الرادود/ علي لفته خضير
15 October 2026 12:13
حرمه وتقود المسيره
بت علي زينب اميره
يا زينب يا زينب
شفت اخوتي اعله الثره ولا مابجيت
بوجهه كل ظالم رحت انه وحجيت
قربتن لله من شافوا وفيت
ابد ماطخيت راسي من نسبيت
من كمر عباس اخذتي
غيره وخلاص وصبرتي
يازينب يازينب
£££££
انه اخت عباس زينب بت علي
مايهمني شما حجه كل عاذلي
الراس مادنكه وحكك كافلي
رتاح ياخويه ونه جدي النبي
حرمه وتقود ابحرمها
بدال عباس الكفلها
يازينب يازينب
&&&&&
من دخلتي للقصر دخلت رجال
ماتهمه الريح ادري انه الجبال
انت زينب بت علي بت الدلال
يلي محد شافج انت بس الخيال
للسنين انطت درسها
من مشت حره بيسرها
يازينب يازينب
^^^^^
كال بتمن هاي ايزيد النذل
هاي اخت عباس البل طف كفل
لخله ماي المشرعه دم الفحل
الخله جيشك بالصحاري ينسحل
حره ماتهمها الاعادي
ومجتفه اثنين الايادي
يازينب يازينب
€€€€€
انتي حره وشايله ابيدج فقار
اتهابج القاده وطواغيت الكبار
كله بيدج صاير اهناك القرار
هيبه عندج والكفر رادت فرار
اللسانج ايعادل بواتر
هدمت اعروش لجبابر
يازينب. يازينب
الشاعر حسين عبد الحريشاوي
Читать полностью…
الرادود/ علي لفته خضير
09 October 2026 00:37
مقدمة عزاء ...
يافاطمه يم الحسن ... ادركيني
يافاطمه يم الحسن ... ادركيني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اطلب من الله طلب ... وقدمت وي طلبتي
بجاهج العالي ردت ... الله يقضي حاجتي
انتي باب الله الجبير ... وبيج ينجاب الدعاء
الدمع سولفلج بعد ... اواضحه كل قصتي
يافاطمه يم الحسن ... اعينيني
يافاطمه يم الحسن ... ادركيني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الج عد الله شأن ... وياعُظم شأنج نشوف
انتي أمنه ابكل وكت ... وكلبج اعلينه عطوف
ماكو يمج كل صعب ... والده واحنه الخدم
الليله نرفعها بدعاء ... ابابج اتلوذ الجفوف
يافاطمه يم الحسن ... كري عيني
يافاطمه يم الحسن ... ادركيني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماكو واحد بالعزاء ... الليلة ماعنده طلب
اكو المتعبه المرض ... واكو من الدنيا تعب
واكو اعظم مشكلات ... واكو الماالهن حلول
الليله احلفج بالرسول ... نريد تكضين الصعب
يافاطمه يم الحسن ... انظريني
يافاطمه يم الحسن ... ادركيني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من على هاي المنابر ... اسمعنه اعظم معجزات
الطلب منج فزعه والله ... ابفرح كلبه بساعه بات
رغم هاي أوضاع دنيه ... وشده وتروح وتزول
لجن نطلب بعد أكثر ... بالحشر ردنه النجاة
يافاطمه يم الحسن ... لاتتركيني
يافاطمه يم الحسن ... ادركيني
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وعدنا اعظم من مطالب ... هاي دنيتنه التعج
ابجاهج وجاه ال بيتج ... يعجل الله النه الفرج
عدنا يم حسين غايب ... اهواي مشتاكين اله
ردنه نحظى بشوفه منه ... المهدي خاتم هالحجج
يافاطمه يم الحسن ... لاترديني
يافاطمه يم الحسن ... ادركيني
✍️عباس محمد الحميداوي
١٤٤٨.٢٠٢٦ شهادة الزهراء عليها السلام
Читать полностью…
الرادود/ علي لفته خضير
25 September 2026 17:35
(تجليبة كربلائيه او موشح لشهادة الزهراء ١٤٤٨)
هاي فاطم يالتريد اخبارها
مات ابوها واجو حركو دارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بعد ماغمضت اعيون الهادي لن
بوجه فاطم سطرة الظالم ترن
سمّعوها احجاية الفاطم وأن
وخلو ابكلب الزجية آثارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وبعد دفع الباب واسقاط الجنين
رجع ليها بسوطه ياناس اللعين
وطلع حقد الجان ياعالم دفين
على الزهره حاقد وكرارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اتناسو الكاله رسول المرحمه
يرضي الله الجان يرضي فاطمه
شلون خلو هاالصدر ينزف دمَه
وتون ضلت ليلها اويه انهارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليش طلعت وره حيدر ياترى
وهيه منها ضلوع ويلي مكسره
عن وليها دافعت رغم الجرى
رغم كثر العدو وقله انصارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
رجعت وحيدر وياها ردته
وخدها عن حيدر يوادم ضمته
النفس يوجع لون فاطم شهكته
وعلى حيدر تخفي دمع انظارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
وحين ماتت واجه حيدر للغسل
وشاف كسر الضلع واسياط النذل
شافته فضه ينوح ومعتزل
ونشدته ياعلي العين اشمارها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلها من غلست فاطم بالدمع
مرت اجفوفي على كسر الضلع
آه يافضه انه بذاكه الوضع
ردت اموت وروحي تلهب نارها
✍️عباس محمد الحميداوي
١٤٤٨.٢٠٢٦ شهادة الزهراء عليها السلام
Читать полностью…
الرادود/ علي لفته خضير
23 September 2026 11:06
قصيده لأستشهاد فاطمة الزهراء (ع)
يم الحسن من نفترك.. دنيه تصبح مره
مدري حلم مدري صدك.. راحت منيدي الزهره
يم الحسن آه يم الحسن آه
....
ليله مو اي ليله جنها ليلة وداع وحزن
كون اموتن خاطر ارتاح ولا بم الحسن
ليله خلص نصف عمري والباقي ويالجفن
ليله مو ذاك علي تعرفونه بيله شجره بلا غصن
ليله علي تغير من شاف المنظر
راد ينهظ لجن عل نهظ ما يكدر
حيرني ظلعج يم حسن.. مابيه حيل الفركه
انه علي مو الاولي .. والناس صاحت حگه
يم الحسن آه
...
حركو الباب رادت حجاب زهره رادت سترها
والنذل جان يدفع الباب حيل وخلص عمرها
ليش هذا محسن طاح وليش مكسور ضلعها
فوك هذا الضيم كله ليش النذر سطرها
شوف المصيبه قصتها عجيبه
الله يساعده ينسمع نحيبه
أبو الصبر رايد صبر.. نفذ وي الزهره
هذا علي هل منفجع.. يمج خلص عمره
يم الحسن آه
..
حتى جبريل اليله يبجي وتعنه على الباب
طفه ناره كعد ينعه على هذا المصاب
شنو دافع تهجم وتحرك شنو الاسباب
ليش تجمع تضحك تصيح حركو الحطاب
لو مو وصيتك ما حركو بيتك
ما خليت يصير هذا ببنيتك
هذا محسن عل أرض.. شوفي عينه حمره
هذا بسمار وهذا الغدر.. أخذ محسن عمره
يم الحسن آه
......
هذا بسمار بهذا وظعج مرت ايديه عل ظلع
هسه تهدم حيلي يمج انه ابو الصبر انفجع
هسه فضه تبجي تدعي عليج كلبها انشلع
كلساع تشوف الباب ترجع وهيه تشبع دمع
صحتي سنديني فضه عينيني
جيبيلي حجابي عوفي سطرت عيني
همشي الستر يم الستر.. هيجي كالت حره
من وره الباب الظلع .. رادت سترها الزهره
يم الحسن آه
....
يمج اجو ولدج كالو جا وين امنه فاطمه
فضه رادت تصبر ولدج راحو الحماي الحمه
بويه الحك امنه راحت سافرة شمس المسيه
رحت اركض انه الثجيل اعثر وكومن شويه
شفتج شلون عميه العيون
حالج هذا متغيره الون
اثر سطره بعيج تره .. بجت حتى السمه
طاحت ايدي يم حسن... من شلت فاطمه
يم الحسن آه
.......
✍️علي لفته خضير
Читать полностью…
الرادود/ علي لفته خضير
08 September 2026 10:15
نَحرُكَ أمْ قُرآنٌ كَبّرْ
***
يا مَنْ بِدُعائِكَ مُنشَغِلُ وَ لِربِّ العِـــــزَّةِ مُبتَهِلُ
آياتٌ في قَتلِكَ قَتَلــــــــوا
يَومَ قَضيتَ قَطيعَ المَنحرْ
***
بِوَلائِكَ كَمْ كُنتَ شَديدا طِبتَ فَقيداً طِبتَ شَهيدا
في الإثنَينِ تَراكَ سعيدا
وَبِحَشرِكَ شيعيٌّ تُحشَرْ
***
بِرَسولِ اللهِ وَبالعــتره فُزتَ بِذالكَ يومَ الحَسره
مَنْ قُتِلَ على اللهِ أجره
والشّافِعُ في المَحشَرِ حَيدرْ
شيعيٌّ أسَــــــــــديٌّ تابعْ
في حُبِّ أبي حَسَنٍ قاطعْ
وَلِخالِقِهِ عَبدٌ خاشـــعْ جَهبَذُ أهلِ العلمِ تَصَدّرْ
***
فَوقَ شِفارِ السَّيفِ تَلَوتَ
آياتُ النّصـــرِ و لا هِبتَ
للموتِ بِعَــزمٍ أقدَمتَ وَهَدَمتَ عُروشاً لا تُقهَرْ
***
نَزِفَتْ بِدمائِكَ أوداجُ
أغَرَقَ سَيلُها كَمْ حَجّاجُ
وَمَسَتْ لِجَنانِكَ مِعراجُ للفِردَوسِ تَراها مَعبَر
الشاعر ابو سجاد الجعفري ***
Читать полностью…
الرادود/ علي لفته خضير
08 September 2026 10:15
سعيد وبالسّعاده عُمرك اختمته
وأمرك للجليل الباري سلّمته
***
قانون الشّهاده بدمّه خطّه حسين
برض الغاضريّه وصُحبته السّبعين
نشيد الفاتحين شما تمر سنين
ملحمة الخلود حسين ملحمته
***
نهجك ياذبيح انشودة الأحرار
صار وهالتّشوفه أنصار تتله أنصار
بدماها الشّريفه اتروّت الأشفار
وهنياله البنهجك كتب خاتمته
حي الحي سعيد وصوتك الهادر
من ماضي الشّهاده مترجم الحاضر
من حسين امامك من ثرى العاشر
درب التّضحيه والعز تعلّمته
***
لا خفت المنايّه ولا ثناك الموت
لا هبت الرّجس لا ظُلم كل طاغوت
صوت الحق طلقته ولا خَرس هالصّوت
ونحرك للذّبح بيديك قدّمته
***
مثل حسين راسك رتّل الآيات
برمح الموت عالي ولا ركع هيهات
مو انته المتت حجّاج عصرك مات
وعرشه بنزف دمّك والله هدّمته
***
سعيد ابن الجُبير وهذي منزلتك
ملاذ الكل موالي وكل مُحب گُبتك
حظيت بفخر دنيا وفوز آخرتك
وبدم الشّهاده النّحر وسّمته
***
الشّاعر
أبو سجّاد الجعفري
Читать полностью…
الرادود/ علي لفته خضير
21 August 2026 18:44
(ميمر ١٤٤٨ لشهادة الامام الحسن العسكري )
لو ينذبح لو مسموم يخلص عمر اولادي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
أنا الزجيه الخلصو اولادي اجتول
بين الذبيح الداتسه عشر اخيول
وبين الذي مسموم والموت ينول
وكل يوم كلبي ملجوم ومصيوبه وسط افادي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
من الحسن حين التكطع جبده
بذاكه اللبن مسموم من جف جعده
واليوم ابني العكسري أمسى بشده
والعسكري الليلة يلوج اوينج ييمه ينادي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليلة حزني أعلى الامام اشكبره
اشلون اشوفه اشلون انعى بكتره
والد المهدي الليلة يخلص عمره
والليلة كل دمعي يسيل لمصيبة أبن الهادي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليلة الي بسامره صوت انياحه
الليلة روحي ماتشوف الراحه
ريته يطول الليل ادري اصباحه
يرحل أمام من الكون وملجوم جرحي الصادي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
لاجن رغم كل هالمصيبه العظمى
مابكى املسّب بالحر ابلا هدمه
منفصل راسه بالذبح عن جسمه
ولانسوته شافن شام ولاشمر بيهن حادي
✍️عباس محمد الحميداوي
١٤٤٨.٢٠٢٦ شهادة الامام الحسن العسكري عليه السلام
Читать полностью…
الرادود/ علي لفته خضير
09 August 2026 11:03
واويلا واويلا زينب هيج تعبانه
واويلا واويلا ضيم السير خلانه
.....
زينب انه يمحمد محد دره بحالي
انه ذبحو اخوتها غالي وره غالي
ضعنه اليسر منهوب خويه سوده اليالي
انه وراس حسين رأسه برمح عالي
صحنه حسين صحنه حسين الحادي وين ودانه
واويلا واويلا ضيم السير خلانه
...
متغيره زينب شلون هاي مو مثل حالتها
انه صعدت على التل ركضت تحشم اخوتها
جيتك لا ولد. عندي ولا اخوان لحمايتها
وينب تره تعبانه من الشام لوعتها
صحنه احا صحنه احا ياخويه بضيم جابانه
واويلا واويلا ضيم السير خلانه
....
جيتك والظعن مسلوب كلشي اختلف يومه
جيتك خويه مدري شلون انه ميته بل حومه
اهناك عفت اخوي حسين الشمس غيرت ارسومه
عاري بلا ثياب اهناك مغسل بفيض ادمومه
احا يمحمد احا خلانه نون خلانه
واويلا واويلا ضيم السير خلانه
...
جيتك متغيره اهواي ظعن اليسر منهوب
تيهنه الحادي اهناك ضاعت عليه الدروب
من طبينه ياخويه السوك تذكرته اهناك مسلوب
طلعن من فجر اليوم وصنالك بل اغروب
رقيه رقيه ماكو رقيه ويانه
واويلا واويلا ضيم السير خلانه
..
اليوم اريد اشكي اهموم عن ضيم اليسر ولوعه
شفت شلون يمحمد انه من الظيم مفجوعه
انه السمعت اخوه حسين ميت بس سمعت نوحه
شفت النحور احا كدامي مذبوحه
صحنه بصوت صحنه بصوت هذا الحادي إذانه
واويلا واويلا ضيم السير خلانه
...
✍️ علي لفته خضير
Читать полностью…
الرادود/ علي لفته خضير
27 July 2026 13:13
الك مال
اجيت اركض للنهر .. الك مال
شفت مهشم الراس.. الك مال
مو للولد ظهري.. الك مال
لمن عفتك بل غاضريه
✍️علي لفته خضير
Читать полностью…
الرادود/ علي لفته خضير
22 July 2026 01:25
(١٤٤٨ لشهادة الامام الحسن عليه السلام )
عليك المفترض دمعاتي التجري
صح مسموم بس ماينكطع نحري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يحسين الحسن أنه ومصابي يهون
بس امصيبتك ماتنوصف وشلون
شلون اكبال اختنه براسك يهوسون
وصدرك ينسحك وآنه سلم صدري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سلم صدري ودمي بطشت كدامي
كل هذا لجن يبن امي يالضامي
شيجيب الاام جسمك خويه للأامي
وزينب ياجرح تشد بيك ماتدري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تشد ياجرح ماتدري حكها أم عون
يلمن كل كتر يبن النبي مطعون
يالوجهك ابكل ساعه ايتغير لون
تضل مطروح وانه انزل بكبري؟
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
انه انزل بكبري والحزن ينقام
وتضل ببيوت عزها عايشه الأيتام
بس ايتامك يودونهم للشام
ماينقاس صبرك خويه وي صبري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماعندي يتيمه بالحبل تنجر
ولافاكد ولد مثل ابنك الاكبر
ولاجسمي ابحصيره ينلم من البر
امرك يبو اليمه اعظم امن أمري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اموتن زين اليه والسبي ماشوف
زينب خويه زينب رايحة شتشوف
يتلكون اختنه ابضرب كوم ادفوف
فرحانين جتلوك انته ياذخري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
خويه الله واكبر من ترد اردود
وتجيب الروس اختنه وجايبه الزنود
يوم الأربعين ابحين اختنه تعود
شراح اتكول يم كبرك الأخت مدري
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تجي زينب غريبه وتنعى كافلها
وتكله كوم خويه الفركه محملها
وترد لرض المدينه وحين توصلها
تنادي ريت راح اوي اخوتي عمري
✍️عباس محمد الحميداوي ١٤٤٨.٢٠٢٦
صفر الخير شهادة الامام الحسن عليه السلام
Читать полностью…
الرادود/ علي لفته خضير
08 July 2026 09:33
طاح جبير الساده على الارض نام
خله احسين اخيه لوحد وراح الاحزام
وخاف على اخته زينب اليله تنضام
كتله عباس أريد أوديك للخيم
وكال يا بعد روحي ويا عضيدي
اريد اوديك للخيم انه شبيدي
يا بعد هوه روحي ويا بعد ريتي
واكول يا روحي بسج من ونين هيدي
✍️علي لفته
Читать полностью…
الرادود/ علي لفته خضير
01 July 2026 10:18
(( #تريد_الصدگ_هذا_الصدگ ))
……………………………………………………………
تريد الصدگ . هذا الصدگ . يبنادم
زينب نصر . تنثر خدر . عالعالَم
هي الصدگ . هي الصدگ
…………………………………………………………
مايلي انطيك نبذه عن حروف ابهالاسم
( الزاي ) يعني الزود عدها اقوه من كوكب زلم
( الياء ) ياقوته و تعادل گمر و الشمس و نجم
( النون ) نصر الساده هي وابن هند المنهزم
( الباء ) يعني البطله المعروفه
خورستها الشام وي الكوفه
هذا الاسم .. لوحة عزم .. محلاها
شجرة ثمر .. رب البشر .. سمّاها
هي الصدگ . هي الصدگ
..………………………………………………………
حرب ما بين العبايه و بين سوط العد شمر
طاحت ايده وخسر سوطه و متن زينب منتصر
المثل گال و على الساحر ينگلب تالي السحر
عود رادوها سبيه وصفت قائد باليسر
لبوه و اتلعثم ابن مرجانه
انخطف وجه وما تعرف الوانه
ابچفها أومأت .. كل اسكتت . مخروسه
جفها انبرى .. جنّه العصا . العد موسه
هي الصدگ . هي الصدگ
..…………………………………………………………
الظاهر اعل الهزل ركبت لچن مو هذا الحصل
كوكب المريخ هودج والجمل كوكب زحل
ولون من هودجها تنزل ينحي الها الجيل
وخاف ظلمه الگمر هاجر بيد بت حيدر نزل
ولون عطشت شنهو الـ يروّيها
الفرات و دجله ركضن ليها
شمس و بدر . كله ابأمر . بت فاطم
نور وضوه . والها الهوه . الكل خادم
هي الصدگ . هي الصدگ
………………………………………………………..
امبراطور الحكومه ايزيد گاعد عالعرش
رجف كله اگبال زينب حتى هدبات الرمش
وزراء وقاده ظلت بيهم اتلم و تطش
السگف و الارضيه كلها القصر خوفاً يرتعش
هي بت السيفه عاده اگرابه
وهمّه ولد إلّي نزعها اثيابه
مو بالبچي .. ابقوة حچي . صگّاره
تشبه علي .. وهد الولي . ابفقاره
هي الصدگ . هي الصدگ
…………………………………………………………
شوف يا سبحانه ربك والوضع كيف انقلب
گبل كعدت بالخرابه وهسه گبه امن الذهب
فوگ روس الي سبوها علم لم عون انصب
يل رميتوا احجار هسه ياهو بالتالي إلـ غلب
هسه بالليل و نصد الحاله
الشام ظلمه و گبتج تتلاله
گبه ولوه .. اتوزع ضوه . ابكل ليله
للحگ مثل .. بيها الجبل . شد حيله
هي الصدگ . هي الصدگ
…………………………………………………………
ايها الجولاني اسمع ارد انصحنك تره
گبل جدك كاد كيده و ما گدر هاي المره
خاف منعيت الزياره الحور تنزل زائره
انتوا عاگول الصحاري وهي شجره المثمره
مريم العذره تجي تنعاها
وموكب ايسوي المسيح احذاها
باجر يجي .. ابن النبي . مهدينه
ثار الحجر .. ثار النحر . لحسينه
هي الصدگ . هي الصدگ
…………………………………………………………
✍️ ( سيد خضر الزاملي )
Читать полностью…
الرادود/ علي لفته خضير
04 June 2026 18:43
رايح. . . . كلبي يوجعني عليك
رايح. . . .فدوه اروح لجفيك
رايح. . . . امشي الزهره عليك
رايح
. . . . . .
خويه من وصلته. . . بعلي حلفته
تبده عباس الكمر مدري الماي
كتله بعد روحي يا دوه جروحي
اكعد وحاجيني فدوه يوفاي
عمري. . . تبده من شفتك
عمري. . . وخيل ساحكتك
عمري. . . اجيت اعتب عليك
رايح
. .
شفت السهم بعينه. . . شفت جفينه
وكلت خل ادور بلكت بساع
شلتا بيدي طاح. . . عباسي راح
شلته وتطشر حيل بل كاع
خويه. . كالها وما عادها
خويه. . هاي الجمله رايده
خويه. . . شوفي وصلتلك
.رايح
. . . . .
نام اخيي عل نهر. . وانه ظهري نكسر
اكله اكعد عباس وحجي وياي
كتله امشي للخيم. . . حلفني بذاك العلم
مستحي جي ما جاب الماي
روحي. . كال وخليني اهنا
روحي. . خويه ضل وياه
روحي. . فدوه يدي يديك
رايح
. . . . . .
كتله عباس وما رد. . . خويه جبدي نمرد
اصيح بصوت ويمي اعداي
حاولة اشيله ونهطر. . . احس كلبي نفطر
كتله كوم خويه وعوف الماي
كالي. . . حسين وين تريدني
كالي. .خويه لا تاخذ بيدي
كالي. . بسكينه شبيدي
رايح
. . . .
Читать полностью…
الرادود/ علي لفته خضير
15 May 2026 16:38
(تجيبلة + موشح ١٤٤٧ شهادة الجواد)
صوت ناعي صاح رج كل البلاد
راح ياشيعة علي الليلة الجواد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
الليلة ابو الهادي يلوج ابونته
ونار سم احشاه كلبه مردته
ماتقل شائناَ يشيعه امصيبته
عن مصاب اجداده اسياد العباد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يلي تسئل ليش سمو هل الامام
شلون يهوى النور اليحب الظلام
من جهل واحقاد حكام الأنام
المفترض من علمه هيه التستفاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ليش هم عطشان مات بيا سبب ؟
وجسمه ضل بلسطح ذابل ياعجب
نسئل التاريخ عن هاي شكتب
جان صايم والجسم بالونه باد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
المالها بالدنيه فضل ام الفضل
ابهل الجريمة قامت باأمر النذل
وعن بني العباس موعجبه الفعل
من يسمون بحقد أهل الامجاد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
التهظم اكثر والتخلي الكلب نار
بعز شبابه رحل تاسع هل الانوار
ودار بهل البيت هذا الوكت دار
وتالي راح ابيا عمر باب المراد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ماسكت ناعي الرزايا لهل الوكت
ولحد هذا اليوم دمعتنه تكت
كلوب هاي الشيعة للمهدي شكت
امن المغيب اظهر تره طال البعاد
✍️عباس محمد الحميداوي
١٤٤٧.٢٠٢٦ شهادة الامام الجواد عليه السلام
Читать полностью…
الرادود/ علي لفته خضير
11 May 2026 17:08
📜 القصيدة: سولفي
🖋 كلمات: علي لفته خضير
سولفي. . . . . اني ام الرواي
سولفي. . . . مقصر عباس اهواي
سولفي. . . . خاف ما شربج ماي
سولفي
. . . . . . . . .
لا يم عباس رفعت راس. . ابنج هيبه
وفيتي الدين وكل الدين. كلج طيبه
ما قصر عباس والعباس. خيال النيبه
اربع زلم وديتي. . . والنعم من ربيتي
انتي راي وراي. . . اني ام الرواي
. . . . .
ولدي فدوه. انتي قدوه. . لربع شبان
ما يشرب ماي. يم الراوي. عطشان
كلشي يهون. لعين ام عون. لعيون التعبان
يم الفرات وهيبه. . عباس اهل النيبه
شسوه بعداي . . . اني ام الرواي
. . . . . .
بشري شلونه عباس عيونه. انطاهن
والجفين ويوفي الدين وصاهن
خل الماي لا تشرب ماي كلناهن
عباس وصيته. . . بحسينج رويته
وبعد وصيت اهواي. . . اني ام الرواي
. . . .
قصر ابني موقف هظمني. عاف الماي
عاف الجوده يم جنود. . موش فياي
اسمع زين ابني بحسين. . اهواي
لا تعوف حسين. لو تنطي عين
خلي اله راي. اني ام الرواي
. . . . . .
هذا فجر وعين الظهر. سلمته رايه
وكتله بحسين وي الدين. اهوايه
راس برمح عين بجرح. هاي الوفايه
فدولج الج ولدي. . . المهم سالمه انتي
اربع مو اهواي. . اني ام الرواي
. . . . . .
Читать полностью…
الرادود/ علي لفته خضير
10 October 2026 11:32
جبير وهيبة الساده.. ويعلمها
نسلمك راية الشيعه.. ويعلمها
يل عندك اخبار الجره.. وي علمها
تجي وتاخذ ثار الهاشميه
✍️ علي لفته
Читать полностью…
الرادود/ علي لفته خضير
09 October 2026 00:04
(١٤٤٨#الفاطميه)
الدار ماتنطب بعد ... وحشه صارت دارنه
العمر لو يندار الج ... يمه ننطي اعمارنه
رحتي يايمه وجرح خليتي بينه
رحتي يايمه وجرح خليتي بينه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
البيت شنهي البيت بعدج ... يم حسن وشباكي الي
وانكسرنه احنه بغيابج ... وانكسر خاطر علي
هواي جارحنه الزمان ... وندري اكثر نبتلي
لجن مثل افراك وجهج ... صعب ياروحي وهلي
يمه يم جلمة هلا ... العمر ضاع اخلافج
شلون اجه من المكبره ... علي اوحدج عافج
اوين نلكه يم حسن مثلج حنينه
رحتي يايمه وجرح خليتي بينه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كل جرح طبعه يتشافى ... مهما طالت مدتة
وجرح الافراك اشيطيبه؟ ... هذا تكلف محنتة
المامخلين أعلى روحه .... الموت شلنه اجنازتة
ابساع يايمه مشيتي ... الدهر سوه اسوايتة
يم شموع اثمنطعش ... بساع ذبلت وردتج
وانتهت قصة العمر ... وبدت قصة فركتج
ابحسرة املاكه الج يمه بقينه
رحتي يايمه وجرح خليتي بينه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
يمه خمس اسنين عمري ... ازغيره حيل أعلى الدمع
وانحرمت امن الحنان ... الحاشه منه ينشبع
وادري موجوعه رحلتي ... الضلع اذاج الضلع
وفاركيتج وانه طفله ... ونوح كلبي ينسمع
انعى لفراكج صرت ... وبيتي بيت احزاني
عن حسرتي سولفت ... وسمعي حال اخواني
يمه مامره كعدنه ومابجينه
رحتي يايمه وجرح خليتي بينه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افز يوميه أعلى صوتج ... جنت ياروح الجسد
وعيني متعلمه تشوفج ... اوين نتلاكه بعد ؟
الكبر والترب غطه ... اعيونج البيها انسعد
نار بابج طفت يمه ... وشبت ابكلبي أشد
وتعرض بعيني صور ... واذكر احلى ايامنه
بساع طكانه الوكت ... واخذ حضن الامنه
راح حضن البيه يايمه ربينه
رحتي يايمه وجرح خليتي بينه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كلشي وسط الدار يمه ... ذكرانه ابكعدتج
الباب والحايط ودمج ... كلها تشرح لوعتج
منين اجانه الموت يمه ... وعافلي بس صورتج
صدك كلمن كال تشفي ... يمه ريحة شيلتج
صورتج وسط الكلب ... وطولج اليزهي اختفى
جنه ندعي يم حسن ... تكومين النه بشفى
ردنه ترتاحين يمه شكد دعينه
رحتي يايمه وجرح خليتي بينه
✍️عباس محمد الحميداوي
١٤٤٨.٢٠٢٦ شهادة الزهراء عليها السلام
Читать полностью…
الرادود/ علي لفته خضير
24 September 2026 10:08
ماتت رقيه. وهي مسبيه. يبويه.
بغربه هم طاحت. ع الطشت ماتت يبويه
---------------------------------------------------
اذاني يا بويه الشمر كوم الحك انت عليه
بسوطه وركض ليه اجه هم ياخذ الترجيه
شوف السياط شورمت شوف الهموم البيه
وين اركض وانطي الوجه كالو عليه مسبيه
دخلت بغربه. والدرب صعبه. يبويه
والجثث لاحت. ع الطشت ماتت يبويه
---------------------------------------------------
من خيمه اركض يا أبه ولعمتي هم زينب
حركوه الخيام وعبي ع الجثه ضلت تنحب
تشاكف بالسياط وحجر والماي ماهو معتب
ومتونه صارت زرك والسوط يوجر يضرب
بويه اذوني. بغربه كادوني. يبويه
عليه هم صاحت. ع الطشت ماتت يبويه
---------------------------------------------------
خيال اجاني وبالمتن يضرب يبويه عليه
والخنصر انباك بحقد يركض وره الترجيه
دمعاتي نزلت ع الطشت وانحب اريد اميه
كلتلهم احسين انذبح عطشان ابو الحنيه
تكسرت اعضامي. موتي والامي. يبويه
خباري هم شاعت. ع الطشت ماتت يبويه
---------------------------------------------------
طبينه ديوان الغرب وحجارهم هم بمتون
تشاكف سكينه بعمتي ما نكدر نشيل عيون
ذلونه بالسوك ونده خدر الله ذوله تعرفون
بحبال جبنهم صدك يا بويه همه يضربون
والله شتمونه. بويه اذونه. يبويه
عمتي هم كالت. ع الطشت ماتت يبويه
---------------------------------------------------
لخادم رقيه ع.
الشاعر والرادود سيد عون الداوودي
Читать полностью…
الرادود/ علي لفته خضير
12 September 2026 11:17
عمري صار بلا نهار
يوم ماتت فاطمه اعظم مصيبه
حيلي طاح كلبي راح
ساعد الله الشايل جنازة حبيبها
اه اه يم الحسن
____
جتفتني والمتني
وصيه من طه النبي غمدة فقاري
انه حيدر بيتي ينطر
اه من يوم الغدر مستعره ناري
والسقيفه الجانت الصف الاخير
بالحرب وانه علي عليهم امير
هسه تجمع بالحطب يمي وتجيبه
ساعد الله الشايل جنازة حبيبه
___
شكد اعاني خلافج اني
انه حيدر كالجبل دنياي اعيش
ويلي ويلي راح حيلي
هسه مااكدر اشيل جنازه ليش
ياعلي معروفه من توكع تصيح
ياوسافه انه علي اوكف واطيح
حيلي هدت فاطمه ومنين اجيبه
ساعد الله الشايل جنازة حبيبه
__
من عصرته ومن سطرته
نحلت بجلد وعظم جسم النحيف
كوه احسها تجر نفسها
ذبلت ذبول الورد وكت الخريف
نعمة الله فاطمه ونزلت عليه
تبدت وراحت وسف هاي المسيه
ويلي والباب العصر عصره رهيبه
ساعد الله الشايل جنازة حبيبه
_
شوفي راح شستراح
اه يومج فاطمه دمر حياتي
بيش اشوف واني اطوف
بكل وكت يم بابج البي ذكرياتي
ياوكت امشي بظهر محني وبجيت
وانه خيبر شايله بجفي ومشيت
فاطمه تغير علي بيوم المصيبه
ساعد الله الشايل جنازة حبيبه
_
ياكياني وياحناني
روحي انت فاطمه ورحتي من اديه
بليله وحشه بجتفه نعشه
هذا حال المرتضى باعظم رزيه
بريتي جانت فاطمه نسمت هوى
ويلي راحت وانطفة بعيني الضوه
كلبي عاف الدنيه ومرافك نحيبه
ساعد الله الشايل جنازة حبيبه
___
من جبتها وغسلتها
ايدي مرت عالكسر ظلع الزجيه
تحملتها بهم خفتها
ويلي جانت فاطمه تخفي عليه
تحملت هذا الالم صبرت عليه
كله من ذاك الدفع بابي بأديه
يدفع الباب وحرك نار اللهيبه
ساعد الله الشايل جنازة حبيبه
____
خادمكم الاقل
كرار كامل الخزاعي
Читать полностью…
الرادود/ علي لفته خضير
08 September 2026 10:15
سعيد وهذا شانك يظل عالي مكانك
عله أشفار الذّبح نحرك
نزف ويرتّل بنصرك
×××××
بصوت الحق نطقت وهذا الاصرار
من حسين امامك
خَذيته وبي مشيت دروب الأخطار
وتساميت بمَقامك
بوجه طاغوت عصرك وَگفَت أحرار
وگفت وعالي هامك
الشّهاده انته اعشگتها ورادتك وردتها
وختمت بهالشّرف عُمرك
نزف ويرتّل بنصرك
بمدرسة الولايه سنينك اگضيت
وحزت لعله المراتب
الفضائل كلهن اعليهن تربّيت
وخذت منهن مَطالب
ولا للذّله چفّك يوم مدّيت
وصافحت النّواصب
مضيت وهذا دينك بعلي ثابت يقينك
صَحابي ومن وصل قدرك
نزف ويرتّل بنصرك
×××××
صح واحد چنت والـ ضِدّك آلاف
بألسِنها اتبادل
ظنهُم هيچ گلبك للذّبح خاف
وعن دينه يتنازل
مايدرون دنيا الفانيه عاف
ولأمر الله تماثل
وختمت بهالمسيره العُمر بأعظم شعيره
الشّهاده ونبِثَق فجرك
نزف ويرتّل بنصرك
×××××
عرش الطّاغي وينه وذيچ الصفوف
وهذا انته مزارك
عليه أهل الأرض وأهل السّمه اتطّوف
وبالحضره اتّبارك
بعلومك وبتُقاك الطّيبه معروف
ياجهبذ أسرارك
ماواحد عرفـــــها ولا يوصل شرفها
بس العارف بعصرك
نزف ويرتّل بنصرك
×××××
هلا بموت الكرامه صوتك الچان
الهاليوم ايتردد
نسمعه بحضرتك وي صوت الآذان
بمناراته ايتجدد
العلي واليت امام الإنس والجان
اللهُم فَشهَد
بس حيدر امامي وبدينه اعتصامي
الاهي والأمر أمرك
نزف ويرتّل بنصرك
دعيت الله الأخير تكون وانطاك
دعوه المُستجابه
هلك حجاج عصرك والظُّلم ذاك
مُضه الحُفرة عذابه
اندفن بجرامه هوّه وانته علّاك
مزار اتسُّر قِبابه
بني سد حگها تفخر بدمائك بعــــد وأكثر
الحوائج تُقضى عد گبرك
نزف ويرتّل بنصرك
×××××
الشّاعر
أبو سجّاد الجعفري
Читать полностью…
الرادود/ علي لفته خضير
22 August 2026 10:17
ياماي ويانه بعد مالك وجه ياماي
موهاي المرجيه منك لا ابد موهاي
شحيت وانته بعازتك جانت خيم
ضدنه صرت حالك مثل حال السهم
مامنكسر گلبك على مناشغ طفل
تروي اجاك ورجعيته ابوجها دم
ياماي لو عندك گلب
تخجل ندامه وماتصب . وحسين ضامي
ياماي ميفيد العذر
يالطيحت حامي الخدر . وماضل محامي
ويلاه يابت علي ويلاه يابت علي
،،،،،،،،،،،،،،،،،،،،،،،،،،،،،،،،،،،،
يانار ماينفع وياج العتب يانار
ماصار ويانه سويتي القبل ماصار
تعرفيني بتمن انه يا نار الغدر
بنت الحرگتي جفوفها بذاك الكسر
يانار اجيتي ويالجمع ذاك الوكت
واليوم اجيتي اعله الخيم بيد الشمر
يانار مابسج حرگ
شتردين من عدنه صدگ . يوميه لجمه
يانار طيحتي الخيم
حرگيتي باب اهل الشيم . والدنيا ضلمه
ويلاه يابت علي ويلاه يابت علي
،،،،،،،،،،،،،،،،،،،،،،،،،،،،،،،،،،،،
ياليل يالذابح احلام الصبح ياليل
ياحيل ياراحه ضلت بالگلب ياحيل
يالكاسر جناح الضوه بوحشه وقهر
وما كلفيت انجومك اتشيل الگمر
لاگمره طلعت لاشفت دربي وعلي
ضلمه وادورلي ضوه فوگ النهر
ياليل وحشه بطلعتك
اي والله تذبح شوفتك . ماشوفه دربي
ياليل يمعثر الجدم
كل ساعه بجروح انصدم . شيصير گلبي
ويلاه يابت علي ويلاه يابت علي
،،،،،،،،،،،،،،،،،،،،،،،،،،،،،،،،،،،،
ياموت شو ما اجيت اشعطلك ياموت
بلا صوت امنيتي ميته بخيمتي بلا صوت
ياريت ميته ابكربله موتت غصن
ولاتبقه روحي وحشه من هاذ الحزن
جن مگبره ويدخلها بالمغرب بشر
مجويه عيني بدمعتي وذاب الجفن
ياموت عني شعطلك
ستعجل عليه توسلك . ماريده عمري
ياموت ماتسوه تره
صارت حياتي مگبره . ومايهده كسري
ابوفايز الرافضي
Читать полностью…
الرادود/ علي لفته خضير
13 August 2026 20:58
واويلا يا رسول الله واويلا
......
لعنة الله على الصحابه الجاهليه
بعد كم ليلة تبدي ليالي الفاطميه
اثر باب وبسمار تطيح الهاشميه
وبعدك مصيبه تطيح علينه
.....
نبي الله ورسوله مهجة الدين
اذا ترحل انه انطي الوجه وين
حلفتك يبويه بحسن وحسين
وبزينب وابو الحسنين
....
انه الزهره يبويه اكعد حاجيني
بلا ابو دخيلك لا تخليني
يم راسك اجه يبجي احسيني
وكمت ويا ابجي ويعله نوحي
....
بعد بيت الحزن صار وي نوحي
يابعد روحي وده جروحي
رحت انته وحس طلعت روحي
بعدك ما يسكن و نيني
...
علي محني يمشي بلكوه
يكلي راح اخوي ويتلوه
يختنك وما يجر الهوه
ومن الدمع حمره عينه
....
✍️ علي لفته خضير
Читать полностью…
الرادود/ علي لفته خضير
03 August 2026 19:20
أعمال ليلة الأربعين🏴
① الغسل
② صلاة ركعتين وأهدائها الى الامام الحسين «؏»
③ قرأءة زيارة الأربعين
④ قراءة دعاء المشلول وأطلب حاجتك
⑤ اللهم صلِّ على محمد وآل محمد (100)مرة
⑥ لا حول ولاقوة إلا بالله العلي العظيم (100)مرة
⑦ سبحان الله والحمد لله ولا اله الا الله (70)مرة
⑧ استغفر الله العظيم واتوب إليه (70)مرة
⑨ صلاة الليل وبعدها زيارة عاشوراء
ونسألكم الدعاء
Читать полностью…
الرادود/ علي لفته خضير
24 July 2026 01:20
(قصيدة الأربعين ١٤٤٨)
ياعمه وين اكبور اهلنه ... بس كون ياعمه وصلنه
أعلى حسين اريدن أون ونه
واعتابي اكوله ... واعتابي اكوله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابكلبي لخواني ونين وعتب عندي بداخلي
واني مشتاكه لخوتي وهمه مشتاكين الي
وين كبر حسين عمه اوين دافن كافلي
بساع دليني عليهم راح اموتن ياعلي
يمهم اسولف ضيم كلبي // رحت وعليهم عيني تربي
وبس روسهم ماشن ضعنه
أعلى حسين اريدن أون ونه
واعتابي اكوله ... واعتابي اكوله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جايه من الشام اختهم من عذابات الاسر
جايه امحمله اهموم وعتب للخوه شكثر
عمه اريد انعى نواعي واحضن بجفي الكبر
ارد اكلهم هذا متني ورماه سوط الشمر
ارد اروايهم زراك امتوني // ارد اكلهم كومو واتلكوني
وابسوك اكلهم طب ضعنه
أعلى حسين اريدن أون ونه
واعتابي اكوله ... واعتابي اكوله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بعد يالسجاد شحجي عن هظمنه ابهل الدرب
ارد اكلهم عكب فيكم كعدونه أعلى الترب
ارد اكلهم ها يخوتي عشت جم موقف صعب
وكفونه ابنص شماته وحاطت اضعوني الغرب
ارد اكلهم للمجالس دخلونه // ارد اكلهم شتّمو امنه وابونه
وياموقف احجي بعد عنه
أعلى حسين اريدن أون ونه
واعتابي اكوله ... واعتابي اكوله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
جايبه من الشام روس وجايه ابهمه وعَجل
روسهم بيدي ولاكن كلبي بيه منهم أمل
بلجن يكومون اليه وحالي ايسووله حل
ارد اكلهم ها يخوتي ابدونكم مابيه اضل
وعن بناته حسين لو نشداني // شرد اجاوب حايره عمه اني
وبكلب ابوك شكد محنه
أعلى حسين اريدن أون ونه
واعتابي اكوله ... واعتابي اكوله
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
افراكهم شيهون منه؟ مفاركه وين السمح
وجنت من اشتاك ليهم انظر لراس الرمح
رايحه ادفنهم واردن ولالي شوفه ولاتصح
هذا اليزود المصاب وهذا اليعور الجرح
ومن اردن للمدينه شحالي // والضعن من اخوتي يرد خالي
والراس عمه من ادفننه
أعلى حسين اريدن أون ونه
واعتابي اكوله ... واعتابي اكوله
✍️عباس محمد الحميداوي
١٤٤٨.٢٠٢٦ صفر الخير
Читать полностью…
الرادود/ علي لفته خضير
21 July 2026 18:42
ياخويه حسين باخر انفاس
انه المسموم وانته ابلاراس
عندك امانه القاسم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴
يحسين اعز ماامتلك ابني والك دمه فده
هذا الشبل باجر يجي بطفك يمثل والده
وصيته باجر يستعد لوشاف عمه لوحده
▪️▪️▪️
يفزعلك ودمه يسيل ياخويه بين اجفوفك
وتذكرني ياخويه اهناك جن حاضر انه اطفوفك
▪️▪️▪️
ياخويه حسين هذا الوفاي
من تعطش كون يفزعلك ماي
هوه لوصيتي فاهم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴
ياخويه انه ابنص هلي يحسين صارت موتتي
وبحجرك اني من متت وانته التشيل اجنازتي
ولاصوبو راسي بحجر لاخيل داست جثتي
▪️▪️▪️
ماصار يحسين مصاب ياخويه مثل العاشر
اتحط اعلى صدري الجفين وانته اعلى صدرك حافر
▪️▪️▪️
خويه تمنيت حاضر يحسين
واسگيك بماي من دمع العين
بس انته كونك سالم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
شيل الطشت زينب اجت ياخويه ماتحمل جرح
اليوم تنظر للطشت باجر تشوفك تنذبح
الله يساعدها بعد مايطلع اعليها صبح
▪️▪️▪️
باجر سبيه وللشام تمشي بضعن جتالك
مجتوفه زينب بحبال وياها كل اعيالك
▪️▪️▪️
ماتحمل سوط بت حيدر هاي
التفگد خوان تبقه ابلا راي
واتطب بقصر الظالم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
معروفه لليفگد أخو يگظي العمر محني الظهر
وانته كسرتين انكسر وحده بمحرم وبصفر
مره انكسر يم الطشت مره انكسر يم النهر
▪️▪️▪️
تفگدني تفگد عباس ياخويه الله يعينك
هم وحزن بس الام تگظيها كل سنينك
▪️▪️▪️
اليفگد خوان مكسور اجناح
كل عمره ينوح لامايرتاح
وبحاله الله العالم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
ياربي عجل بالفرج والمهدي طالت غيبته
واعلى النواصب ننتفض والحسن نبني گبته
زواره مشايه تجي بيديها ترفع رايته
▪️▪️▪️
باجر نطب لال اسعود والمهدي بيده الرايه
وتگوم تطلع زوار سبعه بصفر مشايه
▪️▪️▪️
واقع ويصير لا مو احلام
مولاي نصير بصحنك خدام
والرايه بيد القائم
هذا ابني يمك خادم
اخر انفاس
🏴🏴🏴🏴🏴🏴🏴🏴🏴🏴🏴🏴
✍️احمد علي البغدادي
Читать полностью…
الرادود/ علي لفته خضير
01 July 2026 10:18
جرح الأكبر 💔
الله واكـــــبر خوية طاح وليدي
ياخوية زينب علي راح من ايدي
عينيني اوسدة بلخيام
بعد ابني ع الدنيا السلام
اه راح الولد
++++++++++++
زينب من وصلت ابني متت بيناتنة الخوة
وصلتة اتعثر بدربي لكيتة يجر نفس گوة
شيضل بلوالد امن يشوف بزرة كبالة يتلوة
ها يا بعد ابوك حسين گتلة وانلجم هوة
..
زينب يخوية من وصلت لابني
مهدوم حيلي وگوة شلتة بحضني
حيلي الگبل ما ضل الي
يا زينب الرايح علــي
اه راح الولد
+++++++++++++
يفت گلب الابو العطشان من وليدة يطلب ماي
گتلة اصبر يروح حسين جدك تلگة بيدة هواي
علي يا بوية گتلة شلون ارد لمك اگلهة بهـاي
گتلة برايي بوية أنخاك گـوم وما گـدر ع الراي
..
عطشان من گلي كتلني بهاية
گتلة النهر تعبني بوية هواية
يا بوية گتلة انا شبدي
تشكيلي ع الگطعو علي
اه راح الولد
+++++++++++++
يزينب الأصعب امن الموت الابو من يركض لبزرة
ابو ضامي وابن عطشان الدرب خلصتة بلحسرة
حضنتة وكتلة بوية شبيك طبگن صدري وي صدرة
خشن صوت ابني كد ما جان مثل عود الخشب ثغرة
..
حطيت ثغري بثغر الأكبر خوية
عطشان مات الله واكبر خوية
يا خوية فت لب الگلب
من شفت الأكبر علترب
اه راح الولد
+++++++++++++++
زينب شرد أكل لامة شلون بليلئ خوية شلون
وانتي أم وبعد تدرين عند امه الولد مكنون
تاه براس اخوج الرأي حل شوفيلي يختي ام عون
ليلئ تموت من تشوف ابنهة بكل كتر مطعون
..
يم خيمة امة گمت اخاف نشيلة
ميت علي وخافن يموت ليلة
بطيحت علي گلبي انمرد
يمكن تموت ام الولد
اه راح الولد
++++++++++++++
حسن جاسب الفريجي
Читать полностью…
الرادود/ علي لفته خضير
14 June 2026 18:59
العتبة الحسينية المقدسة : مساء الثلاثاء موعد رفع راية الحزن، والأربعاء أول أيام شهر محرم الحرام.
Читать полностью…
الرادود/ علي لفته خضير
22 May 2026 20:33
هلال الحزن. . كلبي يون. . محرم هل علينه
محرم مصيبه. دمعة سبيه. يطيح ولينه
كل مصيبه بيوم. . . تخلص روحي اهموم
محرم هل علينه
. . . .
هل علينه الحزن والفراك
كل ليله احس الكم اشتاك
كل ليله تخلص هم وفراك
وبقه نوح خويه ونصل نبراك
ليله اخلص بونين من لذكرك يا حسين
باجر اهلال نولينه. . . محرم هل علينه
. .
هذا شهر الدمع وكل جروحي
وكل ذكره منه تطلع روحي
ماينصه لطمي وشيسكت نوحي
كلساعه ويلا اصيح يا مذبوحي
ويلاه الف ويلاه .... شسوت كربلاء
ما نلتم بعد طشرينه. . . محرم هل علينه
. . . . . . .
كل سنه مثل شهر شهر العزيه
هلال محرم يا خلك عل عليه
باجر تروح واني احبال بديه
كلي بعدك يل أخو شبديه
باجر يطيح علمنه. . وتحترك خيمنه
نصيح يا ولينه. . . محرم هل علينه
. . . . . .
هذا عاشور الجرح ونوح ودموع
وكل ليلة تحل تطلع الروح
هاي ايام المصيبه ويعتلي النوح
عطر منك يا خويه للحرب يفوح
عطرك يدليني. . . بجسمك يوديلي
وي جسمك تلاكينه. . محرم هل علينه
. . . . . . .
دموع هاي ايتام باجر منها تشرب
وكم طفل ويتيمه عكبك تتعذب
وباجر اخيام وحرك ونار تلهب
جم يتيمه باجر وي العيال تنحب
خل اعلكلك شموع. . بلكت تطيب الضلوع
نار جلبت بعبينه. . . . محرم هل علينه
. . . . . . .
هاي ليلة وتروح هاي الرجال
وتشوف باجر خويه بيدي حبال
ويصيح الشمر اربطو الأطفال
بيا حال انته واني بيا حال
خويه راسك عل رمح. . . كلساع كلبي ينجرح
نصيح يا ولينه. . محرم هل علينه
. . . .
✍️ علي لفته
Читать полностью…
الرادود/ علي لفته خضير
15 May 2026 15:51
انه افرح من يحشمني حسين. . ويسراي
اخر مره حشمني بل طف. . . ويسراي
انطيته عيني ويمنتي ويسراي
عفتهن اهناك بل غاضريه
✍️علي لفته خضير
Читать полностью…
الرادود/ علي لفته خضير
09 May 2026 17:02
اخذو الوصيه هايه المنينه
اربع زلم اربع جهات
كون يطاوقون الفرات
لزينب أميره لزينب أميره
. . . . .
من يمشون وي ضلها. . راي وراي محملها
يا بعد العين يكلها العباس
خويه تصيح يا عمري وفيت اهواي خدري
تعبت اهواي انه أدري يا عباس
هاي الوصيه الاربعه. . . لجهات الاربعه
وهذا القرار. . . لبت كرار
هل بنات محجبات. . . . اربع زلم اربع جهات
لزينب أميره
. . . . . . . . . . . .
زينب كالت لعباس يبعد العين يرفعت رأس
خدري وياك ينوماس وياك الحيل
ما ادري باجر شلون لو صدك تغمض عيون
راح يتغير الون. . . . . . . لون عباي
انته الماي واهل الماي
ترجع يمك كل هاي
هاي عيوني. . . . باجر يسبوني
هل وصيه من والدات اربع زلم أربع جهات
لزينب أميره
. . . . . . .
بكل خطوه انته يمي وفتخر كون بن امي
حامل خدري وكل همي هذا الدين
تستاهل دمع عيوني شلون تروح من دوني
اهلي وياك ودعوني يبعد العين
عفت النوم يا عباس باجر نشوف هل ناس
باجر يضربوني. . . هم يسبوني
هل وصايه مألفات. . . . . اربع زلم اربع جهات
لزينب اميره
. . . . . .
باجر هاي كل خيول على حسين تره دور
هم تسحك خويه صدور يوفاي
يا بعد عيني وروحي ياكلبي ودوه جروحي
وافديك خويه بروح عوف الماي
رحت وراح كل عمري شلون اعيش ما ادري
لشام يودوني. . . . خويه ويضربوني
ويصيحون العابس مات اربع زلم اربع جهات
لزينب اميره
.............
✍️علي لفته خضير
Читать полностью…
810