
يالمبتسم ..وقت الحرب… وإسهام يرمونك
ماهمتك …كثرت عدد .. ناس اليعادونك
صنت العهد …وأنت اتعرف .. باجر يذبحونك
عشت بشرف ..مت ابشرف … لجل اليحبونك
ما همتك روحك للحسين
أنت انذرتهه امن اول سنين
للينذبح غريب
الزارك فلا يخيب
<<<<<<<<<<<<<<<<<<
٤====
يل قدمت … اعظم درس ..بالتضحية الناسك
منك أخذ … عِلمه الوفه … وبجبهتك باسك
ما خالفت .. درب الصدك ..أي وحق عباسك
لآخر نفس .. ما طاوعت .. سيف الكطع راسك
عشت بشموخك لآخر انفاس
وللذله ما طخيت ابد راس
ومن العطش شحيب
الزارك فلا يخيب
<<<<<<<<<<<<<<<<<<<<<<<<<
٥=====
إكراما إلك .. ما ظل قصر .. ربك هدم صرحه
وأنته أصبحت … قُبه إلك … توصل شمس صبحه
واليعتني .. بحاجه إلك …يرجع بديه فرحه
وبابك دوه ..الكل مبتلي … ويعاني من جرحه
جم واحد بعلته مشّه ليك
رديته سالم الله ينطيك
يا سيدي الطبيب
الزارك فلا يخيب
<<<<<<<<<<<<<<=====>>>>>>>>>>>
✍️🏻 كلمات موسى الخادم ٢٠٢٥
عباس ابنج وفاي ... خليني اتباهه ابهاي
كون اخبارك توصلني امسوي اسوايه
ولختك زينب جايب شط ابكل مايه
سهله اعله اجفوفك هاي
...........[[[[[[[[[[[[[[[[[]]]]]]]]]]]]]]]]]]]].......
؛____1_____
من ازغير وأنته امعلم ... تاخذ دور الوفاي
ترسم خيمه وزينب بيهه..ويمهه اتضل رايحجاي
جنت اتكَل الزينب يختي...حزمنيي وشوفيالراي
غمضي اعيونج لحضه وفتحي .. تلكَـين الشطوالماي
عمرك سنتين وحيل .... تعشكَـ لركوب الخيل
مو يم عمرك لا أكبر يبني اهوايه
كون اخبارك توصلني امسوي اسوايه
2///////
من يومك عالسيف امعلم ... ما متعلم اعله العاب
كل ما شفتك بيدك رايه.. وسيف الما ضمه أكراب
من أول يوم الخلفتك .... يا شبل الليث الغاب
ما شفتك بعيوني ازغيَّر ... لا شفتك واحد شاب
كل ما لفك بكَـماط .... جنت اسمع صوت ازماط
خزرات اعيونك تشهد كًـبل الرايه
كون اخبارك توصلني امسوي اسوايه
______//:::
3______
المثلك يا عباس امخلفه ... ما يحتاج اتوصيه
مو واقع لو نفرض ربنه .... مثلك خالق نلكَـيه
لازم هم العباس اسمه .. وحيدر كون امربيه
لاتنطيهم عطوه وسيفك .... من دم القاده ارويه
كون اسمع من الناس .... هد الجيش العباس
خله الروس اعله التربان امدمايه
كون اخبارك توصلني امسوي اسوايه
//////
4
يا أول فرحه ابأيامي .... بيض وجهي اترجاك
لاترجع سالم يوليدي .... وتعوف حسين اهناك
عالشاطي تخليهه ايسارك ... مشموره بصفيمناك
والعين السهم ايطفيهه ... وصيتك الله الوياك
ماريد اتغمض العين ... الا اعله اجفوف حسين
كَـبله اتضحي اسنينك يالبيك اكفايه
كون اخبارك توصلني امسوي اسوايه
5///////
أبحق ارباي اني امسامحتك ... ياعباس المبخوت
بس مني اسمع هاي الكلمه .. الراح احجيههابلا صوت
ازعل من عندك حيل اني .. وزعلي يضل حدالموت
لو ما جبت الزينب اختك ... نهر امرصع ياقوت
لو ما وافيت ام عون .... منك أتبره ايكون
كلشي ولا اسمع عنك اي احجايه
/////
✍️🏻 كلمات موسى الخادم
يمالك عمري وانفاسي وسنيني
أعله مودك خَلّفت أربع بنيني
حسين حسين .... حسين حسين
...|÷÷÷÷÷÷÷÷÷÷÷÷÷÷÷÷÷÷÷÷÷÷÷|...
١=
يل حنين ... إلك كل عمري ناذرته والاسنين
ولو يصير .. عمر ثاني إلك هم فدوه يحسين
روحي بيك .. أسيره وما تفاركَـ شوفك العين
اوياك اروح ... أموت ابكربله مو مره مرتين
وي سبعينك أركض ركضه للموت
هنياله اليموت اوياك مبخوت
حسين حسين ... حسين حسين
٢==
كَـلبي صار .. من هل ساعه صار اعليك ممرود
اشلون اعيش .. وانته الكربله رايح اومتعود
يمه اموت ... اذا ما شفتك ابهل دار موجود
يمي اريد . تضل وافديك ولدي وراعي الجود
تسوه أولادي كلهه وتسوه دنياي
عندي وتسوه كلشي شوفتك هاي
٣===
راسي شاب ... مو من الكبر من الله وياك
ميته كون .. ولا كَـضي العمر ابجي اعله فركاك
وين اروح ... بعد ما تمشي عني اوين الكاك
وانه اشوف ... طلعتك هاي بيهه الموت يتناك
من هسه انه اشوفن فوك الارماح
راسك منرفع وامترس اجراح
حسين حسين ... حسين حسين
//////
كل جروح . اعليه اتهون بس جرحك فلا يهون
يا عزيز . اخذني اوياك اشيل الحمل لام عون
للسياط ... اسوي امتوني درع الكل الامتون
والخيام .... اطفيهه ابعباتي من يحركَـون
اخذني اوياك شلي ابظلتي اهناه
عليك التنكَـطع عالشاطي يمناه
٥=====
من يجي ... ابن حذلم وجايب عنك اخبار
شرد اكَـول .. واسأله اشلون كَـلي بكربله اصار
والله اموت .. اذا سولفلي عن ذبحك يبو الدار
والخيول .. التدوس اعليك واتسويك طشار
اشلون اصبر امن اسمع جوه الاخيول
صدرك ظل عليهه الحافر ايجول
✍🏻 كلمات _موسى_الخادم ٢٠٢٥
يابويه من فاركت داري
Читать полностью…
كل يوم الك طيفي بدمع ياخذني
Читать полностью…
الليله الثالثه /// ليلة العليله
Читать полностью…
لو ما خدمتك يا اغله مذبوح
جا خلصت حياتي ابنزف الاجروح
...1...
يا اعظم امام ... بجناح الحمام ... كاتبلك سلام
مولاي حسين
يا سيد الوجود .. يا عطر الخلود .. يا معنى الصمود
مولاي حسين
لو ما خدمتك يا سيد الكون
جا حالي صبح حال اليتيهون
بعالم خدمتك ربتني مولاي
امي وعلمتني ابجيلك اعيون
مولاي حسين ... مولاي حسين ... مولاي حسين
...2....
يا أول حبيب ... عالغبره سليب ... ظل حد المغيب
دامي ابكربلاء
يا عشك السنين ... احجيهه ابيقين .... انت اكبرحنين
دامي ابكربلاء
ياهو المثلك المذبوح عطشان
وظل اعله الترب مطروح عريان
املبسني الحرير وثوبه مسلوب
ما متعوب انه وهو متعوب
مولاي حسين ... مولاي حسين ... مولاي حسين
3
.......
من اول صباي .... ناذرلك دماي .... ما يرويني ماي
خلوك ابضماك
عايش عمري نوح ... ما ظلتلي روح ... احجي اويهالجروح
خلوك ابضماك
دوم احجيهه هاي الكلمه بالعين
اشلون اهنه بشراب الماي وحسين
مات ابكربله يا ناس عطشان
فشله امن ام حسن من ام البنين
مولاي حسين ... مولاي حسين ... مولاي حسين
3
......
كل همي رضاك ... وانفاسي هواك ....خلنيابمحتواك .... غيرك ياهو الي
بكل شده اطيح ... من كلبي اصيح... ادخيلك ياذبيح ... غيرك ياهو الي
بكل شده اطيح انخاك مولاي
بس الأنته عندي بهايه دنياي
بالك باب رحمه وما يرد ضيف
عطشان وتوزع الضيفك الماي
مولاي حسين ... مولاي حسين ... مولاي حسين
4
........
ما عندي امنيات .... كثره ابهل حيات ... ساعاتالممات .... تحضرني الكبر
تمسحهن بديك .... دمعاتي العليك .... ميتواحجي بيك .... تحضرني الكبر
غيرك ما اتاني يغله الاحباب
هاذي صيحتي من جوه التراب
من يحضر نكير ومنكر اهناك
محبوبي حسين انطي اخر اجواب
مولاي حسين ... مولاي حسين ... مولاي حسين
...........
✍ كلمات : موسى الخادم
مولاي مولاي حسين حسين
...1...
سئلوني البعض ياهو التحبه امن اصباك
ولجله مستعد ترخصله روحك و ادماك
جاوبت عيني .. . عشكي لحسيني
ترخص ايامي ... لجله واسنيني
انه اول ما فتحت أعيوني
صورة حسين الاهل شوفوني
أشكر امي اوالدي الربوني
على حبه امن الزغر علموني
من زغري ... وانه مجنونه اصبحت
من زغري ... بسمه ابو اليمه صحت
من زغري .... على امصابه اشكد نحت
مولاي مولاي حسين حسين
...2...
أتربيت اعله حب سبط النبي يا هل ناس
وباقي اشما عشت وشما بقت بية انفاس
عايش ابروحي .... يبقى مذبوحي
ما اعوفنه ... بلسم اجروحي
اعترافتي ابقصص أرويهه
دنيتي بدونه طعم ما بيهه
حسين حبه ارويحتي يغذيهه
ابكل فخر هالكلمه اضل احجيهه
من الذر .... اعترفت بحبي اله
من الذر .... وانه اريداً اوصله
من الذر .... كلشي بية بكربله
مولاي مولاي حسين حسين
...3...
عاشوره انتظر واحسب اله بدمع العين
كل يوم اليمر ناصب عزائي اعله حسين
امحضر اثيابي .... ودمعة أمصابي
ليلي وانهاري .... بمجلسه اكتابي
وين ما كالو عزاء امشيله
حيلي كله ايروح فدوه الحيله
ليل وانهار وصبح ابجيله
عيني اذا ما تبجي احسه اعليله
لحسيني .... انه ناذر دمعتي
لحسيني .... ما ابطل لطمتي
لحسيني .... تبقى تبقى صيحتي
مولاي مولاي حسين حسين
بعالم خدمته انه أصبحت عالي الشان
ومنبر حضرته هو الجعل مني انسان
خدمته احجيهه .... كل شرف بيهه
رابح سنينه ... اليمه يكضيهه
الخادم الزهره بكبرهه تشكره
وعايش ايضل اسمه حد الاخره
والاملاك بجنة الله اتبشره
الف هنياله اليسجله بدفتره
يتباهه ... باجر بيوم الحشر
يتباهه ... خادم حسين البدر
يتباهه ... واسمه خادم ينذكر
مولاي مولاي حسين حسين
/////
كلمات :: موسى الخادم
يا حسين // كل زمان وكل عصر
يا حسين // ثورتك ثورة نصر
هدت اعروش الطُغات
ثورتك ثورة حيات
يا حسين // يا حسين
===========================
ثورتك صيحت عداله باقيه تعيش
ترهب اكبر ظالم اشما يمتلك جيش
على مر كل العصور
عالظلم جيشك يثور
وينكتب بين السطور /// إسمك القائد
يا إمام الثائرين
يا شفيع المذنبين
يالرفضت الفاسدين /// اومنهجك شاهد
يا حسين /// اسمك يضل كل زمن
يا حسين /// راهب اصحاب الفتن
يا امير التضحيات
٢//✔️✔️
=========================
ثورت الإصلاح منك بدت يحسين
من رفضت اتبايع الناس الشياطين
ما أبايع كل يزيد
ثوره قاداهه الشهيد
وصار للعالم نشيد /// صوتك الثائر
موطن العز والإباء
أنت في إرض وسماء
يا شهيد ابكربلاء /// الماضي والحاضر
يا حسين /// عَيشت خصمك رعُب
يا حسين /// وأنت مرمي اعله التُرب
وضامي خليت الفرات
ثورتك ثورت حيات
٣///✔️
==========================
ثورتك يحسين مصنع كل الأبطال
على مر كل العصور وكل الأجيال
خرَّجت وين الشجاع
البل سياسه ماله كاع
الما ترك حقه الي ضاع … بيد الي ضده
ثورتك ثورت جهاد
خرَّجت زين العباد
الصبره ذل أهل العناد …. ساعة الشده
يا حسين/// يا رجل كل مرحله
ياحسين /// ألمشه بدربك عله
ما تلزمه السنسلات
ثورتك ثورت حيات
٤////✔️
ثورتك رسمت طريق الناس الأحرار
الـ ترفض الذلّ والاهانه وترفض العار
ثورتك جانت أساس
قَدمت للأُمه ناس
ما تطخ للذله راس … الكَـطعت المنحر
شَرّعت منهج أصيل
ما تصافح جف رذيل
جفوف التحب الكفيل … جفوف لا تُقهر
يا حسين /// لوحه تاريخك رسم
يا حسين /// باهه بيهه كل أمم
يا امير التضحيات
ثورتك ثورت حيات
==========================
✍🏻 كلمات موسى الخادم ٢٠٢٥
يله شدو العزم يله خدام
ما بقه العاشور حسبت أيام
لبيك ..لبيك … أبا عبدالله
////\\\\\\\\\\\\\\\\\\\\\
١=
حيلكم من هسه حضرو للطم
حسين يستاهل لطم يكسر عظم
ما نوافيله اشنقدمله بهضم
يستاهل .. نهديله
كل العمر مو ليله // وحده بهل شهر
للغالي … الحبينه
نبحي البواجي الزينه // على مر الدهر
بالدمع خل نطفي نار الأخيام
ما بقه العاشور حسبت أيام
لبيك …لبيك ..أبا عبدالله
////\\\\\\\\\\\\\\\\\\\\\\\\
٢==
أنعم الله اعلينه مد ابهل العمر
نبچي لحسين وندكَـ لجله الصدر
ناس ماتت والمحرم تنتظر
يالسامع … شد حيلك
واصرخ حسين ادخيلك … ارزقني الجزع
يالخادم … لحسينك
قرَّب محرم وينك … هل بدره وطلع
اشكر الله الضاف لسنينك عام
ما بقه العاشور حسبت أيام
لبيك ..لبيك …أبا عبدالله
///////////\\\\\\\\\\\\\\\\\\\\\
٣===
بكل محله بكل زقاق وكل فرع
نصبو مأتم عامر بكثر الدمع
وزينو صينية القاسم بالشمع
والأسود … ملبسكم
وام حسن تحرسكم … ينصار الولي
علوهه … رايتكم
يالمفخره شيمتكم … والشاهد علي
ثوب الأسود حضرو كبل الأعلام
ما بقه العاشور حسبت أيام
لبيك ..لبيك ..أبا عبدالله
//////////\\\\\\\\\\\\\\\\\\\\\
٤====
نشرو رايات السواد اعله السطح
واجباً مو مستحب للمنذبح
وبينه كل واحد يخليله جرح
لحسينك … خل روحك
هيه التضمد اجروحك .. من يبدي الحچي
لا تبخل … بدموعك
خل دائماً مشروعك … لحسين البچي
رابح المشروع ويا ما دام
ما بقه العاشور حسبت أيام
لبيك ..لبيك .. أبا عبدالله
//////////\\\\\\\\\\\\\\\\\\\\\
٥=====
وريت هاي السنه موش اللاحقه
يظهر المهدي وحلمنه ايحققه
ومجلس ايقيم ابدموعه الصادقه
والمجلس … خدامه
كلهه من اللطامه …. التلطم من صدكَـ
والرايه … المهديه
تبچي على المسبيه … ألا جمهه الحركَـ
خل نشد الجيَّت المهدي احزام
ما بقه العاشور حسبت أيام
لبيك .. لبيك ..أبا عبدالله
//////////////////////////////\\\\\\\\\\\\\\\\\
✍️🏻 كلمات موسى الخادم ٢٠٢٥
أنت الجواد المايرد سائل
جفك شبيه بجف ابو فاضل
////////////////.............//////////........
؛١
ما يخيب البابك ايدكَـه ابخشوعه
تنقضي حاجاته وي نزلة دموعه
ما يضل حاير ولا حاني ضلوعه
بيده ياخذ طلبته بلحضت رجوعه
طبعك سخي ..تنطي اليكَـصدك ماي العيون
طبعك سخي .. مثل الكفل زينب والاضعون
مضرب مثل صرت أنته للكافل
جفك شبيه بجف ابو فاضل
//////////////////////////////
؛؛٢
الكَـلبه مهموم وأجاك يريد فرحه
تزيح ضلمة ليلته وتشوفه صبحه
منك أيرد الهله متشافي جرحه
ما تعوفه ويه أحزانه التذبحه
يبن الرضا .. كلمن اجاك بدمعته ايزور
يبن الرضا .. لهله ترجعه بكلب مسرور
يا موطن المجنون والعاقل
جفك شبيه بجف ابو فاضل
///////////////////////////
؛؛؛٣
الطايح ابشده وتخلت عنه ناسه
ما يروح الغيرك ولا يحني راسه
يجي البابك سيدي بعبرت انفاسه
يسولف الي صاير بكامل حواسه
ما يلتفت … لا غيرك ايدكَـ سيدي باب
ما يلتفت … لا حاجته ايسولفهه لغراب
بس يمك ايسولف شنو لحاصل
جفك شبيه بجف ابو فاضل
//////////////////////////
؛؛؛؛٤
والتصيبه عله يعجز عن شفاهه
يجي يمك سيدي وياخذ دواهه
أنت مستشفى التشافي من اجاهه
ألأجر كشفيته صلاه عالنبي طه
جم مبتلي … أبعلَّة مرض شافيته بالحال
جم مبتلي … يحجي ابوكَـفتك يبن الابطال
غصباً على كل حاقد وغافل
جفك شبيه بجف ابو فاضل
/////////////////////
؛؛؛؛؛٥
سيدي واليوم اجيتك عندي طلبه
تسهل امري الخدمة حسين الأحبه
كون جدمي ما يزل وابقه اعله دربه
وما أصاحب ناس ما تبجي اعله كَـلبه
الصابه السهم … وراسه برمح شايله الذباح
الصابه السهم … وجبده انقسم نصين من طاح
ياسيدي ابدعواتي متواصل
جفك شبيه بجف ابو فاضل
..........................،،،،،،،،،،،،................
✍️🏻 كلمات موسى الخادم
كلشي ابعالمك غير
يالكلك وفه وخير
يا جواد الوجود
.......
مثل غيمه وجان خيرك نازل
على ناسك يا شبيهه الكافل
جان صيتك سخي للكل واصل
ما ترد جفينك ابداً سائل
جفك شبَّع الطير
يالكلك وفه وخير
يا جواد الوجود
زغير عمرك عشت بين الوادم
بس جنت انت اعلم ابكل عالم
ماكو واحد جان كدك فاهم
متت والتاريخ اسمك لازم
عالم علمك اجبير
يالكلك وفه وخير
يا جواد الوجود
......
متت بس خليت أجمل صورة
بيهه ناس الحبتك مبهورة
شاب ساطع بالمناهج نوره
خله مدرسة العلم معمورة
بيك الوادم اتحير
يالكلك وفه وخير
يا جواد الوجود
.......
ياجواد الدنية المسمينه
ياهو مثلك خلصاهه أسنينه
عينه تبجي للحبيب حسينه
يمك ايوب اكتفه بونينه
صبرك ماله تفسير
يالكلك وفه وخير
يا جواد الوجود
......
يلي سمو جبدك ابنص دارك
تسعر ابكل الضماير نارك
باجر اويه المهدي ناخذ ثارك
ماتعوف الثار أبد زوارك
بسمك باجر اتغير
يالكلك وفه وخير
يا جواد الوجود
.....
كلمات
موسى الخادم
عالجواد ادموعي تجري
لحد ما انزل الكبري
واجواداه ... صيحو وياي
......
شاب بعمر وردة ومات ... ما تمم اسنينه
عاش الهضم واللوعات ... حد ما غمض عينه
أصغر شهيد ابقافله اهل البيت
قصة حياته احزان بحزان الكيت
كل عمره عشرينات والسم روه
اي نعم هذا البل روايات أقريت
ياهضيمه يا هضيمه
بعده صاحت كل يتيمه
وامصاباه .... صيحو وياي
.......
من اقرب الناس اعليه ... سهم الغدر لاحه
صاحبت بيته التؤيه ... اتسببت بجراحه
خانت العشره وطاعت امر الشيطان
سممت جبد الحجه عالانس وجان
ما راعة امه فاطمه وجده حسين
عطشان مات وهوه هم ضل عطشان
مات ما شارب اميه
مثل ابو سكينه ورقيه
يابسه اشفاه ... صيحو وياي
......
موته أشبه ابموت حسين .. ظل بالشمس جسمه
وأهله عليه ابعيدين .... ما واحد اليمه
اتلث ليالي اعله السطح ظل مطروح
ابحر الشمس ما واحد اليمه ينوح
بالذاكره لو نرجع الطف الموت
نلكه شبه ما بينه بين المذبوح
بس نحر ما منه دامي
اختلافه ويه امامي
ويلي ويلاه .. صيحو وياي
......
لمصابه هاليوم اينوح ... ابنه علي الهادي
من كلبه ذاك المجروح ... يا والدي اينادي
لاتمشي وتخليني وحدي ابدنياي
اعليك الذبيح الماشرب كطرت ماي
يا والدي اوداعك يهد مني الحيل
اتمنيتك اتعيش العمر كله اوياي
خل نواسي الهادي ابنه
مات ابونه انصيح كلنه
نبجي لبجاه .... صيحو وياي
......
كلمات
موسى الخادم
الباب المراد اجري الدمع ...
واعلكله دلالي شمع .... ليلة مصابه
يشهد علية المنتظر
ما وافي اله بكطع النحر .... ليلة مصابه
......
كل شهر ذو القعدة يمر... زاير اجي المزارة
بلطمات صدري الموجعه ...وادموعي التجارة
من اوصل الصحنه اطب .... لهفان عالزيارة
تاخذني صفات اشكثر ... وعيوني عالمنارة
كل اشتياق الحضرته
امن ادخل اقبل عتبته .... وابجي اعله بابه
.....
امن اقرة الزيارة اتخيله ... فوك السطح رمية
بحسين اشبه قصته ... هم عاملو بذية
ظل عاري ابحر الشمس ... محروم شرب المية
بس ماعليه خيل اسحكت ... لا شافته علوية
مكطوع راسه امن الكفه
وسهام صدرة امزرفه .... اه يا عذابه
.....
عمر الجواد اصغر عمر ... من بين كل اجدادة
عشرين عام وجم سنه ... لو نحسب الميلادة
خلصها لوعات وقهر ... ودموعه جانت زادة
ماشاف فرحه ابهل عمر ... حد ما وصل ميعادة
كوم الي ماعدهم شيم
سممو جبدة ابلا رحم .... علنو غيابه
......
هالليله واجب كل محب...مجلس عزائه ايحضره
بي حاضر حسين وحسن .. وام العزاء الزهره
كل دمعه كل لطمت صدر ... مسجله وكل عبرة
الواسه الجواد بلوعته ... الله بعضمته ايشكرة
ينطي اجر كد السمه
جي واسه امه فاطمه .... واهله النجابة
.....
ما خاب اليزورة بعسر ... يمه العسر يتيسر
كل حاجه يمه تنكضي ... بالساعه ما تتأخر
باب المراد ايرد طلب ... حاشاها ما يتعذر
بس صفي نيتك واعتني ... من يمه ترجع منسر
كل وكت بابه منفتح
وصفه شفاء الكل جرح ... تلكه بترابه
.......
الحمدالله رب العالمين
اللهم صل على محمد وال محمد
موسى الخادم
.....