175
اللهم اجعلنا من خدام الحسين عليه السلام المخلصين
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ياعظم هاي المصيبه .... غابت اليوم الحبيبه
إنـه حمـاي الـحـمـه ..... ويـن ادفنـج فـاطــمه
يالحبيبه ... يالحبيبه
...........................
يا نسمت هوه المخنوك يالحره
ياگــبر اليظمـج فاطمه الزهره
حيدر من غيابــج منكــسر ظهره
يم حـسن لا تمـشين يايذيــني ليلي
ماضل بعد كل حيل غير انتي حيلي
موسهل يجرح غيابج ....ناحت الدنيه عله بابج
ليش بابـج بي دمـه ........ ويـن ادفنـج فـاطمه
يالحبيبه يالحبيبه
..............................
ياعشكي وحياتي ويانظر عيني
ليش بغيبتج يالزهره تاذيني
يابضعت محمد ياضــوه سنيني
ياشمعت المختار وغله من العيون
عـدله انتي وأنه اشتاك لودفنج اشلون
اندفن كون بمجانج ..... ابد ماكو من حنانج
غابت نجـوم السمه ....... وين ادفنج فاطمه
يالحبيبه يالحبيبه
..........................
ياجــرح النحبهم موسهل يشفه
كلـفه اجـروح گـلبي يم حسن كلفه
كل بسمه الـتمرنه اتـموت عالشفه
كل فرح ما شفنا من فـكد الأحباب
كون إنه اصير وياج هــم جوه الاتراب
نشيع اليوم النودهم .... ويبقه بثابي عطرهم
الدنيه صارت مظلمه ...... وين ادفنج فاطمه
يالحبيبه يالحبيبه
..........................
أول مــره مـا تحمـلني رجـليه
القالــع باب خيبر حيـل ما بـيه
ياحــزن المصـيبه النـزلت اعليه
ما يـخفه من فرگـاج ظل عالي نوحي
ريت بـگـبر وياج مـدفونه روحي
ناحت عليج المدينه .. وامشي بدروب الحزينه
روحي ضلـت هايمه ...... وين ادفنـج فـاطمه
يالحبيبه يالحبيبه
...................
الله ويـاج اصيـحن يا حلم عمري
ريت مـچان صـدرج منكسر صـدري
ولا شوف الـدمه عالمغـتسل يجـري
يجـري الدمه ياحيف من صـدرج اليوم
اوما قصروا وياج من هجموا الكوم
ردي مجروحه لمحمد. .... والحزن بينه تجدد
صار كل عمري ضمه ..... ويـن ادفنــج فاطمه
يالحبيبه يالحبيبه
.................
الشاعر خالد جودي العارضي
ليش يْمه عفتيني
ليش يتميتينـــي
الدهر يحني المن حنان امها حرمــها
الطفله ماتغفه الها عيـن التفگد امها
ــــــــــــــــــــ ــــــــــــــــــــ
يمه يالزهــــــــره
بجمره دليني التنسيني مصــــــــــابج
بگلبي الج حسره
من اجرها اتخلي صدري بشكل بابج
عتبتج حمــــــــره
وهذا بــــــاب الدار مصبوغ بخضابج
ضلعج بكســـــره
گطع بت گلبي مثل وردة شبـــــــابج
صوت فضه من صحتي
صوت هدني من طحتي
امن الطفوله البين من مثلي هضمها
الطفله ماتغفه الها عين التفكَد امــها
ــــــــــــــــــــ ــــــــــــــــــــ
يُمّه گلّيلـــــــــــــــي
عايفتني المن وراج الدنيــه صعبت
الخاطري احجيـــلي
ليش عن غفله المنيه اعليج گربت
مانمت ليلـــــــــــــي
ﻻوحگ عينج الحمره وناري لهبت
منهدم حيلــــــــــــي
گاطعه الظنّه واگولن حلـــم هلبت
راح كل امــل مني
راح بروحتج عني
واللطَم عينج تره اعيـــوني لطمـــــها
الطفله ماتغفه الها عين التفكَد امــها
ــــــــــــــــــــ ــــــــــــــــــــ
ليلة الوحشـــــه
خذت نومي ونبّتت بعيوني نبلــــــــه
والجفن رمشـــه
الدمع ملّه ومارضــــــــــه لحظه يملّه
افراشج انفرشه
ونلتم اعليه نبجي يُمّه الليـل كلّــــــه
والگلب هرشــه
ينمرد والحامله محّــــــــــــــد يحمله
نار تنزل ادموعــــي
نار حرگت اضلوعي
زينب آنا المحد اخلافج رحمـــــــــها
الطفله ماتغفه الها عين التفكَد امــها
ــــــــــــــــــــ ــــــــــــــــــــ
نگعد انذكــــــرج
من يجي الليل آنا واخواني سويـــــــه
نعتني الگبــــرج
بسكته نبجي ويه ابونه بكل مســــــيه
نلتم بكتـــــــــرج
وصوت واحد نصرخ احّاه يالزجيــــــه
الفجوه البصدرج
منه كل واحد يصيح اتمنه بيّــــــــــه
كــــون ينفتح لحـــــدج
كــــون يُمه اشم خــدج
مو اخدودج روحــي كون الگبـر طمها
الطفله ماتغفه الها عين التفكَد امــها
ــــــــــــــــــــ ــــــــــــــــــــ
فضه گالتلـــــــــي
ليش ماگلتيلي يُمه الضلع مكســــــور
اعبايه جابتلــــــي
اتگلي من امج امانه اليــــــوم عاشور
وين جانتلـــــــــي
هالمصيبه شلون اعايــن گطع اﻻنحور
الونه ﻻگتلـــــــــي
وﻻيگه اعليها آنا للــوَن عمري منذور
بيش دهري يطلبنـي
بيش شوفي صوبـني
ماكو وحده بكثري من بعدج ظلمــها
الطفله ماتغفه الها عين التفكَد امــها
ــــــــــــــــــــ ــــــــــــــــــــ
#لعن_الله_ظالميكِ_يافاطمه
#لك_العزاء_سيدي_ياصاحب_الزمان
خادمكم الأقل علي محسن الزيادي
ونسألكم الدعاء
خوف. خلف الباب
خوف. ضلع انصاب
فاطمه تموت اتخيل
خل فضه تروي المقتل
*
گالت تعنو بالحطب. ودار النبي گصدوها
وبالدار صاحو فاطمه. گلهم وأن حرگوها
دفعو الباب اعله الضلع. وام الحسن عصروها
وعالحايط الدم انطبع. والزهره ما رحموها
هليله فضه الخادمه. تنقل مصيبة فاطمه. ودمعتها عالخد تجري
امن العصره حيل اتألمت. وگوه الزجيه اتنفست. وتگلها ينزف صدري
شوف. حرگ الدار
شوف. يالمختار
ماضن گلب يتحمل
خل فضه تروي المقتل
**
گالت عليها اتجمعو. والتمو اعله الزهره
وقنفذ لطمها بقوته. وبين زراگ السطره
بالباب محسنها انعصر. وطاحت الزهره بكتره
صاحت يفضه اتلاحگي. مات ابني من العصره
بجفه سطر خدها النذل. ومحتاره ضلت بالطفل. افراگ الولد اذاها
تلزم ضلعها حاولت. ومن الألم ما سيطرت. كسر الضلع بجاها
وين وين تروح
وين. اهواي جروح
تنطي الوجه ما تندل
خل فضه تروي المقتل
****
فاطمه اتنادي يا علي. وسلمان تجري عيونه
قالع الباب بيا وكت. للمسجد يگيدونه
رفعة اديها للسمه. وردات تموت بدونه
وسلمان الحگ فاطمه گله وتغير لونه
والمسجد يشوف ارتفع. والفاطمه كلشي خضع. وتنگلب رادت بيهم
وصوت الزجيه يعتلي. ما ارجع اله وي علي. وحيدر تلاحگ ليهم
صوت. هز الكون
صوت. بجه عيون
والباب ثوره اتحول
خل فضه تروي المقتل
***
اگبر جرح جرح الوصي. الماكو مثل حنيته
اشگد صعبه من يسكت علي. ومحروگ ينضر بيته
عافيته جانت فاطمه. وكسرو ضلع عافيته
يدرون من بعد النبي. امجتف علي بوصيته
وقنبر يعاين حالته. وجبريل يمسح دمعته. ومن يوكف ايتجيله
مضموم بعيونه الحجي وزينب علي شبعت بجي. هاي اشعظمها الليله
سال دمع العين
سال لم حسين
ونوع الجريمه امسجل
خل فضه تروي المقتل
*
هليله ماتت فاطمه. وحارت اسماء بهمها
ولن الحسن وحسين اجو. ويبجون ركضو يمها
وزينب عله الزهره انحنت. گامت تون وتشمها
ودمعتها زينب لو جرت. يا خد يفضه ايلمها
عالمغتسل حيدر هوه. والريته ما يوصل هوه ويگلها لتعوفيني
شاهد ضلعها المنكسر. ويمها علي ناح اشكثر. وناداها بس حاجيني
ناح. يم البير
ناح. حگه يحير
والماي يبجي ويسأل
خل فضه تروي المقتل
**
تمت
تحسين الخفاجي
عَصرةٌ بَابٌ بُكاءْ ** صَفعةٌ مَوتٌ نِداءْ
احرقُوا دَارَ البَتول ** وبَكى مَن في السَّماءْ
____
ضجَ في العَرشِ صِراخٌ وعَلا صَوتٌ حَزِينْ
فُجِعَ الإسلامُ حَقّاً ناحَ نُورُ العَالمِينْ
جَنةُ اللهِ تعالى نالَها الحَقدُ الدّفِينْ
صَفعوا الزّهرا جَهارا يا لِفعلِ الظّالمِينْ
ما رَعَوا حقَاً ودَينْ ** ظَلمُوا النّورَ المُبِينْ
لا ضَمِيرٌ لا وَفاءْ ** وبَكى مَن في السَّماءْ
___
عَصرُوا سُورةَ طَه بينَ بابٍ وجِدارْ
سَالَ دَمعُ الكَونِ وَانطوَى وَجهُ النّهارْ
صَوتُ جِبريلَ تَعالَى بِجِراحٍ وانكِسارْ
فَاطِمٌ جَناتُ عَدنٍ بابُها تَدنوهُ نَارْ !!
آيةُ القُربَى تَنُوحْ ** مُلئتْ هَمّاً جُروحْ
يَا لِرزءِ الأنبياءْ ** وبَكى مَن في السَّماءْ
__
حَطباً ناراً تَراهمْ اشعلوا دَارَ الأمينْ
طَلبُوا ثاراتِ بَدرٍ خَيبرٍ اُحدٍ حُنينْ
أسقطوا المُحسنَ مِنها كَسرُوها مَرتينْ
مَرةً جرّوا عَليٍ مَرةً في الثّقلِينْ
آهِ ما أقسَى المُصابْ ** زَهرةُ اللهِ تُصَابْ
وَيلَ قَومٍ اشقِياءْ ** وبَكى مَن في السَّماءْ
___
سَاعدَ اللهُ عَلياً إذ رَأى كفَّ اللِئامْ
تَضرِبُ الزّهراءَ عَمداً واحتِقاراً وانتقامْ
كيفَ أمُ الحَسنينِ قد غدتْ دُونَ مُحامْ
وَهْيَ قَلبُ المُرتضَى بل رَوحُهُ بَينَ الأنامْ
أيُّ دَمعٍ سيُسالْ ** أيُّ شِعرٍ وخَيالْ
سوفَ يَروي حرفَ باءْ ** وبَكى مَن في السَّماءْ
__
خُلسةً زَينبُ تَبكي لا مُواسٍ لا مُعينْ
مَن لها يَبقى تُرى أن هبَّ في الرّوحِ الحَنينْ
حَسرةً خلفَ جِدارٍ وتُنادي في أنينْ
آهِ أماهُ انظرينا مَن لنا طُولَ السّنِينْ
دمعُها أبكى الوجودْ ** أيتمَ المَوتُ الورودْ
فارقتْ اغلى ضَياءْ ** وبَكى مَن في السَّماءْ
____
قُربَها بينَ يَدِيها قَدْمِيها الحَسنانْ
قبّلاها فَجأةً قد عجَّ في الكونِ الأذانْ
يا عَلِيٌ أبكيانا ناحِتِ السَّبعُ المَثانْ
كُلُ عِرشِ اللهِ يَبكي مِن مَكانٍ وزَمانْ
فَاطمٌ سِرُ الإلهْ ** كيفَ مَاتتْ آهِ آهْ
فقدَ الكُونُ الهواءْ ** وبَكى مَن في السَّماءْ
_____
الليالي الفاطمية
علي حبيب الشابي
الشاف امّه وسط التابوت
مايشفي گلبه اﻻ المــوت
آنه الحسن گلبي انسحن وابلا وطن بگيت
المثلي انجرح ينسه الفرح يدعي انذبح
دعيت
ــــــــــــــــــ ــــــــــــــــــ ــــــــــــــــــ
الأم علامـه
لليعيش ابلا حــــــزن
اليفگد امه
تصير سالفته الحضن
والعنده مثل امي الجفن ينســــه يطبگه
لومايشمها ايظل هوه الجنـــــــــه يخنگه
بالچفن مدت چفها الي وصاحتلي شبگه
والدي اليشفي المجـــروح
اتعوّض مجــانه امن ايروح
امي الشفه ومصحف وفه والعاطفه الهه بيت
ــــــــــــــــــ ــــــــــــــــــ ــــــــــــــــــ
بيمن ابدي
عاليگلها امي النبـــي
ايگلها حيدر
اللحظة بفراگج سبي
جا آنا شحجي الما أنام الاّ بحضنــها
صفحة حياتي انسدت بسدت جفنها
ريت اعمه كون وﻻشفت دم بلبنـــها
متعيني جنت الجـمها
بشبگـــــــاتي واتألمها
مابيّنَت حد ماحِنَت ظهري ومشَت بچيت
ــــــــــــــــــ ــــــــــــــــــ ــــــــــــــــــ
ﻻتلومــــــــه
القره اعله امه الفاتحه
يموت سكته
الشافه خلّه يســامحه
عونه القرتها الفاتحــــــه امه اعله روحــــه
الروحه الگبرها الموتي گمت احسبها روحه
الماعنده ام من كل كتــــــــر تنزف جروحه
من يوم عافتني امـــــي
يوجعني كلشي بجسمي
كلشي انّنسه بس المسه كلما قسه انحنيت
ــــــــــــــــــ ــــــــــــــــــ ــــــــــــــــــ
كل محنّه
من جفوف امي نَبِـــع
جا عليمن
اتموت مكسورة ضلع
ذاك الصطر خد امـــــي آنا بعيني شفتــــه
طاحت امن الصطره ورفس گلبي برفسته
گالتلي يبني الشفته ضُمه وابجي سكته
من گطعو الترجيــــــه
ظل دمها يجري اعليه
دم الاذن مدري الجفِن اوياها اندفن
يريت
ــــــــــــــــــ ــــــــــــــــــ ــــــــــــــــــ
ماكو منـــها
زهرة الله الطاهره
شحال ابنها
الفاتحه اعليـها قره
معگوده حتى البسمله ماترضه تطلع
ماتقتنع ميته امي آنا اشلون اقنـــــع
بس محد اعليــــــها بكثر زينب تلوّع
يبجي اعله ونتها الليل
آه اختي اتهـــد الحيـل
بآه القهر ترسم صور من السهر عميت
ــــــــــــــــــ ــــــــــــــــــ ــــــــــــــــــ
كلشي بينه
اخلاف امي ابلاضوه
وي ولينــه
البچيه والونه سوه
اسمع دعاء فضه يرب عجللي بالمــوت
بس الكتلني دعوة حســــــين البلا صوت
تشييعي اريده اعله الرمح ما اريد تابوت
يدعي يگطعونه اوصال
وبالحر يظل ماينشال
وجه الصبح يدعي بذبح الهذا الجرح
نعيت
ــــــــــــــــــ ــــــــــــــــــ ــــــــــــــــــ
علي محسن الزيادي
قناة حيدر تركي الكربلائي:
الفاطميه
.
.
.
عـاشــوراء .. الــزهـــراء
قــد اقــبل
يابو صالح
_________
ردت الايـــــام .. وكـــــــبـــرت الالام .. ابگلبك انته اشضام
يــارزيه
اشخله بيك الباب .. چم جرح ومصاب .. ادري راسك شاب
عالزچيه
متبدي من عـينك نهر بس الله يدري اشكبره
يالخلصت عمرك بچي مـاذيــك جـرح الزهره
يــوما أت .. لــلاهــات
قــد اقــبل
يابو صالح
_________
حزنك المنشور .. بي ضلع مكسور .. وبي وجه مسطور
وبي عذابات
تحـترگ ادريك .. ومــحد ايطفيك .. محــسن امــأذيك
وكلك اهات
اهاتك اتفطر الصخر بسمار چن بضلوعك
خدك امصـلاية دمع صلت عليها ادموعك
حزن الآل .. في الأصال
قد اقبل
يابو صالح
_________
شهگـــتك دخان .. دمعـــتك نيران .. اتلچــمك البيبان
لو شفتها
عيشتك جرحين .. بيها عاشورين .. الفاطمه وحسين
وضفتها
انته الحزن بس حصتك وعطر المجالس عطـرك
بسمار لــو حافر فــرس يالمهدي شنهو ابصدرك
واويلاه .. سمهم الاه
قد اقبل
يابو صالح
_________
تتــنحب مالو .. عالظــلع مهظوم .. تعـثر امــن اتگون
بالمصايب
دمعتك تسبيح .. يالزچيه اتصيح .. انـته من اتطيح
عالترايب
لو طحت تذكر فاطمه من طاحت اعله الغبره
تتبده يالچـنك دمــع من تذكــر انته السـطـره
دمـعً لاح .. فيك وصاح
قد اقبل
يابو صالح
__________
اهدومك اتضل سود .. عالذي مگيود .. وگبلك الممرود
شايل اهواي
حيدره امن انگاد .. گــادو السجاد .. يلي صرت ارماد
انته من هاي
ابدلالك اشسوه السبي وهيچي تهل دمعاتك
چيه عالهزل يالمنتظر راحــن ســـبي عماتك
صوت عزاء .. صوت بكاء
قد اقبل
يابو صالح
_________
سـيدي ندريك .. شنهو المبــچـــيك .. فاطــمه اتاذيك
يالمغيب
وعالجره مقهور .. تبچي عالمنحور .. هسه وين اتدور
وين تنحب
يم مذبح حسين السبط لو بالبقيع انته اتنوح
لجــل الزچــيه وَنــتك لو عالذي ظل مطروح
جرحا بات .. لامامات
قد اقبل
يابو صالح
_________
تمت والحمد لله
حيدر تركي الكربلائي
الليالي الفاطميه
دخيلج فاطمة دخيلج فاطمة
.............................
يام الحسين .... ياضوه العين
بخدمتج كون تگضي السنين
انه ضايع يالزجيه وعالم احساسج وطن
نازح من ذنوبي جيتج منكسر يم الحسن
يالعطر جفج كرامه ويسوه الف جنة عدن
مالي غيرج بالحياة وغربه بعيوني الزمن
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
انه بحماج .... عمري وياج
بدمعة العين حساسي يقراج
انتي امي وكلشي ليه وصرتي الجروحي دوه
بيج اطيب وانتي ضلعج ينلجم من الهوه
ضلمه بعيوني الحياة وسمج بعيني ضوه
گلبي ضامي ومن اجاج بنورج اليزهي رتوه
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
بأسمج النور .... محير الحور
بيج اذى اموت والله معذور
انتي سر الله العضيم الحيير املاك السمة
تسجد الجن والخلائق لو صحت يا فاطمة
نورج اقرب من وريده الگلب حماي الحمة
حيدر ابحبج اتصدق ل الله موش ابخاتمة
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
ام الحسان .... گلبي عطشان
ذكرج اوياي موين ماجان
فاطمة حروفج هدايه وبيها محتار الوصف
( ف ) معناها فخامة والألف يعني العطف
( ط ) معناها طهاره واسمج البي ينحلف
( م ) معناها محنة بكلشي وصفج مختلف
دخيلج فاطمة دخيلج فاطمة
،،،،،،،،،،،،،،،،،،،،،،،،،،،،،،،،
جيت اواسيج .... وعمري انطيج
الجرح الحسين ارد ابجيج
اذكر خيام الدلال وحسرة النوگ الهزل
كسرت حسين وعياله الراجع ابدم الطفل
دمعت ام عون السبيه الطلعت بجفها الحبل
انحب ابلوعة ومصيبه وعالحزن ماريد امل
دخيلج فاطمة دخيلج فاطمة
ابوفايز الرافضي
ابوذيه
يـشــذره وصـاغ ربـك .. خاتم ألهه
وصـرت كـل الفضائـل .. خاتم ألهه
الرسالة الجيت بـيـهـه .. خاتم ألهه
الـبـاري ونـصبـك سـيـدِ الـبـريـه
*---------------------*------------------*
✍خادم رسول لله ص
الشاعر رعد الجريخي💐
الليلة كتاب الله ابتشر ويردد أحمد
وكل سورة باسمه ترتلت تهتف محمد
السبع المثاني // تبعث تهاني
*
الليلة السماوات تهني المجرات والكل سعيده
مسروره الأملاك وتردد اهواك وغنت نشيده
كل كلمه ترتيل بميلاده جبريل يقره بقصيده
اسمع صدى من أبعد مدى يهتف ولينه
مولد محمد ياخلك ضوه المدينه
حور الجناني // تبعث تهاني
***
منتظره قرآن والجيته عطشان ويحسب ثواني
كل سورة بحساس تقدم اله الياس واسمه التهاني
مسروره الآيات مليانه ضحكات وشوك واماني
تحمل تعابير العشك وأجمل مشاعر
وكلمات عاشك تمتزج بحساس شاعر
وتحمل معاني // تبعث تهاني
****
يا اغله الأحباب الليله المحب ذاب بشواكه حاضر
الكل يصفك الأيد ويقره الأناشيد بإسمه نفاخر
وكلمات الوعود يقراها رادود بذيج المشاعر
بليل الفرح يحله السهر بهاي الولاده
وكلمن اجه الليله وفرح ياخذ مراده
اورود الأماني // تبعث تهاني
**
كل نجمه بسماي فرحانه وياي هاي المسيه
وكل كوكب اليوم لم حوله النجوم ونجم الثريه
الهادي انولد صاح وشع ضي الإصلاح وسيد البريه
بسمه الكواكب رتلت وتغني كامت
بمولده الدنيه اتنورت كل نجمه صاحت
بنوره اعتناني // تبعث تهاني
**
معذوره الأحباب من تبدي العتاب بعيده المسافه
شيطوي المسافات خاف العمر فات ويخلص حسافه
شايلك أشواك ولو طال الافراك تموت الترافه
ماتوصل ابحور العشك روحي بعشكها
وتسابك بحبك غدت محد سبكها
تعد الثواني // تبعث تهاني
***
تمت
ميثم العمري
يبقى اول جرح بگلوبنه الزهره
من گبل الخلق عشناه وعالفطره
صرنه والجرح زاد
طفو نورچ اوغاد
......................................
بدوچ البشر يا ماي واهمه ابعازة الگطره*
ذبّل كل ورد بالگاع من استخبر السطره*
ذولاك البشر عميان ما شافو ضوه الزهره*
مكتوبه اعله كل قرآن بس وينه اليجي ويقره*
كوكب دري وايطش نور يالكوثر
يم العرش ربنه اختارچ الحيدر
وصاغچ للنبي امراد
طفو نورچ اوغاد
...................................
يا اول ستر بالكون غطى الناس المفرعه*
باعو كل شرفهم يوم جابو نار بالفزعه*
چنتي الكل شرف جوعان يركض سترچ ايشبعه*
ايحبون الظلام اهواي وانتي ابينهم شمعه*
خلف الباب چنتي ونارهم تحچي
زينب من وراچ امن الهضم تبچي
وانتي بنت الاجواد
طفو نورچ اوغاد
...................................
يالبابچ رزق يا خير مو ياهو اليجي وزاره*
نزّل ربنه هذا الباب للما عنده اي چاره*
ابيتچ خظّر القرآن ربنه امنزل اسراره*
آيس من حنان الله اليمه ويشعل ابناره*
خل يتحظر الما آمن ابگلبه
وابسفل جهنم ربك ايصلبه
بيده تچوي الاصفاد
طفو نورچ اوغاد
....................................
كل چف عالورد هادود خل يگطع شكو ضنه*
گطنه امن اذنه خل يشيل ما يسمع اسم جنه*
الدايس نعمة الله اهناك دربه السقر يتعنه*
الشاعل حطب يم الباب بسمه ابليس يتغنه*
تُرحبّ بيه جهنم طابعه ابگصته
هوه وربعه كلهه وزائدآ بنته
كلهم حتى الاحفاد
طفو نورج اوغاد
......................................
جرحچ يحرگ العشاگ يبقى اشما عتگ اخظر*
يچوينه الدمع وانريد شباچ وعليه نفتر*
يا ملجئ حزنه الشوگ بينه بكل وكت يكبر*
چا يمته الفرج وانشوف حظره ورايه للكوثر*
وانصلي ابحظرتچ وابنچ ايأمنه
وايفز من گلبنه لو يجي دمنه
وننفظ عنّه الارماد
طفو نورج اوغاد
علاء المياحي
الفاتحه لروح والدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
ماتت الزهره وعلي ناعيهه
وعلگبر عين الولي جاريهه
--------------------------------------
ماتت ام حسين وحسين انكسر
زينب الحوراء ذبلهه السهر
آه يا حال الحسن ضيم وقهر
شاف حيدر من يچفن بيهه
-----------------------------------
راح نور البيت والبيت انهدم
ويلي علزهراء بس آه وألم
يم ضلع مكسور چن كسرة سهم
والدماء اعله الارض جاريهه
-----------------------------
دافن الزهراء والمدمع يهل
والدموع تصيح شيرد الشمل ؟
آه يم حسين فگدچ مو سهل
اليوم ظلت دارچ بذاريهه
-------------------------
وسداهه وصاح فاطم يا هلي
گعدي مو تدرين ما يحمل علي
يا فرحتي وصار موتچ موت الي
الدنيا بعدچ ما ردت طاريهه
-----------------------------
چفي لتهيلين تربان الگبر
هونچ تاذين ضلع المنكسر
شلون جوى الگاع مدفون العمر
هاي صعبه وما كدرت اعليهه
----------------------------
گلبي بيت احزان وبروحي الونين
توهه عشرتنه ابتدت چا رحتي وين
شلون اباوع للحسن ويه الحسين
شلون ويه شلون شيگضيهه ؟
---------------------------
شلون ارد للبيت ولزينب شگول ؟
عظم الله اجرچ يميراث البتول
استعدي الكربله وسحگ الخيول
وچثه تربان ودمى تغطيهه
كلمات الخادم / رعد الفريجي
28 / ربيع الاخر / 1448
ثوابها الى روح والدتي
الفاطميه
لاتروحين .. ضلي يمهم .. انتي امهم .. لاتروحين
انتي بس يالزهره اشري
ومسـتعد انطيچ عمري
وضلي يمهم
_____
انــه حــيدر . يالــوديـعه . هاي روحي اخذيها
بلـكي يرتاح . ألـم صدرچ . عـالـجرح خـلـيـها
الخاطر الله . يم الحسين . اعيونچ اتفـتحيها
روحي احسها . اتروح مني . لمــن اتـغمضيها
لاتروحين .. روحي بيدچ .. يمي اريدچ .. لاتروحين
الخاطري للعشره اذكري
ومستـعد انطـيچ عمري
وضلي يمهم
_____
الگلبه مكسور . يـالـزچـيه . گلـبه بيـش ايلمه
العنده ايتام . يعني ميت . يعني الله ايرحمه
والله صعبه . وشـكـبرهــا . اعليه هاي الكلمه
الميته امه . مــن يصــبره . هـوه لــو راد امه
لاتروحين .. ولدچ ازغار .. وبيهم احتار .. لاتروحين
عــالألــم والآه اصـبري
ومستعد انطيچ عمري
وضلي يمهم
_____
الرايد اينام . الحظنچ ايروح . حظنـــچ ايحبونه
من تــلولين . بـــالــدللـــول . الكون تغفه اعيونه
ياحــنانـــچ . المــاكو مــنه . خايـــف ايفــگدونه
يمــه يـمــه . مــن يــنادون . إلعـــرش ايبــچونه
لاتروحين .. خوفي يبچون .. وماينامون .. لاتروحين
انتي اكثر وحده تدري
مستعد انطيچ عمري
وضلي يمهم
_____
الحسن ابـنچ . والـوداعـچ . لـو سئـلني ابــهايه
ماهـي امي . وبس عطرها . عــلــى المـصــلايه
اشراح اگله . وانه تجـري . اعيوني هاي وهايه
شلون اصبره . وانه مثله . وعندي بس احچايه
لاتروحين .. وي بنيني .. اتيتميني .. لاتروحين
ابحالي يافاطمه اشعري
ومستعد انطيچ عمري
وضلي يمهم
_____
ارد اسـولـف . وانتي اسـمعي . ولاتـهــل ادمــوعچ
الروحي اَصبر . مدري اصبرچ . موسهل موضوعچ
حسين اذا صاح . يمه وينچ . اشيحتمل مفجوعچ
شلونه اسمعه . وصوته چنه . ألــم كــسر اظلوعچ
لاتروحين .. عنه لبعيد .. الحظنچ ايريد .. لاتروحين
حسين خل يكبر انطري
ومستعد انطيچ عمري
وضلي يمهم
_____
طفله زينب . وانـه خايــف . لــمــن اتعـوفيـنها
مـن بچيها . اتمــوت بعدچ . زينــب اتعـرفيـنها
هيه رادت . اوياها تبقين . ابكربله اتحظريـنها
من الِسياط . لــوسـبوها . امن الشمر تحميـنها
لاتروحين .. ما اوصيچ .. تحتمي بيچ .. لاتروحين
اعيونهـا للفرگه تجري
ومستعد انطيچ عمري
وضلي يمهم
_____
تمت والحمد لله
حيدر تركي الكربلائي
يامهدي العجل مولاي يامهدي العجل مولاي
ــــــــــــــــــــــــــــــــــــــــــ
يل مفكود يمته اتعود مانتحمل الغيبه
يابو الثار شبو نار ماضن للضلع طيبه
بل زهراء صار الصار واليله اعضم مصيبه
مكسور الضلع بلباب
من الدفع حيل انصاب
بلعتبه دماها اخضاب
ــــــــــــــــــــــــــــــــــــــــــ
عجل گوم يالجيدوم
عجل واطلب ابثارك
سل السيف وخذ الحيف
واصلب من وصل دارك
يبن حسين رد الدين
رده ابزود بتارك
واخذ ابعصرة البسمار
تدري ايناطرك جم ثار
واصلب من دخل للدار
يامهدي العجل مولاي
..................................
واحنه اوياك عد يمناك يبن المرتضى اجنودك
بس يايوم كون اتگوم واتشوف الخلگ زودك
ابدي امنين حمره العين
وامك تنطر اوعودك
ثار الطبره الابرمضان
وامك خيرة النسوان
وسطرة فاطمه العدوان
يامهدي العجل مولاي
..................................
ركضه وصوت حان الموت
نكرو طاهه من وصه
عسكر جار نص بالدار
واباب الولي نصه
محسن طاح يمكن صاح
هاي البالگلب غصه
محسن صاح اضن ويلاه
وعبد الله ابمهد ناغاه
واليمته الفرج نتناه
يامهدي العجل مولاي
..................................
من الماي تاه الراي
بالطف والحرم صاحت
دم بالگاع كلهه اسباع
بالطف يانفل طاحت
رايه وجود. يالموعود
من مات الكفل ناحت
وحسينك ذبيح الگوم
صدره والضهر مهشوم
عجل يومك المعلوم
يامهدي العجل مولاي
خدام اهل البيت
علي الزرگاني
ازهر العضيمي
الفاطميه
.
.
.
للـزهره حـزنان الـورد آ يا حسافه
من وسدت فوگ الرمل خد الترافه
يامن دفنت الصبح
حـقـك اذا تنـجـرح
ياعلي ياعلي
_______
ارد اسـئلـك ياعـلـي ابدمـعـه جـريه
اشكبره صبرك چان ياحامي الحميه
انـته من شـيعــت عطـر الله ونبــيه
شلـون متـنك شال تـابـوت المنــيه
شايل على متونك نعش لو شايل الكون
اهل السمه واهل الارض حگهم ينوحون
الدمعه اعله فاطم رمح
حـــقــك اذا تـــنـجـــرح
ياعلي ياعلي
___
باللـــحــد ياعـلـــي لــَمن وســـدتها
اشيوجعچ يم الحسن هم ناشدتها
من فتحت الچـفن يمكـن شاهدتها
بعـده ازرگ ياعـلي لو طـاب خدها
مـحد يـلومـك انـته لـو بالعـمـه حـسيت
وبيدك يحيدر بالگبر شمس الله حطيت
هالحچي من ينفتح
حـقـك اذا تنــجـرح
ياعلي ياعلي
___
لاتـون يـم راسها تـدري ابـوضعها
خـاف تـسمع ياعـلي وينزل دمعها
فاطمه تـدري البچـي يلچم ظلعها
وانته اكثر واحد اليدري ابـوجعها
الدافن حبيبه بالگبر خل يبچي بسكوت
ومحد يلومه ياعلي المن البچي ايموت
يالمدمعك بـي ملح
حـقـك اذا تنـجـرح
ياعلي ياعلي
___
محني يابو حسين ليش اشكبره المصاب
الله وحــده ايســاعـدك ياقـــالــع الـــباب
علــى راسـك حقــك امـن اتطـش التراب
رمـش عـينك ياعـلي امـن الفـاجعه شاب
ياقالع الباب اشعـجب تتـعـثر اشبيك
اجروح الوديعه ياعلي بس لا تأذيك
يالمنهدم لك صرح
حـقـك اذا تنـجرح
ياعلي ياعلي
___
باللـحد مـن نزلت بـيـدك حـياتك
انترس گبر الطاهره من نايبــاتك
يمهـا لـَمن سولـفت عـن ذكـرياتك
انته من ذاك الوكت حانت وفاتك
ميــت ولكــن هالــنفـس تتــنفــسه دين
لجل الحسن متداينه وزينب والحسين
والنفس لمـن يشح
حـقـك اذا تنـجـرح
ياعلي ياعلي
___
الفـجر صار وبالگـبر انـته رمـيه
امتانـي عزرائيـل يلفيك ابمـنيه
اتصـيح ياسلمان اذتـني الـرزيه
اتراب گبر ام الحسن هيله عليه
بلكت امـوت وانـدفـن وي نـور عيني
بلكت اذا اموتن يخف نوحي أونيني
يالبلحـزن منــذبح
حـقـك اذا تنـجرح
ياعلي ياعلي
___
حيدر تركي الكربلائي
#تـراث
بضعة الهادي ومصایب بابها
حيرّت اهل الألباب ألبابها
باب لا چن للمصايب غدت أم
نار بسمار وعصر هشم عظم
تجّمع أعليها وهجم جمع الظلم
وسقط المحسن عصر بعتابها
يالها من باب مجموعة قدر
بين جمع أسلام ورتدت كفر
بالوصي حامي الحمه غدروا غدر
ما صدر گبله ابشريعة غابها
باب محجوبه أبجلاله أمن الوحي
ونورها لا ينطفي أو لا ينمحي
ومنه الهل الرّده أبد ما تستحي
أبنار حرگتها ولهب لهابها
باب ما نسم الهوه عليها يمر
الا بستئذان يصدر له الأمر
حتى ضي الشمس يو نور البدر
حين يوصلها بأمر وهابها
والهتك حرمة الباب اللي يشع
نورها ويضوي السماوات السبع
اثنين لاچن كونو ألهم رَبع
أمة الأنكرت نص أكتابها
والذي ينكر الآيات الكتاب
من كهول ومن شيوخ ومن شباب
هذا ما يحترم للمختار باب
مشرك وملحد نذل مرتابها
هالذي من انوه يحرگها الضعن
ربعه گالوله انتبه لا تنفتن
فاطمه بالدار جاوبهم وإن
وهل النصيحه انفضحت أبأربابها
باب مهيوبه بأسم سيد الرسل
وسم الأعظم الها حارس متصل
فنه يتجسر وفنه اللي يصل
احدودها وحتى الأملاك أتهابها
لاچن الحكمه الذي هيه اسمحت
السامري الأمه وزمرته اتجسرت
النورها نار العجل من احرگت
باب اسرار النبوه احجابها
باب حصنها الأله بإحترام
حيث مهبط للوحي ابكل الايام
غرض صارت للرماح والسهام
الف وسفه من الأليمه احسابها
باب حرمتها على كل مسلم تجب
هيبة الله استارها ونوره الحجب
شلون ملباري على الامه يغضب
من احرگتها التدعي أمن اصحابها
أمنو من حيث ما الها رجال
توگف أتدافع وتفتك بالأنذال
لو الها أنصار چان أصبح محال
توصل وتجسد عليها اجنابها
من عگب عين النبي يوم الهجوم
يوم شر بالظلم مايشبهله يوم
ولعد هذا اليوم ما واحد یگوم
يطلب بثار السقط وصوابها
بالگلوب اصوابها خلف الهم
ونگلب بسمارها بالطف سهم
خله گلب حسین برض الطف خذم
وچبدته جمر المصايب ذابها
وگع من المهر لاچنه اشوگع
جسمه من كثر الطبر صاير قطع
عليه عچله ارماح ما الهن طمع
بيه عسلان الفله وذيابها
الشاعر المرحوم الشيخ عبود غفله
#اللهم_عجل_لوليك_الفرج
ماشبعانه بچلمة يمه
هاي الدنيه صارت ظلمه
يا زهراء يا زهراء
.......
من شفتها گبالي طاحت انه وياها طحت
فضه فضه راحت امي صيحت مايسه صحت
ريتني ميته يفضه وكون من ظيمي أرتحت
سطرت الخد ريت بيه وكون عميه وماشفت
ست أسنين عمري مو للوداع يمه
من كثر دمعي غرگت الگاع يمه
گلبي أزغير شيحمل افراگ
يل رحتي منه بساع وبساع يمه
ظلعج شفته يسيل بدمه
ماشبعانه بچلمت يمه
..............
ياحزنها بروحي بايت جرح كل ليليه يفز
اتصوره محسنها عايش وانه كاروكه اهز
هالجنين علينه غالي وعله أمه شگد يعز
اكتب أهمومي عله حايط ينترس وأرجع اجز
يطلبني ثار شماله البين يمه
يتخير أحبابي العزيزين يمه
بسن الطفوله والگلبي مذبوح
أقره المصيبه بعين الحسين يمه
محرابچ خالي و يشتمه
ما شبعانه بچلمت يمه
............
گمت اشوف البيت طافي مچدر ومابيه ضوه
ابوي اسمعه يناجي ربه كون موتتنه سوه
الشال خيبر شفته يعثر گبال عيني بالهوه
شمادفع بالباب چفه بيه الف چويه نچوه
تدرين حيدر زين مامات يمه
الليل يگضي كله حسرات يمه
زهرة زمانه تنطفي شلون
يحچي ويروحه أسمعه مرات يمه
الله يعينه بجرحه وهمه
ماشبعانه بچلمت يمه
.............
نشال نعشج يل حنينه وخيم علينه اليتم
ياجروح الغاضريه بعيني گامت تنرسم
هسه يمي اشوف اخوتي يمه موغربه الزلم
بالطف اتواسه ييمه بالسياط وبالشتم
الباب جرح مصيبته يهون يمه
باجر عليه من يهدون يمه
ماعندي والي خاطر انخاه
كل أخوتي بالطف يموتون يمه
حيلي مطشر ياهو يلمه
ماشبعانه بچلمت يمه
..........
خادم اهل البيت ع
فلاح طالب الماجدي
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
[ ابوذيات للرسول ص ]
*********
الليالي الفرح تغمرنه...........بهجيت
ويريت الگلب يم طيبه.......بهجيت
وصلت وجايب اشموعي....بهجيت
اهني الفاطمه وحامي الحميه
*********
جرحنه وياك بالرحمه.......وطيبه
حلات العطر بچفوفه........وطيبه
سلام الله عله اهل مكه.....وطيبه
احتوت اشرف بشر سيد البريه
*********
العشگ ماخذني بالفرحه......وعيده
حلات البيت للهادي..........وعيده
يجازي بالحشر ربك.........وعيده
اليصلي عله النبي وآله سويه
*********
تمت بعون الله تعالى
الشاعر_يوسف_الفتلاوي
#تـراث
إليكم تذل النفسُ وهى عزيزةٌ
وليست تذل النفس إلا لمن تهوى
فلا تحوجوها بالسؤال لغيركم
فتسأل من يسوى ومن لم يكن يسوى
أهيل النقا قلبي بنار الجوى يكوى
وحالي من الهجران يغني عن الشكوى
ولي مقلةً تبكي اشتياقاً إليكمُ
ولي مهجةً ليست على بعدكم تقوى
نشرتم بساط البعد بينى وبينكم
فيا بساط البعد قل لي متى تطوى
فـراقكـم والله مـرٌ مذاقــهُ
وقربكمُ أحلى من المن والسلوى
وأنتـم كـرامٌ لايضام نـزيلكم
وحاشا نزيل القوم يظمى ولايروى
سأسعى على رأسي إلى نحو أرضكم
وإن لم أطق مشياً سعوت لكم حبوى
وإن كنت قـد أذنبتُ ذنباً فإننـي
أتيتكمُ مستغفراً أرتجى العفوَ
فقولوا عفا الرحمن عن كل مامضى
وخلوا بساط الهجر من بيننا يطوى
وليس يطيب العيشُ إلا بقربكم
وإن كنتُ فى الفردوسِ أو جنة المأوى
إذا لم أجد صبراً رجعتُ إلى الشكوى
وناديتُ جنح الليلِ يا كاشف البلوى
على الباب عبدٌ من عبيدك واقفٌ
كثير الخطايا يرتجى منكم العفوَ
فأنزل عليه الصبرَ يا من بفضلهِ
على قومِ موسى أنزل المنَّ والسلوى
الشاعر المرحوم السيد حيدر الحلي
#اللهم_عجل_لوليك_الفرج
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
الان توفرت خدمة رفع القصيدة كنغمة في حالات الفيس بوك والانستا واليوتيوب والتيك توك
للتواصل واتساب 07732320742
@ahmed_alziwar0
دعم مؤسسة منبريون الحسينية
#افضل قناة للنعي
/channel/+P0VV4bLqtzuKdcQS
#للاشتراك بالدعم @ahmed_alziwar0
تحضيرات محرم1447 هجري
لعمل هندسة صوتية عن طريق بصمة الواتساب
او التلجرام وانت كاعد بالبيت
تواصل معنى
@ahmed_alziwar0