423
تختص القناة بالرثاء الحسينی 1نعي والابوذیات 2لطميات 3هوسات بلاطوار مختلفه اهدی عملی للامام الحجه روحی له الفداء https://t.me/ALMOLAUEOMADNAN ALMOLAUEOMADNAN
موال لسان حال السيده زينب س
......
وصلت حسافه الخيم نار الحقد والسنه
و اعلى الرمح علّگو روس اخوتي والسنه
ونشد بطور الحزن طول الشهر والسنه
كاس الهضم ياخلگ غصباً جرعته ومُر
اگبالي زلم تنحني من حيث اعدي ومُر
تنفيذ بيهــن غصب چلماتي كلهن ومُر
تاليها طالت علي اچفوفهم و السنه
الابوذيه
.....
ومرمر
الحده ابظعني جلِد گلبه ومرمر
علی الحومه عمد حفني ومرمر
يراويني السده باهلي ومـــرمـر
حوالي وشامتي يضحك عليه
✍️ام عدنان سياحي
رجوع زينب س الی كربلا
&&&&&&&
مايله امن الضيم بت حيدر اجت
ويم ابــو السجاد مالــومه شچت
&&&&&&&
مايله امن الضيم محنيه الظهر
والعيون امسوربه ابكثر السهر
حارباها امن الزغر وسفه الدهر
ومن چثير الحزن خلاها انحلت
&&&&&&&&&
وصلت الحره الطفوف امكدره
رجعت اختك ياعجيد الگنطره
گـــوم وتــلگاه يــــابـــن حيدره
ياكفيلي اتصيح الحگني ورجت
&&&&&&&&&
گـــوم شوف امـدللتكـــم يازعيم
جايه امن الشام ووياها الحــريم
وجايبه السجاد ابو جسم السقيم
ندبـــت الكـــرار وابــطــهٰ انتخت
&&&&&&&&
وينكم نــادت هلي بالله انهضو
ابدانـكم مـن التـــرايب انـفضو
روعي من ضيم الي شفته اخفضو
امكسره العبره ابصدرها من بچت
&&&&&&&&
تعاتب الوليـان و اتريـــد الجواب
من عگبكم حشمت شفت العذاب
وصارت الـــدنيه بعـدكم كلسراب
وسولفت ضيم الخرابه من حچت
&&&&&&&&&&
سولــفت عــن العزيزه للحنين
ماتت اتگله عله راسك ياحسين
انفطر منها الگلب لجلك يازين
تصــرخ ابسمك يابويه ومانست
&&&&&&&&&&
تمت وبعون الله وبقلمي المتواضع ام عدنان سياحي ونسالكم الدعا🙏🙏
نصاري عن لسان السيده زينب س مع قمر العشيره ع بعدمصرع الحسين ع
❉ ❉ ❉ ❉ ❉ ❉ ❉
اگعد ياكفيلي وانظر الحال
وحدي امحيره ابنسوان واطفال
✶✶✶✶✶✶✶
وحدي امحيره عگبك ياهيبه
عايفني ونمت باعظم مصيبه
چا منهو اليردني الارض طيبه
وحسينك صبح جثه علی ارمال
✍️ام عدنان سياحي
✶✶✶✶✶✶
اخوي حسين عالغبره رميه
تعال الحك يبو فاضل عليه
لو جلجل الليل اشلون بيه
كلي اشلون المن هاي العيال
✍🏻 ام حســـــين الخــــــفاجي
•❥───❁🌻❁───❥•
هذا مو وكت نومك يغالي
انهضلي يخوية وشوف حالي
اخوك اموسد الغبرة كبالي
وانة محاوطيني كوم الانذال
ام كرار شكر
•❥───❁🌻❁───❥•
ياعباس خويه انته الجبتني
بيدك يالشفيه كوم ردني
كمت بحمايتك وانته كفلتني
مو كتلي تعدل الحمل لو مال
بقلم ✍🏻 ام فاطمه العابدي
•❥───❁🌻❁───❥•
يخويه كوم يا راعي الحميه
ومن كثر الضرب امورمه اديه
هجمو العده وضربو رقيه
اخلافك يخويه بلايه خيال
((ام حسين الابراهيميه) )
•❥───❁🌻❁───❥•
حركوها الخيم خويه علينه
عدوانگ بقتت تتشفه بينه
والكافل غفه وطفوهه عينه
شفنه المذبحه وطيحت الارجال
✍🏻ايات السلطاني
•❥───❁🌻❁───❥•
تعدلي الحمل خويه يا ضرغام
مو عاده الكفيل على الثره ينام
خــواتك يالــولي بيديــن ظلام
ويسوك الضعن خويه الجمال
✍🏻ام رافد السامر
تمت القصيده بعون الله بأقلام نخبه من طالبات تعليم الاوزان
عتب رباب
تجليبه+ حسناوی ~~~
ارد انشد زماني بسهامه رماني
بعد عبد الله انه امشي سبيــــه
بسهامه رماني
◾️◾️◾️◾️◾️◾️◾️
يدهري اشلون حربك اعلنت ويــــاي
من ابني حرمتني
اخذت اتعاب عمري واشدهتلي الراي
وابسهمك صبتني
يدهري راح عبد الله يريد المــــــــاي
بولدي افجعتنــي
راح الولد مني بالطف كثر وني
ماانسه مصابه للمنيــــــــــــــه
*الشاعر فالح العامري*
◾️◾️◾️◾️◾️◾️◾️
يدهري بالغرب مني خذيت ابني هـاي اعظم فجيعه
طالت غيبـته وانگطع كل ظني يـانسل الوديعـه
ويـن الـي يساعـدنـي عله ونــي گلبي انگطع نيعه
عينـي اليمنه راحـت
روحـي ابحزن شاقت
احـا يـا مـصاب الـغـاضـريـه
✍️الشاعره ام عدنان سياحي
◾️◾️◾️◾️◾️◾️◾️
احس گلبي على وليدي فلا يهده
مشعل نار حدره
شنو ذنبه انگطع نحره مثل ورده
وعليه الروح وجره
خلص عمري ايـــا دهري اشبگه عنــــــــده
وانت ابحالي ادره
راح الچــــــان سلوه
فگد الولـــــــد بلوه
بعــــد شيعوده المدلل اليـــــه
✍️الشاعره شيماء ام نور
◾️◾️◾️◾️◾️◾️◾️
شنو ذنبي يدهري ببني فاجعني
ليش تحرمني
عليه امحسره ومحتاره انا ابأمري
ريته يسمعني
هيهات الولد يرجعلي والحضني
وگلبي يوجعني
گلبي ياخلك ذاب
عن عيني الولد غاب
ولا اصبر علی های الرزیه
✍🏻الشاعره ام عباس الحسيني
◾️◾️◾️◾️◾️◾️◾️
ابسهم البين ابني هل خلص عمره شيرده عليه
اشذنبه مدللي گطعو وسف نحره مثل زهره نديه
ونيران البعـد بحشاي مستعره وبگلبي سريه
يدهري خذت تعبي
بعد ماشوف دربي
يدهري راح عبدالله من اديه
✍️الشاعره ام البنين
◾️◾️◾️◾️◾️◾️◾️
يا دهري اشبيك وياي خذت مني اولدي الغالي
چم اصواب منك شفته هذا اليوم مرمرت حالي
عبدالله ضوه العيويني اگطعت نحره امجانه الخالي
زهرة اسنيني
راح من عيني
اضل حد المنيه انه دموعي جريه
ام زيــــ✍🏻ــــن العابدين لـــــمحمداويه
◾️◾️◾️◾️◾️◾️◾️
الرباب الدنيا راوتـــــــها طفلها
احرگت خيامها وذبحــت طفلها
بگلبها النـــــــار ماواحد طفلها
وسرت بحشاها من گوم ال ميه
✍️الشاعره شيماء ام نور
◾️◾️◾️◾️◾️◾️◾️
تمت بعون الله
حيرة زينب ع
وزن الهجري
گلي خويه البصر شنهي لو لفه عليه الصبح
راح اضل ابلا محامي وبالگلب مية جرح
🟰🟰🟰🟰🟰🟰🟰🟰
مابعد يحسين اشوفك لا اشوفن كافلـــــي
راح اصير اني الكفيله وانه اباري المحملي
مدري احيرن باليتامه مـــدري ادور عالولي
والعده تومي عليه هذي اخـــت المنــــــذبح
✍️الشاعره شيماء ام نور
◾️◾️◾️▪️◾️◾️◾️◾️
واويــــلاه صاحت بحرگه زينب ابطف كربلـه
صبت اعلينه النوايب شفنه الوان البلـــه
باجر اعلينــــه يصبّح يبو اليمه حرملــه
يرمي اسهامـه عليكم دوه الهن مايصح
*✍️الشاعر فالح العامري*
◾️◾️◾️◾️◾️◾️◾️◾️
لورمه اسهامه عدوكم يسگي ارض الطف دمه
وانظــر ايميني ويســاري نار تسعر حاطمه
ابقه وحدي بالبراري وچن اتــانـي الخاتمه
صرت اتمنه اشوفن حيدره
ووجه السمح
✍️الشاعره ام عدنان سياحي
◾️◾️◾️◾️◾️◾️◾️◾️
اكعد وباصرني خويه شلون لوطر الفجـــر
لوطحت بارض المعـــاره منين اجيبنه الصبر
والخيم تحترگ كلهه وگلبي ناره تستعر
والاشد واصعب عليه راسك الفوگ الرمح
✍️ الشاعره كلثوم الساعدي
◾️◾️◾️◾️◾️◾️◾️◾️
باجر تفر اليتامه وانه وحدي بالخلي
لا اخو اليجمع اطفالي ولا چفيلي ايضل الي
وانه اصيح بعالي صوتي گعدوا ليه ياهلي
العذب ماريد اشوفه بس وجهكم لا يشح
✍️الشاعره ام حسين رنا
◾️◾️◾️◾️◾️◾️◾️◾️
العده تولينه باچر وانه اصرخ يانفل
بيا وكت تمشي العقيله وهيه مچتوفه بحبل
والشماته عليه تنظر والدمع دم ايهمل
شملي من بعدك تطشر وانهدم خويه الصرح
◾️◾️◾️◾️◾️◾️◾️◾️
یاخویه والشده الاكلف ولشامات اشلون اطب
وصعبه يانوم الخرابه ودمعة ارقيه تصب
تنعه وتنادي يبويه اشيحمل افراكك صعب
مو صرت مثل الحمامه ومنكسر منها الجنح
✍🏻الشاعره ام عباس الحسيني
◾️◾️◾️◾️◾️◾️◾️◾️
تمت بعون الله
وزن فائزي
في حق علي الاكبر ع
▁▂▃▄▅❈◐❃❂❃◑❈▅▄▃▂▁
رايح يصول اعلـی العــده وايودع امه
مره تضمــه اعـــلی الصدر مـــره تشمه
▁▂▃▄▅❈◐❃❂❃◑❈▅▄▃▂▁
فــد لحظــه انــزل ياعلي اتگله الحزينه
طـولك اشـوفــه يـــانسل ليــث العرينه
خوفــي تــروح المــرعنه وماتـرد علينه
وتكـسر دليــلي يـــاولــد واتــزيـــد همه
✍*الشاعره ام عدنان سياحي*
▁▂▃▄▅❈◐❃❂❃◑❈▅▄▃▂▁
وياك اجيت من الوطن يانضر عينــي
لــــــورحت تذبل يالولد زهرة اسنيني
وشلون انــه البيتي ارد ويسكن انيني
اوبعد ماالفض انـــــــــه. چلمت ييمــه
*✍️الشاعر فالح العامري*
▁▂▃▄▅❈◐❃❂❃◑❈▅▄▃▂▁
سيوف العده تتناوشك يبني يغالي
وتـروح من عندي واظل ابدون والي
وتكسر دليلي ودمعتي بخــدي تلالي
وانظرلك امگطع وصل گلبي تلچمه
✍️الشاعره ام البنين
▁▂▃▄▅❈◐❃❂❃◑❈▅▄▃▂▁
یمه یالکبــــر یالولد یاضـــوه العینین
گلبي علیك من القهر انجسم نصين
ارحـــم دلیلي ورد الي يبنــي يالحنين
ابگه اناطر جيتـــك وجفوني تدمه
✍🏻الشاعره ام عباس الحسيني
▃▄▅❈◐❃❂❃◑❈▅▄▃▂▁
ابگـه انــاطــر جيتك يــايمه بطيف
يلغاب نجمك بثراء يوليدي ياحيف
أعذيبي ريتي رادتك يانسمة الصيف
ياضي حياتي بغيبتك الكون ظلمه
✍️ الشاعره كلثوم الساعدي
▁▂▃▄▅❈◐❃❂❃◑❈▅▄▃▂▁
انتظر جيتك يالولــــد لو اگطع الضــــــن
گلبي ييمه ابغيبتك مايرضـــــه يســــچن
تدري لون عني رحــت اعيونـي يعمـــــن
شملي عقد بيك الامــل انــــت التلمّـــــه
✍️الشاعره شيماء ام نور
▁▂▃▄▅❈◐❃❂❃◑❈▅▄▃▂▁
تمت وبعون الله
شجاعة علي الأكبر
الوزن الهجع ~~~~
علي الأكبر شبيــــــه المرتضى حيدر ابو الغيره
شبل احسين هذا الي دخلها الحومه مو غيره
◾️◾️◾️◾️◾️◾️◾️
منو هاذا النزل ليث الحرب جنــــــه ابو الحمله
خلي كربله تروي قصص عنــــــــــــه عزم كله
زلزله الأرض جوه العساجر ذيـج خلـــــــــــــــه
ياخذ حيفه منها اهل الغدر والجور غزه الديره
*✍️الشاعر فالح العامری*
◼️◼️◼️◼️◼️
شبه المصطفی ومعروفه صولاته مثل جده
سل سيفه بالحومه وجندل الابطال وتعده
وين الي يگابل نسل ابو الحسنين وشحده
مجموع الثلاث النازل الحومه اشهل حيره
✍️الشاعره ام عدنان سياحي
◼️◼️◼️◼️◼️
ذكرها العده ابصولت بدر واحنين اوخبر
خليه اگلوبه تتراجف من الخوف من كبر
يشبه عمه العباس علي الأكبر لمن زنجر
خلي ايزيد يلفي العسكره هاليوم ويجيره
*✍️الشاعر فالح العامري*
◼️◼️◼️◼️◼️
طشرها العساكر من صرخ بيهم نسل
عدنان
ولبن غانم تعنه وابد ماهابه اليهد جيمان
سليل المرتضی مثله ابد ماصار عالي الشان
حطم كل جيمها ونكس العسكر ابتدبيره
✍️الشاعره ام عدنان سياحي
◼️◼️◼️◼️◼️
رغم ذيج العساجر الترست الميدان تحداها
خلاها تفكر منه تشرد وين الأكبر تولاها
گلب عاليها سافلها اجيوش الكوفه خلاها
افواج افواج يرسله الجهنم هذا تفكيره
*✍️الشاعر فالح العامري*
◼️◼️◼️◼️◼️
محتاره الزلم من شافو افعاله
علی اليسره
والغاره اجت عليمنه ياوسفه عدد كثره
ومرعوبه الاعادي رغم كثرتها وحيرهم ابامره
وشباب الهاشمي متعنـــي تقديره
✍️الشاعره ام عدنان سياحي
◼️◼️◼️◼️◼️
رغم نار الضمــــه ابچبده مستعره لجن ماهاب
صاح ابصوت ادركني يبو احسين ابدمع سچاب
تعال اوخلي اودعنك وداع اخــــر وداع احباب
دنه يمي الأجل الجيتك ناظــــــري ياوالدي اديره
*✍️الشاعر فالح العامري*
◼️◼️◼️◼️◼️
تمت وبعون الله
تذكار مع استاذي العامري
القاسم ورمله
موشح ~~~
گــــــــوم ياجسام والبس لامتك
اليوم يبن الحسن هاذي ساعتك
◾️◾️◾️◾️◾️◾️◾️
هاك سيفك هاك لامـات الحرب
للملاحم خوضـــــها ابقوت گلب
ارجـــــز وللحسن يولدي انتسب
اليـــوم اريدك تگر عين النجبتك
*✍️الشاعر فالح العامري*
◾️◾️◾️◾️◾️◾️◾️
اليوم اريدك يبني تگلبها الطفوف
اتجندل الابطال وتنكس السيوف
وعمك المهيوب بعيونه يشوف
هاي ســــاعات التثبت غيرتك
✍️الشاعره ام عدنان سياحي
◾️◾️◾️◾️◾️◾️◾️
گوم شد احــزام عمك وانصره
لا تخلي العــده تگطع خنصره
ياسبع مانجبت المثلك مــــره
ولعد هـــذا اليوم امك جابتك
✍️الشاعره شيماء ام نور
◾️◾️◾️◾️◾️◾️◾️
من تروح النصر بيدك عجـــله
يابــطل النه الوسام اتســجله
والفخر بيـك يايمــه انحصــله
وبني هاشم والاملاك الحيتك
✍🏻الشاعره ام عباس الحسینی
◾️◾️◾️◾️◾️◾️◾️
ياضــــــوه عيناي يبن الغانمه
هذه يومك بالشـدد والموزمه
ابرز وخلي ســـــماهم مظلمه
اريد مثل اهلك يجاسم هدتك
✍️ الشاعره كلثوم الساعدي
◾️◾️◾️◾️◾️◾️◾️
گوم یاابنی الشـهم یـبن الحسن
لا تخلی عمـــك ابگلبه الحزن لجل دیـن النبی هالعاف الوطن
انهض وادري الشجاعه شیمتک
✍️الشا عره ام محمد کعبی
◾️◾️◾️◾️◾️◾️◾️
للملاحم خوضها يبن الحبيب
وانصره العمك ابايام الصعيب
روّي هاي الگاع بالدم الخضيب
لجل نصرحسين امـك رادتك
✍️الشاعره ام البنين
◾️◾️◾️◾️◾️◾️◾️
تمت بعون
تجليبه للعباس ع عن لسان زينب س
تشكي حالها لامير المؤمنين ع
✿≍❅❅•ـ⋖◦•✿✿◦•⋗ـ•❅❅≍✿
صاحت ياعلي الحگ طاح ورادي
عگبه امشي سبيـــه ويه المعادي
ريتك تنظر الحالي
ابغربه وماالي والي
ومـايهابــون قــربي لنبي الهادي
✿≍❅❅•ـ⋖◦•✿✿◦•⋗ـ•❅❅≍✿
مايهابــون قـربــي ومـــايرحموني
وعبـاس الشفـيه خيـــب اظنـوني
نام اعلی الشريعه وعايف اظعوني
مايـدري الــعــده عگبـــه يچتفوني
تســعر بالحشاجمره
گلبي شنهو اليصبره
نايم كافلي ومايدري اشسادي
✍*الشاعره ام عدنان سياحي*
✿≍❅❅•ـ⋖◦•✿✿◦•⋗ـ•❅❅≍✿
علي وينك ياحامـي الحمه والجار
تعال اوشوف حالي والعليه اشصار
من اجدامي الراســـــي تشب النار
صفيت اوحيده بالطف مالــي نغار
احسين اعله الثره نايم
والعشاطي گمر هاشــم
وانوب افگدت ويه اخوتي اولادي
*✍️الشاعر فالح العامري*
✿≍❅❅•ـ⋖◦•✿✿◦•⋗ـ•❅❅≍✿
يريتك لوتجي واتشوفني ابحيره
وكفيلي عله النهر عباس ابو الغيره
گلي اشلون اعوفه مصيبتي اچبيره
اروح اویه الغرب من ديرة الديره
حــرت یابویه ابأمري
ماادري شنو اليجري
وماادري شگولن لو اجه الحادي
✍🏻الشاعره ام عباس الحسيني
✿≍❅❅•ـ⋖◦•✿✿◦•⋗ـ•❅❅≍✿
وينك ياعـلي ماتسمع اصياحي
ريـت اتمـر عليه بالسم اجراحي
من عگب ابوالغيره زايد انياحي
ذبل يابو الحسن بغصانه قداحي
عگب ابنك الصنديد
كــل العـتب ميـفـيد
ظلينه حــريم انصيح وانــّادي
✍️الشاعره ام محمد الکعبی
✿≍❅❅•ـ⋖◦•✿✿◦•⋗ـ•❅❅≍✿
ظلينه حــريــم ومــا بقــه احد
والكافل طريح اعله الثره امدد
وانا اعلی الهزل امچتفـه اصعد
ياحيدر عليـــه يزمــخ المُرتـــد
ميهابــونــــه الاشرار
شبوها ابخيمنه النار
وعباس الشفيه ظــل بلايـادي
✍️الشاعره ام البنين
✿≍❅❅•ـ⋖◦•✿✿◦•⋗ـ•❅❅≍✿
ياحيدر علــــي گوم انغر اعليه
تعال اوشوفني وصّيتمن بيـــه
چفيلي عالنهـر والعين مطفيه
وانه اخلاف عينه صرت مسبيه
گوم من الغري واحظر
غريبه وللســـبي مگدر
طــر الگبر بويه واحظر الوادي
✍️الشاعره شيماء ام نور
✿≍❅❅•ـ⋖◦•✿✿◦•⋗ـ•❅❅≍✿
تمت وبعون الله
لسلن حال الشاعر
الچلمه ونص
مستفعلن مفعولات
▪️▪️▪️▪️▪️▪️▪️
اتــــودع زينــب والیـــها
بعــــده شــــــيمر اعليـــها
▪️▪️▪️▪️▪️▪️▪️
بعـــــده ليـلــــیــه متــنــام
وحيـــرانه اضــل بالايتـام
وشـــلون ابطبــت الـــشام
والعيــــلـه مـــن يحمـــيها
✍🏻الشاعره ام عباس الحسیني
▪️▪️▪️▪️▪️▪️▪️
محتـــــــاره اخـته بالنسوان
حـــــرگو عليــــــــها الصوان
فزعــت عليــــــــــها العدوان
حیــــــف الشـــــــمر يسبـيها
*✍️الشاعر فالح العامري*
▪️▪️▪️▪️▪️▪️▪️
ظلــت بعـــــده ابحيـــره
وتــنادي يابـــوا الغيــــره
حرمــــه وتروح ايسيــره
خـلافــه العــدو يمشـــيها
✍️الشــاعره ام البنيــن
▪️▪️▪️▪️▪️▪️▪️
غريبه ووســــــط شمات
واليــسر ضيـــم وآهــــات
وحدتهن بســـوط اتبــات
والحــــادي يشـــتم بيـــها
✍️الشاعره شيماء ام نور
▪️▪️▪️▪️▪️▪️▪️
ابـهيـمه وبــراري الحـــره
تــنـدب ابــأســـم الــــدّره
وحيــدر ابـــوها اتــذكــره
اتـريـد الــذي ايــداريـــها
✍️الشاعره ام عدنان سياحي
▪️▪️▪️▪️▪️▪️▪️
اتروح ابیــسر ويه اجناب
كافلــــــــه امتوسد اتراب
گلب الصبر منـــــها انعاب
ودمعــة زينــب تجریــها
✍️الشاعره ام عباس الحسيني
▪️▪️▪️▪️▪️▪️▪️
تمت والحمد لله
نصاري في حق العليله س
نصاري
★ ★ ★ ★ ★ ★ ★ ★ ★
وحدي بالنزل والنوح سهمي
واعدني ابعلي والحيد عمي
✶✶✶✶✶✶✶✶
افراگ اهلي وخوتي صبح چتال
مــاجـــونـي ولا دزولــي مرسال
عــافـــوني هلي والـــدمع همال
والــــدنيه علــيه اسهـــام ترمي
✍الشاعره ام عدنان سياحي
★ ★ ★ ★ ★ ★ ★ ★
اگعدت عالباب واتنطر يجونـي
ونه عالدرب تربي اعيونــــــــي
طال السفر يمتــــــــه يذكروني
زادت لوعتي اوكثر همـــــــــــي
*✍️الشاعر فالح العامري*
★ ★ ★ ★
من شالوا هلي ماظن يردون
أيسي يلعليله واكطعي الظنون
اون بالدار والدمعه بالعيون
يطارش بالعجل وصل سلامي
✍️الشاعره ام حسين رنا
★ ★ ★ ★ ★ ★ ★ ★
خذت دنياي مني اغلى الاحباب
اهل گلبي جفوني وعيني عالباب
على هونچ اوياي وخفّي الصواب
بكيفچ طشري برويحتي ولِمّـــي
✍️الشاعره شيماء ام نور
★ ★ ★ ★ ★ ★
عيني اعله الدرب ضلت ربيه
يه ويلي دارهم ضلمه وخليه
شِلٓي ابدنيتي كون المنيه
مادام الولي لا ماهو يمي
✍️الشاعره ام محمد الكعبي
★ ★ ★ ★ ★ ★ ★ ★
زادت حسرتي والگلب معطوب
اوگف عالدرب انطر المحبوب
ماجاني خبر وحيات يعــقـــوب
گلبي منفطر وعيــوني تدمي
✍️الشاعره ام البنين
★ ★ ★ ★ ★
تمت وبعون الله
في حق مسلم ابن عقيل ع
وزن دارمي
عن لسان الطفله حميده
►✺┅●✥⚫✥●┅✺◄
يالرحت عني ابعيد يمــته تمرني
يالشوفتك چن عيد بـويه تسرني
►✺┅●✥⚫✥●┅✺◄
للكوفه بــامــر حسين ابن الزچيه
رحـت وصعب فرگاك تــدري عليه
طالت الغيبه اهناك چنـــها المنيـه
وسفه الدهر ميــــال عنك شمرني
✍*الشاعره ام عدنان سياحي*
►✺┅●✥⚫✥●┅✺◄
اشگد يبويه اتناك وترد اليـــــــــه
اعليــه بعد عيناك وحشه الثنيـــه
من غيبتك لليـوم ادموعي جريـه
من رجعتك للـدار انگطـــــع ضني
*✍️الشاعر فالح العامري*
►✺┅●✥⚫✥●┅✺◄
بويـه صعب فــــــــــــرگاك مابيه حيله
بَعـــدك يبعـــــد الـــــروح روحي نحيله
خــوفي اهــــل كـوفان اتيتم العيله
گلبي صبح مفجوع بس رحت عنی
✍🏻الشاعره ام عباس الحسيني
►✺┅●✥⚫✥●┅✺◄
يالخذت روحي ويـــاك بُعدك هضيمه
تدري الابــــــــو مريود لبنيته خيمه
خلافك يضـــــي العين اصبح يتيمه
چلمـــــة البويه حيف تنگطع مني
✍️الشاعره شيماء ام
►✺┅●✥⚫✥●┅✺◄
بشر یبویه الحید ترجع البیتک لو بعد منک خاف تفرغ ثنیتک یمکن بارض کوفان گربت منیتک وآنه الدهر یابوی طگنی وهضمنی. ✍️ام محمد الکعبی
►✺┅●✥⚫✥●┅✺◄
ظل الكلب مطرور يجذب الونه
من مسلم الريسان انگطع ظنه
نگعد سوه هيهات يلتم شملنه
اتحمل اللوعات من زغر سني
✍🏻الشاعره ام حسين رنا
►✺┅●✥⚫✥●┅
تمت وبعون الله
شجاعة مسلم ع
ميمر ~~
مسلم شجاعه الي ورث من عمه
اشحده فارس لوتگرب یمــــه
◾️◾️◾️◾️◾️◾️◾️
الكوفـه تشهدله بگت جيــــل الجيل
هذا ابن اخــــــــو الكرار راواها الويل
ابروس الزلم سيفــــــــه يرتل ترتيل
فن الحرب اشما كثــــــــر ميهمه
*✍️الشاعر فالح العامري*
◾️◾️◾️◾️◾️◾️◾️
حيا الله مســــــــــلم من دخل للكوفه
لاهاب خيـــــــــل ولازلم مصفوفه
حيّرهـــــــــه شجعان الحرب بجفوفه
التاريخ يشــــــهد صدح يومه وعُظمه
✍🏻 الشاعره ام حسين رنا
◾️◾️◾️◾️◾️◾️◾️
مسلم سفير حــسين هذا المغوار
صاحـــب عقیـده مایهاب الاشرار
ضـحـه لجــــل هالدیـن چــنّه الکرار
نال الشـــفاعه وتشــــهدله الامّه
✍🏻الشاعره ام عباس الحسیني
◾️◾️◾️◾️◾️◾️◾️
يوم الصرخ بالكوفه صــــارت رهبه
والزلــــــم طشت من وجوده ابرعبه
چن حيدرا ومنـــــه الهـزيمه صعبه
لان الفنــــون الحـــرب اهوا امعلمه
✍️الشاعره ام عدنان سياحي
◾️◾️◾️◾️◾️◾️◾️
مســـــلم بطل وارث شجاعة حيدر.
لمن نزل بالمعـــــــركه چالمحشر
سيفه حصـــــد للروس بيها وطشر
الحق اصاله ويسري دوم ابدمه
✍️الشاعره ام البنين
◾️◾️◾️◾️◾️◾️◾️◾️
بیر الحقد گــــــــــــوم الکفر حفروله
اوحید السبع بالغدر مـــــــن داروله
الوحده خـــــاض ولعب بيهم جوله
و مثل الأســــد ماشاف بیهم زلمه
✍️الشاعره ام محمد الکعبی
◾️◾️◾️◾️◾️◾️◾️◾️
مثل الاســـــد فرّاس من طب الهم
چالبرق سيفه نــــــــزل بيهم كلهم
طشرهم ومـــــــــــا خلّه من ايلمهم
ربك سِماه اورفــــــــــــع بيه الهمّه
✍️الشاعره شيماء ام نور
◾️◾️◾️◾️◾️◾️◾️◾️
تمت بعون الله
طوعه والعهد ع
احسناوي
~~~~
خلي انقارن ابديرت الكوفه
ياهو انتبعه. اوياهو انعوفه
◾️◾️◾️◾️◾️◾️◾️
طوعـــه موقفها للشرف جامـــــع
وحنه واجبنـــه المن انتابـــــــــع
للنصر مسلـــــم واعنـــــه ايدافع
الشيعي اطباعه لمن ايبايـــــــــــع
ايضحي ابدمــه هاي معروفـــــه
*✍️الشاعر فالح العامري*
◾️◾️◾️◾️◾️◾️◾️
طوعـه للاسلام والــوفـه قدوه
قصه بالـدارين خالـــده وتروه
چــن علـم تبقه للنسا مـنــوه
بايعت باخلاص واعتنت عنــوه
لازم الشيـعـي يحســــم اظروفه
✍الشاعره ام عدنان سياحي
◾️◾️◾️◾️◾️◾️◾️
منها نتعلــــم ناخــــــذ العبره
ندحــــر الظالم منّه نتبــــــرّه
نحمي اهل البيت نعلن النصر ه
طوعه كلنا نصير درع للعتـــره
الخلص ليهم باچــــر انشوفه
✍️الشاعره شيماء ام نور
◾️◾️◾️◾️◾️◾️◾️
طوعه بالكوفه. آوت المســلم
احسـانها انذكره عنها نتكلـــم
نمشي ابخطها. منهــــــا نتعلم
احملنه فكرتها نــرفض الظالم
درس انطتـنه. وندخل اصفوفه
✍🏻الشاعره ام عباس الحسیني
◾️◾️◾️◾️◾️◾️◾️
طوعـه بالكوفه بمسلم اتفاخر
اتضحي ابدمها لجله واتناصـر
صانت اعهوده لخاطره تجابـر
عملت الاشــرار تعمي النواضر
مسلم المهيوب چبده ملهوفه
✍️الشاعره ام البنين
◾️◾️◾️◾️◾️◾️◾️
اه يالكــــوفه ديـــرة عجايب
المثل طوعــه تسوه الف شارب
وفّــــت البيعه طلعت اتحارب
عون الك كلنه الشاب والشايب
گامــت اتنصره ابدمعـه مذروفه
✍️الشاعره ام كرار النجفي
◾️◾️◾️◾️◾️◾️◾️
تمت بعون الله
حوار في وداع الحسين ع عن لسان السيده زينب س
وزن بحر طويل
►✺┅●✥⚫✥●┅✺◄
نادت بت علي ياحسين
خويه ادخيل باصرني
باچر لو يطر فجره
هم تدري شنو ايمرني
►✺┅●✥⚫✥●┅✺◄
خـويــه ادخـيــل يـبـن امـي
ضاع الفــــكر ويــــــه الراي
بــــاچـــر لوصبحنه اشـلون
ماشوفــك يبـــعد اچــــلاي
لو هجمــت عليــنه الخـــيل
تــكــــثـــــر ياولـــي بلــواي
چن ادري الصبـــح لــــو صار
اهـــل الـــرده اتجــر جــرنـي
✍*الشاعره ام عدنان سياحي*
►✺┅●✥⚫✥●┅✺◄
خويه اشلون ابــــــو السجاد
لون مـــــر الصــــــبح بینـه
گــــلي شنـــــهي الـچـــــاره
حـــــرم منـهــــو الیباریــنه
وابــدرب اليــــسر يحــسين
ادري الشـــمر يــحــــــديـنه
وعالغـبــــره تــظـــل مرمـي
وهـــذا الـــــــي يحـــيـــرني
✍🏻الشاعره ام عباس الحسیني
►✺┅●✥⚫✥●┅✺◄
یبن امــــی د ســـولفلی
باچر مــن یـصـیر اغروب
ارکــض بالــبراری اشـلون
ابچی والگلب مـــــرعوب
وممتحنه ابجمع نـســوان
اتعـثـــر وگـــوم الــنـوب
یکتـبها الــزمــان اشلون
مــدری والدهر فــــرنی
الشاعره ام محمد الکعبی
►✺┅●✥⚫✥●┅✺◄
گــال الـها يبعــد الروح
هيّجتي عليــــــه اجراح
ادري اتضيعي مــن بعـدي
خويــه ويعتليــج انيــاح
وچفيلچ عالنهر مرمــــي
وبعينه سهم مـــن طاح
وتصيــــري الكفيله انتي
وانه الترب غامــــــرني
✍️الشاعره ام البنين
►✺┅●✥⚫✥●┅✺◄
لا خيـمـه تظـــل عندي
وحيده وبالمعاره اطوف
باجـــر يامصيبه تهـــون
خويه وداعتك مااشـوف
اصيح حســـين ياعباس
وانتوا اموذرين اســـيوف
اكعــــدوا شوفوا اخيتكم
منـــو منكم يبــاصـرني
✍🏻 الشاعره ام حسين رنا
►✺┅●✥⚫✥●┅✺◄
حاچيني يبعد الــــــــروح
ششوفن مـن بعـــد عينك
باچر مـن بجيني الليــــــل
ماانــــدل يخــــــي وينك
اضل اجمع حـــرم واطفال
وجثث مـــــــا بيني وبينك
واشوفك خويه مــن ابعيد
ولن حــــــــــالك يدمرني
✍️الشاعره شيماء ام نور
►✺┅●✥⚫✥●┅✺
تمت وبعون الله
: اتگول زينب س
في ماجره عگب يوم عاشر
عگب خدري ودلالي بالخلي ظليت
من جور الزمان الخان بهل البيت
خلاني غريبه وعلهزل صعديت
(وذباح احسين ايماشيني)
✍️ام عدنان سياحي
ايضاً عن لسان عقيلة بني هاشم س
ظهري منحني والحيل تم مهدوم
من شفت الشمر حداي ظعني اليوم
وفوگ اسنان رافع هامت المظلوم
(متشمت بيه وبحوالي)
✍️ام عدنان سياحي
ايضاً لسان الحره س
احـا يـالدنيّه اشكثر خـوانــه
خذتني امچتفه يم ابن مرجانه
وانا بت علي المعروف عنوانه
(وايعرفونه جدي المختار )
✍️ام عدنان سياحي
لحضور السيده الزهراء في المجالس
بالمجلس اويانه حاضره الزهره
وتلطم علشهيد الرضرضو صدره
✺✵•┈┈•ـ(✺❉✺)•┈┈•✵✺
تلطم علشهيد وتــنـدب اوليدي
يالطامه ارجــه بــالـرثه عيــــدي
بالچن بالحچي لحسيني اتزيدي
تدريني عبرتي ابصدري متكسره
✺✵•┈┈•ـ(✺❉✺)•┈┈•✵✺
متكسره عـــبرتي ومنحني ضلعي
جرح احسين صاير بالگلب يسعي
عينيني ابنعـــاوي خـل يهــل دمعي
بالچن ارفع امن ام عون چم حسره
✺✵•┈┈•ـ(✺❉✺)•┈┈•✵✺
اوياچ وللمجالس كلها اتعنــــه
وابعيني اشوف التبچي ابـــونه
واسمچ بالسجل عندي اسجلنه
باچر بالحشر واعلی الصراط اقره
✺✵•┈┈•ـ(✺❉✺)•┈┈•✵✺
علي ونـتــچ والطمـــه شديـها
وايدچ علصدر بالطـمــه ضبيها
كل موتاچ دون احسيني انسيها
واتذكري جسمه الظل علی الغبره
✺✵•┈┈•ـ(✺❉✺)•┈┈•✵✺
بعد اتـــذكري زينـــب ومحنتــهه
الدنيه حاربتها وخسرت اخــوتهه
لجل الشيعه تمشي اعلی مسيرتهه
صـارت قدوه للي بــــالاصل درّه
✺✵•┈┈•ـ(✺❉✺)•┈┈•✵✺
اخـــذي هـلوصيه وبـيها احتفظي
حجابچ ثم حجابچ مني الچ وعظي
ولاتگوليـــن عـــادي ينسمـع لفظي
لان حتی كلامچ بي شبه عوره
✺✵•┈┈•ـ(✺❉✺)•┈┈•✵✺
تمت وبعون الله وبقلمي المتواضع ام عدنان سياحي ونسالكم الدعا🙏🙏تختص القناة بالرثاء الحسينی
1نعي والابوذیات
2لطميات
3هوسات
بلاطوار مختلفه
اهدی عملی للامام الحجه روحی له
الفداء
/channel/ALMOLAUEOMADNAN
ALMOLAUEOMADNAN
زينب س والامام زين العابدين ع في دفن الاجساد الطاهره
بحر طويل
✯✯✯✯✯✯✯✯
اشهل غيبه ينور العين
ياذخري أوورث اخوي احسين
عمه اخبرني شنهو الصار
غايب عني طــــول انهار
تدري بعد عيب احمل
وگلبي منفطر نصين
✯✯✯✯✯✯✯✯
گلبي انفطر صار اضعيف
مااحمل جديده اجروح
عمــه اخبرني لو لحظه
عـن عيني تريد اتروح
بس انته ذخر لحسين
و تشيل القلــم والّــوح
نسل الهاشمي المذخور
مهما الدنيه بينه اتدور
بس انته ولزوم اتعيش
بعد اهلك يانشمي وزين
✍️الشاعره ام عدنان سياحي
✯✯✯✯✯✯✯✯✯✯
يعمــه انهدم حيلي
من الطف اوهوالــــــــه
وحگ خدرج وحگ عينج
اريد اشرح الج الحالــــــه
اشوفن بيج ابوي احسين
وكل اخلاقه وافعالــــــــه
يعمــــــه باليسر يمچ
ماعوفج وحگ جدچ
تگله والنعم منك انته يانسل طيبين
*✍️الشاعر فالح العامري*
✯✯✯✯✯✯✯✯
ناداها ابگلب دامي
وعليها منشغل باله .
گال الها غبت عنج
دفنت الحيد. ورجاله
شفت حسين عالغبره
وجمعت عمه اوصاله
ابحر الظهر والميدان.
مرمي ظل على التربان.
حــزو مـــن گفا راسه.
وچبده منشطر. شطرين
✍️الشاعره ام. البنين
✯✯✯✯✯✯✯✯✯
يعمه ياعلي وذخري
اريــدنك تصبرني
على خوتي دمع هامي
فلا تبــعد تـألمـني
مصايب حارگه گلبي
وانتـه يسـرتـي ويمـني
اريـــدنه العمـــــــر يمــك
وهمــي حمـله وي هـــمك
يعمــه يابعـد عيـني
وغيـرك مـاالـي امعــين
✍🏻الشاعره ام عباس الحسيني
✯✯✯✯✯✯✯✯✯
شحچيلچ يعمه الحيد لمّن شفته عالغبــره
بيدي لملمت جسمه وضليت انحب ابعبـره
وخليت الرضيع اوياه
متوسد على صــــدره
غده المنحر على المنحر
عبد الله وابـــــــو الاكبر
يعمه اوصية الغالــي
ينجمعن سوه النحرين
✍️الشاعره شيماء ام نور
✯✯✯✯✯✯✯✯✯
يعمه ماخذتني وياك
اشوف ابن امي اودعنه
وكتبله عهد بالدم
المشوار انه اكملنه
ابكل موقف انه تصدر
ويزيد وفكره افضحنه
منار وثوره علظلام
دمه علصدور وسام
يبقى حسين للاجيال
عبره وعبره طول سنين
✍️ الشاعره ام محمد الساري
✯✯✯✯✯✯✯
🕊قناة مسلم بن عقيل ع🕊
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
باشراف الاستاذ الشاعر فالح العامري
تحتوي القناة على كلما يكتب في رابطةمسلم بن عقيل من لطميات+ابوذيات نعي +فزاعيات+دارميات
هدفنا خدمتكم
نسالكم الدعا
*مستهل وزن الحدي
*وينك يبن عقد الـولـه*
*باجر سبيه ابكربلــــه*
🟰🟰🟰🟰🟰🟰
وانا الاجيت ابهيبتــــــي
من المدينه ويخوتـــــي
تاليـها تنزل ادمعتــــــي
ويـاخذني بعدك حرمـله*
✍️الشاعـرة ام مهـدي العيـداني
◾️◾️◾️◾️◾️◾️◾️◾️
باجـــــر اروح اويالعــده
وي ناس كلــــه حاقــده
اوعفت الحيود امسـهده
اومجفنه ابذاري الفلـــه
*✍️الشاعر فالح العامري*
◾️◾️◾️◾️◾️◾️◾️◾️
عـفت الحيود اعـــله الـثره
يــاوسـفـه ظلـو بـالـــعـره
وسـط الـبـراري امطـشــره
وروحــي عليهــم معــوله
✍️الشاعره ام عدنان سياحي
◾️◾️◾️◾️◾️◾️◾️◾️
امشي ســــبيه.اويه الغرب
عدوان مـابيهـم مـحـــب
موقـــف عَلَي كلش صعب
ومـكلفـه انــــــه بـعايـلـه
✍️ الشاعره كلثوم الساعدي
◾️◾️◾️◾️◾️◾️◾️◾️
اشــــلون ارد ابـــــلا كـــفل
وعلی النــــهر عفتـه النــفل
والـــــــحزن منــــي مايــفل
روحـي علی ضعنـك ناحــــله
✍🏻الشاعره ام عباس الحسیني
◾️◾️◾️◾️◾️◾️◾️◾️
اتلفت ایســــــار و یمیــن. لایمی الاکبرلاحســـــــین. والســـاقی عالرمله طعین واشلون من خــدری انوَله.
✍️الشاعره ام محمد الکعبی
◾️◾️◾️◾️◾️◾️◾️◾️
وينــك يـسبع الگنطـــره
انهض وشوف الى جـــره
اختك خذوها اميســــره
والعـين منـي هـامــــله
✍️الشاعره ام البنين
◾️◾️◾️◾️◾️◾️◾️◾️
انهض اوردنــــي للــــــوطن
مااحتمل جــــــور الزمــــــن
صعبه عليـــــه هالمحــــــن
والدمعه ضلت ســــــــــايله
✍️الشاعره شيماء ام نور
◾️◾️◾️◾️◾️◾️◾️◾️
تمت وبعون الله
لطميه وزن فائزي لسان حال مولاتي زينب عليها السلام ليله الحادي عشر
┈┉┅━━❀❀━━┉┉┈
مانامت الليل ..مانامت الليل..عيون اخيتك ماغفت لانامت الليل
بين المداليل ...بين المداليل ..كلساعه لن ضايع طفل من المداليل
*•──≪᯽≫──•*
يحسين خويه مانمت سهرانه عيني
كلساعه اشوطن وانهضم واحبس ونيني
وينج ييمه فاطمه دتلاحگيني
حماي الدخيل...حماي الدخيل
خل يجيني بالعجل حماي الدخيل
*✍🏻أم عبـــــد اللـــــــه العـــــابدي*
*•──≪᯽≫──•*
يابويه بلله وياك جيب امي الزچيه
وآنه مره وبوحدي وماكوا تچيه
بلكي تساعدني على الونه الخفيه
شو تسحگ الخيل ؛؛شوتسحگ الخيل
وتشوف صدره ابوعلي هلداسته الخيل
ب✍️ام علي المالكي
*•──≪᯽≫──•*
سهرانه عيني ياولي وروحي حزينه
وگلبي من اصدن علرمح يكثر ونينه
اتمنيت امي ام الحسن اتمـر علينه
دمعي دمه ايسيل....دمعي دمه ايسيل
من عگب اخوتي اهل الشيم دمعي دمه ايسيل
✍️ام عدنان سياحي
*•──≪᯽≫──•*
دمعي دمه يسيل وصحت وينك يعباس
اختك يخويه بلا حمه وبولية الناس
يلي تحس بحالتي يالكلك احساس
وياي العليل ..وياي العليل
وعندي يتامه محيره ووياي العليل
*✍🏻أم عبـــــد اللـــــــه العـــــابدي*
*•──≪᯽≫──•*
ماكوا كفيل اليحرس الخيمات وياي
ياخويه حرگوها الخيم ماعندي حماي
چاوين سبع الگنطره يطفيها بالماي
اورايح الحيل ؛؛اورايح الحيل
بس يمي السجاد منَّه رايح الحيل
ب✍️ام علي المالكي
*•──≪᯽≫──•*
عگبك يبو الغيره الغرب تحدي ابظعنه
مايدري ابو الحمله علي امطشر شملنه
ونمشي سبايه علهزل ونيـام اهلنـــه
ويه الهوا انميل ... ويه الهوا انميل
امچتفات اعلی الهزل ويه الهوا انميل
✍️ام عدنان سياحي
*•──≪᯽≫──•*
*تمت القصيده بـعون الله تعالى وبـأقلام*
*شاعرات اهل البیت عليـهم السلام في*
*رابطة القلوب النقية*
*لانجيـز حذف الأسماء* ✋
🙏🏻 *نسالـكم الدعـاء*
/channel/poiukjhhggfffffff
نعی مجاريد في حق القاسم ابن الحسن ع عن لسان رمله
🔳🔳🔳🔳
اتگول ام الولد👇👇👇
ردتك تشيل الحمل عــني
وتالي يجاسم زاد ونــــي
تبريت ليش ابســـاع مني
عيني عــلی ادروبــك ربيه
عمري خلص وارجه المنيه
يـمتـه ييـمه اتــرد علـيـــه
✍️الشاعره ام عدنان سياحي
🔳🔳🔳🔳
رتك ييمــه الجــــور الايام
ماحسبت يـــوليـدي تنـام
كلساع كلبي بشوگه اوهام
هــام الگلب ويـريد ملگاك
تدريني ماارهـــم بليــــاك
تدري شسوه بيـــه فرگاك
✍️ الشاعره كلثوم الساعدي
🔳🔳🔳🔳
يالي خذيت العين والحيل
اوداعتـــك مـــانـــام باليل
اذكرك ييمه ودمعي ايسيل
انعـــه واحـــن اليل ونهار
چانون يلهـــب والگلب نار
ياولد نايــم والــــرمل حار
✍️الشاعره ام محمد کعبی
🔳🔳🔳🔳
يايمه ماحســــــبتك اتروح
وعليك گليبي صبـح مجروح
وليــل ونهـــاريخلص بالنوح
اگعد ييمه وشـــــوف حالي
ماغمـــضت طــــول الیـالي
یابعــد عـــزي وكـــل دلالي
✍🏻الشاعره ام عباس الحسيني
🔳🔳🔳🔳🔳
جاسم عليك الگلب مفجوع
بدمعي بعد طفيــت لشموع
شفتك عله التربان مصروع
اتمنه ابــد لا طــال عمـري
بعدك ييمـــه نفـــذ صبــري
وعليك دمعي ادموم يجري
✍️الشاعره ام البنين
🔳🔳🔳🔳
ماحسبت ماتــــــــــرد ليـــه
وعيـــــني على جيتك ربيـــــه
ضيعتك انه وهــــــــــاي هيه
ياحيف يبــــــني اللحد ضمك
وياك اخذنـــي يبعد امــــــك
اتمــــــدد ابطولك واشمّـــك
✍️الشاعره شيماء ام نور
🔳🔳🔳🔳🔳
تمت وبعون الله
نصار للقاسم ابن الحسن ع
لسان حال رمله
▁▂▃▄▅❈◐❃❂❃◑❈▅▄▃▂▁
ضـيعــت الولـــد والحــيـــل ويا
عمــري مـــا اريـــدنـــه بـــلايـــا
ايالولد يبني //ايالولد يبني2
▁▂▃▄▅❈◐❃❂❃◑❈▅▄▃▂▁
يــانــار الـــولــد حـرگـت دليلي
واگل للعين مــن دم لبني سيلي
من شال الولد هــدملــي حيلي
مــاتــهنـــه ابعــمر لاشاف دنـيا
ايالولد يبني //ايالولد يبني 2
✍الشاعره ام عدنان سياحي
▁▂▃▄▅❈◐❃❂❃◑❈▅▄▃▂▁
جنت احسب حساب انه الكبرته
كل مصباح لوليدي شبرتــــــــــه
يلمني جاسم الكبري نطرتــــــــه
تــالــي ابكـربـله گربـــت منـــايا
ايالولد يبني ايالولد يبني2
*✍️الشاعر فالح العامري*
▁▂▃▄▅❈◐❃❂❃◑❈▅▄▃▂▁
يـا نار الــولد يلـحركت حشاي
حرمتني حيـاتي و نضر عيناي
يـــانــاس الولد كثرلي ابجاي
وسفـه ضيعيـت حلو السجايا
ايالولد يبني //ايالولد يبني 2
✍️الشاعره كلثوم الساعدي
▁▂▃▄▅❈◐❃❂❃◑❈▅▄▃▂▁
ردت الولـــــد لو مالت الدنيه
گلت الكبرتي ووكٌــــت المنيه
الوحيّـد افراگه اشسوه بيــــه
ابد منسـه ضحكته ولاحچـــايا
✍️الشاعره شيماء ام نور
▁▂▃▄▅❈◐❃❂❃◑❈▅▄▃▂▁
ردتــه ايشيل عنــي حمل الايام
وچنت احلم ابعرسه طول الاعوام
تــالــي يــاوسف شوبــاشه السهام
وامـعفــره ابــدم صــارت ثنــايــا
ايالولد يبني ايالولد يبني 2
✍️الشاعره ام عدنان سياحي
▁▂▃▄▅❈◐❃❂❃◑❈▅▄▃▂▁
من طاح الحمل دلالي امچيد
وكلبي ابفركته مايكدر ايهيد
ولومرو شباب دموعي اتزيد
على وليدي المشه للحرب مايا
ايالولد يبني ايالولد يبني2
✍️الشاعره كلثوم الساعدي
▁▂▃▄▅❈◐❃❂❃◑❈▅▄▃▂▁
تمت وبعون الله
نصاري في حق ابوفاضل ع
عن لسان السيده زينب س
✿≍❅❅•ـ⋖◦•✿✿◦•⋗ـ•❅❅≍✿
فــوگ العلگمي نــام ابـــو الغيره
مچتوفـــه رحــت عگبــه اسيره
✿≍❅❅•ـ⋖◦•✿✿◦•⋗ـ•❅❅≍✿
نــايــم مـــادره روحــــي نحيله
وخــدري نـهبــتـه اهـــل الرذيله
دمــعي مــن دمـــه علـخد اسيله
عظيـمـه امصيبتي كلـش چبـيره
✍ام عدنان سياحي
✿≍❅❅•ـ⋖◦•✿✿◦•⋗ـ•❅❅≍✿
مصيبه مصيبتي من كافلي طاح
شت العگـــل مني والشمل راح
يخويه راح اخلص العمــر بنياح
كفيله اصبحت بعده ومستحيره
✍️الشاعره شيماء ام نور
✿≍❅❅•ـ⋖◦•✿✿◦•⋗ـ•❅❅≍✿
ير يت يعود لينه حامي العيال
وينشف الدمع من عيني همال
هـــذي غيبتك لامــوعــلى البال
و ضعني سار من ديره لديره
✍️ الشاعره كلثوم الساعدي
✿≍❅❅•ـ⋖◦•✿✿◦•⋗ـ•❅❅≍✿
بعد عينك ياخويه اشلون بيه
مشونـي الـعـده عـگبــك سبيه
رحت عنك غصب گید ابأديــه
وجهـي بالغــرب المــن اديره
✍🏻الشاعره ام عباس الحسيني
✿≍❅❅•ـ⋖◦•✿✿◦•⋗ـ•❅❅≍✿
نايــم مــادره وسفه ابــو فاضل.
خذوني ميسره والــدمــع سايل
وظـلت بس حرم مــن غيركافل
يريت ايعود لــي شيخ العشيره
✍️الشاعره ام البنين
✿≍❅❅•ـ⋖◦•✿✿◦•⋗ـ•❅❅≍✿
رحت تالي وتركتك على الغبره
وطول الدرب عيني الك تبــره
درب اليسر آهات اعله حسره
خذونـي امچتفه واني الاميره
✍️الشاعره شيماء ام نور
✿≍❅❅•ـ⋖◦•✿✿◦•⋗ـ•❅❅≍✿
تمت وبعون الله
الحره تشكى حالها ومالاقت بدرب السبي عند وصولها الي قبور قتلاها
الوزن ميمر~~~~
رديت خويه من السفر وي عليل
واطفال تمشي من القدم دمها يسيل
◾️◾️◾️◾️◾️◾️◾️◾️◾️
رديت خويه ودمعتي بعيوني
انهض يبو فاضل وشوف امتوني
بدرب السبي ياخويه ما رحموني
عگب الأخو عباس شفت انه الويل
✍️الشاعره ام البنين.
◾️◾️◾️◾️◾️◾️◾️◾️◾️
من اليسر ردينـــــــــه للطف اليوم
اتلگه الحرم يحسين من گبرك گوم
ونشف دمعها الي يكت دوم ادموم
جتك يواليــــها ركد منـــــها الحيل
*✍️الشاعر فالح العامري*
◾️◾️◾️◾️◾️◾️◾️◾️◾️
الويل شفته عگبـك وگلبي انعاب
يـــوم العفتــــكم عالثـــره ياليطياب
ياريت ميته وماشفت هيج امصاب
وگبالـي الســـــجاد گيده ابزنجيل
✍🏻الشاعره ام عباس الحسيني
◾️◾️◾️◾️◾️◾️◾️◾️◾️
انظــر عــلی السجاد مرمر حالي
وشوفــته تــجـرح فتتت دلالي
امگيــد وينـحب علهــزل ينعالي
صرت ابرزيه وانته داستك خيل
✍️الشاعره ام عدنان سياحي
◾️◾️◾️◾️◾️◾️◾️◾️◾️
خيل العده لمن الصدرك داست
وضلوعك اه يحسين كلها انعابت
الدفن الاخو شلون الاخت ماراحت
اوصالك الترفات بيديها اتشيل
✍️الشاعره شيماء ام نور
◾️◾️◾️◾️◾️◾️◾️◾️◾️
جاتك ياواليها تهل الدمعات
مرة عليها ايام صعبه ومرات
هيهات تنسه هالمصايب هيهات
ياريت عميه ولا شفت لمجاتيل
✍️الشاعره ام البنين
◾️◾️◾️◾️◾️◾️◾️◾️◾️
تمت بعون الله
زينب ع تنعى الهلال
وزن خدري الچاي خدري
مفاعيلن مفاعيل
مفاعيلن فعولن
▪️▪️▪️▪️▪️▪️▪️▪️
نعت زينب الهلال من شــــافته الليــــــله
ذكرت ذبــــح الاخوان ذكــرت ســـــبي العيله
▪️▪️▪️▪️▪️▪️▪️▪️
بچت والگلب مكسور والونـــــــه خفيــــــــه
هلال الكدر من جيت جبت ويــــــاك اذيــــــه
بعده الجــــرح ماطاب ومعــــاود عليـــــــه
تره مالي بعــد حيل لا دمـــــع الاهيـــــــله
✍️ شيماء ام نور
◾️◾️◾️◾️◾️◾️◾️◾️
ارحم بيــــها ارجوك يهلال المصـــايب
من البـــــــاب تدري منها الگلب ذايب
منــــــها بعد شتريد لافيــــها ابنوايب
تاخذه ابسبي اشلون مو هاي العقيلــه
*✍️الشاعر فالح العامري*
◾️◾️◾️◾️◾️◾️◾️◾️
يهلال المصـــايـــب نادت لا تجيني
طلتك بيـــها الهمـــوم وتكثــر ونيني
عزوتي اتضيع واهلي وتضيع سنيني
وابقه طول عمــــري مالــومه ونحيله
✍*الشاعره ام عدنان سياحي*
◾️◾️◾️◾️◾️◾️◾️◾️
حزينه وزادهااحزان. من شافتك يهلال
گلبها بيك مفجوع دمعها دمه همال
بيك الهم والمصاب. وتشتت العيال
ليلةعاشر اتصير. مهضومه الجليله
✍🏻الشاعره ام عباس الحسيني
◾️◾️◾️◾️◾️◾️◾️◾️
زينب هلت ادموع ياشهر النوايب
شافت ذبح الاخوان واهلها والصحايب
مصيبه تهدلجبال وتخلي الراس شايب
تظل حيرانه يهلال وياهو التشتكيله
✍️الشاعره ام البنين
◾️◾️◾️◾️◾️◾️◾️◾️
((ابوذيه))
الزمن جار اعله بت حيدر تلفها
تمشــــي ايسيره والدنيه تلفها
وين الغيرتــــــــــــــه رایه تلفها
ظل اعلـــــــــه النهر جثه رميه
✍️الشاعره شيماء ام نور
◾️◾️◾️◾️◾️◾️◾️◾️
تمت بعون الله
قصيده في حق العليله بنت الحسين ع وزن هجري
❥❥ـــــــــــــ❁❂❁ـــــــــــــ❥❥
ياهلي صعبه عليه من وصل وكت الوداع
كلها ركبت بالهـوادج وانا وي روحي ابصراع
عيني تنظر علمحامل
والسفر للنســا شامل
لٰكن انا لازم ابقه بالنزل واحمل وجـــاع
❥❥ـــــــــــــ❁❂❁ـــــــــــــ❥❥
لازم ابقه بالمنـازل وانتظــر رجعـت عـلي
ابقي امرني الشفيه وصعبه يا فرگت هلي
وحشه ظلت دور اخوتي والصده ينده الي
دمعي علخد دمه سايل
علولي من صبـح شايل
روحي محزونه الغيابه والخبر بالديره شاع
✍*الشاعره ام عدنان سياحي*
❥❥ـــــــــــــ❁❂❁ـــــــــــــ❥❥
اظل متوشحه ابمصابي والدمــع اتوسده
خذني يابويه ابضعنكم الهجر چبدي يمرده
سفرتك ادري طويله گلبي الله ايساعده
اعيوني تشبح عالدرب
والدمع منــــهن يصب
والعمربعدك يغالي ظنتي يخلص بانفجاع
✍*الشاعر فالح العامري*
❥❥ـــــــــــــ❁❂❁ـــــــــــــ❥❥
بويه عايفني وحيده وماخذ وياك الحرم
وانا ابقى بالمنازل حايره وگلبى نلچم
يمته يرجع لي اخويه وحامل ابايده علم
والدمع عالخد هامل
ظلمه ابعيني المنازل
ينادي جيتج يالعليله وانصدم لن حلمي ضاع
✍️الشاعره ام البنين
❥❥ـــــــــــــ❁❂❁ـــــــــــــ❥❥
حمل اضعون الغوالي وچنه ناوي عالغياب
بهالسفر كلبي يشلعه واصبح ابأعظم مصاب
فرگتك يابويه صعبه وشوفتك تصبح سراب
من يسل بويه عالحال
لو ثكل حملي لو مــال
لااشوفك لا اسمعك وافتگد سامي الطباع
✍🏻الشاعره ام حسين رنا
❥❥ـــــــــــــ❁❂❁ـــــــــــــ❥❥
حملوا كــل الضعينه والفكر يرسم خيم
انحب ودمعتي تجري وحيلي من يمي انهدم
اتخيلت ابقى وحيــــده وگلبي بالغربه يهم
والهواجس بيـه زادت
المدامع سلوى صارت
يالابو ناديت اخذني گلــبي من تفكيري لاع
✍️الشاعره شيماء ام نور
❥❥ـــــــــــــ❁❂❁ـــــــــــــ❥❥
رحتو بويه وانه وحدي ابگه اناطر عالدرب
موحشه داري عليه ومن دمه دمعي يصب
لاخبر منكم اجاني يهلي فرگاكم صعب
زادت اجروحــــي واون
وماغمض لحضه الجفن
يالعفتني چالسفينه منكسر منها الشراع
✍🏻١لشاعره ام عباس الحسيني
❥❥ـــــــــــــ❁❂❁ـــــــــــــ❥❥تمت بعون الله
لطميه لسان حال فاطمه العليه بنت الحسين ع
بحر طويل
فراق الاحبه
✾✾✾✾✾✾✾✾✾
ظلمه وموحشه الديران
عگـــب احسيـــن راعيها
بيــن اضلوعـــي النيران
مــاتطـــفیٰ واطفـيــــها
✾✾✾✾✾✾✾✾✾✾
مــاتطــفیٰ وســـريـــه دوم
للشـال و خـــذه اعـــيــــاله
تلهب بــالــگــلـــب والــروح
ومـنـهـا العــيــن هـمــالـــــه
متعنــي الشفـــيـــه المــوت
وانـــــا حــــالــتــي حــالــه
وحـــدي بــــالنــــزل ظليت
روحـــي مـــــن يــــواسيها
✍*الشاعره ام عدنان سياحي*
✾✾✾✾✾✾✾✾✾✾✾
بعد عینـك يبـــو اليــمه
بگیت انعه وجـــر اونيــن
مشيت وچـــن بلا رجعـه
تره گلبـــي نجسـم نصین
بگت وحشه عليــــه الدار
یریته لـو خذاني البيـــــن
فـلا تهـــده عـلیك الــروح
علیلــه ومـــن یداویـــــها
✍🏻الشاعره ام عباس الحسیني
✾✾✾✾✾✾✾✾
شـايـــل والگلـب خلصان
كلــساعه تــمــوت الـروح
وابــداري تــهــل الـعــيــن
اعد واحسب الها اجروح
مــــره الــطـــم وانـــعــی
ومره اگـضيها بس ابـنوح
ويـــن اهلي يشـــوفــوني
العليلــه اشصـــاير اعلـيها
✍️الشاعره ام محمد كعبي
✾✾✾✾✾✾✾✾✾
لاهـــو يــــوم لا يومين
انطــرهم هلي يرجعون
شايــل يـــاعمود البيت
خليـــت الكلب محزون
افراكك والمـرض هدني
نحيله ورايحـــه العيون
حــزينه فاطمه بحــيره
ومــاواحــــد يـبــاريـها
✍🏻الشاعره ام حسين رنا
✾✾✾✾✾✾✾
روحــي مــن يـصـــبــرها.
علــه فــراگــك يبعد اهلي
مــن شــلـتو وعــفــتـونـي.
خـلـــيــتـو الگــلب يـغـلـي
اخــــذتـــو مـنــي عبـدالله
وگلـــت لــــي بــالنزل ظلي
ظــلــت بـالـگــلــب حـسره
ومـــــاتــهـــده بـواچـــيـها
✍️الشاعره ام البنين
✾✾✾✾✾✾✾✾✾
صفيت الوحّــدي بالدار
مــاواحــد بـعــد عندي
كل اهـلي ابعــدوا عنـي
خلّــونـي بحـزن وحـدي
مــاحسّبــت فـــرگـتــهـم
صعبــــــه وبــالگلب تـدّي
هم غــربه ومـرض وافراك
چـا روحــي شــلي بيــها
✍️الشاعره شيماء ام نور
✾✾✾✾✾✾✾✾✾
تمت وبعون الله
الوزن الفائزي
مستفعلن مستفعلن مستفعلاتن
♾️♾️♾️♾️♾️♾️♾️
للصادق بحسره نون من شبت النار
اذكرنه باب ام الحسن وي حركة الدار
▪️▪️▪️▪️▪️▪️▪️▪️
هاليـوم بالحسره نون والنار نارين
نار الزجيـــه اموجره ماطفت للحين
محزونــه كلها شيعته والدمع بالعين
يومه كلف ذخر الاسدو الگلب محتار
✍🏻الشاعره ام حسين رنا
◼️◼️◼️◼️◼️
ليلـــةحزن عالصـــادقِ شبـــل الزچيـه
نلتم یشیــعه الليـلــه وننصــب عزیــه
اشـعظم المصيبه المـرت اعلی الجعفريه
فوك السجن مسموم وابــأيدين الشرار
✍🏻الشاعره ام عباس الحسيني
◼️◼️◼️◼️◼️
محزونه كلها وتنتحب لاعظم مصيبه
شايل امام الرافضي ابمــــوته رهيبه
وبنت النبي لجله تــهل دمعه سچيبه
وانهدمت اركان العلم من نسل الابرار
✍️الشاعره ام عدنان سياحي
◼️◼️◼️◼️◼️
هاليوم ننصب ماتمك والدمع غدران
نواسي بمصابك للنبي سيـــد الاكوان
محزون گلبه وينتحب والگلب نيران
السمِ فتت چبدته و ابفعل كفار
✍️الشاعره ام البنين
◼️◼️◼️◼️◼️
ننصب مآتــــم بالگلب ننحــب ابونّه
للصادق ايلوگ العـزه يـــابعــد اهلنه
نتذكر اويــــــــــاه الزچيه ام المحنّه
نعلن حداد اعله الملأ والدمــع مدرار
✍️الشاعره شيماء ام نور
◼️◼️◼️◼️◼️
یذکر مصابه کل محب والکل حزینه. حتی الشوارع محزنه بارض المدینه فراگـــک یبوالکاظم بعـد طوََل علینه. تبچی علیک اهل الدراسه بالسده وصار.
✍️الشاعره ام محمد الکعبی
◼️◼️◼️◼️◼️
تمت وبعون الله
القصيده لمولاتنا زينب ع
وزن الخدري
مفاعيلن مفاعيل مفاعيلن فعولن
وينك صاحت بصوت ياكفّـــال خدري
سبايا رحنه هاليوم. ياعـــــباس تدري
▪️▪️▪️▪️▪️▪️▪️▪️▪️
زينب صاحت بصوت والونـــه خفيه
خويه يبو فاضل گـــــوم انغر عليه
بگينه حرم واطفال مـــاعدنه تچيه
يريت الصاب عيناك صــوبني بصدري
✍🏻 ام حسين رنــــــا
◾◾◾◾◾◾◾◾
باصرنـــــي يعباس يردونــــي سبيـــــه
لفيف الحــرم وياي تولينــــه اميــــــــه
وآخذ خويه للشام مسبيــــــــه رقيه
ادفنها ابخرابــــــــه الكم شنهو عذري
*✍️الشاعر فالح العامري*
◾️◾️◾️◾️◾️◾️◾️◾️
يخويه بعــــد عيناك ظلينــه بالونين
من عدكم خذونه ويه عداك ماشين
گلبي موجر بنــــــار ومگيده الچفين
تتصارخ الايتـــام ومتحيــره بامري
✍🏻الشاعره ام عباس الحسيني
◾️◾️◾️◾️◾️◾️◾️◾️
انهض يبو فاضل شــــــوف الجره والصار
روعوا كل الاطفال شبّـــــوا بالخيـــم نار
سبايا كلنا للشام مشينه ويـــــه كفار.
طول الدرب انخاك و دمع العين يجري
✍️الشاعره ام البنين
◾️◾️◾️◾️◾️◾️◾️◾️
هضم گلبي والونين عالراحــوا من ايدي
يريت انطفن عيناي وگطعــولي وريدي
اداري بحرم واطفال واگل للروح هيدي
صرت احلم تردون والكم افدي عمري
✍️الشاعره شيماء ام نور
◾️◾️◾️◾️◾️◾️◾️◾️
وینك یـبــوفاضل دلالـــــــی تمـــرّد
یسیره ابّین عدوان عگبك مالی احــــــد
وين اهلي والخوان عليه تجــي تنشد
بعد مدري ششوفن وضيـــم
الوكت يسري
✍️الشاعره ام محمد الکعبی
◾️◾️◾️◾️◾️◾️◾️◾️
تمت بعون الله
الحره تشكى حالها ومالاقت بدرب السبي عند وصولها الي قبور قتلاها
الوزن ميمر~~~~
رديت خويه من السفر وي عليل
واطفال تمشي من القدم دمها يسيل
◾️◾️◾️◾️◾️◾️◾️◾️◾️
رديت خويه ودمعتي بعيوني
انهض يبو فاضل وشوف امتوني
بدرب السبي ياخويه ما رحموني
عگب الأخو عباس شفت انه الويل
✍️الشاعره ام البنين.
◾️◾️◾️◾️◾️◾️◾️◾️◾️
من اليسر ردينـــــــــه للطف اليوم
اتلگه الحرم يحسين من گبرك گوم
ونشف دمعها الي يكت دوم ادموم
جتك يواليــــها ركد منـــــها الحيل
*✍️الشاعر فالح العامري*
◾️◾️◾️◾️◾️◾️◾️◾️◾️
الويل شفته عگبـك وگلبي انعاب
يـــوم العفتــــكم عالثـــره ياليطياب
ياريت ميته وماشفت هيج امصاب
وگبالـي الســـــجاد گيده ابزنجيل
✍🏻الشاعره ام عباس الحسيني
◾️◾️◾️◾️◾️◾️◾️◾️◾️
انظــر عــلی السجاد مرمر حالي
وشوفــته تــجـرح فتتت دلالي
امگيــد وينـحب علهــزل ينعالي
صرت ابرزيه وانته داستك خيل
✍️الشاعره ام عدنان سياحي
◾️◾️◾️◾️◾️◾️◾️◾️◾️
خيل العده لمن الصدرك داست
وضلوعك اه يحسين كلها انعابت
الدفن الاخو شلون الاخت ماراحت
اوصالك الترفات بيديها اتشيل
✍️الشاعره شيماء ام نور
◾️◾️◾️◾️◾️◾️◾️◾️◾️
جاتك ياواليها تهل الدمعات
مرة عليها ايام صعبه ومرات
هيهات تنسه هالمصايب هيهات
ياريت عميه ولا شفت لمجاتيل
✍️الشاعره ام البنين
◾️◾️◾️◾️◾️◾️◾️◾️◾️
تمت بعون الله