663
قناة تهتم بنشر القصائد الحسينية/07702528403
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ليل ودخان قربه ونسوان
لا خيمه لضلت تأويهه ولا حامي لضل ويحاميهه
قربه ونسوان
********************************
لاوالي لبقه ويلحك على عياله
ضعن بين العساكر عافه كفاله
شتسوي بت علي بهذي الحاله
تركض للاخو لو تجمع اطفاله
ظلت مابين الخدر وحسين
وبسياطه العسكر واليهه ولاحامي لضل ويحاميهه
قربه ونسوان
*********************************
ظلت بت علي ياحاله حالته
ولاها الجيش وليه وماكو اخوته
تحجي ويلكفيل وتجري دمعته
حرم واطفال عندي شلون لمته
صارت طشار رعبتها النار
بنص النار وعسكر ماذيهه ولاحامي لضل ويحاميهه
قربه ونسوان
**********************************
من جن الظلام وخيم العسكر
بوجه زينب تحس العالم تغير
اخوته مطرحه فوك الرمل بالبر
وباجر للسبي تدري بحبل تنجر
رحله الام تطلع للشام
حتماً الكوفه تمر بيه لا حامي لضل يحاميهه
قربه ونسوان
**************************************
بنص اليل طلعت كصدت الحومه
تدور علعزيز وحيل مهضومه
لكت جثه اخوها مغيره ارسومه
متكطع وذر ومسلبه اهدومه
شافته اوصال ويمه الكفال
مكطع كافلهه واليهه لاحامي لضل يحاميهه
قربه ونسوان
***************************************
تدور بالجثث عن جثه جثه تزيح
خويه حسين وينك يلعزيز تصيح
تشم عطر الاخوه كامت ويه الريح
من الخوف كامت تنتهض وتطيح
ادوره ابخوف ظلمه وشتشوف
تنشدماً حتى يدليه ولاحامي لضل ويحاميهه
قربه ونسوان
************************************
الشاعر عباس الصالحي
7/5/2024
يهدا ثواب هذا العمل الى روح والدي
ابو اذيات
----------------
حسين امن التعب ماضل بعد حيل
وجيتك صارت بعيده بعد حيل
يشد بالحبل ويكله بعد حيل
واحس بشدته كطعت اديه
-------------------
كبل موتك خذاني الموت ياريت
وروحي امن الهضم والضيم يا ريت
بغيابك اشكثر ونات ياريت
ومصايب شفت ما مرت عليه
------------------------
زينب للوطن ياهو يردهه
وسياط الشمر متني يردهه
اصرخ كمت والظربه يردهه
عشر ضربات يطبكهن سويه
----------------------------
عباس الصالحي
(يهدا ثواب هذا العمل الى روح والدي )
الرايه ما طاحت ابد بوجوده لحد ماطاحت ييمه زنوده
******************************
ونعم ماقصر أبداً كافلي
شما كلتله كال صار ادللي
ومن طلبت الماي راح وجابه الي
بكربله وكفات اله مشهوده
******************************
وكف مابين العساكر والخيام
الرايه بيده ويلمع بجفه الحسام
كربله من اغتاظ خلاها ظلام
ابد ما واحد وصل لحدوده
****************************
حسين ماعافه ابد حد طيحته
جيوش اميه شكثر بس ما همته
يمه شحجيلج بعد عن غيرته
بالشدايد يمه يشبه عوده
***************************
الرايه ظلت عاليه وبيده ترف
مسرفن الذرعان عباسج كلف
من نزل للمعركه ينعد بألف
كربله من الروس صارت سوده
************************
من هجم عالجيش شفته انه تره
اليمنه يايمه طبك عالميسره
والله العباس اكبر مفخره
روسنه ارتفعت ييمه بزوده
************************
جان يهجم والحسين ايرجعه
لحد ماشفته وصل للمشرعه
غرف بيده الماي ويهل مدمعه
وجبدته من العطش ممروده
**********************
الشاعر عباس الصالحي
15/10/2023
يهدا ثواب هذا العمل الى روح والدي
(العباس ) فارس بظهر المهر نزل للجيش الظهر
شايل لوه وهز نينوى وهتزت الكاع
**************************
يذكر التاريخ واصحاب الروايه
نزل فارس يرتجز وبجفه رايه
بخزرته يكلبها ناوي امن البدايه
العسكر اتنحا اله وطب على رايه
نزل للحومه بغظب ناوي يكلبها كلب
ظاك الهوه وهز نينوى وهتزت الكاع
***************************
يرتجز كام وبده بيهم نزاله
انني العباس انه راعي الكفاله
سيفه سله بيمنته ومحد دناله
جيوش اميه انكسرت وفرت رجاله
بس بده بالبسمله الجيش فر باكمله
وسيفه ارتوه وهز نينوى وهتزت الكاع
*********************************
هيبته هيبة علي ويشبه وجودة
الجيش كدامه نوه يأسره ويكوده
هذا العباس صاحو وله عوده
كربله بوكت الظهر خلاها سوده
سوده صارت كربلاء الروس وصلت للسماء
وبلا ظوه وهز نينوى وهتزت الكاع
****************************
اغضب وبيهم لكد والسيف سله
الجيش كدامه شرد وبسيفه ذله
حسين نسمع صاح بسك خويه كله
كافي بس الجيش راح تخلصه كله
حسين لو ما كله رد جان ما خله احد
الجيش انطوه وهز نينوى وهتزت الكاع
***************************
قائد الجيش واله تلوك القياده
بجيش اميه من نزل سوه اباده
هذي للتاريخ تكتبهه الشهاده
بيهم تشفه وأخذ منهم مراده
خله العسكر شتات وليخزره بعينه مات
ماتو سوه وهز نينوى وهتزت الكاع
***************************
صال صوب العلكمي بهمه ورجوله
قصده يريد النهر وهما افرجوله
نزل يم شاطي النهر واسرج ذلوله
صار موقف عالنهر حتماً نكوله
ترجل ومنه اقترب ماي اخذ بس ما شرب
لا مرتوه وهز نينوى وهتزت الكاع
****************************
خادم الحسين عباس الصالحي
7/2/2024
يهدا ثواب هذا العمل الى روح والدي
(نعي)
----------------------
زينب يا علي لليله احتارت تتجه لا وين
مره تلملم العيله ومره تتجه لحسين
ومره اتصيح يا كرار عن بنتك غبت جا وين
ظربوني يبويه بسوط وسمعوني حجي لموزين
--------------------------
مابين الغرب زينب ليلة وتجري المدمع
تصيح بصوت ياكرار افزع ياعلي افزع
مني فرت الايتام بالبر ياعلي شجمع
وكفيلي على النهر مطروح احشمنه ولايسمع
--------------------------
انه ام الخدر زينب لمحد شايف خيالي
مابين الغرب ضليت تالي ياعلي تالي
يظربوني واصيح المن اخوتي مذبحة كبالي
وسلبنه يبوية الجيش وانه بعازة الوالي
--------------------------
(الشاعر/عباس الصالحي)
10/8/2022
(يهدى ثواب هذا العمل الى روح والدي
(نعي )
-----------------------------------
انه لسفرتك ما حا سب حساب
ومتانيك اضل واكف على الباب
هم ترجع بعد من هذا الغياب
تره جرحك غميج وبينه ما طاب
---------------------------------
جنت شمعه ويضوي نورك البيت
ونتلم كلنه يمك بويه لو جيت
المغرب جل عليه وليك حنيت
ويم الباب بويه شكثر تا نيت
--------------------------------
بعدنه بعازتك لا تمشي عنه
نحس ازغار بعدك يا هو النه
منك بعد لاما شبعنه
وبيك الدهر بويه فجعنه
--------------------------------
(الشاعر /عباس الصالحي )
12/10/2022
(يهدى ثواب هذا العمل الى روح والدي
حركوها الخيم يا حسين وانة بسوط ضربوني
*******************************
من النار والدخان خوية نعمياً عيوني من السوط والضربات خويه ورماً امتوني
بعباتي شبت النيران نيتهم يحركوني
اصيحاً بت علي انه ولا جنهم يسمعوني
انة لظلي ماينشاف تاليهة يشوفوني
من بعد الخدر والصيت مسبية ويجتفوني
حرمه انه بغرب يحسين بالعيلة تكلفوني
انه ام الخدر زينب تاليهة يشتموني
مابين الزلم يحسين صعبة لاتتركوني
عالتل وصحت يحسين الحك ياضوى عيوني
بالبر فرت الاطفال المهة شلون اخبروني
العليل بخيمته مطروح عمه يكلي طلعوني
كلتلهم عليل هنا ردو علي سبوني
عن عباس انشد وين اصيح ومايدلوني
انه مدللة عباس تاليهة يبجوني
رقية تصيح ابوية وين يم حسين ودوني
بس هل الليلة وياكم باجر تره يسبوني
مابية عل هذا الضيم خويه وياكم اخذوني
من بعد اخوتي وعزي بقربه انذال يولوني
واطفال وحرم عندي حيرة والله حيروني
****************************************************
(الشاعر/عباس الصالحي )
16/8/2022
(يهدى ثواب هذا العمل الى روح والدي)
ظل اعلى النهر عباس لا جفين لا عينه
***************************
طاح وطاح يمه الجود
طاح وظل بلايه ازنود
والراس نضرب بعمود
زينب منتضرته يعود
الله حالج يعينه
************************
زينب من اجاها حسين
وحدة ويجري دمع العين
زينب لطمت الخدين صاحت كافلي جا وين
صاحت كافلي وينه
***************************
اجاها ودمعته تجري
ويصيح نكسر ظهري
يا زينب حرت بامري
قلت حيلتي وصبري
كفيلج كطعوا يمينه
****************************
عفتة على النهر ويلاه
لايسراء ولايمناه
وبعينة السهم صاباه
اتمنة موتتي وياه
الله الصبر ينطينة
****************************
صاحت زينب واحنة
خوية حسين ياهو النة
من بعد التكفلنة
الكافل مايرد جنة
وعمري ضاعت سنينة
*****************************
بعدة بلا حمة ضليت
هسة علية طاح البيت
كبلة موتتي تمنيت
خوية شلون لو رديت
ياهو الي يرد بينة
******************************
صارت ضجة بالصيوان
كامت تلطم النسوان
الرايح موش ياهو الجان
اه ياعازت الخوان
وعالخد تلطم سكينة
****************************
(الشاعر/عباس الصالحي )
19/8/2022
(يهدى ثواب هذا العمل الى روح والدي)
حي الله جاسم بيده رف الراية
*******************************
حي الله جاسم اعتناها بزوده
سيفه بيمينه مسرفنات زنوده
وارث الغيرة والعزم من عوده
مطرها روس الدنية صارت سوده
ما تخطي بيهم ضربته موصاية
*******************************
مدرع اجاها السيف يلمع بيده
صول عليهم جنه صكر البيده
وي جيشه اميه الحرب جان يريده
خله العساكر اصبحت عبيده
وهوه ملكها بكيفه يفرض رايه
*******************************
لمن لكدهه وسيفه بيهم سله
عمي يصيح حسين من يوصله
ناوي يخلص الجيش بالطف كله
لو ما يصيح حسين بسك كله
لاجا فناها وسوه بيه سوايه
******************************
للحومه طب بكل عزم وتعنه
جنه ابو فاظل بالحرايب جنه
محد كرب لبن السبط ودنه
خيول وعساكر كله فرت منه
من عنده فر الخيل والمشايه
****************************
ناوي بنزوله كربله يكلبها
الحومة عيده وراد بس يطبها
يمنه ويسار الجيش ظل يضربها
سيفه سجيل وناوي بيه يشبها
ما يبقى واحد عنده جانت غايه
****************************
الطف مظلمه بس جثث خلاها
كل الجيوش الاكته رداها
راد الشهادة يصيح يا محلاها
رايت حسين بكربلة علاها
ما طاحت ابداً ضلت معلايه
***************************
(الشاعر/ عباس الصالحي )
22/8/2022
(يهدى ثواب هذا العمل
ام الحسن اتشارك ابعزانه
*****************************
ام الحسن تحضر ترة يومية
تحضر ويانة تشارك الطمية
بنص العزاء محزمة ومحنية
شكد تنتظرنة باب الحسينية
تلاكي الحضور متربة وحزنانة
******************************
تحضر ويانة اسجل بدفترها
كل المجالس والعزا تحضرها
كل الحضور توثقة اجرها
تحضر ويانة ومنحني ضهرها
ماندري بيهة لجن هية ويانة
*******************************
تحضر بعد ام البنين وياها
تلطم لطمها وتبجي وي مبجاها
الله سبحانة هل كرامة انطاها
تقضي الحوائج للبشر خلاها
هاي الكرامة من لعلي سبحانة
*******************************
عندي رسالة ولابد انة اشرحا
كل الامور بهل العزاء نوضحها
اخلص لزهرة اخلاصك يفرحها
لاتمزح ابد بالعزا وتجرحها
ونكلهه يمج هل عزاء امانة
****************************
حسين وقظيتة لابد احنة نفهمة
موبس لطم من مجلسة نتعلمة
لابد نعرف حسين ضحى بدمة
لجل الاسلام وحتة يصنع امة
واحنة نتفاخر شيعتة خلانة
*****************************
لازم عزانة يكون باجمل صورة
كلماً حضر نريدة ياخذ دورة
لان كل عزاء الزهرة راح تزورة
كلب وضلع ام الحسن مكسورة
ونشكر الباري النعمة هاي انطانة
*******************************
(الشاعر/ عباس الصالحي )
15/8/2022
(يهدي ثواب هذا العمل الى روح والدي)
(ام البنين)
لتوصيني لتوصيني
يمه بزينب لا توصيني
****************************
وحق ار باج يمه لحفظ اوصيتج
انه ابنج تراني وانه تربيتج
وحقج اله اخليه يرفع صيتج
لا تهمين احقق بالطف امنيتج
ذخرج انه وبيدي لوانه
ومن اغضب ياهو يلا كيني
****************************
لجل زينب يا يمه الدنية افنيهة
بوجودي ابد محد يصل ليهة
فقط بس الهواء زينب يمر بيهة
وحق حيدر ييمه بروحي افديهة
ما اخليهة بروحي افديهة
وعا لموعد راح تشوفيني
******************************
انه الكافل خدرها وتحجي بزودي
وانه راعي العلم من يوصل حدودي
وعد انطيج يمه واوفي بوعودي
ماعوفنهة ابد حد كطعه زنودي
بكطع زنودي اوفي اوعودي
وبهذا الحال تعذريني
********************************
يايمه طمئني انطيتج احجاية
اختي معززة من تطلع ويايه
ما واحد يصله وهيه بحمايه
واذا تعطش اجيب الشاطي ومايه
راعي الرايه وانطي احجايه
ومن انطي احجا يه تعرفيني
*****************************
وصيه والدي مالحظه انساها
كبل ليموت ابويه اوصيه وصاها
زينب كال ابد لا تقصر وياها
كام وشال جفي بجفهة خلا ها
انت الكافل ياابو فاظل
الكافل كام يسميني
*****************************
(الشاعر/عباس الصالحي )
15/6/2023
(يهدى ثواب هذا العمل الى روح والدي )
(للمشايه)
هاي الخدامه للابد هاي الخدامه
*******************************
خل نوضحها الحقيقة خاف واحد ما دره
احنه عدنه هل خدامه والله اكبر مفخره
وليحاجج بالزياره نكله نرجوا المعذره
انت ما تدري بخدمته نفوز دنيه واخره
بيوم القيامه شافع ابيوم القيامه
*******************************
ينول هاي الخدمه عدنه فقط ذو حض عظيم
عدنه المشايه اشبهه بالسراط المستقيم
والمواكب عدنه جنه تحتوي انواع النعيم
وليمسه اتراب زاير ما يمس جسمه الجحيم
هايه علامه بالحشر هايه علامه
**********************************
لينتقدنه بكيفه خله ما يهمنه احنه انتقاد
الخدامه جنهه جنه هيج عدنه احنه اعتقاد
من حرير الجنه نلبس احنه من نلبس سواد
نطلب من الله القبول لهل الخدامه والسداد
تعود بسلامه كل سنه تعود بسلامه
********************************
عدنه نوعان الخدامه بين مشايه وخدم
تنترس كاع الله بينه افواج ما يبقى جدم
ابو الموكب ينتضرها ثوره اصحاب القدم
الدنيه من دون اربعينه والله نشعرها عدم
ليخدم امامه يرفعه ليخدم امامه
*********************************
نحسب ايام وليالي لزياره وخيرها
سنه من اتمرعلينه ما نفكر بغيرها
نجمع اشما نكدر احنه السنه من انديرها
بيهه سرهاي الزياره مو سهل تفسيرها
مثل الاقامه واجبه مثل الاقامه
**********************************
تنقسم عدنه الخدامه اقسام كلماً دوره
بين مشايه وخدامه لقصد كلهه اتزوره
هذا رافع رايه بيده وذاك شايل صوره
هاي اكبر ثوره عدنه بالخدم منصوره
كل اهتمامه ينتصر كل اهتمامه
*********************************
الناس تترك كل شي لجله وتكصد لمحبوبها
اكبار وزغار اتعنه وتلبس اسود ثوبها
قبله الاحرار عدنه وكلنه نكصد صوبها
نلاكي زينب بربعينه من تجي لمسلوبها
نعيش الظلامه لبت علي نعيش الظلامه
**********************************************
خادم الحسين عباس الصالحي
18/8/2022
(يهدا ثواب هذا العمل الى روح والدي)
نعي زينب والعباس من جلجل)
من جلجل المغرب عليه
وبين الجثث ضاعت رقيه
لا عندي اهل تفزع اليه
شسوي وانه بديره اجنبيه
***********************************
وانه بهل وضع مشدوهه البال
مره اجمع حريم ومره الاطفال
ما بين الغرب وبلايه كفال
ومن هسه لسبينه جابو احبال
*******************************
من هجمت العسكر علينه
لو تدري يخويه شصار بينه
وليه يبو الغيره نولينه
شكثر عبا س صحنه وما تجينه
*********************************
خادم الحسين عباس الصالحي
(يهدا ثواب هذا العمل الى روح والدي )
ان وعد الله حان
****************************
يا اهل بيتي وداعاً تره هذا اخر لقا
هناك يم جدنه محمد غداً يمه الملتقا
توادعوا وداع الاخير واستعدوا للبلا
اما نتنازل او نقتل هذا حكم الادعيا
بكربله ان الاوان
*******************************
ال اميه تريد منه لو تنازل لو قتال
اما نتنازل او نقتل الكم اطرح هل سوال
وانتظر ردكم يخوتي بالله شتكول الرجال
تنخوا بزينب وكالوتسمح النه بالنزال
فتحت شفنه الجنان
******************************
تنخوا وهوسو كلهم ابد ما عدنه سواك
نريد كدامك نموت وابد ما نبقى وراك
لو الف مره نتذبح احنه كل مره فداك
كلمن لوصه وصيته وهذا يودع هذاك
انطاهم صكوك الضمان
*******************************
حسين وصاهم وصيته وكلهم بكل شي يصير
وضح الهم القظيه وغداً شيكون المصير
بين مذبوح وسبيه وبين محروكه واسير
والحرم كلهن بعدنه العسكر عليجن يدير
ما يضل باجر امان
******************************
زينب اوصيتي يكلهه بهلعيال وهل عليل
باجر نسافر يزينب والسفر كلش طويل
انت من بعد ابو فاظل للحرم باجر كفيل
بلا خدر باجر سبايه عليجاً العايل يعيل
مودعه بالمستعان
*******************************
تكله شو وصيت بالكل فقط بس عفت الرضيع
يكله عبدالله يزينب حاله من حال الجميع
مثل ما نتوذراحنه هوه ابنبله صريع
ينذبح ضامي يزينب غداً والمنظرفضيع
هاي تاليت الزمان
*******************************
خادم الحسين عباس الصالحي
25\6\2022
(يهدا ثواب هذا العمل الى روح والدي )
بين المعركه وبين الصواوين احتارت بت علي ركضته لاوين
لا وليان عدهه ولا واحد يردهه
احتارت بت علي ركضته لا وين
**************************************
خيام احتركت ورضعان بيه
والعسكر ركض كله عليه
ومن اسياطهم ورمت اديه
وتدري اخوته ماواحد يجيه
ضلعت حايره وتلطم على الراس تصيح الحك علينه خويه عباس
لطمت حيل علخدهه ولاواحد يردهه
حتارت بت علي ركضته لا وين
*************************************
تشوف اخيامه مستعره نيران
وتدري بالخيم موجوده رظعان
شيطلعها تصيح وكلنه نسوان
لاعدهه اهل لاعدهه خوان
حتارت بت علي شنو لتسويه الصيوان احترك ياهو اليطفيه
الجيش عبرت حدهه ولاواحد يردهه
حتارت بت علي ركضته لاوين
************************************
تشوف العليل النار اجته
وهو بخيمته النار احركته
تطلعه شلون من النار عمته
وتحشم يخوتي تردون يمته
الضعن اشلون المه من يرد بيه نار وخيل صعبه من يحاميه
وماكو والي عدهه ولاواحد يردهه
حتارت بت علي ركضته لاوين
********************************
حتارت بت علي من جن الغروب
لا وين الوجه تتعنا يا صوب
تدري حسين علتربان مكلوب
وتشوف بعينهه الصيوان منهوب
محتاره بقت بهذا الحال بس نسوان عده بلايه كفال
والنار حركتهه ولا واحد يردهه
حتارت بت علي ركضته لا وين
*********************************
وصلت يم جسم اخوها بهدوه اليل
كعدت تشكي هظمها والدمع سيل
حسين وداعتك ماضل بعد حيل
تدري شصار بيه بهجمه الخيل
حسين هجمو مو هجمه علينه من اسياطهم نشكف بدينه
اجت لينه بحقدهه ولا واحد يردهه
حتارت بت علي ركضته لاوين
**************************************
الشاعر عباس الصالحي
7\3\2024
يهدا ثواب هذا العمل الى روح والدي
( نعي )
------------ على النوك زينب صعدوها
وحجي المذله سمعوها
وبحبال خشنه جتفوها
وبسياط يا حيف اضربوها
----------------------
زينب عالهزل راحت يهلهه
جا وين عباس الكفلهه
بين الغرب خل يلحك الهه
وحبال اليسر بيده يحلهه
---------------------------
راحت للسبي لجانت اميره
فوك الهزل والناضر تديره
وتصيح بصوت يا بدر العشيره
ترضى ام الخدر تمشي اسيره
-------------------------
خادم الحسين عباس الصالحي
(يهدا
دكت اطبول الحرب والانصار طبولهه
*****************************
دكت اطبول الحريبه وكام حشمهم حبيب
حانت الساعه يكلهم يلله اريد الكل تجيب
شنو نيتكم نعوف حسين بارض الطف قريب
يستغيث ابين اميه وما اله ناصر عجيب
*******************************
انريد اذنك يبو اليمه وغيره كل شي ما نريد
بس نريدك تسمح انه ونسحك اجيوشه يزيد
نريد كدامك نطيح ابين مطبور وشهيد
وبعد ما انطاهم اذنه صار عدهم جنه عيد
*******************************
اتجمعوا يم الخيام وهوسو كلهم سوه
اطمئني يبت حيدر ابد ميطيح اللوه
والله ما واحد يصلكم واحنه نشتم الهوه
لجل خدرج يبت حيدر قسم نكلب نينوى
******************************
سلو اسيوف المنايه وللحرب كالو نفوت
بعد اذن حسين صارو سور كدام البيوت
كبل ابو اليمه واخوته اليوم بارض الطف نموت
فدوه لحسين وعياله صرخو كلهم باعله صوت
******************************
بتدوا بسم الله تعاله اقرئوا بعض المحكمات
هجموا هجمه اسد ضاري خلو العسكر شتات
صاحو بجيش ال اميه ان وعد الله ات
اليمنه عل يسره طبكوها وماكو مهرب لانجاه
**************************
اتعاهدو انموت كلنه وبالخدر محد يمس
نزلو السوح القتال وقدموا اعظم درس
كربله خلوها عبره اليوم ولباجر وامس
صارت امن الروس سوده ونحجب ضي الشمس
***************************
للشاعر عباس الصالحي
21\4\2024
يهدا ثواب هذا العمل الى روح والدي
واه ويلا يا ابا الفظل
**********************
انت الجبتنه امن الوطن
والخدر وياك اطلعن
وانت التباري للضعن
ما تدري اشلون ارجعن
*********************
من هجمت اعلينه العده
واهلي ضحايه امدده
فوك الرمل متوسده
جم واحد اعلينه اعتده
*****************
بعدك شفت ذله وقهر
كلش قسه وياي الدهر
انت طحت صوب النهر
وحسين مرضوض الصدر
*********************
محتاجه اشوفك لو حلم
ذله شفت عندك علم
ترضاها اظل بين الزلم
ولمثلي تقبل تنشتم
******************
لو ادري ما ترجع الي
ما اطلب الماي وعلي
بعدك يخوي وكافلي
منو ليعدل محملي
****************
خويه يسبع الكنطره
تدريني زين مخدره
وبالدنيه ما مثلي مره
تاليهه اروح ميسره
*********************
الشاعر عباس الصالحي
2\2\2024
يهدا ثواب هذا العمل الى روح والدي
ظليت اون ودمعتي بعيوني ما فاركتني يهلي من عفتوني
********************************************
ظليت اون ودمعتي سجابه
شيصبره بالله الي يودع احبابه
فوك المرض والعله زاد امصابه
ويتنطر احبابه تجي ادك بابه
اشكد صحت ما جنكم اتسمعوني
**********************
ظليت اون بلدار وي حسباتي
لااهلي ظلو لااخوتي وخواتي
بس الصدى يردد علي كلماتي
واتمنه كمت بكل وكت مماتي
لو طوليتو بس جسد تلكوني
***********************
ايمر عليه الليل ابد ماانامه
كلبي حزين وعايش باوهامه
صوره ضعنكم تنرسم كدامه
جنكم رجعتوا ليه ابسلامه
وتاليه خاف تخيبون اضنوني
**********************
يابويه من عندك طلب طلبته
بس هوا ردته وللاسف رفظته
عبدالله من خذته العمر اخذته
كتلي ارجعه ولسه ما رجعته
وانه انتظركم بلكت اتذكروني
***************************
يالواعدتني انتظر منك جيه
ادموعي اعلى اخدي وانتظر يوميه
كل يوم اكول اليوم ترجع ليه
حاله عليل ومنتضر ابيه
كل يوم اكول اليوم اي تجوني
***************************** عيني لدربكم كل وكت مشبوحه
لجيتكم انه اتنطر ومجرروحه
يا بويه خذتوا كل شي بهل الروحه
شحاله يبويه الي يفارك روحه
انه الحبيبه الجنتوا اتسموني
**************************
الشاعر عباس الصالحي
11\6\2024
يهدا ثواب هذا العمل الى روح والدي
(نعي زينب ليله العاشر)
----------------------------
تدرون بيه مخدره انه
وعباس التكفل هل امانه
بالله شلون من يوكع لوانه
وكفيلي على النهر والجيش اجانه
--------------------- -----------
كلش علي صعبه المهمة
هذا الظعن باجرمن يلمه
وعليه الناس من تصير لمه
وكلهة تصيح احميني يعمه
----------------------------------
يخوتي ابد ما ترهم شلون
نظل بلا ولي والوادم عيون
شسوي لو علي كامو يصيحون
جبناها سبيه شوفوا ام عون
-------------------------------------
(الشاعر خادم الحسين /عباس الصالحي)
11/11/2022
(يهدى ثواب هذا العمل الى روح
(نعي زينب والعباس )
----------------------------------
رتك تجي وتشاهد الحال
وتشوف شلون فرت مني الاطفال
وسمعت الشمر يا خويه من كال
خلصنه سبي جيبولي الاحبال
---------------------------------
اجيتك خويه الو ذاً با لعبا يه
ادور على شايل الرايه
عباس ارده اخبرك بالنهايه
يردونه نمشي سبايه
----------------------------
من النار محتركه اديه
وباجر يريدوني سبيه
اشيل اشلون لو تعبت رقيه
ولا حيل لبقه ولا ايد اليه
---------------------------------
كال الشمر زينب نذله
هاي الكبل ما ينشاف ضلهه
اخت عباس هاي الي كفلهه
اذا يكدر يجي خل يلحك الهه
------------------------------------
خادم الحسين عباس الصالحي
(يهدى ثواب هذا العمل الى روح والدي )
2\9\2022
واه ويلاه يابت علي
*****************
انت عقيله حيدره
من الله انت مخدره
تاليهة رحتي ميسره
شتموج وانت اشرف مره
**********************
انت عزيزه فاطمة
وعلى الدلال معلمة
ضليتي تالي بلا حمة
لجلج بجت ارض وسمة
**********************
شفتي المأسي بكربله
شبان شفتي مجندله
واطفال فرت بالفله
اوشفتي نبلة حرمله
****************************
شفتي مصاب الماسده
اهلج ضحايه مدده
فوك الرمل متوسده
وانت مره ابين العده
**********************************
شفتي الخيم صارت جمر
ويفتر على العيله الشمر
بسوط ناوي اعلى اليسر
نار وظمه وكت الضهر
********************************
شفتي كفيلج عالنهر
نايم على الغبره الكمر
متكطع وصاير وذر
بيج شعمل تالي الدهر
*****************************
وحسين شفتي مصيبته
خيل وعساكر داسته
وكدام عينج رضته
عليج افزعو وي طيحته
******************************
(الشاعر/عباس الصالحي )
12/6/2023
(يهدى ثواب هذا العمل الى روح والدي)
جسام جسام اكعد يلو لد
*******************
بعدك انوحاً والمدمع يكت
جاسم يا يمه را يح من وكت
عالي انه راسي جان ودنكت
موتك يغالي بيه ما صد كت
بعدك يوالي بعمر الورد
**********************************
شو ناسي جنك تعبك والربه
وتتركني اظلاً عمري معذبة
ربك عليه هذا الكاتبة
مو هيج امك جانت حاسبة
انه سبيه وانت للخلد
***************************
امك عفته ما بين الغرب
تمشي سبيه تالي وتنضرب
امشي وتركتك نا يم عالتراب
عنك خذوني يا يمه غصب
اشكد صحت كوم وانت ما ترد
************************
تدري حركوها بالنار خيم
بالبر شردنة ما بين الزلم
ولعيله فرت من عدهة شنلم
ما تدري بامك لو عندك علم
تمشي سبيه من بلد لبلد
**********************
منتظره عرسك واناطر كبرتك
واشعل اشموعك واعجن حنتك
للحومه تالي صارت زفتك
عا لغبره نايم طالت نومتك
ومن ودعتني عرفتك ما ترد
**********************
شلي بحياتي ما اريده العمر
بعدك يجاسم حزني مستمر
مشتا كه اشوفك لو طيفك يمر
بس ل لله يبني مسلمه الامر
دهري عليه بيبانه يسد
**************************
(الشاعر خادم الحسين /عباس الصالحي)
15/9/2022
(يهدى ثواب هذا العمل الى روح والدي )
(العباس)
-------
اجيتك للنهر عباس وعساني لنهر لاجيت
كل ضني ترد وياي بس لوحدي رديت
*******************************
اجيت اتعثر بجدمي ادور عا لنهر يا صوب
بس الحومة ظلمه وليل من عدهة تطير كلوب
كل ساع اعثر وانهض واعثرهم ارد انوب
جيتك خويه عندي اهموم متوني زركة من الكوم
هذا وين الي مظموم انه ام الخدر والصيت
بس تالي تره انذليت
******************************
اجيت محركه اجفوفي والدخان عاميني
لا اندلك بيا صوب ولا واحد يدليني
بس احساسي جان يكول لا هوة يلا كيني
اعرفك صاحب النخوة شا يل غيره ومروه
والله خوتك خوه مثلك ما يجي عباس
لو كل عمري انه تانيت
******************************
اجيتك خويه والاطفال عفته مطشره بالبر
فرت كلهة من النار المهه شلون ما اكدر
شفتهم جابو النه احبال يمكن بالحبل انجر
اصار الي كبل ما صار اثيابي حركتهة النار
والعسكر علينه دار سلبنه واخذ كلشي
وانه بت علي انسبيت
*********************************
اجيت وعفت المخيم النيران حر كته
لشماته خويه بكل صوب شحجيلك على الشفته
واسمعهم يكلولي جا وينه لكفل اخته
عنك كامو ينشدون وانه بيه يسبون
عندج كافل يكولون جا وينه لتكفل بيج
كليله حركوه البيت
********************************
انه ودمعتي جيتك امشي ودمعي سابكني
واتلفت يمين ايسار خوفي واحد ايطكني
واتخيل كمت اشكال واحد خاف لا حكني
خويه يارعب شفناه طول العمر ماننساه
ياخويه شيفيد الاه صحنه شكد تعل عباس
وانته بنومتك ضليت
*******************************
اعذرني تاخرت عنك بس مجبوره ماشوفك
كالو عا لنهر مطروح ويمك طايحة جفوفك
ما اعوفك ابد عباس اعوف الروح لو اعوفك
وانت مخظب بدمك وآمن من اجي يمك
الكوم تخاف من اسمك يا نعم الاخو المهيوب
عالي جان بيك الصيت
********************************
(الشاعر /عباس الصالحي)
26/8/2022
(يهدى ثواب هذا العمل الى روح والدي
ام الحسن اتشارك ابعزانه
*****************************
ام الحسن تحضر ترة يومية
تحضر ويانة تشارك الطمية
بنص العزاء محزمة ومحنية
شكد تنتظرنة باب الحسينية
تلاكي الحضور متربة وحزنانة
******************************
تحضر ويانة اسجل بدفترها
كل المجالس والعزا تحضرها
كل الحضور توثقة اجرها
تحضر ويانة ومنحني ضهرها
ماندري بيهة لجن هية ويانة
*******************************
تحضر بعد ام البنين وياها
تلطم لطمها وتبجي وي مبجاها
الله سبحانة هل كرامة انطاها
تقضي الحوائج للبشر خلاها
هاي الكرامة من لعلي سبحانة
*******************************
عندي رسالة ولابد انة اشرحا
كل الامور بهل العزاء نوضحها
اخلص لزهرة اخلاصك يفرحها
لاتمزح ابد بالعزا وتجرحها
ونكلهه يمج هل عزاء امانة
****************************
حسين وقظيتة لابد احنة نفهمة
موبس لطم من مجلسة نتعلمة
لابد نعرف حسين ضحى بدمة
لجل الاسلام وحتة يصنع امة
واحنة نتفاخر شيعتة خلانة
*****************************
لازم عزانة يكون باجمل صورة
كلماً حضر نريدة ياخذ دورة
لان كل عزاء الزهرة راح تزورة
كلب وضلع ام الحسن مكسورة
ونشكر الباري النعمة هاي انطانة
*******************************
(الشاعر/ عباس الصالحي )
15/8/2022
(يهدي ثواب هذا العمل الى روح والدي)
(العليله)
ظليت اشماً بالهواء الهاب بيه ريحه بلكت من الاحباب
ظليت اشماً بالهواء الي يهب من نينوى
بيه ريحه بلكت من الاحباب
**************************************
ظليت اشماً بالهواء واستنشغا زين
بيه ريحة بالكت من الحسين
والله من يوم السفر ما جفت العين
وانه ما اندل دربكم رحتو لا وين
انشد عليكم ماكو اخبار جني بحلم ما اعرف شصار
حيل الحزن بيه ارتوة الي يهب من نينوى
بيه ريحه بلكت من الاحباب
**************************************
والله مشتاكه شكثر لهلي الجفوني
لا خذوني وياهم ولا همه اجوني
روحي وياهم خذو من ودعوني
راح من كثر البجي يعماً عيوني
اعزازي راحو وانه ظليت بس الصدة ظل خالي البيت
اظلم البيت بلا ضوه اليه يجي من نينوى
بيه ريحه بلكت من الاحباب
*************************************
عا لدرب ضلت تره مشبوحه عيني
اتمنة لو واحد ردت منكم يجيني
حتى تهده رويحتي ويسكن حنيني
راح اموتاً يهلي لو ابقى بونيني
اتنطر الكم لليل ونهار واتمنه توصل منكم اخبار
بيه ما ضلت قوه اليه يهب من نينوى
بيه ريحه بلكت من الاحباب
***********************************
يا مصيبه خلا فكم يهلي شفتهة
روحي وياكم احسناً ودعتهة
حسين بويه ليش كل اهلك خذتهة
فقط بس بنتك تون ظلت عفتهة
انذر نذر لو ليه اتعود البيت افرشه بجيتك اورود
ما اضن نلتم سوه اليه يهب من نينوى
بيه ريحه بلكت من الاحباب
********************************
ايست منكم بعد لاما كو رجعه
وانه ايامي تمر دمعه على دمعه
شكد صحت صوتي لجن محد يسمعه
الوكت مثل النار وانه بنصها شمعه
اشكد صحت ويلاه على اراح ايامي خلصت ونه ونياح
كلبي احس بيه انجوه اليه يهب من نينوى
بيه ريحه بلكت من الاحباب
*******************************
(الشاعر/عباس الصالحي)
13/6 /2023
(يهدى ثواب هذا العمل الى روح والدي )
(نعي ليله 11 )
من جلجل الليل اله اجيتك
اجيت وعفت محروك بيتك
دورت اشكثر اله لكيتك
صاير وذر بس لملميتك
----------------------------------
يخويه لليل ظلمه يرهب لليل
وانه لوحدي بين المجاتيل
ادور عليك اجيت وبايد الحيل
وكل ساعه عليه عايل يعيل
--------------------------------
شسولفلك يخويه وشحجي انه
يخويه بس طحت الجيش اجانه
حرك بعدك خيمنه وفرهدانه
ونهض عباس شفته من مكانه
-------------------------------------
شحجيلك يخويه بعدك شصار
شوف ايدي احركته بعدك النار
وداست خيلهم باطفال الازاغار
حرم واطفال فرت غدت طشار
---------------------------------
وانه تحيرت ما بين الاثنين
الم اعيالي لو اركض للحسين
اجيتك لجن ما اندل منين
عامي عيوني دخان الصواوين
--------------------------------------
خادم الحسين عباس الصالحي
(يهدا ثواب هذا العمل الى روح والدي )
(نعي للعليله يهل ناوين )
يهل ناوين هل لليله تشيلون
اشوفاً حضريتو كل الاضعون
المحامل وكفت وكمتوا تحملون
بس انه ولا بيه تفكرون
*********************************
اشوفاً خواتي صعدوها
ابنهه ذيج يمهه وهاي اخوها
العليله بس بقت جنهم نسوها
لا اخوها اجاها ولا ابوها
******************************
لا وين يا اهل المحنه
ترحون ياهو يبقى النه
من هسه اشوف اضلم نزلنه
بعدكم يا هلي بالدنيه شلنه
***********************************
خادم الحسين عباس الصالحي
(يهدا ثواب هذا العمل الى روح والد ي)
(وداع الحسين)
وداعاً يا هلي هذا اخر اوداع
******************************
خل نتوادع ونستعد كلنه
باجر تره يطشر شملنه
اجساد اعلى الرمل تبقى زلمنه
اوصال نصير ما واحد يلمنه
وتظل اجسادنه مطروحه عالكاع
******************************
انه وكل هلي باجر ضحايه
وانتاً عالهزل تمشاً سبايه
توكع عالنهر باجر الرايه
واطفالي تظل باجر ظمايه
وحرمنه تنولي وما الهه فزاع
*********************************
عباس الكمر تنصاب عينه
ويظل عالشاطي لا يسره ويمينه
عظيدي طيحته صعبه علينه
وكلب ام الخدر الله يعينه
تشوف مطرحه عالغبره لسباع
****************************
نقدم اول ضحيه علي الاكبر
بسوح الوغاء بدمه يتعفر
وليلى تصيح يمه الله اكبر
وهو مايرد منهه يتعذر
يا تعب الربه ابسرعه شو ضاع
*******************************
جاسم ينكطع باجر وريده
ومن دم النحر تتحنه ايده
وامه تصيح ابني اليوم اريده
بس الراح ما واحد يعيده
جاسم طيحته اتزيد الاوجاع
***************************
عبدالله الطفل اعظم مصيبه
يجف امن العطش باجرحليبه
ضامي وبسهم ضالم يصيبه
وامه اتصيح ابني امنين اجيبه
اتمنه الموت كبلك يمه هل ساع
*********************************
انصاري تنذبح باجر امامي
وكل واحد اشوفه يطيح دامي
باخر نفس يصرخ واه امامي
لمحضره يكول وصلوله سلامي
السفينه شلون تمشي بلايه لشراع
**************************************
خادم الحسين عباس الصالحي
30/6/2022
(يهدا ثواب هذا العمل الى روح والدي )